Оджа: Шимди мустакъиль иш оладжакъ. Берген джумлелерни озь дефтерлеринъизге язынъыз. Мен сонъра тешкирерим.
С. 10, 19 мешгъулиет
1 гр. -1,2,3 джумле,
2 гр., 4,5,6 джумле
Пекитюв. «Микрофон»
Оджа: Машалла, балалар! Энди, бу мевзуны яхшы анъламакъ ве пекитмек ичюн, бир къач суаллерге джевап беринъиз.
Оджа: Насыл сёзлерге фииль дейлер? Фииллер нени бильдире?
Талебе1: Фииль- там маналы сёз чешити олып, иш арекетини ве алны бильдире
Оджа: Фиильнинъ къач заманы бар?
Талебе2: Фиильнинъ учь заманы бар. Бу кечкен заман (язгъан), шимдики заман (окъуй) ве келеджек заман (айтаджакъ).
Оджа: 4. Кечкен заман фииллери насыл суаллерине джевап бере?
Талебе3: не япты? не япкъан? не яптынъ? суаллерге джевап бере
Оджа: Шимдики заман фииллери насыл суаллерине джевап бере?
Талебе4: Не япа? Не япасынъ? Не япалар? Не япам?
Оджа: Келеджек заман фииллери насыл суаллерине джевап бере?
Талебе1: не япар? Не япса? Не япаджакъ? Суаллерге джевап бере
Оджа: Машалла, балалар! Мен корем ки, бу дерсни сиз яхшы анъладынъыз.
|
|
Бааллав.
Оджа: Бугунь дерсте сиз гузель чалыштынъыз. Усеин, Эльмаз ве Зарема 5 баа алдынъыз, чюнки сиз меним суаллерге эр вакъыт догъру джевап бердинъиз, Сейране ве Эмине бугунь 4 баа алдынъыз. Келеджек дерсте башкъаларны да сораджам 1
IV. Эв вазифеси
Оджа: Машалла, балалар! Энди куньделилерни ачып, эв ишини язынъыз. Эвге сизлерге бойле вазифелер оладжакъ:
1. Кечирген мевзуны яхшы пекитмек
2. Дефтерлерле 23 (с 11) мешгулиетни япмакъ
V. Рефлексия «Сенкан»
Оджа: Шимди исе, кечирген мевзуны даа яхшы пекитмек ичюн, бу джедвельге бакъкъанда, биз сенкан тертип этейик.
|
Талебе:
1. Фииль
2. Менфий, мусбет
3. Бирлештире, ареке эте, ишлетиле
4. Иш арекетини, алыны анълата
5. Не япа?
Оджа: Машалла! Энди Дерсимиз битти. Дикъкъатынъыз ичюн сагъ олунъыз. Сагълыкънен барынъыз!
Къулланылгъан эдебият:
Меметов А., Алиева Л.А., Меметов И.А. Къырымтатар тили. Къув къырымтатар тилинде алып барылгъан мектеплер ичюн. – 5-джи сыныф.- Симферополь: КъДжИ «Къырымдевокъупеднешир»нешрияты.2013 -208с.: ресимли.-Къырымтатар тили