Родная мова – прадмет вывучэння, сродак навучання, фарміравання і развіцця асобы школьніка. Канцэпцыя моўнай адукацыі ў Рэспублікі Беларусь. Адукацыйны стандарт па беларускай мове: прызначэнне, змест, структура.
Мэта навучання беларускай мове ў школе і іншых сярэдніх вучэбных установах розных тыпаў – фарміраванне моўнай асобы, сапраўднага грамадзяніна Рэспублікі Беларусь, удумлівага чытача, адукаванага суразмоўніка, спагадлівага, высакароднага чалавека.
Задачы, якія неабходна вырашыць для рэалізацыі дадзенай мэты:
– развіццё і выхаванне школьнікаў сродкамі беларускай мовы;
– авалоданне імі беларускай мовай як сродкам зносін і пазнання свету;
– засваенне ведаў пра будову і функцыянаванне беларускай мовы;
– фарміраванне здольнасці эфектыўна выкарыстоўвасць беларускую мову ў розных сферах сваёй дзейнасці;
– набыццё моўнай, маўленчай, лінгвістычнай і этнакультурнай кампетэнцыі.
Спецыяльныя і агульнапрадметныя мэты навучання мове ў сучаснай школе.
Спецыяльныя мэты навучання беларускай мове:
|
|
а) п а з н а в а л ь н ы я:
– фарміраванне ў школьнікаў лінгвістычнага светапогляду (лінгвістычная кампетэнцыя, у склад якой уваходзіць і этнакультурная кампетэнцыя);
– узбраенне школьнікаў асновамі ведаў аб мове і маўленні (моўная кампетэнцыя);
– эстэтычнае выхаванне дзяцей сродкамі беларускай мовы як вучэбнага прадмета (у пэўнай меры – этнакультурная кампетэнцыя);
б) п р а к т ы ч н ы я м э т ы:
– фарміраванне арфаграфічных і пунктуацыйных уменняў і навыкаў;
– узбраенне школьнікаў нормамі літаратурнай мовы;
– удасканаленне маўленчай дзейнасці школьнікаў: навучанне гаварэнню, слуханню, чытанню, пісьму; навучанне зносінам, камунікацыі.
Агульнапрадметныя мэты навучання беларускай мове:
– выхаванне школьнікаў;
– развіццё лагічнага мыслення;
– навучанне школьнікаў самастойнаму папаўненню ведаў аб мове.
Асноўныя канцэпцыі навучання беларускай мове: лінгвацэнтрычная і антрапацэнтрычная (асобасна арыентаваная).
1.4.Асноўныя заканамернасці засваення мовы і прынцыпы навучання мове
Асноўныя заканамернасці засваення мовы як роднай і другой:
– авалоданне мовай пачынаецца з авалодання яе гукавой матэрыяй;
– мовай авалодваюць тады, калі засвойваюць моўныя значэнні;
– семантычная бесканфліктнасць рэцэпцыі;
– унутраная міжмоўная ідэнтыфікацыя;
– узаемаўплыў пісьмовай і вуснай мовы пры фарміраванні маўленчых навыкаў;
– вызначальная роля спецыяльна створанага развіццёвага маўленчага асяроддзя.
Асноўныя прынцыпы навучання мове
Асноўныя дыдактычныя прынцыпы навучання мове:
– развіццёвага і выхаваўчага характару;
|
|
– навуковасці зместу навучання і метадаў вучэбнага працэсу;
– сістэматычнасці і паслядоўнасці ў авалоданні ведамі пры фарміраванні уменняў і навыкаў;
– свядомасці, творчай актыўнасці і самастойнасці школьнікаў;
– прынцып нагляднасці, адзінства канкрэтнага і абстрактнага, рацыянальнага і эмацыянальнага, рэпрадуктыўнага і прадуктыўнага пры арганізацыі вучэбнага працэсу;
– даступнасці навучання;
– трываласці вынікаў навучання;
– рацыянальнага спалучэння калектыўных і індывідуальных формаў вучэбнай дзейнасці школьнікаў;
– пераемнасці і перспектыўнасці;
– сувязі вывучэння мовы і літаратуры.
Сучасныя дыдактычныя прынцыпы арганізацыі адукацыйнай дзейнасці вучняў:
– антрапалізацыя адукацыі;
– успрыманне вучэбнага прадмета з пазіцый асобасных патрэб;
– педагагічнай кангеніяльнасці і свабоды ў развіцці асобы;
– адукацыйнага працэсу.
Лінгвадыдактычныя прынцыпы навучання беларускай мове:
– увагі да матэрыі мовы;
– ацэнкі выразнасці мовы;
– развіцця “ моўнай чуйнасці”;
– каардынацыі вуснай і пісьмовай мовы;
– структурна-семантычны;
– апора на этнакультуру;
– функцыянальна-камунікатыўнай накіраванасці;
– накіраванасці працэсу навучання на паўнавартаснае фарміраванне і развіццё моўнай асобы школьніка;
– уліку фактару бікультурнага развіцця дзіцяці;
– скіраванасці навучання на асэнсаванне беларускай мовы як этнакультурнага гістарычнага асяроддзя;
– арыентацыі працэсу навучання на засваенне літаратурнай нормы з мэтай фарміравання асобы вучня як моўна-эстэтычнага ідэалу;
– прынцып забеспячэння інтэлектуальнага і індывідуальнага развіцця школьнікаў;
– прынцып апераджальнага развіцця рэцэптыўных здольнасцей дзіцяці.