2015-10-16
278| Сирийская анафора Апостолов (прототекст) | Анафора св. Иоанна Златоуста |
| [Praefatio] | [Praefatio] |
| Достойно и праведно Тя пети, Тя благословити, с Единородным Твоим Сыном и Святым Духом; | Достойно и праведно Тя пети, Тя благословити, Тя хвалити, Тя благодарити, Тебе покланятися на всяком месте владычествия Твоего: Тыбо еси Богнеизреченен, недоведом, невидим, непостижим, присно Сый, такожде Сый,Тыи Единородный Твой Сын, и Дух ТвойСвятый: |
| Ты от небытия в бытие нас привел еси, иотпадшия восставил еси паки, и не отступил еси вся творя, дондеже нас на небо возвел еси, и Царство Твое даровал еси будущее. О сих всех благодарим Тя, Тяи Единороднаго Твоего Сына и СвятагоДуха. | Тыот небытия в бытие нас привел еси, и отпадшия восставил еси паки, и не отступил еси вся творя, дондеже нас на Небо возвел еси, и Царство Твое даровал еси будущее. О сих всех благодарим Тя, и Единороднаго Твоего Сына, и Духа Твоего Святаго, о всех, ихже вемы и ихже не вемы, явленных и неявленных благодеяниих, бывших на нас. Благодарим Тя и о службе сей, юже от рук наших прияти изволил еси, |
| [Sanctus] | [Sanctus] |
| Тебе предстоят окрест херувими четырилица имущии, и серафими шесть крил, хвалу величия немолчными устами и непрестанными гласы со всеми небесными силами | аще ипредстоят Тебе тысящи архангелов и тьмы ангелов,Херувими и Серафими,шестокрилатии, многоочитии, возвышающиися, пернатии, |
| славяще и поюще и взывающе иглаголюще: | Победную песнь поюще, вопиюще, взывающе и глаголюще: |
| Свят… | «Свят, Свят, Свят Господь Саваоф, исполнь Небо и земля Славы Твоея: Осанна в Вышних. Благословен Грядый во имя Господне, Осанна в Вышних». |
| Свят еси и пресвят с Единородным Твоим Сыном и Святым Духом. Свят еси и пресвят в величии славы Твоея, | С сими и мы блаженными Силами, Владыко Человеколюбче, вопием и глаголем:Свят еси и Пресвят, Ты, и Единородный Твой Сын, и Дух ТвойСвятый: Свят еси и Пресвят, и великолепна слава Твоя, |
| [Post-Sanctus] | [Post-Sanctus] |
| Иже тако мир возлюбил еси, якоже Сына Твоего Единороднаго дал еси, да всякверуяй в Него не погибнет, но иматьживот вечный; | Иже мир Твой тако возлюбил еси, якожеСына Твоего Единороднаго дати, да всяк веруяй в Heгo не погибнет, но имать живот вечный: |
| [Institutio] | [Institutio] |
| Иже пришед, и все еже о нас смотрение исполнив, в нощь, в нюже предаяшеся, приемь хлеб во Своя руки и воздвиг я к небеси и благословив, освятив, преломив, даде святым Своим учеником и апостолом, рек: | Иже пришед, и все еже о нас смотрение исполнив, в нощь, в нюже предаяшеся, паче же Сам Себе предаяше за мирский живот,приемь Хлеб во святыя Своя и пречистыя и непорочныя руки, благодарив и благословив, освятив, преломив, дадесвятым Своим учеником и апостолом, рек: |
| Приимите, ядите от него вси вы, сие есть Тело Мое, еже за вы и за многия ломимое и даваемое во оставление грехов и в жизнь вечную. | Приимите, ядите, Сие есть Тело Мое, еже за вы ломимое во оставление грехов. |
| Подобне и чашу по вечери растворив от вина и воды, благодарив, благословив, освятив и вкусив от нея, даде учеником Своим и апостолом, рек: | Подобне и Чашу по вечери, глаголя: |
| Пийте от нея вы вси, сие есть Кровь Новаго Завета яже за вы и за многия изливаемая и даемая во оставление грехов и в жизнь вечную. | Пийте от нея вси, Сия есть Кровь МояНоваго Завета, яже за вы и за многия изливаемая, во оставление грехов. |
| Сие творите в Мое воспоминание. Елижды бо аще ясте хлеб сей и чашу пиете, смерть Мою возвещаете и воскресение Мое исповедаете, дондеже прииду. | |
| [Anamnesis] | [Anamnesis] |
| Поминающе убо, Владыко, спасительное изволение всего домостроительства Твоего, еже о нас бывшее: крест, тридневное из мертвых воскресение, на небеса восхождение и седение одесную величествия Отца и второе славное Твое пришествие, егда приидеши со славою судити живым и мертвым и воздати всем человеком по делом их с человеколюбием, | Поминающе убо спасительную сию заповедь, и вся яже о нас бывшая: Крест, Гроб, тридневное Воскресение, на Небеса восхождение, одесную седение, Второе и славное паки Пришествие, |
| Церковь Твоя и стадо Твое молит чрез Тебе и с Тобою, глаголя Отцу Твоему: помилуй мя. И мы, Господи, приемлющий милость, приносим Тебе благодарение за вся и по всему. | Твоя от Твоих Тебе приносяще о всех и за вся, Тебе поем, Тебе благословим, Тебе благодарим, Господи, и молим ти ся, Боже Наш. |
| [Epiclesis] | [Epiclesis] |
| Посему просим Тя, всемогущий Господи и Боже святых сил, простирающеся ниц пред Тобою, ниспосли Духа ТвоегоСвятаго на предлежащия приношения, | Еще приносим Tи словесную сию ибезкровную службу, и просим, и молим, и мили ся деем,низпосли Духа ТвоегоСвятаго на ны, ина предлежащыя Дары сия, |
| и покажи хлеб сей честно́е Тело Господа нашего Иисуса Христа, | И сотвори убо Хлеб Сей, честное Тело Христа Tвоего. |
| и чашу сию Кровь Господа нашего Иисуса Христа; | А еже в Чаши Сей, честную Кровь Христа Твоего. |
| Преложив Духом Твоим Святым. | |
| якоже быти всем причащающимся от них в жизнь и воскресение, и оставление грехов и исцеление души и тела, и просвещение разума и в надежду настрашнем суде Христа Твоего. | Якоже быти причащающымся во трезвениедуши, во оставление грехов, в приобщениеСвятаго Твоего Духа, во исполнение Царствия Небеснаго, в дерзновение еже к Тебе, не в суд, или во осуждение. |
| [Intercessio] | [Intercessio] |
| И да никтоже от народа Твоего отпадет, соделай ны, Господи, достойны безмятежно послужити Тебе, да пребывая в служении Тебе вся дни живота нашего, насладимся Твоих небесных, вечных и животворящих Таинств ради милости Твоей, Твоего милосердия и человеколюбия ныне, и присно и во веки веков. | |
| Еще приносим Тисловесную сию службу, о иже в вере почивших, праотцех, отцех,патриарсех, пророцех, апостолех,проповедницех, евангелистех, мученицех,исповедницех, воздержницех, и о всякомдусе праведнем в вере скончавшемся. | |
| Изрядно о Пресвятей, Пречистей,Преблагословенней, Славней Владычице нашей Богородице и Приснодеве Марии; | |
| О святем Иоанне Пророце, Предтечи и Крестители, о святых славных ивсехвальных апостолех, о святем (дне), егожеи память совершаем, и о всех святых Твоих:ихже молитвами посети нас, Боже. | |
| И помяни всех усопших о надеждивоскресения жизни вечныя. И упокой их,идеже присещает свет Лица Твоего. | |
| Еще молим Тя, помяни, Господи, всякое епископство православных, право правящих слово Твоея истины, всякое пресвитерство, во Христе диаконство, и всякий священнический чин. | |
| Еще приносим Tисловесную сию службу овселенней, о Святей Соборней иАпостольстей Церкви, о иже в чистоте ичестнем жительстве пребывающих; | |
| о Богохранимей стране нашей, властех и воинстве ея. Даждь им, Господи, мирное правление, да и мы в тишине их тихое и безмолвное житие поживем, во всяком благочестии и чистоте. | |
| В первых помяни, Господи, ВеликагоГосподина и Отца нашего Алексия,святейшаго Патриарха Московскаго и всея Руси, и Господина нашего, преосвященнаго имярек, епископа (...), ихже даруй Святым Твоим Церквам, в мире, целых, честных, здравых, долгоденствующих, право правящих слово Твоея истины. | |
| Помяни, Господи, град сей, в немже живем, и всякий град и страну, и верою живущих в них. | |
| Помяни, Господи, плавающих, путешествующих, недугующих, страждущих, плененных, и спасение их. | |
| Помяни, Господи, плодоносящих и добротворящих во святых Твоих церквах, и поминающих убогия, и на вся ны милости Твоянизпосли. (И поминает по именам,ихже хощет, живых.) | |
| [Doxologia] | |
| И даждь нам единеми усты и единем сердцем славити и воспевати пречестное и великолепое Имя Твое, Отца и Сына и Святаго Духа, ныне и присно и во веки веков. Аминь. |
|
|
|
|
|
|
|
|
|
