Къырымтатар тили. инджи сыныф. I. Тешкилий къысым: селямлашув. Невбетчинен субет. III. Янъы мевзу

Къырымтатар тили

5-инджи сыныф

Дерс мевзусы: Текрарлав дерси. Исим. Сыфат.

 

Дерснинъ макъсады:

1. Сыфат акъкъында мевзуны умумийлештирмек, текрарламакъ.

2. Талебелернинъ нутукъларыны зенгинлештирмек ве инкишаф этмек.

3. Талебелернинъ мустакъиль чалышмагъа огретмек.

4. Озь нокътаиназарларыны аргументирлев.

5. Ана тильге авеслик догъурмакъ, Ватангъа, буюклерге урьмет этмек.

6. Балаларгъа ана энъ якъын олгъаныны анълатмакъ.

 

Дерснинъ типи: янъы малюматны огренюв.  

 

Корьгезмелер: дерслик, карточкалар, къутучыкъ.

 

Дерснинъ кетишаты.

 

I. Тешкилий къысым: селямлашув.

Оджа: Селям алейкум, балалар!

 

Талебелер: Алейкум селям!

 

Оджа: Чанъ къакъылды, дерс башланды.

 

2. Невбетчинен субет.

 

II. Эв вазифесини сорав.

 

Оджа: Кечкен дерсте насыл сез чешитлерини кечтик?

 

Талебелер: Исим, сыфат.

 

Оджа: Догъру, келинъ текрарлайыкъ.

 

Агъзавий суаллер:

1. Исим насыл суаллерге джевап бере, нени бильдире?

2. Сыфат насыл суаллерге джевап бере, нени бильдире?

3. Джыныс ве хас исимлер арасында фаркъ?

4. Исимлерде чокълукъ манасы насыл бильдире?

5. Исимде къач келиш бар?

 

Мотивация.

Оджа: Исимлернинъ ве сыфатларны яхшы бильсек, озь тилимизнинъ нутугъымызны даа да яхшы биледжемиз!!!

 

III. Янъы мевзу.

Язма иш.

 

Оджа: Балалар, саныны ве сыныф ишини язамыз.

 

Апрельнинъ йигирми учю. Сыныф иши.

Текрарлав. Исим. Сыфат.

 

Оджа: Балалар, сизинъ ананъыз насыл?

 

АНА

дюльбер, севимли, мераметли, яхшы, гузель, аджайип.

 

Оджа: Балалар, «ана» сёзю бу насыл сёз чешити?

 

Балалар: Исим.

 

Оджа: Догъру. Сиз айткъан сёзлер (дюльбер, севимли, мераметли, яхшы, гузель, аджайип) бу насыл сёз чешити?

 

Балалар: Сыфатлар.

 

Раатлыкъ дакъкъасы.

Оджа: Балалар, еринъизден турынъыз, меним япкъанымы текрарланъыз.

 

Эллер бельде, омузларда

Сонъ котерем йылдызларгъа,

Шап-шап шапырдайым

Сонъ хайтарма ойнайым

 

Оджа: Отурынъ еринъизге. Ишимизни девам этемиз.

 

Оджа карточкаларны даркъата. Карточкаларда исимлер. Балалар исимни чыкъырып, сыфатны уйдура. (3 группагъа даркъатыла).

 

Дефтерде сёзлер язамыз ве хас, джыныс исимлерни тапамыз:
Багъчасарай, айван, куньделик, ресим, Амина, шеэр, баба, Эски- Кермен, «Арманчыкъ».