Праграма курса

Тлумачальная запіска

Вывучэнне дысцыпліны “Крэатыўная дзейнасць” студэнтамі спецыяльнасці “сацыяльна-культурная дзейнасць” прадугледжана ў межах “Тэхналогіі СКД” ў якасці адной з дысцыплін прафесійнай падрыхтоўкі. Разам з тым навучальны курс "Крэатыўная дзейнасць" мае свой прадмет, сваю спецыфіку і асаблівасці. Навучальны курс пабудаваны з улікам асаблівасцяў генэзы сучаснай крэатыўнай дзейнасці і арыентаваны на развіццё пэўна-практычных ведаў, уменняў і навыкаў спецыялістаў сацыяльна-культурнай дзейнасці.

Прадметам "Крэатыўнай дзейнасці" як навучальнай дысцыпліны з'яўляецца вывучэнне прынцыпаў і метадаў развіцця і функцыянавання перадавых крэатыўных тэхналогій сацыяльна-культурнай дзейнасці. Навучальная праграма прадугледжвае вывучэнне "Крэатыўнай дзейнасці" на агульных філасофскіх прынцыпах. Найважнейшымі з іх з'яўляюцца прынцыпы сістэмнасці, лагічнасці, паслядоўнасці, прычынна-следчых сувязяў і іншыя. Пры вывучэнні курсу "Крэатыўная дзейнасць" выкарыстоўваецца сістэмна-праблемны падыход.

Вывучэнне студэнтамі "Крэатыўнай дзейнасці" заклікана вырашыць шэраг агульных і пэўных прафесійных навучальных задач. Рашэнне агульных задач складаецца з паглыблення базавай агульнай падрыхтоўкі будучых спецыялістаў сацыяльна-культурнай дзейнасці. У прафесійным плане вывучэнне гэтага курсу студэнтамі дазваляе ім, па-першае, глыбейш спазнаць і асэнсаваць асаблівасці сучасных прынцыпаў, метадаў і тэхналогій стварэння прадуктаў у сацыяльна-культурнай сферы. Па-другое, выпрацаваць у студэнтаў глыбокія веды, уменні і навыкі творчасці, разуменне характэрных для яго працэсаў, сфарміраваць больш выразнае ўяўленне пра перспектывы яго развіцця. Па-трэцяе, дапамагчы студэнтам дакладней вызначыць сваё месца і ролю спецыяліста сацыяльна-культурнай дзейнасці ў фармаванні прафесійнай індустрыі ў сацыяльна-культурнай сферы.

Вывучэнне дысцыпліны “Крэатыўная дзейнасць” разлічана на 48 гадзіны, з іх 40 аўдыторныя, прыкладнае размеркаванне якіх па відах заняткаў: 12 гадзін – лекцыйныя, 4 – семінарскія, 24 – лабараторныя.

На аўдыторных занятках пад час вывучэння "Крэатыўная дзейнасць" выкарыстоўваюцца: практыка арыентаваныя інтэрактыўныя формы і кансультацыі па запытах студэнтаў. Могуць таксама арганізоўвацца творчыя дыспуты студэнтаў па актуальных праблемах. Але аснову засваення навучальнага курсу складае самастойная праца студэнтаў па вывучэнні рэкамендаваных выкладчыкам крыніц і літаратуры і практычная праца на лабараторных занятках. Гэта праца ажыццяўляецца ў адпаведнасці з графікам пад кіраўніцтвам і кантролем выкладчыка. Акрамя названых формаў ў межах рэалізацыі кампэтэнтнаснага падыходу ў вучэбна-выхаваўчым працэсе выкарыстоўваюцца: вучэбна-метадычныя комплексы, варыятыўныя модулі самастойнай працы студэнтаў, рэйтынгавая сістэма, сучасныя інфармацыйныя тэхналогіі, методыкі інтэрактыўнага навучання, творчы праект.

Бягучы кантроль ведаў студэнтаў ажыццяўляецца падчас выканання лабараторных работ і па выніках самастойнай працы студэнтаў. Форма выніковагу кантролю – “Залік”.