Глоссарий. Жұмыс қапасы – илемдеу орнағының металды деформациялауға арналған негізгі бөлігі

Жұмыс қапасы – илемдеу орнағының металды деформациялауға арналған негізгі бөлігі.

Жаншылу – металдың көлденең қимасы ауданының бастапқы мәнінің илемдеуден кейінгі мәніне қатынасы.

Айналдырық – пішінбіліктерге тістегеріштік қапастардан немесе тікелей қозғалтқыштан айналыс беретін құрылғы.

Пішінбіліктер – илемдеудегі негізгі операция – металдың пластикалық деформациялануын орындайтын жұмыс құралы.

Тістегеріштік қапас – айналдырушы моментті пішінбіліктерге бөліп беретін құрылғы.

Тұғыр – пішінбіліктер жастықтарымен бірге салынатын және олардан берілетін күшті қабылдап алатын жұмыс қапасының бөлігі.

Рольлганг - илемделетін металды илемдеу орнағына тасымалдауға, пішінбіліктерге беруге, олардан қабылдап алуға және көмекші жабдықтарға тасымалдауға арналған құрылғы.

Вакуумды орнақ – балқытылуы қиын металдар мен қорытпаларды вакуумды ортада (немесе инертті газ ортасында) ыстықтай илемдеуге арналған.

Блюминг – сортты илемдеу орнақтарына дайындама илемдейтін (Блюм өндіретін) орнақ.

Слябинг – табақты металл илемдеу орнақтарына дайындама илемдейтін (сляб) орнақ.

Сымдағыш – сымдау процесінде сымның көлденең қимасының ауданын өзгерте отырып деформациялайтын сымдайтын орнақтың жұмыс құралы.

Баспақтар – соғылмаға квазистатикалық әсерететін ұсталық–қалыптау машиналары, бұларда пайдалы кедергіні жою жұмыстық буын – сырғақтың орын ауыстыруы кезінде болады, ал деформациялау күш тұйық күштік жүйемен қабылданады

Тоқпақтар – соғылмаға соққымен және квази соққымен әсерететін ұсталық–қалыптау машиналары, бұнда деформацияға кедергі қозғалмалы бөлікпен жиналған кинетикалық энергияны жұмсау арқылы жойылады;

Теңгерушілер – тежеуіште ақау болған кезде сырғақтың төмен түспеуін қамтамасыз етуге және де жетектін жұмсақ жұмыс істеуіне, сырғақтын бос жүрісінде энергия шығынын азайтуға қолданылатын түйін.

Жалғастырғыштар – баспақтың орындаушы механизімдерін жұмыстық жүріске қосуын қамтамасыз ететін, жетектін біліктерін қоу және ажыратуға арналған басқарылатын ілініс құрылғылары.

Тежеуіш – жалғастырғышты ажыратқаннан кейін жетектегі бөліктін энергиясын жоятын және орындаушы механизімді жетек бөлігімен сырғақтың жоғарғы күйіне сәикескелетін күйде ұстап тұратын түйін.