Кондак, глас 3-й

Днесь лик святых, в земли нашей Богу угодивших, предстоит в Церкви и невидимо за ны молится Богу. Ангели с ним славословят, и вси святии Церкве Христовы ему спразднуют, о нас бо молят вси купно Превечнаго Бога.

Икос

Едемскаго рая древеса доброплодная и красная явишася святии, цветы благовонныя учений и плоды дел творящии, от нихже души наша питаются и глад наш духовный утоляется, приидите убо, притецем под сень их и ублажим их, яко страны нашея отраду и украшение и яко жития образ нам и начертание, тии бо венцы прияша нетленныя от Превечнаго Бога.