Диакон: Рцем вси от всея души, и от всего помышления нашего рцем.
Лик: ГП (на каждое прошение)
Господи Вседержителю, Боже отец наших, молим Ти ся, услыши и помилуй.
Помилуй нас, Боже, по велицей милости Твоей, молим Ти ся, услыши и помилуй.
Лик: ГП (3)
Еще молимся о Великом Господине и отце нашем, Святейшем Патриарсе Кирилле, и о господине нашем высокопреосвященнейшем митрополите Павле, и о Господине нашем высокопреосвященнейшем архиепископе Артемии и о всей во Христе братии нашей.
Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
Еще молимся о братиях наших, священницех, священномонасех, и всем во Христе братстве нашем.
Еще молимся о блаженных и приснопамятных святейших патриарсех православных и создателех святаго храма сего (аще во обители: святыя обители сея), и о всех прежде почивших отцех и братиях, зде лежащих и повсюду, православных.
Еще молимся о милости, жизни, мире, здравии, спасении, посещении, прощении и оставлении грехов рабов Божиих, братии святаго храма сего.
|
|
Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.
Возглашение: Яко милостив и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.
Лик: Аминь.
Если обеден о упокоении нет, то закрыть Царские врата. А если будет поминание усопших
(заказаны обедни), то необходимо заблаговременно подготовить кадило и держать его наготове. Во время возгласа врата НЕ ЗАКРЫВАЮТСЯ, а диакон заходит в алтарь, крестится на горнее место, и тогда кадило ему подаётся вместе с обеднями. Если обеден много, то нужно пойти на солею вместе с диаконом (только через боковые врата) и помочь ему (принимать прочитанные записки). Как только записки закончатся, занести их в алтарь и отдать священнику. Также стоять справа рядом с ним и принимать прочитанные записки.
Диакон: Помилуй нас, Боже, по велицей милости Твоей, молим Ти ся, услыши и помилуй.
Лик: ГП (3)
Еще молимся о упокоении душ усопших рабов Божиих (имярек), и о еже проститися им всякому прегрешению, вольному же и невольному.
Яко да Господь Бог учинит души их, идеже праведнии упокояются.
Милости Божия, Царства Небеснаго и оставления грехов их у Христа, безсмертнаго Царя и Бога нашего, просим.
Лик: Подай, Господи.
Диакон: Господу помолимся.
Лик: ГП.
Иерей: Боже духов, и всякия плоти, смерть поправый и диавола упразднивый, и живот мiру Твоему даровавый: Сам, Господи, покой души усопших раб Твоих, имярек, в месте светле, в месте злачне, в месте покойне, отнюдуже отбеже болезнь, печаль и воздыхание. Всякое согрешение, содеянное ими словом, или делом, или помышлением, яко благий человеколюбец Бог, прости. Яко несть человек, иже жив будет и не согрешит. Ты бо Един кроме греха, правда Твоя правда во веки, и слово Твое истина.
|
|
Возглас: Яко Ты еси воскресение и живот и покой усопших раб Твоих, имярек, Христе Боже наш, и Тебе славу возсылаем, со безначальным Твоим Отцем, и пресвятым и благим и животворящим Твоим Духом, ныне и присно, и во веки веков.
Лик: Аминь