Цикл айнымалысын сипаттау

Цикл айнымалысын JavaScript тілінде келесі түрде жазуға болады:

for(var i = 100; i; i --)...

немесе

var i;

for(i = 100; i; i --)...

Браузер үшін бұл екеуі де бірдей болады. Келесі цикл құрылымында:

for(басы; шарт; өсуі)

команда;

басы командасы цикл басында бір-ақ рет орындалады. Сондықтан i айнымалысы 100 рет var сипаттауышы арқылы тексерілмейді.

Келесі ұсыныстар беріледі:

- iцикл санауышын функция немесе скрипт басында басқа айнымалылар сипатталаған кезде сипаттап кету керек;

- егер бір санауыш бірнеше циклде пайдаланылатын болса, оны жалпы сипаттау бөлімінде көрсету қажет;

- егер функция құрамында цикл біреу ғана болса, онда for (var i = …,…; …) – түрінде жазған дұрыс, өйткені i айнымалысы бір-ақ рет кездеседі.

Егер бір digit айнымалысы цикл ішінде пайдаланылып, сыртында кездеспесе, оны циклдың ішінде локальды айнымалы ретінде сипаттаған дұрыс.

Төмендегі while командасының жазылуы:

While (...)

{ var digit =...

... }

мынадай сипаттаумен бірдей болып саналады:

var digit;

...