Тут псалтирь рифмотворная 53 страница

Жеривол

Умирати всяко

Бозы не могут, их бо вредити ничтоже -

ни огнь, ни меч, ни вода, ни земля - не може.

Владимир

Не вbм сего.

Жеривол

Есть един вред смертний: от глада

умирают иногда, того ради стада

Тучнии им на жертву обыкоша слати

боголюбцы, от них же перваго тя знаты

Должни есмы, о княже!

Владимир

Но рцы, в чем болbют

бозы твои.

Жеривол

Первbе твои сут. Имbют

Сокрушенны нbкие кийждо своя уди.

Милостив убо буди им, молю тя, буди

Милосерд.

Владимир

Что же творим? Послухай моего

совbта, Жериволе! Иннаго коего

Болшаго взищbм бога.

Жеривол

Быти се не может.

О княже, како един толиким поможет

Народом твоим?

Владимир

Ни ли един аз владbю

всbм народом? Что се ест, аз недоумbю

Сказати.

Жеривол

Нbст се дивно, нbст ни мало чудно.

Ти болш смисла имаши, им же тако трудно

Мудрствовати. Ти, егда изийдеш от тbла

(не лгу, ни ласкателно глаголю), до зbла

Превознесен будеши и над всbх не мало

богов болий: мал тебb Позвизд, мал Купало,

Мал Мошко, мал Коляда, мал Волос; сравненний

с тобою и сам Перун будет умаленний.

Владимир

Аз толик сий, обаче от меча боюся

смерти. Богов же како (что се ест, дивлюся),

Богов како не может тоежде вредити?

Жеривол

Рbх, яко кромb глада не могут умрbти.

Владимир

Вbм убо, Жериволе, како тя сотворим

безпечална, да гладом болних сих поморим.

Жеривол

Что слишу? Аз погибох. О княже всезлатий,

вседрагий, вселюбимий, всемощний, богатий!

Престани сих помислов! Буди милосердний!

Вижд слезы, вижд трепет мой, вижд плач мой усердний.

О княже! О господи! О владико! Кую

злобу богов видиши, яко сицевую

Ярость на них воздвиже?

Владимир

Аз от любви сие,

не от ярости творю, да бозы благие

В болbзни не мучатся. К тому, что ползуют

болни? На что потребни суть?

Жеривол

Ясти требуют.

Владимир

Жериволе, вижу тя великаго быти

боголюбца; но сие нужно отложити

На ино время. Нынb послушай моея

потребы. Дойде ли вbсть честности твоея

О прибывшем к нам послb царском?

Жеривол

Слышах, княже.

Владимир

Мню убо, яко вbси и вину, ея же

Приход его ест?

Жеривол

Не вbм, но боюся зbло

прихода его сbмо: имать быти дbло

Ратно, немирное.

Владимир

Ни, еще завbщанний

мир со намы крbпчае хощет сей посланний

Утвердити; совbт же дает в крbпост мира,

да и от нас христова восприймется вbра.

Жеривол

О княже! Что се слишу? Се мир? Се брань зbлна,

яковой от лbт древних Россия всесилна

Еще не имbяше.

Владимир

Не нанесет брани

цар, аще и не приймем вbри их. Престани

Всуе скорбbти. Твой же кой совbт ест? Како

на се им отвbщаеш?

Жеривол

Не хощем вас всяко

Послушати, ни ваша прияти совbти.

Мы болш богов имbем.

Владимир

Но на их извbти,

Ими же нас приводят, что рещи имами?

Жеривол

Вbм, что се ест: прbтися словом хощут с намы.

Аще тако, добрb ест; всуе уповаша,

яко нbст ум в России, яко област ваша

Мудрецов не имbет. Да уразумbют

невbжу Жеривола.

Владимир

Скоро зде имbют

Быти, аз бо их просих. Ти же удалися

мало; им же пришедшим, паки возвратися.

Дерзок ест, но не чато, не препрbн от слова

мудрец наш аще будет.

Глbб

Обично такова

Дерзость величавая в дbлb не бывает

многомощна и себе суетну являет.

Борис

Посел, яко же слишах, велми ест славимий

во Греции философ, и между своимы

Едва ему, глаголют, обрbтеся равен.

Искусен в учении, красомовством славен;

К тому же и страннии изучи язикы,

умbет и наш руский. Муж же сий толикий

Не кичится, глаголют, но кроток ест в нравb.

Владимир

Вbрно слово: бесbда его творит явb,

Яко славное его имя не ест тощно,

з бесbди бо, каков кто внутр ест, знати мощно.

Вbстник

З Греческой землb посел паки входа просит.

Владимир

Да прийдет здb, иже нам добру вbсть приносит.

ЯВЛЕНИЕ ТРЕТОЕ

Философ, Владимир, Жеривол

Философ

Первий мой приход, княже, велbнний ми бяше

царем моим, нынb же величество ваше

Прийти велbл ми еси. Аз яко моего

царя и величества, такожде твоего

Творити волю готов: оному повинно,

тебb любовно должен, обоим всечинно.

Владимир

Сие ти усердие и любов толика

велит ми потщатися, да царь и владика

Твой мене не побbдит, ниже да превзийдет

в любвb своей ко тебb. Но да болший прийдет

Сей долг на мя любовний; молю тя, не буди

тяжек (аще хощеши, да не всуе труди

Путы твоего пойдут), скажи нам подробну

глави вашых уставов; сотвори удобну

Увbрению быти вbру нам Христову,

да увbмы, какову взяти и какову

Отвергти подобает.

Философ

Во всякой потребb

должен тебb есм, в сей же найпаче ест требb

Да служу нелbностно; на дbло бо сие

не токмо мя царь посла, но и прилbжнbе

Сам бог завbщавает.

Жеривол

Что ми велит ваше

величество? Се прийдохь.

Владимир

Давно ми мисл бяше

Призвати честность твою; угодна обаче

не бb времени, нынb есть. Тебb найпаче

Достоит се вbдати, кия ми совbти

преподает царь римский: закон измbнити

Совbтует, ти же нам закона начало.

Жеривол

Непотребна измbна, идbже ни мало

Зла не обрbтается. В нашем же уставb

кий порок ест? Развb то вbдомо державb

Твоей буди! Болшие жертвы приносити

богом должно ест; зри бо, что нам сотворити

За нелюбов прещают. В сию нощ до ложа

приступи ко мнb нbкто худ, сух, кост и кожа

Едина; аз не познах, Купало же бяше.

И, скорбен, возрbв на мя, рече: "Чесо

Беззаконие растет, малит же ся зbло

боголюбство? Видиши, Жериволе, тbло

Мое кое ест? Гдb суть многотучны жертвы?

Мните ли, яко бозы силнии суть мертвы?

И не требуют ясти? И тебе самаго

козлоядом назвати требb. Таковаго

Зла не терпим прочее! Не даете ясти!

Мы убо вас жаждею сотворим пропасти.

Изсушим Днbпр или бbг его воспят пустим,

но и самий по малb род скупий опустим".

Се рек, мняшеся на Днbпр скоро отходити,

аз же остах трепетен. Что убо творити

Имамы и коей нам требb ест измbни?

Отсюду познай, княже!

Философ

Сонния то сbни

Бяху и позорище трезвым не ужасно.

Слиши, что не от нощна примрака, но ясно

Пред всbмы ти глаголю: не токмо вод рbчных

не изсушать вам бозы, но, аще от вbчних

Обителей бог призрит милостивно на вы,

в водb той богов ваших сокрушатся главы.

Жеривол

Да на твою то прежде обратится, мерзкий

хулниче, клеветниче!

Владимир

Что ти тако дерзкий,

Жериволе? Посел ест и откуду, вbси,

и до кого прислан есть. Или в словb нbси

Искусен? Словом чинним, не сваром преприся.

Жеривол

Аще тако велиши, княже, добрb случися

Час мнb сей. Но что имам глаголати с вамы?

Един вам токмо ест бог?

Философ

Едного имамы.

Жеривол

Слишах тако. Се же что? И како он нужди

всbх человbк понесет? Како ему чужди

Скорбы во сердце внийдут? К тому аще бозы

вам кромb единаго не суть, почто мнозы

Жерцы во вас? Едия ли всbм тим доволствует

вол на жертву? Что се ест? Сам же что готует

Ясти себb бог? Рци мы. Велbл еси, княже,

словом препиратися; аз никоеяже

Не вижу в нем мудрости: молчит, не вbщает.

Философ

Таков слову твоему отвbт подобает.

Жеривол

Таков и аз, вbм, ибо аще достизати

высоти моих словесь не можеш, молчати

Нужда ти есть. Но рци ми, коей найболш сласти

в ядении бог ищет? Что найпаче ясти

Любит он? Рци, молю тя.

Философ

Аще би не тако

земен был, могл бы еси знати, яко

Дух сокрушенний - богу жертва ест любима.

Жеривол

Ха, ха, ха, ха! Слишbте! Слишbте славима

Бога християнского! Убо ниже пиет;

жаждний, гладний и бbдний - дух ему довлbет,

Парею сит.

Вси жерци смbются

Философ

О, смbх ваш достоин слез многих.

Жеривол

Мы же богов имамы не тако убогих:

Упиваются медом; гусей, курей страви

тучат их, а найпаче тучнbйшие кравы

И волы пожирают. Еще ти немногу

вещ реку: кое лице свойственно ест богу,

Красное ли бbлое? Кий шар им приемний?

Философ

Вbм, кий вид богов ваших - черны сут и темны.

Жеривол

Ваш же каков?

Философ

Не вbмы, ест бо невидимый.

Жеривол

Слишbте, что нам сказа? Се ли он хвалимий

Философ? Чуждих богов вbст, не вbсть своего!

Не вbст, в кого вbрует. Княже, вижд коего

Учителя имаши.

Владимир

Престани! Стижуся

красомовства твоего.

Жеривол

Владыко, чуждуся

Твоему величеству. Вbруй ми, нигде же

тишайшия бесbди не сут, но понеже

Кратким словом истинну хранити нbст волно,

дbлом смирю хулника а смирю доволно.

ЯВЛЕНИЕ ЧЕТВЕРТОЕ

Философ, Владимир, Борис, Глbб

Философ

Не буди величеству твоему в досаду, -

се ли в вас мудрецы сут? Аз овчему стаду

Не дал би сицеваго вожда.

Владимир

Сие восписати

не требb ест закону, ниже порицати

Державу нашу: род наш жесток, и безсловний,

и писмен ненавидяй - сему ест выновний.

Но не во всем Жеривол глагола безумнb:

како ест бог невидим, не вbм аз.

Философ

Разумнb

Отсюду начал еси. Аще бо видимий

был бы бог человbком, не был бы множимий

Собор многобожия, но ниже би вbрb

возмогло тогда бьгти мbсто во всем мирb.

Вbра ест вbровати во вещ таинственну,

ниже ест неприлично быти сокровенну

От очес смертних богу. Солнце, ходяй горb,

обаче дерзких очес не терпит: воскорb

Отвращает зbницу. И вы, земны суще

и тожде со иннимы естество имуще,

Чести ради не всbм вас хощете являти,

многим на престол царский неволно взирати.

К тому бог дух ест, ниже вещество имbет,

и тако до зрbния его не довлbет

Око плотское. Се же явb ест отсюду,

яко и души нашей не можем отнюду

Видbти, какова ест.

Владимир

Како убо вbмы,

яко бог ест, понеже нам ест невидимий?

Философ

Сей разум от естества имbет начало.

Древнии бо еллини, не суще ни мало

От бога изученни, сие имbяху

познание. Егда бо весь мир разсуждаху,

Видяще в нем толь многу твар и толь различно

здание и всbм вещем данное прилично

Свойство и согласие, яко и в толиком

множествb не ратуют на ся, но в великом

Мирb стоят и в един конец намbрают,

ниже когда данний им чин свой измbняют.

Свой путь имут свbтила, свой брег знают води,

свое время вbдает земля, из ней плоди

Исходят, кийждо от них во время подобно.

То зряще, философы рbша: "Неудобно

Быти сим без начала и потребной власти.

Но нbкто созда сия и держай упасти

Не дает и премудрим смотрением строит:

убо того и богом нарещи достоит".

Тако вси мудрствоваху.

Владимир

Добрb се. Но кая

нужда ест, да, многия твари разсуждая,

Познаим токмо быти единаго бога?

Многих бо создателей твар требует многа.

Философ

Ни, княже! Не может бо что началом быти,

аще не ест едино: началу имbти

Первенсгво подобает. Убо аще мнозы

суть во вас; вси ли тие первие сут бозы?

Аще ни, един убо; аще же вси, како

в многом числb нbсть вторий, ни третий? И тако

Всbм вину подобает имbти едину.

Владимир

Но откуду вbстно ест, яко еще инну

Жизнь глаголете быти и вbк инний новый,

сему преставшу?

Философ

Сие извbщенно словы

Пророков нам ест; ниже вbру невозможно

отъяти, ибо о них многажди неложно

Событие познахом. Но и сие вbстно

бысть древним любомудрцем. Платон бо извbстно

Творит в едной бесbдb, яко душа наша

ест безсмертна, и его разум вси прияша;

Един токмо Эпикур не хощет прияти.

Еще же и отсюду тожде само знати

Мощно ест. Бог, всякоя вещы сий начало,

имать вси совершенства, от них же ни мало

Видим в различной тварb. Аще убо цвbти

красния зрим, должно ест тожде разумbти

И о бозb, яко ест всей красоти полний.

Видим свbтила, убо свbта ест доволний

Источник бог. Чудимся величеству мира:

велик убо и бог ест, и нbсть ему мbра

Равна в тварb словесной. Знаем всемогуща,

видяще крbпост мужей; знаем всеимуща,

Зряще на власть царскую; мудра быти знаем

от мудрости созданной. Сице устрояем

Правди его извbти; сие же едино

доволно показует, яко имать инно

Житие быти кромb временнаго, еже

во различних случаях преходит. Понеже

Не равна дbла нынb творят человbцы:

ин добронравен, ин ест лукав; в сем же вbцb

Не вси по дbлом своим мзду и казнь приемлют;

многажди добри страждут, лукави же вземлют

Чести превысокия, убо не вbнчает

на земли бог праведних, ни злых осуждает.

Како убо сам прав ест, аще здb кончати

всю нашу жизнь имами, ни иной чаяти?

Обаче не тако ест: бог, правди хранитель,

ин вbк нам уготова, в нем же и отмстител

Злим будет, а праведним воздаст мзду сторичну;

сим радост безконечну, оным же казнь вbчну.

Владимир

Прежде твоей бесbди сим образом тое

поразумbвах всегда: егда бо что злое

Аще и втай сотворих, совbсть мя мучаше.

Размишлях, что боюся: все житие наше

Здb кончается, мнb же кто здb может бити

судия? Но так внутрней скорби утолити

Не могох. Скажи еще: како о сем мирb,

како о человbцb, како о сей вbрb

Христовой мудрствуете?

Философ

Прежде всего вbка

бог, сий доволен в себb, созда человbка

Во времени, от своей благости единой,

не да здb живет присно, но ко лучшей инной

Жизни да свой пут творит. Мир же сей всеродний

дал ему в напутие, дабы путь угодний

Имbл, и того ради лице понуренно

иним даде животним, нам же возвишенно,

Да идbже отчество, тамо ум возводим.

Сего и от еллинской мудрости доходим.

Но человbк, своея не разумbв чести,

ни познав благодати, сведен же от лести;

Скотом, от них же лицем разнствует, тbм страстно

сердцем уподобися. И мню, яко ясно

Вbси, яже о падшем Адамb обично

повbтствует: тебb бо со всяким различно

Общество ест народом, и со християны

бесbдуеши часто. И оттуду на ны,

Аки от источника, вся нужди и скорбы

истекоша, болbзны, распри, браны, борбы,

Глади и губителства; сама смерть тогожде

корене и, что смерти лютbйше ест, тожде

На разум наш наведе облак нbкий темний,

им же быв ослbпленний человbк, весь земний

Сотворися; горb же мало кто возводит

сердце, и сим идолом чест скверную родит.

Сим себе весь мир тако обезумил бяше,

яко кромb иудей весь род почиташе

Мертво дbло рук своих. Но смотри, коликий

бог наш ест во милости; не терпит во вbки

Мир тако погибати, хощет воздвигнути

лежащих от падежа, не вbдущих пути

Исправити, плbненных з ада свободити,

еще же да и правдb удовлетворити

Божией за преступство человbк возможет.

Но понеже ни ангел, ни человbк может

Извести сия в дbло, созданну бо силу

превосходит, сам к тому (дивная вещ!) дbлу

Снийде. И зри, коль мудрb! Сам плот человbчу

восприять на ся, прошед утробу дbвичу,

И бысть бог и человbк, единbм связуем

лицем в двою естеству. Того именуем

Христа; той бо пострада и утоли за ны

гнbв божий, той смертию своею от страны

Адскоя возведе нас, той научи, како

о бозb да мудрствуем. И сказа нам, яко

Един ест бог истинний, но лице тройственно -

отец, сын и дух свяУий; отцу ест свойственно

Раждати от нbдр сына, духа изводити,

онbм же от едина отца исходити.

Сын убо плоть изволи нашу восприяти

от дbвы, в той пострада, на крестb распятий,

Умре и погребен быст, воскресе и явно

многим сие сотвори, потом же, преславно

Возшед на небо, сbде одесную бога.

Суть же и инна, яже даде нам премнога;

Но не всbм вся годствует повbдати. Когда

облечешся во Христа крещением, тогда

И инная увbси. Нинb еще сие

увbдай и у память паче всbх силнbе

Водрузи: мы вbруем извbстно и ясно,

яко будет день судний, страшно и ужасно

Время, день стенания, день туги, день гнbва

божия, вон же люта и неувbтлива

Мест погубит грbшников, блазы же вbнчанны

будут во славb. Прежде убо нечаянний

Глас трубы пройдет землю, той мертвих возбудит

(дивна вещ воистинну!) и на суд понудит

В едино собратися; во огнь облеченний

судия сядет, здb же и полк безчисленний

Огненних слуг предстанет. Да и всbм же вbрний

свидbтель - совbст своя вся бо наша знает

Тайная; той судия и сердца пронзает.

Разлучить убо благих и злих на двb части:

Тих в радость воведет, а им же мира сласти

препяша путь спасенний пошлет во огнь вbчний.

Вbчний огнь! Се страшно ест. Кто безчеловbчний

тако будет, его же не устрашит сия!

Княже, добрb о себb разсмотры. Виждь, кия

совbти даю тебb. Первbе вся мира

Состави разверзутся, неже наша вbра

измbну приймет: сию нам предвозвbстиша

Пророцы неложнии, в пbснех предгласиша

и древния сивилли, еллинские дbвы,

Но вземшии от бога разум прозорливий.

Сию царие, сию прияша всецbло

Премудрии людие, и миогия зbло

чудеса утвердиша, и мнозы за сию

Кров свою излияти, под меч нести вию,

нищету, изгнание, темницы, оковы

И вся нужди терпbти бываху готовы.

Богатства, слава и чин княжеский великий

Минут скоро и стати не могут во вbки,

яко же и прочиих минуша; но яже

Аз глаголю не имут конца никогда же.

Владимир

Дар, его же нам посла цар ваш, честен бяше;

Но безцbнний ест бьгсер, его же ми ваше

благородие нынb дарует. Той убо

Должна мя в любвb моей творит, да сугубо

вbрну приязнь утвержду, аки ко моему

Брату; но за премудра словеса твоему

благородию в том мя должна знаю быти,

Да буду тя отселb во отца имbти:

царевb бо дар за дар отслати довлbем,

За твой дар равно дати ничтоже имbем.

ДbЙСТВИЕ 4

ЯВЛЕНИЕ ПЕРВОЕ

Владимир, Борис, Глbб

Владимир

Имате ли нbкое сумнbние, чада,

во словb философа?

Борис

Мнb еще отрада

Великая на сердцы; егда бо он слово

простираше, мнится мнb, яко вино ново

Вливаше мы во сердце.

Владимир

И аз таковую

радость имbх, но нынb инну во мнb чую.

Измbну: сон мя нbкий устраши до зbла.

Нbкиим черним мужем изведен от тbла

Мняхся бити и водим сквозb дебр пустинну,

потом ввержен в дол темний, потом же ко ину

Мbсту, свbтлу и злачну, но не вbм, коего

страха полну, приведен, - доселb моего

Покоити не могу сердца. К тому громы

зbлния слишах, потом весь от огня жгомий

Лютb бых; отвсюду же псы лаяху мнозы.

Боюся, да не гнbв свой поощрают бозы.

Глbб

Истинна ест, яко гнbв поощрают бbсы,

но суетний их меч той. Вbмы, яко нbси

Сам устрашен. Нашего сердца испитати

хощеши, отче! Мы же тебb подражати

Во всем приобикшии, ни мало в сем дbлb

не разнствуем от тебе; бbсовской же силb

Весма поругаемся: во снb страх наводят.

Почто, аще силны сут, явb не исходят

На брань? Аки татие, покровенны тмою,

дерзают на спящаго и сbнь со собою

Ведут на помощ. Лютий полк сут и ужасний,

лаяху же, яко псы, добрb; ибо гласний

Крик имуть, но ничтоже криком успbвают,

не ложни в том, яко в псы себе притворяют.

Мы, отче, велbния от твоей державы

ожидаем; аз сею рукою им главы

Покрушу, аки скудель.

Борис

И о мнb не ино

имb разумbние, отче! Непремbнно

Согласие наше ест; ниже кров сродственна

тако нас вяжет, яко вbра божественна.

Владимир

Радуюся, о чада, яко ко благому

преклонны есте зbло; обаче влекому

Волю ко желанному не всегда ползует

свободно простирати, но да совbтует

Первbе трезвий разум на мнозb, и тогда

безбbдно пойдет воля: она бо иногда,

Мняще быти вещ добру, избирает злую.

Отидbте на время. Аз здb совbтую

Наединb со мною. З воску имут дbти

сердце, скоро их на вся преклониш совbти.

ЯВЛЕНИЕ ВТОРОЕ

Владимир, помислы гордие

Владимир

помишлением гордим

Коль многы совbти суть, их же лице красно

мнится быти, но, егда разсмотриш опасно,

Инако являются. Первое се явb:

породится от сего укоризна славb

Нашей. Не повергу ли греческим под нозb

царем вbнца моего? И их же на мнозb

Усмирих побbдамы, тbм сам подчиненний

буду? Не оружием, едним побbжденний

Словом философовим! Инако же носит

обичай: да закона побbжденний просит

От побbдника, сей же тому да владbет.

К тому мир знает, яко сили ми довлbет,

Да с римским царем сяду купно же и равно,

не тако, аще его ученик есм. Явно

Се всbм укорение. Но уже и время

мину ученичества; егда мал бbх, бремя

Сие на мнb не бяше,-нынb, на престолb

княжем сидяй, поддам мя учителской волb?

Доселb бbх яевbжа, и невbжи бяху

князы праотцы мои; вси бо почитаху

Сих богов несумbнно. "Убо от безумних

порожден ест Владимир?"-Кто от многоумних

Боляр не повbст тако? И не токмо сие

рекут, но (что ми сердце уязвит лютbе)

Рекут, яко не ради вbри приях вbру,

но страха ради, хотяй завbщанну миру

Крbпост дати, аки би страшна мнb со греки

бран была. Но что сия возмогут вопреки

Оглашенной истиннb? Что сего порока

множае аз боюся, неже цар? Высока

Велми и его слава. Но нам совbтуя,

креститися не рече, да не аз, дряхлуя,

Творити се явлюся. Аще же и тое,

еже аз мишлю, будет, что же се ест? Кое

Зло ест хулиму быти от рода лукава?

Дим ест един - людская и хула и слава.

А яко стар учуся, то ли будет бbдно?

Учитися добраго во всяком не стидно

Ест времени: "До смерти (обще гласит слово)

всяк человbк учится". Но на мнb се ново

Явится - от праотец никто же не бяше

християнин. Что к тебb? Аще бо и наше

Не было бы от князей сродство, князем быти

не требb бы нам было! Како же смирити

Имамы славу? Ни ли и во християнех

суть князы? Сут царие, сут крbпкы во бранех

Воины. Аще же то и не будет тако,

что ест цвbт мира сего? Не видиш ли, како

Цвbтуще увядает! Вся, аки дождевний

туман, аки дим, аки крин единодневний,

Аки сон, ищезают! А и сие благо

толь худое колико имат в себb злаго,

Вражд, завистей, болbзней, случаев различных!

Сия ли мя усладят? Сия от благ вbчних

Удержат мя? Не буди! Но камо идеши,

княже бbдний? Триста жен гдb сут? Небрежеши?

Всbх отвращаешися? Убо ти звbр дивий,

а не человbк еси; тако горделивий

Будеши, хотяй быти смиренний. И сию

мзду воздаси за любов? Уви мнb! Весь тлbю,

Жегом огнем сердечним, вес внутр изгаряю,

пламень внийде в утробу. О горе! Не чаю

Жив быти, аще прийму закон нелюбимий,

иго тяжкое, ярем неудобносимий.

Аще же ми исперва сие повbданно

было бы, когда еще не бb привязанно

Сердце мое толь долгим обичаем сластей,

удобнbе было бы. Нынb же огнь страстей,

Толику силу вземши, како ест удобно

угасити? Отсюду мнится неподобно

Учение христово: учит утоляти

похоть плотскую. Како се ест - уязвляти

Естество? Естеству се наносится нужда.

Како убо он ест бог? Воля его чужда

Ест смотрения, богу отнюд не свойственна.

Аще он ест создатель мира вещественна,

То почто созданию своему противний

закон вносит? Аще же кто ин мир сей дивний

Произведе в бытие, ин убо кто мира

начало ест, убо ест ложна о нем вbра.

Владимире, что тако бbснуешься? Кия

бbси (о лютb тебb!) наводят ти сия

И мисли, и глаголи? Тако еси краткой

памяти, забы уже проповbди сладкой

Философа? Что бо он рече неизвbстно?

Что противно разуму? Откуду безмbстно

Помишление сие? Естества начало

извbстно показася Христос, но ни мало

Он всякому естеству не творит обиди.

Аще вожд даст воину меч, да тbм побbди

Ищет, или лbт ему ест употребити

на зло и вмbсто врага тbм друга убыти?

Тако похот плотскую бог всbя во плоти

нашей, но да ей чинно, не яко же скоти,

В ситост употребляем. Здравому согласно

се ест разсуждению, но мрачить мнb страстно

Ум, обикновение, обичай сломити

обичаем противним. Аще же се быти

Трудно мнится; трудно ест, обаче возможно;

трудно, но удобие зло ест и безбожно;

Трудно, но мзди без труда никто не имbет;

трудно, но помянути на труд сей довлbет

Огнь вbчний. О Христе мой! (Моим нарицаю,

чужд тебе, окаянний!) В твоей уповаю

Помощи; твоим быти желаю всецbло,

тебb мою отдаю и душу и тbло.

Угаси огнь, отжени и хулния бbси,

едину ми сохрани славу, ибо вbси,

Коль род мой горделивий княжеской державb

поругается, аще вbрую в тя явb.

Буди угодно тебb, да оттай крещуся.

О нечувства моего! Кого аз стиждуся

И пред ким? Во студ мнb ест, безумну, цар вышний?

Честен же мнится быти лукавий и грbшний

Род сей? Не тако. Всюду да проходят вbсти

о мнb: се явb иду Христа исповbсти.