Тэст № 19

А1. Адзначце слова(-ы) з няправільна вызначаным лексічным значэннем:

1) Разважлівы – якому ўласціва павага, розум;

2) Бадылле – пруткія сцябліны пераважна аднагадовых раслін;

3) Бакалея – некаторыя харчовыя тавары: мука, крупы, цукар;

4) Гмах – вялікі і высотны будынак;

5) Карункі – пацеркі з каралавых або іншых каштоўных камянёў.

А2. Адзначце мнагазначнае слова(-ы):

1) школа; 4) настаўнік;

2) падручнік; 5) ранец.

3) аловак;

А3. Адзначце словазлучэнне(-і), у якім(-іх) выдзеленыя словы ўжыты ў пераносным значэнні:

1) адгарадзіцца ад усяго свету; 4) авалодаць прафесіяй;

2) адгучалі песні; 5) адставіць крэсла ўбок.

3) абярнуцца на знаёмы голас;

А4. Адзначце рад(-ы), у якім(-іх) усе словы з’яўляюцца сінонімамі:

1) абшар, гладзь, прастор, раздолле;

2) адасобленасць, адарванасць, замкнёнасць, ізаляванасць;

3) аднолькавы, аднатыпны, раўназначны, раўнацэнны;

4) адчай, маркота, разгубленасць, роспач;

5) абяцанне, запэўненне, зарок, клятва.

А5. Выпішыце з сінанімічнага рада дамінанту:

Палохацца, баяцца, апасацца, дрыжаць, дрэйфіць.

А6. Адзначце словазлучэнне(-і) з сэнсава не спалучальнымі словамі:

1) судна пачалі буксаваць да берага;

2) ганчарны выраб;

3) ганарлівае званне;

4) расчапіць засцежку для пацерак;

5) зайздрослівае здароўе.

А7. Адзначце сказ(-ы), у якім(-іх) есць фразеалагізмы:

1) Заспелы гэтым патопам, заяц даў лататы з усёй моцы сваіх задніх лап;

2) Грывасты дым вісеў над лесам;

3) Відаць усё як на далоні;

4) Дзяўчына на момант замяшалася, потым ускінула на яго свае бойкія вочы;

5) Хутчэй бы прыйшла зіма, белая і маладая.

А8. Сінонімамі да фразеалагізма ШТО КІЕМ ПА ВАДЗЕ з’яўляюцца словы:

1) ні за што ні пра што; 4) бескарысна;

2) старанна; 5) выдатна.

3) дарэмна;

А9. Адзначце сказ(-ы), дзе фразеалагізм выконвае сінтаксічную функцыю азначэння:

1) Алеся пасля гэтай гутаркі ўсю ноч вачэй не магла звесці.

2) Большую частку залы займаюць людзі не першай маладосці.

3) Збіты з тропу, настаўнік шырока расплюшчыў вочы.

4) Цяпер я стрэляны верабей.

5) Я цябе прашу, хоць гады ў рады прысніся.

А10. Выпішыце ў пачатковай форме слова, якое ў рускай і беларускай мовах мае рознае значэнне:

Калі мы не хочам загінуць, калі не хочам быць вечнымі рабамі, - павінны пакінуць мы благую прывычку думаць, што нехта прыйдзе і выратуе нас з нашай бяды, з нашай няволі.