Докончание великого князя Дмитрия Ивановича с великим князем тверским Михаилом Александровичем

Список конца XV в. 1375 г.

Грамота великого князя Дмитрия Ивановича великому князю Михаилу Александровичу

По благословенью отца нашего Алексия, митрополита всея Руси, на сем, брате молодшии, князь великии Мпхаило Олександрович, целуй ко мне крест, к брату старейшему, князю великому Дмитрию Ивановичю, и к моему брату, князю Володимеру Андреевичю, и к нашей вотчине к Великому Новугороду, и за свои дети, и за свои братаничи.

Имети ти мене собе братом стареишим, а князя Молодимера, брата моего, братом. А добра ти нам хо­ти во всем, везде, без хитрости. А што ти слыша от крестьянина или поганина о нашем добре или о лисе, а то ти нам поведати в правду, по целованью, без хитрости.

А князи велиции крестьяньстии и ярославьстии с нами один человек. А их ти не обидети. А имешь их обидети, нам, дозря их правды, боронитися с ниме от тобе с одиного. А имут тобе обидети, нам, дозря твоие правды, боронитися с тобою от них с одиного.

А где ми буде, брате, поити на рать, или моему брату, князю Володимеру Ондреевичю, всести ти с на­ми самому на конь без хитрости. А пошлем воевод, и тобе и своих воевод лослати.

А вотчины ти нашие Москвы, и всего великого княженья, и Новагорода Великого, блюсти, а не обидети. А вотчины ти нашие Москвы, и всего великого княженья, и Новагорода Великого, под нами не искати, и до живота, и твоим детем, и твоим братаничем.

А людей ти наших московских, и всего великого княженья, и Новагорода Великого, и новоторъжьских блюсти, а не обидети, как и своих.

А закладнеи ти в нашей вотчине, в великом княженьи не держати, ни грамот не давати.

А имут нас сваживати татарове, и имут давати тобе нашу вотчину, великое княженье, и тобе ся не имати, ни до живота. А имут давати нам твою вотчину Тферь, и нам ся тако же не имати, и до живота.

А в Кашин ти ся не въступати, и что потягло х Ка­шину, ведает то вотчичь князь Василеи. Ни выходом не надобе тобе ко Тфери Кашину тянути. А его ти не оби­дети. А имешь его обидети, мне его от тобе боронити. А что еси изъимал бояр или слуг и людей кашинских, да подавал на поруку, с тех ти порука свести, а их отпустити, а кому чего на них искати, ино тому суд.

А жити нам, брате, по сеи грамоте. А с татары оже будет нам мир, по думе. А будет нам дати выход, по думе же, а будет не дати, по думе же. А пойдут на нас татарове или на тебе, битися нам и тобе с одиного всем противу их. Или мы пойдем на них и тобе с нами с оди­ного поити на них.

А к Ольгерду ти, и к его братьи, и к его детем, и к его братаничем целованье сложити. А пойдут на нас литва или на смоленьского на князя на велико­го, или на кого на нашю братью на чснязеи, нам ся их боронити, а тобе с нами всим с одиного. Или пойдут на тобе, и нам тако же по тобе помогати и боронитися всим с одиного.

А в Рокитну ти ся не въступати, что потягло ко княженью к великому.

А что еси целовал к нам наперед сего, что будет мл ком ие взято на нятцех или на их поручницех княженья великого, или нятци не попущены, или порука не сведена, а что ся будет не управило по тому целованью, что же будет взято опосле того на нятцех или на поруч- п'нцех, или порука не сведена, взятое все отдати по тому целованью, а с поручников порука свести, а нятци попущати.

А что еси буда с нами в целованьи, или сложа целованье, а кого будешь бояр наших, и слуг, и людей мооковьскнх, и иняженья великого, или что еси погра­бил, или что у людей поймано, ты, или твои бояре, или людей пограбили и павозки, бояр ти, и людей, и слуг попущати, а что грабежь или что с людей поймано, и из лодёи, и ис павозков товар пойман, то ти все отъдати и твоим бояром по исправе. А не будет исправы, ини возмут по целованью. А отдати ти все по Семене дни за неделю. А хто будет со мною не был на рати, а у кого будет что взято, а приедут к тобе, а тым ти тако же отдати по исправе.

А как ееми стал под городом под Тферью до Семена дни за месяц, что будешь у мене взял войной в тот месяць, тому всему межи нас погреб. А как еси к нам сложил целованье, а что мы у тобе поимали и повоева­ли, а тому всему межи нас погреб.

А с Новым ти городом и с Торъжком жити в ста­рине и в миру. А рубежь ти держати с Великим Новымгородом, и с Торжьком, и з пригороды, земли и воды, по старине, как то было при нашем деде, при великом князе при Иване, и при нашем дяди, при великом князе при Семени, и при моем отци, при великом князи при Иване.

А закладнеи ти в Новегороде в Великом, и в Торжку, и в пригородах не держати, ни грамот не давати. А хто имеет бояр или слуг Новагорода Великого, и Торжку, и ис пригородеи служите тобе, а что их села или земли, и воды, то ведает Великии Новъгород, а ты бояром и слугам не надобе. Или потом кто приедет к тобе слу­жите из Новагорода Великого, и ис Торжку, и ис при­городеи, а тым тако же не надобе села их, и земли, и воды, то ведает Новъгород Великии.

А что еси поймал в Торжку церковное, колоколы_, книги, кузнь, что будет у тобе, или у твоих бояр, или в твоей вотчине, то ти все подавати по целованью.

А что еои поймал в Торжку войною или грабежем, или что с людей еси поймал и по волостем опосле наше­го целованья святаго апостола Петра, то ти дати и тво­им бояром но исправе. А не будет исправы, ине возмут по целованью.

А что еси целовал к нам наперед сего, что будет на ком не взято, на нятцех или на поручницех, или нятци не попущаны, или порука свести с новгородцев, и с новоторжан, и с пригородеи, а то ся будет не управило по тому целованью, а что будет взято на нятцех опосле того и на поручницех, или порука не сведена, ино взятое отъдати по тому целованью, а с поручников порука свести, а нятци ти попущати, который у тобе, и у твоих бояр, и у слуг, или у людей в твоей вотчине.

А как еси взял Торжек, а кто ти ся будет продал пословицею новоторжан одернь, или будешь серебро на ком дал пословицею, тех ти отпустити по целованью. а грамоты дерноватый подрати. А что еси привел ноугородцев и новоторжцев к целованью, а то целованье доловь.

А имут чего искати тферичи на ноугородци и на новоторжьци, суд ему в Новегороде в Великом или в Торжку. А имут чего искати ноугородци на тферичах, суд им во Тфери. А судити с обе половины, по цело­ванью. А грамот суженых не посужати. А гостем и тор­говцем Новагорода Великого, и Торжку, и с пригородеи дати ти путь чист без рубежа сквозе Тферь и Тферьскии волости.

А мытов ти новых и пошлин не замышляти. А мыта ти имати и пошлины по старине у новгородцев и у новоторъжцев.

А буда с Новымгородом в миру, за холопа, за поручника, за робу, за татя, за розбоиника, за должника не стояти с обе половины.

А кто бояр и слуг отъехал от нас к тобе или от тобе к нам, а села их в нашей вотчине, в великом княженьи, или в твоей вотчине, во Тфери, в ты села нам и тобе не въступатися.

А что Ивановы села Васильевича и Некоматовы, а в ты села тобе ся не въступати, а им не надобе, те села мне.

А бояром и слугам волным воля. А кто будет, служа нам, князем, а вшол в каково дело, а того поискав сво­им князем, а того своим судьям опчим не судити. А кто служит нам или тобе, а живет в нашей вотчине, в ве­ликом княженьи, или в твоей вотчине во Тфери, и на тых нам взяти дань, как и на своих, по целованью, без хитрости. А на полных холопех не взяти, на которых ключники целуют. А судом и данью потянути по земле и по воде.

А что ся учинит межи нас, князей, каково дело, ино съедутся бояре наши на ребежь да межи нас поговорят. А не уговорятся, ини едут на третии, на князя на вели­кого на Ольга. На кого помолвит, виноватый перед правым поклонится, а взятое отъдаст. А чьи судьи на третии не поедут, или на кого третии помолвит, ан взя­того не отдаст, то правому отнята, а то ему не в-ызмену.

А целованья не сложити и до живота. А всему обид­ному делу межи нас суд вопчии от первого нашего це­лованья, от положенья вериг святаго апостола Петра. А о чем судьи наши вопчии сопрутся, ини едут на третии, на князя великого на Ольга. А нам, князем, в суд в вопчии не въступатися, ведают то те, на ком есме положили.

А вывода и рубежа межи себе не замышляти. А хто замыслит рубежь, рубежника по исправе выдати.

А суженого не посужати. Суженое, положеное, да- ное, поручное, холопу, робе суд от века. Холопа, робу, татя, разбойника, душегубца выдати по исправе.

А мыта ти держати и пошлины имати по старой пош­лине у наших гостей и у торговцев. А путь им дати чист, как то было при нашем дяде: при великом князе при Иване, и при нашем дяди, при великом князи при Семене, и при моем отци, при великом князи при Ива­не. А мытов ти новых и пошлин не замышляти.

А почнут твои искати перед нас или наши перед тебе, или пред наши наместници, или перед волостели, хоженого в городе алтын, а на правду два, а далнии езд верста по резане, а на правду въдвое.

А хто от нас пригонится в твою вотчину за холопом пли за должником, а изымает сам, а без пристава, да поставит перед тобою, или перед наместники, или перед волостели, в том вины нет. А имет с ким холоп его тягатися, а не будет по нем поруки, ино холопа обвинити да выдати осподарю, а з головы дати пошьлины грив­на, а с семьи четверть.

А на сем на всем, брате молодшии, князь великии Михаило Олександрович, целуй ко мне крест, к брату к старейшему, князю великому к Дмитрию Ивановичи), к моему брату, князю Володимеру Ондреевичу, и к на­шей вотчине к Великому Новугороду, и за свои дети, и за свои братаничи, по любви, в правду, безо всякие хитрости.

А сии список с грамоты с окрестной, с тферьскои.

На обороте листа помета (почерком конца XV в): Сесь список с записи со тферские, что за новгородскими печатми, великого князя Дмитрея Ивановича.

Духовные и договорные грамоты вели­ких и удельных князей XIV—XVI вв., № 9.