Тут псалтирь рифмотворная 21 страница

И сего ради ты, чадо мое, яко Божия, тако и отца своего духовного заповедания держи твердо, дабы тебе ни малым чем их не нарушити. А буде каковым либо случаем и погрешиши в чесом, то ты немедленно, не дожидаясь поста, прииди ко отцу своему духовному и согрешение свое исповеждь ему. И тако творя, всегда з Господемъ будеши; ты будеши в Бозе и Бог в тебе обиталище Себе сотворит. И егда ты будеши в Бозе, и Бог в тебе будет, то диавол и приближитися к тебе не возможет. Егда же в чесом преступиши, хотя в малом чем, то уже диавол присвоится к тебе, понеже будеши ты празден Божия благодати. Диавол бо не токмо великих ради преступлений и смертных согрешений над человеки власть приемлет, но и малых ради согрешений, о них же мы ничтоже мня погрешаем, приемлет власть. Аще бо кто токмо кому поругается, илн чему посмеется, или и в мысли своей повознесется, то и по тому согрешению диавол прикасается человеку и вреждает его. Паки, аще в чесом либо похвалишися, то и тут без пакости мало проходит: понеже тем человек Божию милость и благодать Его от себя прагонит, и диавол, то видя, касается человека и вредити его может. И того ради ты, сыне мой, аще в смертный грех впадеши, то не дожидайся поста, яко же и выше рех: исповеждь то свое грехопадение отцу своему духовному, дабы Божия благодати всеконечно от себя не прогнати. А аще либо кому посмеешися, или в разуме своем высоко о себе помыслиши, то и часа единаго не медля, в коем часе согрешил, в том и покаяние принеси к Самому Богу, и о том своем согрешении, с воздыханием сердечным, возведи свои умные очи на небо пред Самого Бога, и о том своем погрешении проси прощения, и в мысли своей положи свое намерение, еже бы впредь таковаго пред Богом и пред человеки погрешения остерегатися. И на такое твое доброе намерение воззря, Бог в том твоем согрешении простит тя. И аще сице всегда творити имаши47, то никогда диавол не токмо вредити, но и коснутися ти48 не может. Великая бо пакость содевается человекам за презрение повелений Божиих и отцов духовных.

22. А и в ереси ни от чего тако не впадают, яко от высокомнения своего и от презрения повелений, заповеданных от отцов духовных49. Егда бо кой человек возмнит себя быти паче иных разумна, той и отцу своему духовному будет непослушен, ибо от высокомнения его нападет на него юродство, и за преслушание оща духовного и благодать Божия от таковых людей отъемлется. А егда уже благодать Божия отъимется от кого, то диавол всеконечную власть над ним возъимеет и, аможе восхощет, тамо и ведет его.

И сего ради ты, чадо мое, не моги и близ себя допустити самоумничества, но во всяком деле, не токмо в духовном или во гражданском, но и в домовом правлении, употребляй совета, ово от помощницы своея, ово жь и от посторонних людей.

23. А без совета, наипаче без женнего, отнюд ничего не твори, понеже она от Самого Бога дана тебе не ради порабощения или токмо послужения, но ради самые помощи, и приял ты ее от святыя Церкве, за благословением презвитерским, и в соединение Бог соединил вас, дву человеков, во единаго50. И в самом создании человека тако Бог рек: не добро быть человеку единому, но сотворим ему помощницу по нему (1 Моис., глава 2, стих 18). И посему, аще кто будет жену ничтожить и претворять ю в рабий образ, и той будет Богу противно чинити: Бог ее нарек помощницею, а не работницею, и не простою помощницею, но подобною. И сего ради, аще у кого случится жена и малосмысленна, обаче, ради повиновения словесем Божиим, подобает с нею советовати. И аще она от недостатку своего ума и не даст совета здравого, но Бог, видя того человека снижение и Божию глаголу повиновение, откроет ему самому, еже и сам узрит, яко открилось ему. А есть ли же кто женою своею погордится и совета от нея не востребует, но токмо на свой разум вознадеется, то той поткнется. Аще она и малосмысленна, а Бог, ради твоего смирения, такой ей глагол благой во уста ея вложит, еже и мудрому будет во удивление. [То себе всяк веждь, яко Бог, чрез малосмысленных, паче мудрых открывает сокровенной совет]. И тако творя, Божий раб и евангельский ученик явишися. Господь рече: идеже еста два или три собрани во имя Мое, тамо есмь посреде их (Матф. глава 18, стих 20); а вас Сам Бог собрал и Духом Своим Святым осенил вас, и ваше соединение не простое, но Самем Богом совокупленное. И аще и не Сам Бог сочетает, но токмо снидутца с призыванием имяне Божия, и тамо Господь обещался быти: колми же паче Бог посреде вас будет, аще истинную любовь между собою имети будете! А идеже Бог будет, тамо и помощь Его святая будет.

Господь бо, пресекая в нас гордость, повелел нам не токмо со женою, но и с посторонними человеки совет совещевати во благое. И не токмо о едином духовном и полезном деле, но повелел о всякой вещи советовати, дабы мы умы своими не возносилися, но всегда бы смирялися, яко пред Богом, тако и пред человеки, и совета от них требовали не гордостно, но с самым унижением: понеже Божий дар и в самом простоумном есть, его же и у мудраго несть. И того ради тыи люди вси погибают, кии, презрев слово Христово, не хощут ни с кем посоветовати, но токмо на един свой ум надеются. О таковых и святый апостол Павел ясно сказует, яко иже возмнеша себя быти разумных объюродеша (к Римл. глава 1, стих 22); а юрод не ино что, токмо дурак, а у дурака кроме безумства несть ничесого. И Исус Сирахов тая же глаголет, еже бы о всяком деле советовали с мужи благочестивыми (Сирах. гласа 37, стих 15). Зри, сыне мой: се бо издревле еще Исус Сирахов написал, еже советовати не с худыми людми, но со благочестивыми. И сего ради ты не моги с безумными людми, наипаче же с богопротивными, советовати пи о чесом, дабы, от гнилова их совета, вреда какова себе не прияти. И аще вся своя дела будеши творити с общаго совета добрых и разумных людей, то будеши ты истинный Господень ученик и ветхого и нового завета творитель. И аще ты, сыне мой, во уме своем и недостаточен будеши, и возноситися в разуме своем не будеши51, но будеши себя смиряти, и о всяком деле, с истинным усердием, прилежно будеши от инех людей совета требовати, то ты паче мудрых людей умудришися, понеже во всяком деле, за твое нисходителное смирение, будет тебе Бог помощь Свою посылати, понеже Бог велми любит смирение низкостное.

24. К сему же ты, сыне мой, не моги сего сотворити, еже бы ти кой год пропустить, не исповедовавши отцу духовному грехи своя, и пресвятаго Тела Христова и животворящия Его Крове не причастяся минути. Понеже житие человеческое не известно есть: не вси бо человецы в совершенную старость приходят, но множайшая часть во младости и в средовечии умирают. И того ради всякому человеку надлежит на всявой час быти к смерти готову, дабы вечне себя не погубити. Мнозии бо человецы умирают и нечаянно; на всяком месте смерть случается, всякими разными образы. И того ради, сыне мой, велми живи опасно, дабы тебе грехов на себе не умножити, но присно их очищай. Аще Бог тебя сподобит и единожды в год причаститися, а исповедывайся дважды или трижды в год; а аще чаянно или и нечаянно в какой либо грех впадеши, то и в мясоястие прибегни ко отцу своему духовному и грех той новосоделанный исповеждь ему; а долго во гресе не лежи, дабы он в тебе не вкоренился. И аще будеши чбстее каятися, то никогда никакой грех не одолеет тя, понеже не даси ему вкоренитися в себя.

А такова безумия отнюд к себе не припускай, еже некоторыи из безумных безумньшии человецы, диаволския мудрости научившися, глаголют, якобы вящший то грех, еже аще кто, покаявся, паки в той же грех впадет, и того ради, глаголют, лучши жить не каявшися, нежели покаявшися грешити. И таковое разсуждение имущих диавол многих себе уловил, и ныне уловляет, аще кто в тот диаволский разсудок вдастся. Мнозии бо, боящеся того разсуждения, до старости покаяние отлагают, и диавол, овладев им, при смерти уже покаяния не допускает. Тыи же толковники глаголют: какое де покаяние, еже в одном грехе десятерицею каятися и, по покаянии, тожде творити? И аз тожде глаголю, яко не велми добро, еже по покаянии тойже грех творити; обаче, за немощь свою, аще и сторично согрешиши, ничтоже сумняся паки кайся и Бога о том моли, дабы тебя, Своими судбами, яко же Он весть, удержал бы тебя от того греха. А покаяния отнюд вдаль не отлагай, но аще видится и стыдно, обаче присно кайся. Сия бо есть самая диаволя наука, еже отлагать свое покаяние в далкость, или паче отлагати до старости: то бо уже готовая петля, от диавола уготованная на человека, еже свое покаяние до старостя отлагати. И кии человецы покаяние свое отлагают до старости, тии и при самой смерти мало каятися улучают, понеже Бог, за удаление от покаяния, благодать Свою отъемлет от таковых, и таковых диавол низводит во ад. А инех человеков егда диавол от частого покаяния отведет, тогда наводит на него отчаяние, и таковые человецы лов бывают диаволу.

Ты же, сыне мой, тако тщися жити, дабы тебе всегда быти готову умереть. И того ради со злыми людми отнюд содружия никакова не имей, и толкований от них никаковых не приемли, и в совет к себе никаковых злых и богопротивных людей не призывай. Ты токмо то себе и вымышляй, с чем бы тебе на оном свете суду Божию предстати. Аще бо непрестанно будеши о втором суде Божии помышляти, то никогда в великой грех не впадеши, но и от малых всячески повоздержешися.

25. К сему же, ложася спать и от сна вставая, Господа Бога моли, дабы диавол никаковыя власти над тобою не возъимел и на грехи бы тебя не приводил, и еже бы Господь Бог сподобил тебя, при кончине жития твоего, о грехах чаянных и нечаянных покаятися, и пресвятаго Тела Христова и предражайшия и животворящия Его Крове вкусив умрети. И сего моего ти завещания не моги, сыне мой, положити в забвение, еже бы о сем не молитись, чтобы сподобил тебя Бог при кончине причастия святаго ти вкусити. Понеже, аще кто сподобится при кончине своей Тела Христова вкусити достойне, то того души демони на воздушных мытарствах удержати не могут; но тии души, по Господню глаголу, идут во царство небесное. Тако бо Господь рек: ядый Мою плоть и пияй Мою кровь имать живот вечный, и Аз, рече, воскрешу его в последний день (Иоан. глава 6, стих 54). И паки Господь повтори, глаголя: ядый Мою плоть и пияй Мою кровь во Мне пребывает, и Аз в нем. И, по сему Господню глаголу, како могут демони той душе прикоснутися, в коей Сам Господь Бог пребывати будет?

Глава 4

О МИРСКОМ МОЛЕНИИ И МОЛИТВЕ

1. Еще же тебе, сыне мой, завещеваю: егда от сна воставать будеши, то ты во время своего востания, прежде всякого глаголания, возложи на ся крестное знамение истовое. Первее возложи на чело, потом низведи свою руку на пуп, от пупа же на десное плечо, а потом на левое. И егда возлагать имаши то крестное знамение рукою, мыслию своею помышляй и душевныма очима зри на тое изображение ясно, еже на ся возлагаеши, святый крест Христов четвероконечный, и Самого Его, Господа Иисуса Христа, на нем распеншагося, умныма своима очима зри. Егда же руку свою возложиши на чело, то во уме своем помышляй о вышнем роге креста Христова; егда же низводити будеши руку свою на живот, то помышляй о длинном древе крестном; а егда уже руку свою низведеши на пуп, то помышляй о нижнем роге креста Христова. А егда положиши руку свою на правое плечо, то помышляй о правом роге креста; егда же с правого плеча понесеши руку свою на левое плечо, и тогда во уме своем держи о поперечном древе крестном; егда же положиши руку свою на левое плечо, и, при том положении руки, в мысли своей держи о левом роге святаго креста. И тако во уме своем держа, умныма своима очима ясно узриши истинный крест Христов четвероконечный, возлагаемый на ся, и противо таковаго воображения диавол не может устояти, но, яко дым исчезает, исчезнет. И в тое же время языком своим тихо, или токмо умом своим, рцы: "Во имя Отца и Сына и Святаго Духа".

2. И в сложении перстов тую же Святую Троицу, по древнему христианскому узаконению, исповедуй. Двоперстного же сложения, его же несмысленнии расколницы держатся, велми бойся, понеже то сложение еретическое, армянскаго мудрования, и православным христианам отнюд таковым сложением знаменатися не подобает, за еже в том сложении много есть ересей, проклятию подлежащих. И о тыих ересях изволяяй да зрит во Очевидном Зеркале, в 18 главе: тамо бо вся узрит ясно.

3. И востав на нозе свои, первее сотвори пред образом Божиим три поклоны. Един - глаголя: "Господи, благослови ми день сей прейти без греха, и во вся дни живота моего не остави мене, да не погибну аз окаянный"; и поклон сотвори по своему разсуждению. Паки рцы: "Пресвятая Госпоже Владычице Богородице, не остави мя от заступления Своего, да в день сей, и во вся дни живота моего, аз окаянный не погибну"; и поклон сотвори, яко же и первый. И паки рцы: "Ангеле Божий, хранителю мой святый, сохрани мя в день сей без греха и во вся дни живота моего от всякого злоключения, да за беззакония моя аз окаянный не погибну"; и той третий поклон сотвори мнее первых двух. И, исправя те воставалные три поклоны, отступи от одра своего и твори еже ти требе.

Егда же с нуждами своими управишися и лице свое умыеши, тогда уже правило свое настоящее исправляй, елико уставлено будет от отца твоего духовного, или и от своего изволения.

4. Аз же точию принуждаю тя проглаголати ти от Самого Бога узакуненную молитву трижды, то есть: Отче нашь, Иже еси на небеси, всю до конца; и по куейждо молитве по поклону полагай, по празднеству дня. Аще несть неделя, ни суббота, ни праздник, то полагай земные поклоны; а аще же праздник, или неделя, или суббота, или пятдесятница, то во вся тыя дни полагай токмо до пояса. И исправя тыи три молитвы, проглаголи трижды же поздравление архангелово Пресвятей Богородице, еже от Самого Бога повелено бысть ему изрещи Пресвятей Деве Марии, то есть: Богородице Дево, радуйся благодатная, весь же до конца; и, по скончании коегождо поздравления, полагай по поклону же.

И глаголи не борзяся, но со вниманием и богомыслием. Егда бо речеши: Отче нашь, Иже еси на небесех (Матф. 6, 9; Луки 11, 2), тогда мысль свою возведи на небо и умныма своима очима зри Самого Бога, на херувимех седящаго. При сем же глаголе веждь, сыне мой: егда ты нарек Бога Отцом себе, то ты тщися и волю Его творити. Яко учоные детки отцов своих слушают и воли его ни в чем преступити не смеют: тако и ты тщися, дабы тебе, по глаголанию твоему, совершенным сыном Богу и быти; и воли Его отеческой да ни что же противно сотвориши. И, ради Его Божия любве, люби враги своя, и злословящих тя блажи, и за сотворшаго ти какую беду моли Бога, Отца своего, дабы не мстил за тебя. И тако творя, по Господню глаголу, совершенно сын Богу наречешися (Матф. глава 5, стих 45).

Егда же речеши: Да святится имя Твое, тогда ты умом своим помышляй о святости Его Божией. Святи же Божие имя сице: егда узриши имя Божие не токмо на иконе, но аще и на ином либо чесом написано, и за имя Божие уже то разумей свято быти; Сам бо Господь повелел нам имя Свое святое святити. И по тому словеси Господню иконы святыя вси святи суть; и не токмо икона написанная, но аще и вещь какая наречена Богу, то и вещь та свята есть. Егда бо повелел Господь первородных сынов отдавать в дар Богу, и рече: да будет свят Богу (2 Моис. глава 13, стих 1). А царь Давид кое злато и сребро назначил в церковное строение, и о том злате рек, яко освятил е Богу (2 Цар., глава 8, стих 11). И посему все то свято есть, иже наречено на имя Божие. И того ради архииереев Божиих, и иереев, и причетников церковных, и иноков, почитай честию отменною от простолюдинов; а и крестьян их, и слуг монастырских и святителских всячески охраняй, и не то, чтобы тебе их обидети, но и от инех обидников елико можеши охраняй, понеже всеми сими делами Божие имя святится. А наипаче имя Божие святится пред неверными и неимоверными силы Божия и величества Его. Моисей пророк каков велик у Бога был, а при воде пререкания, пред Израилтяны, не посвятил имяне Божия, то есть, еже не рек им такова словесе, яко "Бог силен и вся, елико требуете, даст вам", и за то Господь тако на Моисея разгневался, еже не допустил его и брата его Аарона внити в обетованную землю. И на сие зря, и ты, сыне мой, аще кого узриши сумнящася о силе Божией, не моги умолчати, но ясно силу Божию проповеждь, яко силен есть и вся Ему возможна суть, точию да не усумневается требуяй.

Егда же речеши: Да приидет Царствие Твое, тогда ты ум свой возведи к престолу Божию на небо и призывай, яко языком, тако и умом, дабы Его Божие царствование было в тебе. И, по тому своему глаголу, буди покорен Богу паче, неже царю земному; и егда уже царствования Его просиши, то буди на всяк час пред Ним трепетен.

Егда же речеши: Да будет воля Твоя, яко на небеси и на земли, и в том глаголании всего себя в волю Его Божию вдавай. О воле же Божией тако в себе утверди, еже что ти ни случится не по твоему хотению, но противно воле твоей, и то истинное изволение Божие быти разумей. И о сем от всего своего сердца у Отца своего небеснаго проси, дабы в тебе и всегда содевалась Его Божия воля, а не твоя. Понеже ты аще желанием и великим желаеши чего, а на ползу ли тебе то твое желание будет, или на погибель, того не веси; а человеколюбивый Бог ведая ведает, что тебе в ползу будет, токмо ты во всем на Его Божию волю полагайся, на свой же разум и малого надеяния не полагай. И аще от всего своего намерения надежду свою всю возложиши на Божий Промысл, то житие твое паче царскаго веселостно будет, понеже и презелная скудость будет ти сладостна паче богатства многого, и не токмо сносная беда, но и самая смерть ни во что ти будет, за еже весь ты будеши в Бозе и Бог в тебе будет,

Господь бо Бог великою надеждою обнадежил нас и святым Своим словом, глаголя, яко без воли Его Божией и малая птичка и на землю не падет (Лук. глава 12, стих 6); и еще к сему прирече, утверждая малодушие наше, рек: вы же колми лучши есте птиц, еже и власы ваши изочтени суть (Матф. глава 10, стих 31). И на сии глаголы Христовы зря, сыне мой, внемли: се бо и маленкия пичужки, коих на денгу две или три купуются, не забвены суть у Бога; то како забвен будет человек, ему же и цены несть? Зриши ли, сыне52? И пичужек памятует Бог, еже не токмо убитой ей быти, но и на землю без Его Божией воли не упадет. И сего ради ты, сыне мой, всю свою надежду несум(н)енно на Господа Бога возлагай. А Псаломник глаголет, еже надеющиися на Господа, яко гора Сион, не подвижатся во веки (Псалом 124, стих 1). На иныя же лица человеча никаковыя надежды своея крепкия не возлагай. Писано бо есть: не надейтеся на князи, сыны человеческия, в них же несть спасения (Псалом 145, стих 3). Пророк же Иеремий тех людей проклинает, кии надежду свою возлагают на человеки (Иерем. глава 17, стих 5).

И аз ти, сыне мой, сказую. Аще приидет на тя какая несносная напасть: от царскаго гнева, или от иного какова владыки, или от водопотопления, или от огненного запаления, или от разбойников, или от иноязычников, и аще тя и в плен возмут, или в заточение послан будеши, или и на мучение предан будеши; то и в таковом своем видимом сего света злоключении не даждь безумия Богу и никакова гневна глагола на Бога не возглаголи, но и помышления во ум свой гневного на Бога да не помыслиши. Но во всех таковых видимых и привремянных злоключениях буди благодарен и глаголи усты и сердцем: "буди во мне воля Твоя, Господи". И аще от всего своего сердца и от всего помышления своего вдашися в Его волю Божию, то никогда душею своею не погибнеши. А аще в тыих великих напастех смерть себе приимеши, то ты велиею радостию возрадуйся, понеже, от упования на Бога, за истинное возложение твое на волю Его Божию, от пресвятыя Его Божии руки венчан будеши венцем славы небесныя и со святыми мученики, за Христа пострадавшими, уравнишися. О, чадо мое, щаслив бы ты был, аще бы в том злоключении и в мучении смерть себе приял с надеждею на Бога, понеже вси, яко за имя Христово пострадавшии, тако и без вины убиеннии восходят на небо без препятия бесовскаго! Тако и твоея души воздушнии бесове ни о каковых грехах истязовати не будут, токмо аще в том страдании не возропщеши на Бога: вси твои грехи невинное твое и благодарное страдание очистит, и душа твоя прямо возлетит на небо; а аще же в том злострадании возропщешь на Бога, то весь свой труд тот многоболезненный погубиши. Во известие же буди тебе, сыне мой, сие: святии Российстии князи Борис и Глеб не за имя Христово пострадаша, но токмо без вины убиени, обаче Бог их к мученикам причол и, во известие нам, дивными чудесами их прославил. Аще и скорую себе смерть прияша, а от Бога почтени быша. А ты, аще многое злострадание претерпшпи с совершенным благодарением и в той надежди умреши, то брака Агньча не лишишися, и облечешися в ризы белыя, и служити имаши у престола Божия. О сем бо во откровении явил Бог возлюбленному Своему ученику Иоанну Богослову: еже кии приидут от скорби великия, тии облечени будут в ризы белыя, и имут служити пред престолом Божиим, и не взалчут, и Бог всяку слезу от очей их отъимет (Апокал., глава 7, стих. 14-17). И сего ради радостно есть в злоключении человеку умрети, понеже во веки веков будет веселитися.

Егда же речеши: Хлеб нашь насущный даждь нам днесь, и во время того глаголания помышляй, еже бы Господь Бог, Отец твой небесный, дал бы тебе и з домом твоим чем питатися, душевне и телесне, и удостоил бы тя, на коеждо лето и при кончине жития твоего, причастником быти Тела и Крове Христовы, и нуждных твоих потребами наполнил тебя.

Егда же речеши: И остави нам долги наши, яко же и мы оставляем должником нашим, и при том глаголе мысль свою возведи на небо, пред Самого Бога, и глаголи яко усты, тако и помышлением своим, дабы тебе Бог грехи твои такожде простил, яко же и ты прощаеши людем и, чем тебе кто винен, вины их отпускаеша. А аще же ты будеши злобен и никого в винах перед тобою соделанных не прощаеши, то не можно тебе сея Богом данныя молитвы пред Самем Богом с богомыслием глаголати, понеже Бог - правда, правду и любит.

И ты, чадо мое, не моги ни за какое досаждение на кого либо гневатися: но кто тебе какое зло ни сотворит, всем прощение подавай и ни на кого ни за что не злобься. И аще будеши тако творити, то ты совершенный сын Отцу твоему небесному будеши, и за такое твое милосердие и Отец твой небесный вся твоя грехи отпустит тебе. Сие бо слово и повтори Господь, глаголя: аще вы [рече] отпущаете человеком согрешения их, то и Отец вашь небесный отпустит вам согрешения ваша; а аще же вы не отпустите согрешений людям, то и Отец ваш небесный не отпустит вам согрешений ваших (Матф. глава 6, стих 15, и глава 18, стих 35; Марк. глава 11, стих 26). И сего ради ты, чадо мое, отнюд ни на кого не гневайся. Кто тебя будет злоречить, или чем тебя ругати, ты же на всякие злые словеса и досадителная буди глух; и аще кто тя сквернословно и ругателно избранит, буди яко не слышай, и ничему тому не внимай, но вся та гнилыя словеса мимо ушей своих пускай и впредь о них отнюд не памятствуй. И не токмо тому, кто тя ругал, но и иному никакову человеку не воспоминай о том; буди ты, яко бы ничего не слыхал. И аще кто от клеврет твоих, болезнуя о тебе, начнет ти глаголати и воспоминати о тыих досадителех твоих, еже бы им какую либо месть учинити, ты же отповеждь ему: "свой у него ум, свой и язык, и еже восхощет, то и глаголет; а я ему не укащик". И, ради своея истинныя любви, и Богу за него помолись, дабы Бог не мстил ему за тебя; и сердцем своим ни мало на него злобься, но отпущением отпусти ему. И аще кто и не словом, но самым делом каковым озлобит тя и обидою изобидит тя, всячески потщися претерпети, еже бы ему не мстити, понеже Господь не повелел противитися злу; и аще кто ударит тя по щеке, обрати ему и другую (Матф. глава 5, стих 38). И буде тако сие сотвориши, то велик у Бога ты будеши. И паки подтверждая нас, Господь рече: любите враги ваши, и благословите кленущия вы, добро творите ненавидящим вас, и молитесь за творящия вам пакости; и тако будете сынове Отца вашего, Иже есть на небесех (стих 44). Аще же каковым либо случаем ты кому досадиши делом каким, или и словом, то ты, не медля, того же дня и прощения проси от него, да не зайдет солнце во гневе вашем. А аще же учиниши кому какую обиду, то ты и наипаче обиды вдаль не отлагай, но в скорости возврати ему обиду сугубо и прощения у него испроси. Так ты, чадо мое, живи, дабы никто на тебя не токмо Богу, но и своему брату не пожаловался бы на тебя. Писано бо есть, да не возжелаеши ближнего твоего ни вола, ни осла, ни двора, и никаковыя вещи подруга твоего (2 Моис., глава 20, стих 17). Так, сыне мой, опасно живи, дабы тебе чуждаво ничего и не пожелати, а не то, чтобы тебе взяти; но аще что узриши и на пути лежащее, не моги себе во усвоение взяти, а аще видел еси обронившаго, или можеши признать, чие оно есть, то всячески потщися взыскати его и вдати бы та тую вещь обронившему. И аще погубивый начнет ти часть некую давати от погубленных вещей, или пенязей колико, то буди на твоем произволении; обаче вопроси его, не сожалением ли дает тебе? И аще узриши от истого желания дающа ти, то без сумнения возми; а аще сквозь зубы молвит, или паче, аще убог сый, а к тому аще чуждое обронил, то таковому лучши свое что приложи, а не то, чтобы тебе что от него взять. И сам ты, аще и убог будеши, обаче и тогда не моги за чужое что зацепитися; и не то, чтобы тебе чужое что похитити, или у кого что напрасно взяти, но и мыслию своею ничесого чужого не пожелай. И аще что тебе и понравится и, для безгрешности, восхощеши за тую вещь цену дати, обаче и тем от греха не убежиши; но лучши тебе, еже никаковым образом чуждого не желати; но лучши на волном торгу таковая вещь купити. Ты, сыне мой, так житие свое храни опасно, дабы тебе и в пути едучи, не то, чтобы тебе что даром у кого взять, но аще, жажды ради, и кваса попросиши напитися, или лошадей своих накормити без заплаты, но за всякое тебе даяние чини заплату: то добро, еже бы твое было за людми, а не людское за тобою. Наипаче же всего чуждые жены не похощи себе, и мысль свою великим воздержанием воздержи, дабы тебе ничесого чуждого не токмо похитити, но еже бы и не пожелати. И аще богат не будеши и жить будеши в последней нищете, обаче и тогда за чуждое не прикасайся, но чем тебя Бог благословил, тем и питайся; а у тебя кто что ни вузмет, добром или и злом, не мсти им, но вся им отпускай, да и тебе Господь Бог отпустит согрешения твоя. И тако творя, истинный раб Божий будеши, и не токмо раб, но и сыновства Божия сподобишася, и царствия Его вечный наследник явишися.

Егда же речеши: И не введи нас во искушение, и при том глаголании мысль свою имей к Самому Богу просителную, дабы не допустил тебя Он, Господь, до каковыя напасти, и соблюл бы тя яко от бесовскаго, тако и от человеческаго нападения неврежденна, и от всякия вещи, яко во тме, тако и во дни на человеки находящия, и от сряща, беса полуденного (Псалом 90, стих 5). А егда речеши: Но избави нас от лукавого, и в тое время мысль свою такожде имей на небе, при Самом Бозе, и проси у Него всем сердцем, дабы тебя от всякого диаволя и человеча лукавства, властию Божества Своего, соблюл тя безбедна; такожде от мечтания бесовскаго и от приведения на каковыя либо грехи избавил бы тебя невредна.

По окончании же того трикратного глаголания, паки мысль свою возведи на небо, ко Пресвятей Богородице, и рцы: Богородице Дево, радуйся благодатная, Господь с Тобою; и при том глаголании в мысли своей имей о архангельском благовестии (Луки глава 1, стих 26), егда благовестил Пресвятей Деве Марии о зачатии Иисусове; душевныма же очима зри на самое то благовестие. Егда же речеши: Благословена Ты в женах, и при том глаголе в мысли своей держи о том, еже Она, Пресвятая Богородица, благословена есть в женах паче всех жен, а не яко проклятыи люторане с своими скверными женами равняют. Мы веруем, яко Она не токмо их люторских всескверных жен, но и горних сил, ангелов и архангелов, и превышних херувимов и серафимов, несравненно честнши есть. Егда же речеши: И благословен плод чрева Твоего, тогда в мысли своей держи о Господе Бозе, родившемся от чресл Ея, яко Той благословен есть отныне и до века. Егда же речеши: Яко родила еси Спасителя душ наших, тожде и ты в мысли своей имей, яко истинного Бога, Спасителя нашего и всего мира Создателя, породила бяше; а умныма своима очима в той час зри Его ясно, Господа Иисуса Христа, на небесех суща. И то архангелово поздравление Пресвятей Богородице трикраты же проглаголи, и по окончании коегождо поздравления твори по поклону, по случившемуся дню, празднуемому или непразднуемому.

Потом проглаголи православные веры Символ единожды; а удобее бы и его проглаголати трижды же. И егда кий глагол имаши глаголати языком или токмо усты, то вкупе глаголи и умом своим. И егда речеши языком или токмо усты: Верую во единаго Бога Отца Вседержителя, и ты тожде и умом своим глаголи, и сердцем к Богу возглашай, яко истинно, всем своим сердцем и всем помышлением, веруеши в Него, Бога Отца нашего небесного и всего света Содержителя; и при том глаголании умныма своима очима зри на небо и глаголи, яко на небеси пред Самем Богом стоиши и тое исповедание глаголеши. Егда же речеши: Творца небу и земли, видимым же всем и невидимым, и в то время и умом своим тожде помышляй, яко Он всему свету Творец; иже очи наши видят, и иже не видят, и его же и ум нашь не постизает, все суть Его творение. И в тое же время умныма своима очима окружи, елико ум твой постигнет видимые и невидимые твари. Егда же речеши: И во единаго Господа Иисуса Христа, Сына Божия, Единороднаго, и при том глаголании умом своим помышляй, еже, како веруеши во Отца, тако и в Сына Его, Господа Иисуса Христа, и яко един токмо Сын Божий Единородный. И тако вся глаголы, яже языком глаголеши, тая же и умом своим помышляй и, во время того символного глаголания, во иные ни какия дела или вещи ума своего никамо не отпускай, но при глаголании твоем и ум свой держи. А егда речеши: Сшедшаго с небес и воплотившагося от Духа Свята и Марии Девы, тогда ты помышляй о благовещении Пресвятей Богородице. Егда же речеши: И вочеловечшася, тогда помышляй о рождестве Христове. Егда же речеши: Распятого же за ны юри Понтийстем Пилате, тогда о распятии Христове в мысли своей и держи. Егда же речеши: Ипаки грядущаго со славою судити живым и мертвым, тогда помышляй о втором Христовом пришествии и о страшном Его суде, яко будет нам судити, и за злыя наша дела послет в вечную муку, а за добрые дела и за исправление повелений Его Господних введет во царство небесное, и тамо будут во веки веков веселитися и райския утехи исполнятися. А егда речеши: Его же царствию не будет конца, то, при том глаголе, то на мысли своей и держи, еже, по скончании сего света и по разлучении праведных от грешных, будет Господь Бог царствовати святыми и праведными во царствии Своем небеснем в некончаемые веки веков. И в том царствии Божии святым и праведным всем будет радость и веселие таковое, иже на сем свете никогда не бывает. Тамо никакия скорби, ни печали, ни воздыхания не будет, ниже какое попечение будет кто имети, но токмо радость и веселие; и противника никакова, ни Богу, ни людем, не будет, но токмо едино всерадостное радование и преславное царствование. По скончании бо суда Божия и по разлучении праведных от грешных, царствию Его Божию не будет конца. И в Символе святии отцы положиша о том то предбудущем царствии Божии, иже начнется последи втораго Христова пришествия, а не о предвечном царстве. Нецыи же невегласы непщуют тому глаголу в Символе положену быти о предвечном Божием царствовании, и тако, от неразумия своего, противятся святей Церкви и глаголют: "несть конца"; и от такова неразумия мнозии то(т), на первом вселенском соборе святыми отцы положенный глагол, иже: "не будет конца", порокуют. А им надлежало было порочить той глагол, иже от несмыслия внесоша в Символ глаголати ["несть конца"], понеже той глагол символному разуму противен и внесен он в Символ не от святых отец, но от самоумников и от неразумных преписателей. А кто в Божественных Писаниях силу разумеет, той может и собою признать; яко Символ сказует о том царствовании Божии, иже начнется по втором пришествии Христове. И аще кто хощет о Символе пространнее видети, той да зрит в 15 главе Очевиднаго Зеркала.