Тышта яз

Бар минем ике кулым.

Бар минем ике кулым

Ике аяк, бер башым.

Борыным, авызым,

Ике колагым

Бигрәк матур

Мин үзем.

Безнең белән өйрәнегез!

Г. Гараева музыкасы һәм сүзләре

Көз белән балалар җыры.

- Көз, көз, әйт әле,

Кәрзинеңдә ниләр бар?

- Кәрзинемдә кыярлар,

Помидор hәм алмалар.

- Көз, көз, әйт әле,

Кәрзинеңдә ниләр бар?

- Кәрзинемдә яңгырлар

Кызыл, сары яфраклар.

Безнең белән өйрәнегез!

Әминә Бикчәнтәева

Туп.

Әминә елый үкереп,

Тубым суга төште, дип,

-Чү, Әминә, елама,

Туп батмый ул елгада.

Безнең белән өйрәнегез!

Шайхи Маннур

Яратам

Яратам мин өемне,

Әти белән әнине,

Абый белән энемне,

Бишектәге сеңлемне

Безнең белән өйрәнегез!

Әхмәт Ерикәй

Тышта яз

Тышта яз әле

Яңа башлана:

Тамчылар тып-тып

Түбәдән тама.

Безнең белән өйрәнегез!

Әхмәт Ерикәй

Көз.

Көз килде. Үләннәр

Саргайды, шиңде.

Сап-сары яфраклар

Җиргә сибелде.

Безнең белән өйрәнегез!

Гасыйм Лотфи

Әтәч

Иртән бик иртә тора,

Канат кагып кычкыра:

- Кикрикүк! Кикрикүк!

Тор иртәрәк: эшең күп...

Безнең белән өйрәнегез!

Нәкый Исәнбәт

Куянкай

Әй, куян, куян,

Кечкенә генә,

Бик йомшак кына,

Бик куркак кына.

Ике колагы

Озынкай гына,

Аягы җинел –

Мамыктай гына.

Безнең белән өйрәнегез!

Эндәшләр

Кояш чык!

Болыт кач!

Без уйнарбыз

Җылыткач!

Яңгыр яу, яу,яу!

Сине көтә җир, җир!

Безгә күмәч бир, бир!

Безнең белән өйрәнегез!