2020-06-12
40
(17 слайд) Оджа: Балалар, биз бугунь нелер акъкъында лаф эттик?
Шимди исе терегимизге кечейик. Бу терек ешермек ичюн, гуллемек ичюн биз сизлернен берабер озь фикирлеримизни, дуйгъуларымызны ешиль япракъларгъа язып, терегимизге япыштырайыкъ.
- Тахтада язылгъан ибарелернъи къулланмакъ мумкюн, лякин озь фикирлеринъизни де язмакъ мумкюн.
Ибарени девам этинъиз:
Дерсте мен …танъыштым.
Дерсте мен …пекиттим.
Дерсте мен … бегендим.
(18 слайд) V.Эв иши.
Оджа: Машалла, балалар! Энди куньделиклернъизни ачып, эв ишини язынъыз. Эвге сизлерге бойле вазифелер оладжакъ: 386-иш 177 саифе (Берильген сёзлерни антонимлеринен чифтлеп язарсыз).
VI. Бааллав
Оджа: Айтынъыз, балалар, биз дерсимизде насыл чалыштыкъ? Сизлерден эшитмек истейим. Биринджи группа талебелери экинджи группагъа къач баа къояр экен? Я, экинджи группа талебелери биринджи группагъа къач къояр экен, айтынъыз? Я, учюнджи группагъа насыл баа къоймакъ мумкюн?
Бугунь дерсте сиз гузель, фааль чалыштынъыз.Машалла!
Биз лексикология мевзуны текрарладыкъ ве пекиттик, макъсадымызгъа ириштик.
|
|
|
- Дерсимиз битти. Сагъ олунъыз. Сагълыкънен барынъыз! Корюшкендже.
Къулланылгъан эдебият
1.Меметов А., Алиева Л.А., Меметов И.А. Къырымтатар тили. Окъутув къырымтатар тилинде алып барылгъан мектеплер ичюн. 5-инджи сыныф. – Симферополь: КъДжИ «Къырымтатардевокъувпеднешир» нешрияты», 2013 – 208 с.: ресимли. – Къырымтатар тилинде
2. Абдураман Иса «Бахшыш»
