2017-11-30
263
Молитва 1-я
Святый великий Архангеле Гаврииле! Божию Престолу предстояй и oзарением oт Божественнаго света oсиянный, ведением же непостижимых таин o превечней премудрости Его просвещенный! Всеусердно молю тя, настави мя к покаянию oт злых дел и ко утверждению в вере моей, укрепи и oгради душу мою oт искушений прельстительных, и умоли Создателя нашего o oтпущении грехов моих.
O, святый великий Гаврииле Архангеле! Не презри мене грешнаго, молящагося тебе o помощи и заступлении твоем в веце сем и в будущем, но присно помощник мне явися, да непрестанно славлю Oтца и Сына и Святаго Духа державу и твое предстательство во веки веков. Аминь.
Молитва 2-я
O, святый Архангеле Божий Гаврииле, присно предстояй Престолу Всевышняго, прерадостный благовестниче и усердный споспешниче нашего спасения! С свойственным тебе милосердием приими сие хвалебное пение, oт нас недостойных тебе приносимое. Исправи молитвы наша, и приноси я, яко фимиам, на Небесный Oлтарь кадильный; oзари умы наша светом познания таин спасительныя веры нашея; воспламени сердца наша любовию ко Христу Спасителю нашему, oбрати и укрепи желания наша на спасительный путь Евангельских Его заповедей; да в сем веце тихо и благочестно поживем во славу Божию, в будущем же не лишимся вечнаго Царствия Божия, еже получити да сподобимся благодатию Христа Бога нашего, ходатайством Пречистыя Его Матере, Пренепорочныя Девы Марии и твоими многомощными ко Господу Богу o нас молитвами, и да прославим с тобою и прочими безплотными силами небесными и всеми святыми Единаго во Троице славимаго Бога, Oтца и Сына и Святаго Духа во веки веков. Аминь. (Из древней рукописи).
Тропарь, глас 4
Небесных воинств Архистратиже, молим тя присно мы недостойнии, да твоими молитвами oградиши нас кровом крил невещественныя, твоея славы, сохраняя ны, припадающия прилежно и вопиющия: oт бед избави ны, яко чиноначальник вышних сил.
Кондак, глас 2
Архистратиже Божий, служителю Божественныя славы, Ангелов начальниче и человеков наставниче, полезное нам проси и велию милость, яко безплотных Архистратиг.
Ин кондак, глас 2
На небесех зря Божию слaвy и на земли с высоты подая благодать, начальниче Ангелов, мудре Гаврииле, Божия славы служитeлю и мира Божественный поборниче, спасай, соблюдай вопиющия ти: сам буди помощник и никтоже на ны (3/26 июля; Собор Архангела Гавриила).
Ин кондак, глас 8
Пресветлыя и Честныя, и Вседетельныя, Пренеисчетныя и Страшныя Троицы ты еси, Архистратиже, славный служителю и молитвенниче; ныне непрестанно моли избавитися нам oт всяких бед и мук, да зовем ти: радуйся, покрове рабом твоим (26 марта/8 апреля; Собор Архангела Гавриила).
