Жыццё і творчасць Міхася Зарэцкага.
Кіраўнік БДТ-1Вячаслаў Селяха разам з балетмайстрам Кірхгеймам і Багданавым, а таксама вядомай балетнай парай — Сямёнавай і Брэві ажыццявілі пастаноўку п’есы «Бронецягнік 14-69», якая выклікала розную рэакцыю ў грамадскіх і мастацкіх колах, стала прычынай палемікі, тэатральных дыскусій 1927-1928 гг., у якіх абмяркоўваліся далейшыя творчыя шляхі беларускага тэатра ва ўмовах беларусізацыі. Пачатак дыскусii звычайна звязваюць з iмем паэта i лiтаратурнага крытыка Алеся Дудара (у дыскусii выступаў як Тодар Глыбоцкi). Мiж тым, першы дыскусiйны артыкул належаў усё ж Зарэцкаму. У далейшым, пры абмеркаваннi стану i задач iдэалагiчна-мастацкай работы фабрыкi Белдзяржкiно на вытворчай нарадзе фабрыкi, Зарэцкага абвiнавацiлi ў тым, што ў лiстападаўскiм артыкуле 1928 г. ён iмкнуўся навязаць Белдзяржкiно погляды"беларускага контррэвалюцыйнага нацыянал-дэмакратызму". Як доказ, прыводзiлiся палажэннi з артыкула, якiя атрымалi распаўсюджанне ў "тэатральнай дыскусii":Вынікі—прыняцце пастановы «Аб фактах прасочваньня класава-варожых, нацыянальна-дэмакратычных уплываў у мастацкую літаратуру БССР». Пасьля чаго адкрылася дарога для ОГПУ і НКВД.
|
|
Старонкі біяграфіі Кузьмы Чорнага. Сучаснае прачытанне прозы пісьменніка.
1900-1944
Мікалай Карлавіч Раманоўскі
Кузьма Чорны яшчэ толькі пачынаў, а крытыка яго ўжо ахрысціла «беларускім Дастаеўскім». Сам ён добра ведаў,што для таго, каб стаць «Дастаеўскім», узысці на ўзровень вялікага пісьменніка, трэба было перш за ўсё стаць беларускім пісьменнікам, выявіць у сваёй творчасці нацыянальны характар беларуса, стварыць беларускі раман, беларускі стыль. Менавіта сам Чорны і стаў стваральнікам беларускай сацыяльна-псіхалагічнай і інтэлектуальна-філасофскай прозы. Кузьма Чорны — выдатны знаўца народнай гаворкі. Ён ўзбагаціў нацыянальную прозу творамі, у якіх узноўлены шырокія карціны рэчаіснасці, створаны шматстайныя чалавечыя характары, пастаўлены вострыя праблемы часу, зроблены глыбокія філасофскія абагульненні.
Нарадзіўся: в. Боркі,у сям’і парабка. У 1907 пераехалі ў фальварак Вінцэнтова. Тут
Мікола з дапамогай маці Глікерыі Міхайлаўны навучыўся чытаць. Кнігі былі больш
выпадковыя, сярод прачытанага Чорны ўспамінае Біблію, нешта з твораў Льва
Талстога, розныя палітычныя брашуры. Запомнілася першая ўласная кніжка
«Канёк-Гарбунок» Пятра Яршова, падораная заезджымі гандлярамі. Мікола быў
здольны хлапчына: добра маляваў, іграў на розных музычных інструментах, меў
прыгожы голас, умеў цудоўна апавядаць розныя гісторыі, прадстаўляючы ў асобах,
|
|
іграў у школьных спектаклях. Багатае духоўнае жыццё яго, аднак, ішло на фоне
жахлівай беднасці. Пра сваё маленства Чорны ўспамінаў: «Гэта быў жудасны час,
калі кавалак хлеба і палатняная рубашка — адна на год, здаваліся шчасцем. Так
жылі ўсе тыя людзі, сярод якіх я вырас і выгадаваўся. Так жыў народ».
Каля маёнтка, дзе яны парабкавалі, школ блізка не было, таму вярнуліся на
бацькаўшчыну, у мястэчка Цімкавічы.
Адукацыя:
-Цімкаўскае народнае вучылішча
-Нясвіжская настаўніцкая семінарыя (вучоба перарывалася з-за рэвалюцыі 1917 і нашэсця белапалякаў)
-Беларускі ўніверсітэт
Працаваў:
-настаўнікам
-сакратар аддзела народнай адукацыі
-у рэдакцыі г “Беларуская веска”, “Раздавім фашысцкую гадзіну”,ч. “Беларусь”
-кір кабінета Маладога аўтара
Псеўданімы:
Ігнат Булава з-пад Турава, Раман Талапіла, Арцём Чамярыца, Сымон Чарпакевіч, Максім Алешнік
Творчасць:
Першае апавяданне ў 1923 у г “Савецкая Беларусь”, падпісаныя псеўданімам -Кузьма Чорны. Так пісьменнік аддаваў даніну павагі свайму дзеду Міхалу Парыбку, па-вулічнаму — Чорнаму, майстру-сурвэтніку. Уваходзіць у “Маладняк”. Шмат друкуецца, а ў 1925 г. выдае адразу два невялікія зборнікі сваіх твораў — «Апавяданні» і «Срэбра жыцця». У гэтым жа годзе ён быў змушаны пакінуць вучобу — пачаўея хваравіты працэс у лёгкіх. Паездка на лячэнне ў Крым памагла. Творчая актыўнасць Чорнага ў 20-я гады ўражвае. У адным 1926 г. выходзіць адразу тры зборнікі яго апавяданняў: «Па дарозе», «Пачуцці», «Хвоі гавораць». У наступным 1927 г. пачынае друкавацца яго першы раман «Сястра», а ў 1928 выходзіць асобным выданнем яшчэ адзін раман Чорнага «Зямля». Амаль кожны год у празаіка публікуюцца новыя аб'ёмістыя творы. З мая 1926 г. Кузьма Чорны з'яўляецца старшынёй літаратурнага аб'яднання «Узвышша» і адначасова галоўным рэдактарам аднайменнага часопіса, застаючыся на гэтых пасадах ажно да самага скасавання арганізацыі ў 1932 г., калі партыя сваёй спецыяльнай пастановай ліквідавала ўсе існуючыя літаратурныя арганізацыі з мэтаю стварыць Саюз савецкіх пісьменікаў.
Вульгарная крытыка канца 20-х і пачатку 30-х гадоў папракала Чорнага ў апраўданні «кулака», «хутаранскіх настроях», а таксама ў «біялагізме» і «фізіялагізме», запазычаных нібыта ў французскіх пісьменнікаўнатуралістаў. У 30-я гады Чорны актыўна ўдзельнічаў у літаратурным жыцці Беларусі, быў адным з арганізатараў Саюза пісьменнікаў.
У1938 г. Чорны быў арыштаваны. Яго называлі «польскім шпіёнам» на той паставе, што нібыта ў час гаворак з сялянамі на рынку ён выпытваў звесткі і сакрэтную інфармацыю. Між тым для Чорнага гэта быў адзін з яго любімых спосабаў папаўняць свае веды аб жыцці і людзях. У 1939 г. Чорнага нечакана выпусцілі з турмы: кіраўніцтва НКУС рабіла выгляд абнаўлення палітыкі, выпусціўшы на волю невялікую колькасць нявінна асуджаных людзей. У тэты час Чорны быў вельмі хворы: балела сэрца, апухалі да калень ногі. А галоўнае: ён быў глыбока ўзрушаны ўсім убачаным у сталінскіх засценках.
Падчас Вав разам з бежанцамі Чорны дайшоў да Крычава, развітаўся з сям'ёй і пайшоў у ваенкамат. Уступіў у шэрагі Чырвонай Арміі, але праз некалькі дзён быў адкліканы ў групу друку. З 1942 г. Чорны жыве ў Маскве, у гасцініцы «Якар», дзе займае цесны нумар разам з сям'ёй. Пасля вызвалення Мінска ён прыязджае на Радзіму, два месяцы туліцца з сям'ёй у прахадным пакоі будынка Саюза пісьменнікаў, нарэшце атрымлівае змрочны і халодны пакойчык-кватэру, дзе і памірае. У архіве пісьменніка застаўся дзённік і звыш дзесятка пачатых вялікіх твораў.
Кузьма Чорны – апавядальнік. Асаблівасці псіхалагічнага аналізу пісьменніка. (2–3 апавяданні на выбар).
Раннія апавяданні празаіка — тыповыя для творчасці «маладнякоўцаў» замалёўкі, эцюды, імпрэсіі. У пачатковы перыяд Чорны паралельна з прозаю піша і друкуе вершы, дзе апяваецца хараство беларускай прырод'ы— сведчанне таго, што ён як творца знаходзіўся на раздарожжы. Выбар героя, між тым, зроблены ім адразу— гэта мужык-беларус, бядняк, які ўвесь век марыў аб вольнай працы на ўласнай зямлі.
|
|
Чорнаму, як і многім ў 20-я гады, здавалася, што рэвалюцыя адбывалася дзеля вызвалення чалавека, а таму мелі сваё апраўданне вялікія панесеныя ахвяры. Але ен не мог не заўважыць і расчалавечвання. Па асаблівай засяроджанасці на праблемах чалавеказнаўства Чорны належаў да тыпу пісьменнікаў, якому ўласцівае трагічнае светаўспрыманне. Мацней за ўсё яго як мастака слова, як самабытнага філосафа беларускага шляху займала пытанне: адкуль усё ідзе і куды вядзе? У сваёй творчасці Чорны працягваў купалаўска-коласаўскую традыцыю ўвагі да жыцця і турбот «маленькага чалавека», які пасля рэвалюцыі адчуў у сабе гонар называцца беларусам. Сваё разуменне нацыянальнага характару беларуса пісьменнік выказаў у афарыстычным выслоўі: «I ў цішыні буры, і ў бурах — цішыня...». Вонкавая ціхмянасць, сціпласць, цярплівасць, памяркоўнасць, талерантнасць беларускага селяніна тоіць, на думку Чорнага, у сабе бунтоўнае непрыняцце ўсялякага здзеку і гвалту. Герой Чорнага часта можа выглядаць занадта дробязным і мітуслівым.
У 20-я гады пісьменнік надаваў увагу паказу паўсядзённасці. Вясковае беларускае жыццё не было для аўтара экзотыкай, ён добра яго ведаў і праз яго хацеў “высвеціць” характар сваіх суайчыннікаў. К.Чорны захапляўся працавітасцю, трывушчасцю селяніна, яго любоўю да зямлі, аднак не закрываў вочы на сялянскую пасіўнасць, шырока распаўсюджаную інертнасць у грамадскіх справах, аглядку на мінулае. Часта старая вёска ў апавяданнях 20-х гадоў паказвалася вартай жалю.
У новых гістарычных умовах пісьменнік правяраў на трываласць асновы старога гуманізму. У яго не было сумнення, што жыццё трэба змяняць і абнаўляць.
У пачатку 30-х гадоў Чорны паставіў перад сабой грандыёзную задачу — напісаць цыкл твораў пра гісторыю беларусаў на працягу некалькіх дзесяцігоддзяў. Яго ўвагу прывабліваюць ужо не асобныя постаці або народныя тыпы, але жыццё народа на вялікім адрэзку часу.
|
|
Кузьма Чорны “ўзбагаціў нацыянальную прозу творамі, у якіх узноўлены шырокія карціны рэчаіснасці, створаны шматстайныя чалавечыя характары, пастаўлены вострыя праблемы часу, зроблены глыбокія філасофскія абагульненні” (51, 330). З поўным правам творы К.Чорнага можна назваць чалавеказнаўчымі і народазнаўчымі. У адным з артыкулаў празаік пісаў: “Пісьменнік павінен (апроч усяго іншага, дзякуючы чаму ён творыць) уладаць яшчэ багатым фактычным матэрыялам жыцця, мець шырокую эрудыцыю, стаяць прынамсі на культурным узроўні свайго часу. Ён заўсёды павінен убіраць у сябе навакольную практыку жыцця і ператвараць яе ў выразныя каштоўнасці літаратурнае культуры” (52, 101). Сам Чорны імкнуўся прытрымлівацца гэтай лініі ў сваёй творчасці і паказаў сябе добрым знаўцам народнага жыцця і быту. Чорны-празаік па-майстэрску ўводзіў у свае творы народныя выслоўі, фразеалогію, што служыла адным з важных сродкаў характарыстыкі персанажаў, іх унутранага свету, надвала творам нацыянальна- непаўторнае гучанне.
Кузьма Чорны – раманіст. Месца сацыяльна-філасофскага рамана ў творчай спадчыне пісьменніка. Аналіз аднаго з раманаў К. Чорнага (на выбар).
У гады вайны з фашызмам Кузьма Чорны ўспрыняў час змагання з ворагам як новы драматычны этап у гісторыі народа. Усведамленне асабістай адказнасці за заўтрашні дзень свайго народа і ўсяго чалавецтва вызначае пачуцці, думкі і паводзіны герояў рамана «Пошукі будучыні». Аўтар называе іх сумлічанамі, жыхарамі беларускага мястэчка Сумлічы, — ад слова «сумленне». Ён паказвае іх добрымі і сумленнымі, людзьмі «з праўдай у сэрцы і розумам у галаве». Вясёлы, гаваркі, чулы да ўсяго, што адбываецца ў свеце, Фельчар (у яго няма імя — ён лекар, доктар і знаецца на спосабах выратавання чалавека не толькі ад фізічнага болю, але і ад душэўных траўм) бязмежна верыць у магчымасць змен свету да лепшага, у светлыя, духоўныя пачаткі ў чалавеку. Ён верыць нават у магчымасць перавыхавання такога закаранелага ў сваёй уласніцкай карыслівасці і жахлівым практыцызме чалавека, як палонны немец Густаў Шрэдэр. Спачатку здаецца, што Фельчар меў рацыю: Шрэдэр сапраўды адчуў удзячнасць сумлічанам за тое, што яны яго выратавалі, калі ён цяжка захварэў, і так расчуліўся, што падараваў маленькім гаспадарам хаты, дзе ён змушаны быў прыпыніцца, золата, знятае ім з цяжка параненага графа Паліводскага. Што значыць золата як увасабленне ідэі прыватнай уласнасці ў параўнанні з магчымасцю жыць! Пазнейшыя паводзіны гэтага чалавека паказваюць, што яго «перавыхаванне» было ўсяго толькі момантнай праявай звычайнай слабасці. У першай частцы «Пошукаў будучыні», якую аўтар называе шматзначна «Украдзенае маленства», апавядаецца пра Вялікага Злодзея, а гэта і свет уласніцтва, што развязаў вайну, і ідэолагі фашызму ў абліччы Густава Шрэдэра, які вярнуўся, каб забраць назад «сваё» золата, і тыя, хто, не пытаючыся беларусаў, падзяліў краіну на дзве часткі мяжой. Вялікі Злодзей «украў» маленства Кастуся Лукашэвіча, «выгнанца з-пад Вільні», сіраты Волечкі Нявадавых. Першая сусветная вайна, на час якой выпала гэтым героям уваходзіць у сваю сталасць, прымусіла іх забыць пра гульні і стаць раней часу дарослымі. Бязлітасная неабходнасць вымушае Кастуся і Волечку разам шукаць паратунку, стаць «вялікімі змоўшчыкамі» перад навакольным жорсткім светам. У іх паводзінах шмат дзіцячага, вельмі непасрэднага і шчырага, што ідзе ад жадання рабіць дабро людзям, і наіўнага спадзявання, што і людзі не будуць лішне жорсткімі ў адносінах да іх. Столькі наіўнага і дарослага, вясёлага і сумнага, шчырага і прастадушна-хітрага ў іх паводзінах, што душа пісьменніка міжволі поўніцца пачуццём вялікага замілавання да простага беларускага чалавека, чалавека «прыроды», некранутай уплывамі тэхнізаванай цывілізацыі першабытнай натуры. Малыя героі разам з дарослымі сумлічанамі робяць агульную справу, «быццам ратуючы ўвесь свет не менш як ад касмічнай катастрофы», памагаюць вярнуцца да жыцця Шрэдэру: ён жа «адзін сярод людзей, ды яшчэ ў палоне, ды яшчэ хворы». Гэтыя людзі душой адчуваюць вялікую залежнасць усяго ў свеце і як бы наперад закідаюць позіркам: зробленае дабро павінна адгукнуцца такім жа дабром. Так яны па-свойску робяць выбар будучыні, якой яна павінна быць на іх думку. У раздзеле «Украдзенае маленства» пануе паэтычная атмасфера апавядання пра хараство душы простага чалавека, вольнага ад прагі да нажывы, ад эгаізму, здольнага сілай страснай веры ў светлае і добрае ў свеце зруйнаваць існуючыя перагародкі, сцвердзіць ідэю «чалавек чалавеку сябар, таварыш і брат».
Імкнучыся апаэтызаваць хараство беларускай душы, якая ў гады вайны ўбачылася з асаблівай вастрынёй і болем, Чорны актыўна выкарыстоўвае такі мастацкі прыём, як унутраны маналог, які часта нагадвае сапраўдную «плынь свядомасці», бо герой, дзеля таго каб выказацца дарэшты, ужо не зважае на іншых. У гэтых маналогах, па сутнасці, змяшчаецца квінтэсенцыя жыццёвай мудрасці цэлага народа. Асабліва ахвотна «дае слова» аўтар Юрасю Няваду, чалавеку, які, седзячы чатыры гады ў акопах, марыў аб вяртанні на Радзіму, які так і не перажыў звычайнага чалавечага шчасця бачыць, як растуць яго дзеці, становяцца дарослымі, а таму так хваравіта ўспрымае ўсё, што нагадвае яму пра «ўкрадзенае маленства» яго дачкі Волечкі і пра Вялікага Злодзея, вінаватага ва ўсіх яго няшчасцях.
У сістэме маральных скарбаў, якія так старанна пералічвае вуснамі сваіх герояў Чорны, асаблівае месца займае паняцце Радзімы, да якога надзіва глухія «людзі без Айчыны», такія, як граф Паліводскі: «Як жа гэта так жыць, каб чалавеку на свеце не было за што душой зачапіцца. А гэты Паліводскі што? Ён і не нюхаў роднай зямлі, толькі жыў з яе. Хіба ён дзе хату паставіў, ці дом, ці дрэва пасадзіў? Як на мой розум — дык толькі той чалавек, што калі яго вырвуць з роднага месца, дык ён, пакуль жыў, будзе рвацца туды. А калі дарвецца і ўбачыць, што там усё спустошана, дык ён другі раз жыць пачне: дрэвы пасадзіць і дом паставіць. А будуць яго ізноў з месца ірваць, дык ён зямлю грызе, а не даецца або галаву адарве таму, хто становіцца ў яго над душой».
У другой частцы рамана «Вялікае скрыжаванне» паказваецца сутыкненне супрацьлеглых сіл дабра і зла, увасобленых у вобразах герояў рамана. Юрась Нявада і ва ўмовах жорсткага супрацьстаяння з ворагам верыць у чалавека: «Ці ты верыш, што чалавек не вытрымае, каб вечна быць зверам? Вырві ты з чалавека сэрца і ўстаў на яго месца звярынае, дык у чалавечых грудзях і звярынае сэрца стане чалавечым». Нявада гіне ад рукі менавіта такога чалавека-звера, які бачыць у сабе падобным толькі ворага, і яго пагібель дэманструе імкненне Чорнага сказаць усю жорсткую праўду пра сучасніка і свой век.
На «Вялікім скрыжаванні» Захаду і Усходу, на беларускай зямлі зноў, як не раз за гісторыю, сышліся ў бязлітаснай бойцы два светы: дэмакратыя, на баку якой выступілі камуністы, і фашызм. Героі рамана, простыя беларускія сяляне, вырашаюць не толькі побытавыя праблемы свайго жыцця, але і шукаюць адказы на філасофскія праблемы чалавечага быцця наогул. Бурны час войнаў дае ім досыць матэрыялу для роздуму.
Раман "Пошукі будучыні" ствараўся па гарачых слядах падзей і адлюстроўваў напружаны роздум пісьменніка аб лёсе народа ў складаны для яго час. Героі рамана больш-менш нагадваюць ужо знаёмых герояў папярэдніх твораў. Тое, што адбывалася ў мястэчку Сумлічы і яго ваколіцах, — гэта толькі невялікі эпізод барацьбы беларускага народа супраць захопнікаў. Аўтар прасочвае лёс герояў твора на працягу многіх гадоў імперыялістычнай, грамадзянскай і Вялікай Айчыннай войнаў. Таму ў рамане нямала экскурсаў у мінулае. На першых старонках рамана мы сустракаемся з галоўнымі гёроямі твора — чатырнаццацігадовай Волечкай і шаснаццацігадовым Кастусём, якіх лёс звёў у адной хаце. Кастусь прывёз у вёску хворага нямецкага салдата Густава Шрэдэра, які ў знак падзякі за дапамогу пакінуў выратавальнікам залатыя рэчы, выкрадзеныя ў непрытомнага графа Паліводскага. Пазней мы ўбачым Вольгу і Кастуся сталымі, любячымі адзін аднаго мужам і жонкай, якія выхоўваюць дачку Лізу. Значную ролю ў рамане адыгрывае вобраз простага селяніна-працаўніка Нявады, якому ў першую сусветную вайну бало суджана зведаць пакуты акопнага жыцця і нямецкага палону. Пасля многіх гадоў блуканняў і пакут ён вярнуўся ў родную вёску, сустрэўся з дачкой і дачакаўся ўнучкі. У дзецях Нявада бачыў будучае, прадаўжэнне сябе. У гады Вялікай Айчыннай вайны ён аддае ўсе сілы для выратавання ўнучкі з канцэнтрацыйнага лагера і, не здейсніўшы гэтага, гіне. Унучку вызвалілі з палону партызаны на чале з Кастусём. У творы яскрава выпісаны фашысцкія вылюдкі і іх паслугачы (стары і малодшы Шрэдэры, граф Паліводскі, Акаловіч). Салдат кайзераўскай арміі стары Густаў Шрэдэр спрабаваў знайсці будучыню сярод забітых на полі бою салдат, у якіх ён забіраў залатыя рэчы і грошы. Густаў марыў пабудаваць для свайго сына маёнтак, але трапіў у палон і павёз назад у Германію толькі злосць на сябе. Калі началася Вялікая Айчынная вайна, стары Шрэдэр зноў з'явіўся ў гэтых мясцінах, дзе яго сын, вырасшы пры фашызме, узначальваў акупацыйную ўладу, быў камендантам канцэнтрацыйнага лагера, забойцам. К, Чорны ў творы сцвярджае, што будучыні ў забойцаў не можа быць. І Шрэдэры, і Акаловіч гінуць ад партызанскіх куль. На лёсе людзей невялічкага мястэчка К. Чорны паказаў барацьбу ідэй, поглядаў на свет у складаны для Беларусі час. Пісьменнік у творы ўпэўнівае, што вораг бўдзе выгнаны з беларускай зямлі, што беларускі народ не загіне ад чорнай фашысцкай навалы.