Мелбек форте Сипаттамасы

ANAMNESIS MORBI

Науқас 5 жылдан бері бел остеохондрозымен ауырады, уақытша жақсаруменамбулаторлы емделген. 14.06.17 жылы омыртқа бел аймағына МРТ жасалған. L2-L3, L3-L4 дисктер грыжасы. 02.06.17 күні нейрохирургқа қаралған: оперетивті емнен бас тартқан. Бір ай көлемінде жағдайы қиындаған, бел аумағындағы ауырсыну күшейген. 24.10-31.10.17 жж аралығында күндізгі стационарда емделген. Ауырсыну синдромының күшеюіне байланысты неврологиялық бөлімшеде жоспарлы түрде стационарлы емделуге жолдама алған. Қазіргі госпитализация жоспарлы түрде.

ANAMNESIS VITAE

Басынан өткерілген аурулары: жоқ. Туберкулез, венерологиялық аурулар, гепатитпен ауырмаған.

Тұқымқуалаушылық аурулар жоқ.

Аллергоанамнез жоқ.

Гинекологиялық анамнез: Тұрмыс құрмаған, жүктілік болмаған. Жатыр миомасымен көп жылдардан бері ауырады.

Зиянды әдеттері жоқ.

STATUS PREASENS

Науқастың жалпы жағдайы орташа ауырлық дәрежесінде, неврологиялық симптомдар (дефицит) есебінен. Есі анық. Науқастың төсектегі қалпы активті. Денеқалпы гиперстеникалық. Тәбеті жоғары. ДМИ – 45. Тері жамылғысы физиологиялық.Перифериялық лимфа түйіндері пальпацияланбайды. Қаңқа – бұлшықет жүйесі патологиясыз.Көкірек қуысы дұрыс формалы, ТАЖ – 18 мин.,Тыныс алуы везикулярлы, сырылдар жоқ. Жүрек тоны анық, дұрыс ырғақты. АҚ – 140/100 мм.сн.бағ. ЖСЖ – 83 рет минутына. Іші жұмсақ, ауырсынусыз. Бауыр мен көкбауыр пальпацияланбайды. Дәреті қалыптасқан, тұрақты. Бүйректері пальпацияланбайды. Соққылау симптомы теріс. Диурез қалыпты.

ТЫНЫС АЛУ ЖҮЙЕСІ

Шағымы жоқ.

Дем алуы мұрын арқылы, еркін. Дем алу типі кеуделік. Кеуде торының формасы гиперстениялы симметриялы, тыныс алуға екі жағы бірдей қатысады. Тыныс алу жиілігі – 18 рет/мин.

Пальпациялағанда кеуде торының серпімділігі сақталған, ауырсынусыз. Дауыс дірілі қалыпты, кеуде қуысының әр бөлігінде бірдей күште сензіледі, яғни симметриялы.

Салыстырмалы перкуссияда барлық өкпе бетінен анық, ашық өкпелік дыбыс естіледі.

Топографиялық перкуссияда:

Өкпенің жоғарғы қыры.

Өкпе ұшының биіктігі	Оң	сол
Алдынан	3см	3см
Артынан	VIIмойын омыртқа деңгейінде 3см сыртқа
Крениг кеңістігінің көлденең ені	5см	5см

Өкпенің төменгі шекарасы

№	Топографиялық сызықтар	Оң	Сол
	L. parasternalis	V қ.а.	-
	L. mediaclavicularis	VI қ.	-
	L. axillaries anterior	VII қ.	VII қ.
	L. axillaries media	VIII қ.	VIII қ.
	L. axillaries posterior	IX қ.	IX қ.
	L. scapularis	X қ.	X қ.
	L. paravertebralis	ХI кеуде омыртқаның сүйір өсіндісі

Өкпенің төменгі қырының жылжымалылығы

Топографиялық сызықтар	Оң	сол
L. mediaclavicularis	4см	-
L. axillaries media	6см	6см
L. scapularis	5см	5см

Аускультациялағанда: өкпенің барлық бетінен везикулярлы тыныс естіледі. Сырылдар, крепитация, плевра үйкеліс шулары анықталынбайды.

ЖҮРЕК – ҚАН-ТАМЫР ЖҮЙЕСІН ТЕКСЕРУ

Шағымы жоқ.

Объективті қарағанда жүрек маңы өзгеріссіз. Шеткі қан-тамырлар үлкеймеген. Жүректің проекциясында пульсация білінбейді. Жүрек тондары анық, ырғақты.

Пальпациялағанда жүрек ұшы түрткісі V қабырға аралығында L.mediaclavicularis sinistra-дан 1,5см оңға қарай орналасқан. Ені 1,5см². Күші мен биіктігі орташа. Пульс екі қолында симметриялы, ырғақты, толықтығы, күші, кернеуі орташа дәрежеде. PS = 83 рет/мин, AD=140/100 мм.с.б.б.

ЖСЖ-83

Перкуссияда:

Салыстырмалы жүрек тұйықтығының шекаралары

Оң	Сол	Жоғарғы
Төс сүйегінің оң жақ қыры бойымен IV қ.а.	L. mediaclavicularissinistra сызығы бойынша V қ.а.	L. parasternalis сызығы бойынша ІІІ қ.-ның төменгі қыры

Абсолютті жүрек тұйықтық шекаралары

Оң	Сол	Жоғарғы
Төс сүйегінің сол жақ қыры бойымен IV қ.а.	L. mediaclavicularissinistra-дан V қ.а. 2см ішке қарай	L. parasternalis sinistra бойынша IV қ.а.

Қан-тамыр шоғырының ені 6см. Биіктігі ІІ қабырға деңгейінде. Жүректің салыстырмалы тұйықтығының көлденең өлшемі 11см.

Аускультациялағанда жүрек тондары анық, ритмі дұрыс.

АСҚОРЫТУ ЖҮЙЕСІН ТЕКСЕРУ

Шағымы жоқ.

.Объективті: ауыз қуысының шырышты қабаты физиологиялық түсті, таза, ылғалды. Тіл ылғалды, көлемі өзгермеген. Бадамша бездері ұлғаймаған. Еркін, ауырсынусыз жұтынады.

Іші тері асты шел майына байланысты ұлғайған, симметриялы, тыныс алуға қатысады. Тері асты, қан тамыр анастомоздары байқалмайды.

Беткей пальпациялағанда іші жұмсақ, ауырсынусыз. Іштің тік бұлшықеттері ажырамаған.

Образцов бойынша терең топографиялық әдістемелік сырғымалы пальпацияда сол жақ мықын аймағында, ұзындығы 20-25см, ені 2см цилиндр тәрізді, шурылы жоқ, аз қозғалмалы сигма тәрізді ішек пальпацияланады, консистенциясы эластикалы. Оң жақ мықын аймағында цилиндр тәрізді, ені 3см, үсті тегіс, шурылы бар соқыр ішек пальпацияланады. Қасаға аймағында мықын ішектің терминальді бөлігі ауырсынусыз, ені 1-2см, цилиндр тәрізді, үсті тегіс, жұмсақ болып сезіледі.

Оң және сол жақ фланг аймақтарында тоқ ішектің өрлеме және төмендеген бөлімдері цилиндр тәрізді, ендері 2см, шурылы бар болып сезіледі. Кіндік деңгейінде, іштің ақ жолақ сызығының оң және сол жағында көлденең тоқ ішек цилиндр тәрізді, шұрылы бар болып сезіледі.

Кіндіктен 2-3см жоғары L. alba сызығының екі жағында асқазанның үлкен иіні валик тәрізді пальпацияланады.. Асқазанның үлкен иіні 3-4см, жоғарғы орта сызығының сол жағында ұйқы безі проекциясында ауырсыну сезімі жоқ.

Перкуссияда ішектер аймағында әртүрлі дәрежеде тимпаникалық дыбыс естіледі.

Асқазанның үлкен иіні кіндіктен 2-3 см жоғары орналасқан, валик тәрізді.

Ұйқы безі пальпацияланбайды, ортанғы сызықтың сол жағында ауырсыну жоқ.

Бауыр пальпацияланбайды, ауырсыну анықталмайды. Бауырдың Курлов бойынша көлемі 10×9×8см.

Көкбауыр пальпацияланбайды, ауырсыну анықталмайды. Көкбауырдың Курлов бойынша көлемі 6×4см.

Аускультациялағанда ішектердің перистальтика шуылдары естіледі.

Үлкен дәретке отыруға қиналмайды, нәжіс бөліну қалыпты, іш қатуы байқалмайды.

ЗӘР ШЫҒАРУ ЖҮЙЕСІН ТЕКСЕРУ

Шағымдары жоқ.

Қарағанда бел аймағы өзгеріссіз. Пальпациялағанда: бүйрегі, қуығы анықталынбайды, ауырсынусыз. Соққылау, Пастернацкий симптомдары екі жағында теріс. Зәр шығаруы еркін, ауырсынусыз.

ЭНДОКРИНДІК ЖҮЙЕ

Шағымы жоқ.Салмағы 125кг Бойы 1м 64см. Қалқанша безі пальпаторлы ұлғайған жұмсақ консистенциялы, ауырсынусыз.

НЕВРОЛОГИЯЛЫҚ ЖҮЙЕ

Неврологиялық статус.

Есі анық. Бет әлпеті байсалды.Кеңістік пен уақыттың бағдарын біледі, сөйлескіш, қойған сұрақтарға адекватты жауап береді. Менингеальді симптомдар (шүйде бұлшықетінің құрысуы, Керниг, жоғарғы мен төменгі Брудзинский симптомы,) теріс.

Бас-сүйек ми нерві

I. Иіс сезу нерві. Иіс сезу қабілеті өзгермеген.

II. Көру нерві. Көру өткірлігі төмендеген.

III, IV,VI. Көздің саңылауы екі жағынан бірдей, птоз жоқ, көздің қылилануы анықталмайды, көз алмасының қозғалысы ауырсынулы, шектелген, көз карашықтарының ені бірдей, анизокория жоқ. Көз қарашық рефлекстері сақталған D=S.Фотореакция сақталған. Горнер, Робертсон синдромдары жоқ.

V. Беттің екі жағында да сезімталдылық сақталған D=S. Корнеальді және конъюктивальді рефлекстер сақталған D=S.Шайнау толықтай сақталған, төменгі жақтың шектелуі байқалмайды. Тілдің алдыңғы үштен екі бөлігінде сезімталдылық сақталған. Тригерлі нүктелер ауырсынусыз D=S.

VII.Мұрын ерін қатпары ассиметриялы. Лагофтальм анықталмайды, жас ағу мен сілекей шығару функциялары сақталған.Оральді автоматизм оң(+).

VIII. Сыбырлап және қатты сөйлегенде есту қабілетті сақталған. Бас ауру ұстамасы кезінде бас айналу, құлақта шу болатының айтады.Нистагм жоқ.Ромберг сынамасында шайқалу байқалады. Қол-саусақ сынамасында диссеметрия байқалады.

IX, X. Жұтыну сақталған, фонация қалыпты.Фонация кезінде жұмсақ таңдай қозғалмалы.Оральді автоматиз рефлексі оң. Жұтқыншақтың артқы қабырғасы мен жұмсақ таңдай рефлекстері сақталған.

XI. Басты бұру қалыпты.Иықтарың көтеру қалыпты D=S, иықтың бұлшықет күші сақталған D=S, Атрофия жоқ, фибрилляция жоқ.

XII. Тілдің сыртқы кейпі қалыпты, атрофия мен бұлшық еттің тартылуы жоқ. Сөйлеудің артикуляциясы бұзылмаған.

Сезімталдылық:

Парестезиялар жоқ. Беткей сезімталдық (ауырсыну, температуралық, тактильді) әлсіз жоғалған, терең сезімталдық (бұлшықет буындық сезіну, вибрационды, қысым және салмақты сезіну) әлсіз сақталған, күрделі сезімталдық (кинестетикалық, дискриминационды, екі өлшемді кеңістіктік, стереогноз)әлсіз сақталған. Перифериялық нервтер мен оның түбіршектерінде ауырсыну нүктелері анықталмайды. Полистезия, аллохейрия, дизестезия, анықталмайды.

Пирамидалық жүйе.

Тұрақты шартсыз рефлекстер сақталған: иықтық екі басты бұлшықетінің сіңірлік рефлексі, иықтық үш басты бұлшықетінің сіңірлік рефлексі, кәріжіліктік-білезіктік рефлекс, жауырын-иықтық(Бехтерев рефлексі), құрсақтық рефлекстер, тізе(пателлярлық) рефлекс, Ахилл өкшелік рефлекс,табан рефлексі.

Паталогиялық рефлекстер жоқ: Жоғарғы Россолимо, Клиппель-Вайль,Оппенгейм,Гордон, Шеффер,Россолимо, Бехтерев, Жуковский,Гиршберг,Пуссеп, синкинезиялар жоқ. Бабинский оң

Буындық рефлекстер: Оң жақ табанның 1 саусағының парезі.

Қорғаныс рефлекстері: Екі жақта теріс.

Псевдобульбарлы рефлекстер: Оральды автоматизм рефлекстері жоқ. иектік Маринеску-Радовичи теріс.

Экстрапирамидалық жүйені зерттеу

Бозғылт шар мен қара субстанцияның зақымдану синдромдары («тісті дөңгелек феномені», олигокинезия және брадикинезия, «балауызша иілу» қалпы, синкинезиялар, ахейрокинез, пропульсия, ретропульсия, латеропульсия, микрография, монотонды сөйлеу, гипомимия немесе амимия, қолдың дистальды бөлімдерінің, бастың, төменгі жақтың треморы, пародоксальды кинезиялар, гиперсаливация, гипергидроз, эмоциональды сфераның өзгеруі, когнитивті функциясы бұзылысы) жоқ, жолақты дене зақымдану синдромы (дистония, гиперкинез, торсионды дистония, миоклония, тиктер, беттік параспазм, геммибализм) байқалмайды.

Мишықты зерттеу

Қозғалыс сферасын зерттеу

Қарау және пальпациялау барысында бұлшық ет жүйесінің атрофиясы, псевдогипертрофиясы, фибриллярлы және фасцикулярлы жыбырлаулары жоқ. Қолдардағы және аяқтардағы пассивті қозғалыстар толық көлемде сақталған. Барре сынамасы қалыпты. Акинез, брадикинезия, гиперкинезы (тремор, хорея, атетоз, хореоатетоз, гемибаллизм, миоклония, торзионная дистония, тики) жоқ. Автоматтандырылған жестикуляция синдромы анықталмаған. Ұстамалар және сіресулер жоқ.

Қозғалыс координациясы

Омыртқаның қылқанды өсіндісінде L4-5-S1 аймағында ауырсыну байқалады.

т.Вале көбіне оң жағында. Гипестезия дерматомаL4-L5, L5-S1оң жақта. Бел бұлшық еттерінің дефансы. Лассег симптомы оң жақта 30* сол жақта 30*. Ауырсыну синдромына байланысты Ромберг позасында тұра алмайды. Координациялық пробаларды дұрыс орындайды. Патологиялық табандық және қабықтық белгілер жоқ.Жамбас қуысы ағзаларын бақылай алады.

Вегетативті жүйке жүйесі

Бернар-Горнер синдромы жоқ.Тері жамылғылары физиологиялық түстес.Пигментация, депигментация, бөртпелер, геморрагиялар,тамырлық, трофикалық өзгерістер анықталмайды.Көзге ісінулер көрінбейді.Цианоз жоқ.Тері ылғалдылығы қалыпты. Тургоры сақталған. Дермографизм ашық қызыл. Түктену әйел типті. Тырнақтары қалыпты, түсі –ашық қызыл. Көзге көрінетін шырышты қабаттар қалыпты, ылғалды, бөртпелер жоқ. Перифериялық ісінулер жоқ. Құрсақтық өрімде ауырсынулар жоқ, симпаталгиялар жоқ.

Ми қыртысының функциясын зерттеу.

Сөйлеуі. Сенсомоторлы афазия. Ауызша сөзді түсінеді,қиын сөйлемдерді түсіну, жүйелі түрде белсенді ауызша жеткізуі бүзылмаған.

Оқуы. Жазуы, санауы дұрыс. Өзінің дене бөліктерін тануы бұзылмаған.

Психикалық сферасы
Кеңістікті, уақытты, жеке басын, айналадағы заттарды, адамдарды тануы сақталған. Қоршаған ортада адамдармен қарым-қатынасы қиындамаған, өз денсаулығының жағдайына баға бере алады. Ойлауы, есте сақтауы, назары, интеллекті қалыпты.

Болжамды диагноз: Дискогенді радикулопатия L4-L5, L5-S1 оң жақта, бұлшықеттік-тоникалық белгілермен, созылмалы-рецидивті ағым, өршу сатысы. Айқын ауырсыну синдромы. Оң жақ табанының 1 саусағының парезі.

Фоны: Белдік остеохандроз. L2-L3, L3-L4 дисктерінің грыжасы.L4-L5, L5-S1 дисктерінің протрузиясы.

Зерттеу жоспары:

1.ЖҚА

2.ЖЗА

3.БХ

4.ЭКГ

5.МРТ

Жалпы қан анализі (13.11.17)

Гемоглабин: 141

Эритроциттер: 5,06 *10 ¹²

Тромбоциттер:241*10⁹

Лейкоциттер:8,4*10⁹

Э п/я с/я Л М

8,6 29,38 6,5

ЭТЖ:67 мм/сағ

Қортынды: Лейкоцитоз, ЭТЖ жоғарлауы.

Жалпы зәр анализі (13.11.17)

Түсі – сары

Реакция қышқылды

Белок жоқ.

Лейкоциты 4-5

Жалпақ эпителий 1-3

Глюкоза жоқ

Салыстырмалы тығыздығы 1017

Қортынды: лейкоцитурия

Биохимиялық анализ:(13.11.17)

Жалпы белок -73,5

Несепнәр – 3,00

Креатинин – 56

Глюкоза – 4,82

АлАТ- 17,5

АсАТ - 15,40

Жалпы билирубин – 8,6

Холестерин – 4,28

Үшглицеридтер – 1,62

Қортынды: қалыпты өзгеріс жоқ

МРТ. (14.06.2017)

Қорытынды: L2-3, L3-4 дисктерде грыжа белгілері.L4-56 L5-S1 дисктерінің протрузиясы, төменгі кеуде және бел-сегізкөз омыртқасында дегенеративті-дистрофиялық өзгерістер.

S2 деңгейінде периневральді киста.

ЭКГ 13.11.017. Ритм синусты. ЖЖЖ 70. Миокардта диффузды өзгерістер.

Клиникалық диагнозды негіздеу

Клиникалық диагноз:Дисконгенді радикулопатия L5-S1 екі жақтан, омыртқаның бел-сегізкөз бөліміндегі дегенеративті-дистрофиялық өзгерістер фонында, бел остеохондрозы фонында, L4-L5, L5-S1 деңгейіндегі дисктер протрузиясы, айқын түбірлік- ауырсыну көріністерімен L3-L4 дисктерінің грыжасы, созылмалы рецидивті ағым, өршу сатысы.

Диагнозды негіздеу: шағымдарын ескере отырып, бел омыртқа бөлімінде айқын ауырсыну, аяқтарга иррадиацияланатын ауырсыну, аяқтардағы салдану, омыртқаның белдік бөлімінің қозғалысының шектелуі.

Аурудың даму тарихыны сүйене отырып:науқас 5 жылдан бері бел остеохондрозымен ауырады, уақытша жақсаруменамбулаторлы емделген. 14.06.17 жылы омыртқа бел аймағына МРТ жасалған. L2-L3, L3-L4 дисктер грыжасы. 02.06.17 күні нейрохирургқа қаралған: оперетивті емнен бас тартқан. Бір ай көлемінде жағдайы қиындаған, бел аумағындағы ауырсыну күшейген. 24.10-31.10.17 жж аралығында күндізгі стационарда емделген. Ауырсыну синдромының күшеюіне байланысты неврологиялық бөлімшеде жоспарлы түрде стационарлы емделуге жолдама алған.

МРТ және ЭКГ көрсеткіштерін ескере отырып, дисконгенді радикулопатия L5-S1 екі жақтан, омыртқаның бел-сегізкөз бөліміндегі дегенеративті-дистрофиялық өзгерістер фонында, бел остеохондрозы фонында, L4-L5, L5-S1 деңгейіндегі дисктер протрузиясы, айқын түбірлік- ауырсыну көріністерімен L3-L4 дисктерінің грыжасы, созылмалы рецидивті ағым, өршу сатысы деген диагноз қойдым.

Қорытынды диагноз: Дискогенді радикулопатия L5-S1 екі жақтан, омыртқаның бел-сегізкөз бөліміндегі дегенеративті-дистрофиялық өзгерістер фонында, бел остеохондрозы фонында, L4-L5, L5-S1 деңгейіндегі дисктер протрузиясы, айқын түбірлік- ауырсыну көріністерімен L3-L4 дисктерінің грыжасы, созылмалы рецидивті ағым, өршу сатысы.

Ажыратпалы диагноз

Дискогенді радикулопатияны, омыртқаның белдік бөліміндегі

экстрамедуллярлы ісікпен, мықын-бел-сан нейропатиясымен ажырату керек.

Экстрамедуллярлы ісікке кезеңдік даму тән: алғашында,түбіршектік ауырсыну пайда болып, кейіннен жартылай, ал соңында толығымен жұлынның қысылып қалуы жүреді. Дискогенді радикулопатия тез және жедел пайда болады.

Экстрамедулярлы ісік кезінде түбершектік кезеңде ауырсыну, зақымдалған түбешектің нервтендірілу аймағында гиперальгезия пайда болады. Ауырсыну басында біржақтық болады, ликворлық толчок симтомы тән.

Екінші кезеңде Броун-Секар синдромы пайда болады. Үшінші кезеңде спастикалық парездер және параличтер, қорғаныш рефлекстері, жамбас қуысы мүшелерінің барлық сезімділік және қозғалыстық бұзылыстары. Сезімділік бұзылыстары аяқтың саусақтарынан басталады.

. Дискогенді радикулопатияға прогрессивті емес рецидивті ағым тән; Броун-Секар синдромы пайда болмайды; параличтер және жамбас мүшелерінің бұзылысы тән емес.

Экстрамедулярлы ісік кезінде Сезімділік бұзылыстары аяқтың саусақтарынан басталады.

Дискогенді радикулопатияда сезімділік бұзылысы белгілі бір сегменттің нервтену зонасында басталады, аяқтың саусақтарында емес.

Осыдан келе экстрамедулярлы ісікті жоққа шығарамын.

2. Мықын-бел-сан нейропатиясының өршу сатысы үнемі 1 айдан аса жүреді, әрі қарай өрши түседі. Дискогенді радикулопатияда өршу сатысы 6 айдан аса жүреді.

Мықын-бел-сан нейропатиясының клиникалық көрінісінде бел омыртқасында қатты ауырсыну болады. Ауырсыну әрі қарай шат аймағына, санның ішкі аймағына жайылады. Дискогенді радикулопатия тез және жедел пайда болады.

Мықын-бел-сан нейропатиясы науқас мәжбүрлі қалыпта болады, арқасымен жатады, тізе буыны бүгілген қалыпта және де басында биік жастық, жүрген кезде кеудесі шетке немесе алдыға бүгілген, сау жаққа бұрылу қиындайды, мықын-бел бұлшықеттерінің әлсіздігі болады. Вассерман симптомы оң болады. Паростетикалық мералгия-сыртқы тері сан жүйкесінің анервациялау зонасында парестезиялар мен гиперестезиялардың болуы. Дискогенді радикулопатияда мықын-бел бұлшық еттерінің әлсіздігі болмайды.

Емдеу

Режим 2

Диета 15

Новокаин 0,5-20,0+Эуфиллин 2,4-5,0+физ.ерітінді 200,0 тамыр ішіне

Витамин В6-2,0 бұлшық етке

Мелбек форте 1,5 мг бұлшық етке

Кетотоп 2,0 бұлшық етке

Никотин қышқылы 1,0 бұлшық етке

Витамин В6 Сипаттамасы

Мөлдір түссіз немесе сәл боялған сұйықтық

Фармакотерапиялық тобы

Таза күйдегі басқа да витаминдер. Пиридоксин

АТХ кодыA11HA02

Фармакологиялық қасиеттері

Фармакокинетикасы

Парентеральді енгізгенде пиридоксин эритроциттердің альбуминдермен және гемоглобинмен байланысқан күйде тасымалданады. Барлық тіндерге жақсы өтеді. Көбінесе бауырда, азғантай дәрежеде бұлшықеттер мен орталық жүйке жүйесінде (ОЖЖ) жинақталады. Плацента арқылы өтіп, емшек сүтіне бөлінеді.

Пиридоксин бауырда бір-біріне өзара өтуге қабілетті 3 витамер: пиридоксин, пиридоксаль және пиридоксамин түзе отырып метаболизденеді.

Пиридоксальфосфат қан плазмасы ақуыздарымен 90%-ға байланысады. Жартылай шығарылу кезеңі 25-33 күнді құрайды. Бүйрекпен белсенді емес пиридоксин қышқылы түрінде шығарылады.

Фармакодинамикасы

Пиридоксин гидрохлориді суда еритін витаминдер (В6 витамині) тобына жатады. В6 витамині тапшылығының орнын толтырады, аминқышқылдарының, нейромедиаторлардың алмасуына реттегіштік әсер береді.

B6 витамині орталық және шеткергі жүйке жүйелерінің қалыпты қызмет атқаруы үшін қажет.

Пиридоксин аминқышқылдарының алмасуы мен нейромедиаторлар синтезін қамтамасыз ететін трансаминазалар мен декарбоксилазалардың коферменті болып табылады.

Бұлшықеттерде (соның ішінде миокардта) пиридоксин гликогеннің ыдырау үдерістерін белсендіреді және бұлшықеттердің гипоксия жағдайларындағы энергетикалық алмасуын оңтайландырады. Никотин қышқылының (РР витаминінің) триптофаннан синтезделуін қамтамасыз етеді. Глутамин қышқылының, метиониннің, цистеиннің алмасуын реттейді.

Жүйке жүйесінде пиридоксин нейромедиаторлар: норадреналиннің, дофаминнің, глициннің, ГАМҚ және серотониннің синтезіне қатысады. Сонымен қатар ол аталған медиаторлардың теңгерімін тежегіш медиаторлар - ГАМҚ, глицин, сондай-ақ серотониннің басым жағына қарай өзгертеді. Осылайша, пиридоксин орталық жүйке жүйесінің (ОЖЖ) қозғыштығын реттеуге қатысады. Пиридоксин антиноцицептивтік жүйені белсендіреді және ауыруды басатын дәрілердің әсерін күшейтеді.

Липидтер алмасуының қалыпқа түсуіне ықпал етеді.

Гемоглобиндегі гем синтезін стимуляциялайды, сүйек кемігінің (сидерофилин) темірді байланыстырғыш ақуызының синтезін арттырады, В12 витамині мен фолий қышқылының алмасуын реттеп отырады. Тромбоциттер мен фибриноген беткейіндегі лизин қалдықтарымен байланыса отырып, қан ұюының және тромбоциттер агрегациясының баяулауын туғызады және қанның аққыштығы мен тіндердің қанмен қамтылуын жақсартады.

Пиридоксин стероидты гормондар: эстрогендер, андрогендер, гестагендердің, глюкокортикостероидтық гормондардың әсерін модификациялайды, гормон-рецепторлық кешеннің жасуша ядросымен өзара әрекеттесуін өзгертеді.

Пиридоксиннің оқшауланған тапшылығы өте сирек, негізінен арнайы жасанды тамақтануда жүрген балаларда (диареямен, құрысулармен, анемиямен білінеді, шеткергі невропатия дамуы мүмкін) кездеседі.

Қолданылуы

- В6 витаминінің гипо-, авитаминозында

- жүкті әйелдердегі токсикозда, уытты гепатиттерде, маскүнемдік кезіндегі абстиненттік синдромда кешенді ем құрамында

- гипохромдық сидероахристикалық (сидеробласттық) анемияда

- балалардағы пиридоксинге тәуелді құрысу синдромында

- туберкулезге қарсы препараттардың нейроуытты әсерлерінің профилактикасы және емдеуде

- жүйке жүйесі ауруларын емдеуде кешенді ем құрамында (Литтл ауруы, кіші хорея, невралгиялар, невриттер)

- Меньер ауруында, теңіз және әуе ауруларында

- себорея тәрізді және себореялық емес дерматитте, нейродермитте, псориазда, экссудативтік диатезде

Қолдану тәсілі және дозалары

Пиридоксинді көктамыр ішіне, бұлшықет ішіне немесе тері астына (егер ішке қабылдау мүмкін болмаса, мысалы, құсқан кезде және ішекте сіңірілуі бұзылғанда) тағайындайды.

Ересектерге В6 гипо- және авитаминозында емдік дозалар күніне 1-2 қабылдауға 50-100 мг құрайды (1-2 мл 5% ерітінді). Ересектер үшін емдеу курсы – 1 ай.

Балаларға тәулігіне 20 мг-ден (0,5 мл 5% ерітінді), емдеу курсы – 2 апта.

Паркинсонизмде бұлшықет ішіне тәулігіне 100 мг (2 мл 5%) ерітінді тағайындайды. Емдеу курсы – 20-25 инъекция. 2-3 айдан соң емдеу курсын қайталайды немесе тәулігіне 50-100 дозадан бастап, 12-15 күн бойы бір реттік инъекция түрінде тәулігіне 300-400 мг-ге жеткізе отырып, күн сайын дозаны 50 мг-ге арттырып отырады.

Анемияны емдеу үшін 100 мг-ден бұлшықет ішіне аптасына 2 рет тағайындайды. Бір уақытта фолий қышқылын, цианокобаламинді, рибофлавинді қабылдаған дұрыс.

Пиридоксинге тәуелді құрысу синдромын емдеу үшін ересектерге – көктамыр ішіне немесе бұлшықет ішіне 30-600 мг; балаларға – күнделікті 10-100 мг. Инволюциялық жастағы депрессияда – бұлшықет ішіне тәулігіне 200 мг.

ИНҚГ (изоникотин қышқылы гидразиді) және оның туындыларымен туберкулезді емдегенде ИНҚГ-нің енгізілген 1 г-ге 100 мг пиридоксин тағайындау қажет (орталық жүйке жүйесі функциялары бұзылуларының алдын алу үшін).

Жағымсыз әсерлері

- диспепсия, эпигастрий тұсының ауыруы

- парестезиялар, ұю, аяқ-қолдардың қысылуы сезімінің пайда болуы ("шұлықтар" және "қолғаптар" симптомы)

- тері бөртпесі, қышыну, есекжем, анафилаксиялық шок сияқты аллергиялық реакциялар

- енгізген жердегі тітіркену, гиперемия, ісіну түріндегі жергілікті реакциялар

- лактация төмендеуі (кейде бұл емдік әсер ретінде пайдаланылады)

Қолдануға болмайтын жағдайлар

- пиридоксинге аса жоғары сезімталдық

- ауыр бауыр жеткіліксіздігі

Сақтықпен

- асқазан мен 12- елі ішектің ойық жара ауруы (асқазан сөлі қышқылдылығының жоғарылауы мүмкіндігіне байланысты)

Мелбек форте Сипаттамасы

Бір жағында крест пішінді сызығы бар, ақшыл-сары түсті дөңгелек пішінді таблеткалар.

Фармакотерапиялық тобы

Қабынуға қарсы және ревматизмге қарсы препараттар. Қабынуға қарсы стероидты емес препараттар. Оксикамдар. Мелоксикам

АТХ коды М01АС06

Фармакологиялық қасиеттері

Фармакокинетикасы

Сіңуі. Мелоксикам асқазан-ішек жолдарынан жақсы сіңеді, ішке қабылдағандағы абсолютті биожетімділігі 90 % дерлік құрайды.

Препаратты тәулігіне 1 рет қабылдағаннан кейін Cmax және Cmin арасындағы диапазон айырмашылығы салыстырмалы түрде көп емес және 7.5 мг дозасын пайдаланғанда 0.4-1.0 мкг/мл құрайды, ал 15 мг - 0.8-2.0 мкг/мл доза пайдаланғанда (фармакокинетиканың тұрақты жай-күйіндегі кезеңдегі Cmin және Cmax мәні тиісінше келтірілген), препаратты таблетка түрінде бір рет қабылдағанда қан плазмасындағы орташа ең жоғары концентрациясына 5-6 сағат ішінде жетеді. Тамақты немесе органикалық емес антацидті агенттерді бір уақытта қабылдағанда препарат сіңуіне әсер етпейді. Көп рет қолданғанда фармакокинетикасының тұрақты жай-күйіне 3 күннен 5 күнге дейінгі мерзімде жетеді.

Таралуы. Мелоксикам плазма ақуыздарымен, әсіресе альбуминдермен (99 %) қарқынды байланысады.

Синовиальді сұйықтыққа өтеді, ондағы концентрациясы қан плазмасындағы концентрациясының шамамен 50 % құрайды.

Таралу көлемі төмен және орташа 11 л құрайды, бұл арада ауытқу коэффициенті 7 –ден 20 %-ға дейінді құрайды.

Көп рет қабылдағаннан кейін таралу көлемі (7,5–ден 15 мг дейін) орташа 11 л құрайды, жеке тұлғалар арасындағы айырмашылық 30 – 40 %-ды құрайды.

Биотрансформация. Мелоксикам бауырда елеулі биотрансформацияға ұшырайды. Несепте фармакодинамикалық белсенділігі жоқ мелоксикамның төрт әртүрлі метаболиті анықталды. Негізгі метаболит - 5´-карбоксимелоксикам (дозаның 60% шамасынан) 5´-гидроксиметилме-локсикам аралық метаболитінің тотығуы жолымен түзіледі, ол да экскрецияланады, бірақ аз дәрежеде (дозаның 9 %).

In vitro зерттеулері берілген метаболизмдік айналымдарда маңызды басты рөлді CYP2C9 изоферменті, қосымша мәнге CYP3A4 изоферменті ие болатынын көрсеткен. Басқа екі метаболит түзілуіне (препарат дозасының шамасынан тиісінше 16% және 4% құрайтын) пероксидаза қатысады, оның белсенділігінің жеке ауытқуы ықтимал.

Шығарылуы. Мелоксикам көбіне тең дәрежеде нәжіспен және бүйрек арқылы, өзгермеген түрде – тәуліктік дозаның 5 % азы нәжіспен шығарылады, несепте өзгермеген түрде препараттың бастапқы түрінің тек ізі ғана анықталады.

Жартылай шығарылуының орташа кезеңі (T1/2) 20 сағатқа жуықты құрайды. Мелоксикамды бір рет қабылдағаннан кейін жалпы плазмалық клиренсі орташа 8 мл/мин құрайды.

Дозаға байланыстылығы/дозаға байланысты болмауы. Мелоксикам 7,5–15 мг дозаларда ішке қабылдағанда немесе бұлшықет ішіне енгізгенде дозаға байланысты фармакокинетика көрсетеді.

Пациенттердің ерекше топтарындағы фармакокинетика

Бүйрек және бауыр жеткіліксіздігі бар пациенттер

Бауыр жеткіліксіздігі, ауырлығы жеңілден орташа дәрежеге дейінгі бүйрек жеткіліксіздігі мелоксикам фармакокинетикасына елеулі әсер етпейді. Бүйрек функциясының орташа бұзылуы бар пациенттерде жалпы клиренсі жоғары. Терминалды бүйрек жеткіліксіздігі бар пациенттерде таралу көлемінің ұлғаюы препараттың ақуыздармен байланысуы төмендеуі есебінен бос мелоксикамның концентрациясы артуына әкелуі мүмкін, сондықтан бұл пациенттерде тәуліктік доза 7,5 мг аспауы тиіс.

Егде жастағы адамдар

Егде жастағы еркектердегі фармакокинетикалық параметрлері жас еркектердегі параметрлерге ұқсас болады.

Егде жастағы әйелдерде AUC мәні жоғарырақ болады және екі жыныстың да жасырақ пациенттерімен салыстырғанда жартылай шығарылу кезеңі ұзағырақ.

Егде жастағы адамдарда тепе теңдік жай-күйінде орташа плазмалық клиренсі жас адамдармен салыстырғанда төмен.

Фармакодинамикасы

Мелоксикам оксикам тектестерге жататын, қабынуға қарсы, ауырғанды басатын және ыстық түсіретін қасиеттері бар, қабынуға қарсы стероидты емес (ҚҚСД) зат болып табылады.

Мелоксикамның қабынуға қарсы әсері қабынудың классикалық моделдерінде дәлелденді. Басқа да ҚҚСП сияқты, оның дәл әсер ету механизмі белгісіз болып қалып отыр. Дегенмен барлық ҚҚСП (мелоксикамды қоса) үшін ең болмағанда әсер етуінің бір жалпы тәсілі бар: қабынудың белгілі медиаторын, простагландиндердің биосинтезін тежеу.

Қолданылуы

Cимптоматикалық емде:

остеоартриттегі ауыру синдромында (артрозда, буындардың дегенерациялық аурулары)
ревматизмдік артритте
шорбуынданатын спондилоартритте

· Қолдану тәсілі және дозалары

· Емнің ұзақтығы және доза артуына байланысты жағымсыз құбылыстар дамуынан аулақ болу үшін мүмкіндігінше ем ұзақтығын азайту және ең төмен тәуліктік дозасы қажет.Тәуліктік дозасын бір рет, тамақ ішу кезінде, сумен немесе басқа сұйықтықпен іше отырып, қабылдау керек.

· Әртүрлі дәрілік түрде қолданылатын МЕЛБЕК ФОРТ ® препаратының ұсынылатын тәуліктік дозасы 15 мг аспауы тиіс.

Остеоартриттегі ауыру синдромы:	7,5 мг/тәулік (15 мг таблетканың жартысы). Қажет болғанда дозаны тәулігіне 15 мг дейін ұлғайтуға болады (15 мг бір таблетка)
Ревматоидтыартрит:	15 мг/тәулік (15 мг бір таблетка). Емдік реакцияларына қарай дозаны 7,5 мг/ тәулік (15 мг таблетканың жартысы) дейін азайтуға болады
Шорбуынданатын спондилоартрит:	15 мг/ тәулік (15 мг бір таблетка). Емдік реакцияларына қарай дозаны 7,5 мг/ тәулік (15 мг таблетканың жартысы) дейін азайтуға болады

Қолдануға болмайтын жағдайлар

жүктілік, лактация кезеңі
балалар және 16 жасқа дейінгі жасөспірімдік жас
мелоксикамға, препараттың кез келген басқа компонентіне, фармакологиялық әсері ұқсас, мысалы ҚҚСП, ацетилсалицил қышқылына аса жоғары сезімталдық
сыртартқысында ацетилсалицил қышқылын немесе басқа ҚҚСП пайдаланғанда демікпе, мұрын полиптерінің, ангионевроздық ісінудің немесе есекжем белгілері болғанда
осының алдындағы ҚҚСП еміне байланысты асқазан-ішек қан кетулері немесе тесілулері
асқазан-ішек және он екі елі ішектің шырышының эрозиялық ойық жаралы өзгерістері/асқыну фазасындағы тесілулері
жуырда өткерген ішектің жедел қабыну аурулары (спецификалық емес асқыну фазасындағы ойық жаралы колит, Крон ауруы)
коронарлық артерияны шунттауға арналған (КАШТ) трансплантатты орнататын аумақтағы операция кезіндегі ауыру
ауыр бауыр жеткіліксіздігі
гемодиализ жүргізілмейтін ауыр бүйрек жеткіліксіздігі
ойық жаралы асқазан-ішек қан кетулері, жуырда өткерген цереброваскулярлық қан кетулер немесе басқа да геморрагиялық аурулар
декомпенсацияланған жүрек жеткіліксіздігі

Кетотоп Сипаттамасы

Екі жақ беті дөңес,ақ немесе ақ дерлік түсті, қабықпен қапталған таблеткалар.

Фармакотерапиялық тобы

Қабынуға қарсы стероидты емес препараттар. Пропион қышқылының туындылары.Кетопрофен.

АТХ коды M01AЕ03

Фармакологиялық қасиеттері

Фармакокинетикасы

Ішу арқылы қабылдағанда кетопрофен асқазан-ішек жолынан (АІЖ) тез және жеткілікті түрде толық сіңеді, биожетімділігі – 90%-ға жуық. Қандағы С max мәніне ішке қабылдағаннан кейін 2-6 сағаттан соң жетеді. Тамақпен бір мезгілде қабылдағанда жалпы биожетімділігі (AUC) өзгермейді, бірақ сіңу жылдамдығы баяулайды. Сіңуі бауыр арқылы «алғаш өту» әсерімен қатар жүреді. Қан плазмасы ақуыздарымен байланысуы, көбіне-альбуминмен – 99%. Плазмадағы тепе-тең концентрацияға жүйелі қабылдай бастағаннан кейін 24 сағаттан соң жетеді. Гистогематикалық бөгеттерден жеңіл өтеді және тіндер мен ағзаларға таралады. Кетопрофеннің синовиальді сұйықтықтағы деңгейі қандағыдан төмен, бірақ емдік шекте көп уақыт бойы сақталады (6-8 сағат). Бауырда глюкуронидация жолымен метаболизденеді. 24 сағат ішінде көбіне бүйректер арқылы 80%-ы, негізінен, глюкуронды туындысы түрінде шығарылады. 10%-дан азырағы өзгермеген күйінде нәжіспен бірге шығарылады. T 1/2 – ішке қабылдағаннан кейін 2-4 сағат. Бүйрек жеткіліксіздігінде шығарылуы баяулайды.

Егде жастағы пациенттерде плазмалық және бүйректік клиренсі төмен болады, С max, AUC және байланыссыз фракциялар мәні жастың ұлғаюымен жоғарылайды (еркектерден гөрі әйелдерде көбірек).

Фармакодинамикасы

Кетотоп® форте қабынуға қарсы стероидты емес дәрілер (ҚҚСД) тобына жатады және ауыруды басатын, қабынуға қарсы және ыстық түсіретін әсері бар. Әсер ету механизмі циклооксигеназдар (ЦОГ-1 және ЦОГ-2) белсенділігін және простагландин Е2 тосқауылын басу, сондай-ақ брадикинин синтезін тежеу мен лизосомалық жарғақшаны тұрақтандырумен байланысты. Нәтижесінде Кетотоп® форте тірек-қимыл аппаратының қабыну-дегенеративті ауруларының көріністерін азайтады, атап айтқанда қозғалыста және тыныш күйде буындардың ауыруын бәсеңдетеді, буындардың таңертеңгілік сіресіп қалуын және ісінулерін азайтады, қозғалыс көлемінің ұлғаюына мүмкіндік береді.

Қолданылуы

- артриттерде, соның ішінде ревматоидты, псориаздық, реактивтік (кешенді ем құрамында)

- спондилоартритте

- тендинитте, бурситте

- невралгияда, миалгия және қабынулар мен ауыру синдромдарымен қатар жүретін тірек-қимыл аппаратының басқа да ауруларында

Қолдану тәсілі және дозалары

Ересектер мен 15 жастан асқан жасөспірімдерде

Кетотоп® форте таблеткаларын тамақ ішу кезінде немесе тамақ ішіп болысымен бірден, шайнамай, судың немесе сүттің жеткілікті мөлшерімен (кем дегенде 100 мл) ішіп қабылдайды. Кетотоп® форте 100 мг: ересектерге тәулігіне 2 рет 1 таблеткадан тағайындайды.

Ең жоғары тәуліктік доза 200 мг құрайды.

Жағымсыз әсерлерге жол бермеу үшін пациент Кетотоп® форте препаратымен бірге антацидтік дәрілерді қабылдауы мүмкін.

Емдеу ұзақтығын дәрігер белгілейді.

Креатинин клиренсі минутына 20 мл-ден төмен болатын бүйректің ауыр емес жеткілдіксіздігі және бауырдың созылмалы аурулары (қан сарысуында альбумин деңгейі төмендеген) бар пациенттерде кетопрофен дозасын азайтқан жөн.

Жағымсыз әсері

Жиі

- жүректің айнуы, құсу, іштің ауыруы, диспепсия, өліммен аяқталуға дейін апаратын қан кетумен асқынуы мүмкін пептикалық ойық жаралардың түзілуі

- бауыр функциясының (трансаминазалар деңгейінің жоғарылауы мүмкін), оның ішінде сарғаю, гепатит

- бас ауыру, бас айналу

- ұйқысыздық, ұйқышылдық, қозу, күйгелектік, депрессия, астения, қажығыштық

- құлақтың шыңылдауы, көрудің көмескіленуі

- артериялық қысымның жоғарылауы

- ісіну синдромы

- тері бөртпесі (соның ішінде эритематозды), есекжем, терінің қышуы

- терлеудің күшеюі

Қолдануға болмайтын жағдайлар

- кетопрофенге, аспиринге немесе қабынуға қарсы басқа да стероидты емес дәрілерге жекелей жоғары сезімталдық (анамнезде ацетилсалицил қышқылын қабылдаумен байланысты демікпе, бронхтың түйілуі, есекжем немесе ринит көрсетілген)

- жүректің ауыр жеткіліксіздігі

- өршу сатысындағы асқазан-ішек жолының аурулары (гастрит, асқазанның ойық жаралы ауруы, анамнезде асқазан-ішек жолынан қан кетулер, ойық жараның түзілуі немесе тесілуі көрсетілген)

- қан кетулер (асқазан-ішектік,цереброваскулярлы және басқа да белсенді қан кетулер)

- қан кетуге бейімділік

- бауыр немесе бүйрек функцияларының айқын бұзылулары

- қан тарапынан бұзылулар (лейкопения, тромбоцитопения, гемокоагуляцияның бұзылуы)

- бронх демікпесі, ринит

- жүктілік және лактация кезеңі

- 15 жасқа дейінгі балалар мен жасөспірімдер

Никотин қышқылы Сипаттамасы

Мөлдір, түссіз сұйықтық.

Фармакотерапиялық тобы

Гиполипидемиялық препараттар. Гипохолестеринемиялық және гипотриглицеридемиялық препараттар. Никотин қышқылы және оның туындылары. Никотин қышқылы.

АТХ коды C10AD02

Фармакологиялық қасиеттері

Фармакокинетикасы

Никотин қышқылы парентеральді түрде енгізген кезде тез сіңеді. Ағзалар мен тіндерге біркелкі таралады. Негізінен, метилдену арқылы және азырақ конъюгациялануы арқылы белсенділігі жойылады. N-метилникотинамид, метилпиридонкарбоксамидтер, глюкуронид және глицинмен кешен түзе отырып, бауырда ішінара биоөзгеріске ұшырайды. Жартылай шығарылу кезеңі (Т_1/2) – 45 минут. Организмнен бүйрек арқылы өзгермеген күйінде және метаболиттер түрінде шығарылады. Бүйректік клиренсі никотин қышқылының қан плазмасындағы концентрациясына байланысты және оның плазмадағы концентрациясы жоғары болған кезде төмендеуі мүмкін.

Фармакодинамикасы

Құрылымы бойынша никотин қышқылы никотинамидке ұқсас.
Никотин қышқылы және оның амиді организмнің тіршілігінде елеулі рөл атқарады: олар – сутегіні тасымалдаушы және тотығу-тотықсыздану үдерістерін жүзеге асыратын кодегидраза І (дифосфопиридиннуклеотид - НАД) және кодегидраза ІІ (трифосфопиридиннуклеотид - НАДФ) ферменттерінің простетикалық тобы болып табылады. Кодегидраза ІІ фосфатты тасымалдауға да қатысады.

Никотин қышқылы РР витамині тапшылығының орнын толтырады, қантамырларды кеңейтетін әсер береді. Тіндік тыныс алуды, май алмасуларын реттеуге қатысады, холестериннің, тығыздығы төмен липопротеидтердің (әсіресе триглицеридтердің) жалпы деңгейін төмендетеді.

Қолданылуы

- пеллаграның (РР авитаминозы) профилактикасында және емдеуде

Кешенді ем құрамында: аяқ-қол қантамырларының тарылуында (облитерациялайтын эндартериит, Рейно ауруы), бет жүйкесінің невритінде, ми қанайналымының ишемиялық бұзылуларында.

Қолдану тәсілі және дозалары

Никотин қышқылын ерсектерге тері астына, бұлшықет ішіне немесе көктамыр ішіне баяу енгізеді.

Көктамыр ішіне сорғалатып енгізу үшін препараттың бір реттік дозасын 10 мл 0,9 % натрий хлориді ерітіндісінде сұйылтады, кемінде 5 минут ішінде енгізеді (1 минут ішінде 2 мг никотин қышқылынан асырмай).

Көктамыр ішіне тамшылатып енгізу үшін препараттың бір реттік дозасын 100-200 мл 0,9 % натрий хлориді ерітіндісінде сұйылтады, енгізу жылдамдығы – минутына 30-40 тамшы.

Теріастылық және бұлшықетішілік енгізулері ауысынумен жүреді.

Пеллаграда көктамыр ішіне немесе бұлшықет ішіне 1% ерітіндіні 10-15 күн бойы күніне 1-2 рет 1 мл-ден енгізеді.

Ми қанайналымының ишемиялық бұзылуында көктамыр ішіне (баяу) 1 мл 1% ерітіндіні енгізеді.

Басқа көрсетілімдерде тері астына немесе бұлшықет ішіне 10-15 күн бойы күніне 1 рет 10 мг (1 мл) тағайындайды. Инфузиялық ерітіндіге: 10 мг (1 мл) никотин қышқылын 100-200 мл инфузиялық ерітіндіге қосуға болады.

Көктамыр ішіне енгізгендегі ж оғарғы дозалары: бір реттік – 100 мг (10 мл), тәуліктік – 300 мг (30 мл).

Жағымсыз әсерлері

- шаншу мен күйдіру сезімі болатын бет және дененің үстіңгі жағының гиперемиясы (сезімталдығы жоғары адамдарда)

- есекжем, қышыну сезімі, бөртпе

- бас айналуы, басқа қан тебу сезімі, бас ауыруы

- ортостатикалық гипотензия, коллапс (көктамыр ішіне жылдам енгізгенде)

Қолдануға болмайтын жағдайлар

-никотин қышқылына жоғары сезімталдық

- артериялық гипертензияның ауыр түрлері

- атеросклероз (көктамырішілік инъекция үшін)

- асқазан мен он екі елі ішектің ойық жара ауруы (өршу сатысында)

- бауыр функциясының айқын бұзылуы: гепатит, бауыр циррозы