Ексапостиларий Четвертка

Апостолам, глас 2

Во всю подсолнечную текше, проповедасте Христово от Девы святое воплощение воистинну, от прелести обращающе языки, и просвещающе, и вся научающе, Троицу почитати Святую, Апостоли Спасовы.

 

Святителю, глас тойже:

Великаго началопастыря и иерарха вси, председателя Мирликийскаго Николая хвалим: многи бо мужи спасе, неправедно умрети имущия, царю является со Авлавием во сне, реша неправедное изречение.

 

Сла́ва Отцу́ и Сы́ну и Свято́му Ду́ху, самаряныни:

В Самари́ю прише́л еси́, Спа́се мой Всеси́льне, / и жене́ бесе́довав проси́л еси́ воды́ пи́ти, / евре́ем во́ды источи́вый из ка́мене несеко́маго, / ю́же к ве́ре совосприя́л еси́, / и ны́не жи́зни наслажда́ется на небесе́х ве́чно.

И ны́не и при́сно и во ве́ки веко́в. Ами́нь. Богородичен, глас 4:

 

Яко всех еси творений Вышшая, / воспевати Тя достойно недоумевающе, Богородице, / туне, молим Тя, помилуй нас.

 

Задостойник Пасхи

А́нгел вопия́ше Благода́тней: Чи́стая Де́во, ра́дуйся! И па́ки реку́: ра́дуйся! Твой Сын воскре́се тридне́вен от гро́ба, и ме́ртвыя воздви́гнувый: лю́дие, весели́теся (†).

 

Свети́ся, свети́ся, но́вый Иерусали́ме, сла́ва бо Госпо́дня на тебе́ возсия́. Лику́й ны́не и весели́ся, Сио́не. Ты же, Чи́стая, красу́йся, Богоро́дице, о воста́нии Рождества́ Твоего́ (†).

 

По сем:

 

Святы́й Бо́же, Святы́й Кре́пкий, Святы́й Безсме́ртный, поми́луй нас (3).

 

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

 

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

 

Го́споди, поми́луй. (3).

 

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

 

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

 

Ибо Твое́ есть Ца́рство и си́ла и сла́ва во веки. Аминь.

 

Кондаки дня

В неделю 5-ю по Пасхе,

О самаряныне

Глас 8

Ве́рою прише́дшая на кла́дязь самаряны́ня,/ ви́дя Тя прему́дрости во́ду,/ е́юже напои́шася оби́льно,\ Ца́рствие вы́шнее насле́дова ве́чно, я́ко присносла́вная.

 

В четверток:

апостолам, глас 2

Тве́рдыя и боговеща́нныя пропове́датели, верх апо́столов Твои́х, Го́споди, прия́л еси́ в наслажде́ние благи́х Твои́х и поко́й: боле́зни бо о́нех и смерть прия́л еси́ па́че вся́каго всепло́дия, Еди́не, све́дый серде́чная.

 

святителю, глас 3

В Ми́рех, свя́те, священноде́йствитель показа́лся еси́, Христо́во бо, преподо́бне, Ева́нгелие испо́лнив, положи́л еси́ ду́шу твою́ о лю́дех твои́х и спасл еси́ непови́нныя от сме́рти. Сего́ ра́ди освяти́лся еси́, я́ко вели́кий таи́нник Бо́жия благода́ти.

 

Апостолу и евангелисту Иоанну Богослову

Глас 2

Вели́чия твоя́, де́вственниче, кто пове́сть?/ То́чиши бо чудеса́, и излива́еши исцеле́ния,/ и мо́лишися о душа́х на́ших,// я́ко Богосло́в и друг Христо́в.

 

Преподобному Арсению Великому

Глас 3

От Ри́ма возсия́л еси́, я́коже со́лнце вели́кое,/ и к Ца́рскому гра́ду дости́гл еси́, преблаже́нне,/ словесы́ твои́ми просвеща́я сего́ и де́лы,/ вся́ку неразу́мия мглу отгоня́./ Сего́ ра́ди тя почита́ем,/ отце́в сла́во, Арсе́ние преподо́бне.

 

Преподобному Арсению Печерскому, Трудолюбивому

Глас 8

Я́же на земли́ оста́вль, Христо́вым стопа́м после́довал еси́ те́пле/ и, Того́, сла́вне, на ра́мо взем честны́й крест,/ умертви́л еси́ труды́ по́стническими теле́сныя жела́ния, треблаже́нне./ Те́мже зове́м ти: ра́дуйся, о́тче Арсе́ние.

 

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Богородичен:

 

Яко всех еси творений Вышшая, / воспевати Тя достойно недоумевающе, Богородице, / туне, молим Тя, помилуй нас.

 

Го́споди, поми́луй (40).

 

И а́бие: Пресвята́я Владычице Богоро́дице, моли́ о нас, гре́шных (3 с поклонами).

 

Вся Небе́сныя Си́лы святы́х А́нгел и Арха́нгел, моли́те о нас, гре́шных (2 с поклонами).

 

Святы́й Иоа́нне, проро́че и Предте́че и Крести́телю Го́спода на́шего Иису́са Христа́, моли́ о нас, гре́шных (2 с поклонами).

 

Святи́и сла́внии апо́стол и, проро́цы и му́ченицы и вси святи́и, моли́те о нас, гре́шных (2 с поклонами).

 

Преподо́бнии и богоно́снии отцы на́ши, па́стырие и учи́телие вселе́нныя, моли́те о нас, гре́шных (2 с поклонами).

 

Непобеди́мая, и Непостижи́мая, и Боже́ственная Си́ло Честна́го и Животворя́щаго Креста́, не оста́ви нас, гре́шных (2 с поклонами).

 

Бо́же, очи́сти нас, гре́шных (2 с поклонами).

 

Бо́же, очи́сти нас, гре́шных, и поми́луй нас (1 с поклоном).

 

И по сем глаголи сице:

 

МОЛИТВЫ ДНЯ

Спасителю

И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

 

Богородице

Кто Тебе по достоянию ублажити может, Пресвятая Дево, чии уста воспети способны Твое величие, всяк смысл превосходящее? Вся преславная о Тебе содеянная таинства, Богородице, выше смысла и слова суть; красоте Девства Твоего и пресветлой Чистоте Твоей удивишася Херувимы и ужасошася Серафимы; чудесе бо рождества Твоего нетленнаго ни человеческий, ни ангельский язык изрещи не может. От Тебе бо безлетный и Единородный Сын Божий, Бог Слово, неизреченно воплощся, родися и с человеки поживе, и Тя, яко Матерь Свою, зело возвеличи. Царицу Тя всея твари показа, нам же известное спасения пристанище. Тем вси под кров Твой притекающии, различными скорбями и болезньми одержимии, приемлют от Тебе богатно утешение и исцеление и Тобою от бед спасаются: Ты бо еси воистину Мати всех скорбящих и обремененных, печальных Радость, больных Целительница, юным хранительница, старости жезл, праведных похвала, грешным спасения надежда и к покаянию Путеводительница: всем бо всегда предстательством Твоим помогаеши и всех заступаеши, Всеблагая, прибегающих к Тебе с верою и любовию. Ты и мне помози, отчаянному деяний моих ради. Заступнице усердная рода христианскаго; заступи мя, да не до конца погибну во гресех, ибо не имам инаго прибежища и покрова, разве Тебе, Владычице Мати Живота; не остави убо мене и не презри мя, но ими же Сама веси судьбами спаси мя, яко Благословенна еси во веки веков. Аминь.

 

Архангелу Уриилу

1.

О, великий архистратиже Божий Урииле! Ты еси сияние огня Божественнаго и просветитель помраченных грехами: просвети ум мой, сердце мое, волю мою силою Святаго Духа и настави мя на путь покаяния и умоли Господа Бога, да избавит мя от ада преисподняго и от всех врагов видимых и невидимых, всегда ныне и присно и во веки веков. Аминь.

 

2.

Святый Архангеле Божий Урииле, Светом Божественным озаряемый и преизобильно исполненный огнем пламенной горячей любви, брось искру огня сего пламенного в мое сердце холодное, и душу мою темную светом твоим озари. О, великий Архангеле Божий Урииле, ты еси сияние огня Божественного и просветитель помраченных грехами, просвети ум мой, сердце мое, волю мою силою Святаго Духа, и настави меня на путь покаяния, и умоли Господа Бога, да избавит меня Господь от ада преисподняго и от всех врагов, видимых и невидимых, ныне и присно и во веки веков. Аминь.

 

* * *

О, святые Господства, всегда пребывающие пред Небесным Отцом, умолите Иисуса Христа, Спаса нашего, да запечатлеет царственную свою в немощи силу и дарует нам благодать, да очистимся этой благодатью, да возрастем этой благодатью, да исполнимся верой, надеждой и любовью.

 

Ангелу-Хранителю

1.

Ангеле Христов святый, к тебе припадая молюся, хранителю мой святый, преданный мне на соблюдение души и телу моему грешному от святого крещения, аз же своею леностию и своим злым обычаем прогневах твою препричистую светлость и отгнах тя от себе всеми студными делы: лжами, клеветами, завистию, осуждением, презорством, непокорством, братоненавидением и злопомнением, сребролюбием, прелюбодеянием, яростию, скупостию, объядением без сытости и опивством, многоглаголанием, злыми помыслы и лукавыми, гордым обычаем и блудным взбешением, имый самохотение на всякое плотское вожделение, о злое мое произволение, его же и скоти безсловеснии не творят! Да како возможеши возрети на мя, или приступити ко мне, аки ко псу смердящему? Которыма очима, Ангеле Христов, воззриши на мя, оплетшася зле во гнусных делах? Да како уже возмогу отпущения просити горьким и злым моим и лукавым деяниям, в няже впадаю по вся дни и нощи и на всяк час? Но молюся ти припадая, храните-лю мой святый, умилосердися на мя грешнаго и недостойного (имярек), во вся дни и нощи и на всяк час буди ми помощник и заступник на злаго моего сопротивника, святыми твоими молитвами, и Царствия Божия причастника мя сотвори со всеми святыми, всегда, и ныне, и присно, и во веки веков. Аминь.

 

2.

Ангел Хранитель мой! Яви мне милосердие, укрепи слабые силы души моей, жаждущей прибегнуть к Источнику благодати. Если я не приближусь к Иисусу Христу, то удалюсь от жизни, а когда приближусь к Нему недостойно, навлеку на себя гнев Его. Что же мне делать? Я хочу предать себя в руки твои со всеми моими недостатками и нуждами; ты испросишь мне благодать и она очистит душу от грехов ее; ты вдохнешь мне любовь к добродетели и она соделает меня благоприятным Богу. О, как желал бы я проливать в твоем присутствии слезы любви пред Господом, или, слезами омывать Его ноги, подобно Магдалине! Как сладко было бы мне всегда быть в соединении с Ним и непосредственно возносить к Нему мои молитвы! Веди меня к сему великому блаженству даруй мне вместе с тобою воздавать славу, честь, поклонение и благодарение Господу Иисусу ныне и присно и во веки веков.