Й канон Преполовения, глас 8-й, на 4

Припев: Воскpе́снут ме́pтвии, и воста́нут и́же во гpобе́х, и возвеселя́тся и́же на земли́.

Тропарь: Чудесы́ украси́л еси́ апо́столы Твоя́, / дивесы́ возвели́чил еси́ ученики́, / во всем ми́ре просла́вив, Спа́се наш, и дав им Ца́рствие Твое́.

Припев: Роса́ бо, я́же от Тебе́, исцеле́ние и́м е́сть, земля́ же нечести́вых паде́т.

Тропарь: Вся просвети́ша земли́ концы́ ученицы́, чудесы́ и уче́ньми, / и разли́чными о́бразы сло́во пропове́давше, Христе́ Спа́се, Ца́рствия Твоего́.

Сла́ва Отцу́, и Сы́ну, и Свято́му Ду́ху.

Троичен: С ла́ва Тебе́, О́тче Святы́й, Бо́же нерожде́нне, / сла́ва Тебе́, Сло́ве безле́тне единоро́дне, / сла́ва Тебе́, Ду́ше Боже́ственне и сопресто́льне, / и единосу́щне Отцу́ и Сы́ну.

И ны́не и при́сно, и во ве́ки веко́в. Ами́нь.

Богородичен: Б ысть чре́во Твое́ свята́я трапе́за, иму́щая небе́сный хлеб, / от него́же всяк яды́й не умира́ет, / я́коже рече́ всех, Богороди́тельнице, Пита́тель.

Катава́сия Преполовения, глас 8:

Хор: Го́споди Бо́же наш / мир даждь нам, / Го́споди Бо́же наш, стяжи́ ны, / Го́споди, ра́зве Тебе́ ино́го не ве́мы, / И́мя Твое́ имену́ем.

Песнь 6:

1-й канон Преполовения, глас 4-й, со ирмосом на 6 (ирмосы по дважды)

Ирмос: Пожру́ Ти со гла́сом хвале́ния, Го́споди, / Це́рковь вопие́т Ти, / от бесо́вския кро́ве очи́щшися, / ра́ди ми́лости от ребр Твои́х / исте́кшею кро́вию. (Дважды)

Припев: Возопи́х в ско́pби мое́й ко Го́споду Бо́гу моему́, и услы́ши мя́.

Тропарь: Преполове́ние Пятдеся́тницы наста́ днесь, / отсю́ду Боже́ственныя у́бо Па́схи, / Боже́ственнейшею све́тлостию озари́вшееся, / отону́дуже Уте́шителевою благода́тию сия́ющее.

 Припев: Отве́pгл мя́ еси́ во глубины се́pдца моpска́го, и pе́ки обыдо́ша мя.

Тропарь Преполове́ние Пятдеся́тницы наста́ днесь, / отсю́ду Боже́ственныя у́бо Па́схи, / Боже́ственнейшею све́тлостию озари́вшееся, / отону́дуже Уте́шителевою благода́тию сия́ющее.

Припев: Вся высоты́ Твоя́, и во́лны Твоя́ на мне́ пpеидо́ша.

Тропарь: Глаго́лал еси́ в хра́ме, Христе́, предстоя́ иуде́йским собо́ром / Свою́ сла́ву открыва́я, и предъявля́я сро́дство к Роди́телю.

Припев: Еда́ пpиложу́ пpизpе́ти ми к хpа́му свято́му Твоему́;

Богородичен: Б у́ди ми предста́тельница и стена́ неруши́мая, / от мирски́х мя собла́знов избавля́ющая, еди́на Богороди́тельнице, / и боже́ственным светоли́тием освеща́ющая.

Канон святителя, глас 8, на 4.

Ирмос: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя

Припев: Возлия́ся вода́ до души́ моея́, бе́здна обы́де мя после́дняя.

Тропарь: Я ви́лся еси́ учи́тель моли́твы серде́чныя, о́тче наш Игна́тие,/ я́сно наставля́я, ка́ко до́лжни есмы́ пред Лице́м Христо́вым предстоя́ти/ и моли́тву покая́ния твори́ти.

Припев: Понpе́ глава́ моя́ в pазсе́ли го́p: снидо́х в зе́млю, ея́же веpеи́ ея́ закл́пи ве́чнии.

Тропарь: П одоба́ет на моли́тве, поуча́л еси́, о́тче,/ вста́ти в ли́це прокаже́нных, слепы́х, глухи́х, хромы́х/ и та́ко ко Христу́, от се́рдца сокруше́ннаго,/ от нищеты́ ду́ха на́шего, моли́тву тща́тися твори́ти.

Припев: И да взы́дет из истле́ния живо́т мо́й, к Тебе́, Го́споди Бо́же мо́й.

Тропарь: Е гда́ тишина́ возве́ет в се́рдце на моли́тве, поуча́л еси́, о́тче,/ и мир ко всем, смире́ние, сострада́ние и любо́вь к челове́ком,/ тогда́ позна́ем, я́ко благода́ть Ду́ха Свя́та сие́ соде́ла.

Припев: И да пpии́дет к Тебе́ моли́тва моя́, к хpа́му Свято́му Твоему́.

Богоро́дичен: М а́ти Бо́жия, Ду́ха Свята́го прия́телище непостижи́мое,/ о сме́ртных нас моли́ся/ и моли́тву на́шу к Бо́гу упра́ви.

Й канон Преполовения, глас 8-й, на 4.

Припев: Хpаня́щии су́етная и ло́жная, ми́лость свою́ оста́виша.

Тропарь: Вся содержа́й концы́, возше́л еси́, Иису́се, / и учи́л еси́ во святи́лищи наро́ды сло́ву и́стины, / пра́зднику преполовля́ющуся, я́коже Иоа́нн вопие́т.

Припев: Ели́ка обеща́х, возда́м Тебе́ во спасе́ние мое́ Го́сподеви.

Тропарь: Отве́рзл еси́ устне́ Твои́, Влады́ко, / пропове́дал еси́ ми́рови безле́тнаго Отца́ и Всесвята́го Ду́ха, / сро́дное обои́х храня́ и по воплоще́нии..

Сла́ва Отцу́, и Сы́ну, и Свято́му Ду́ху.

Троичен: Еди́но в Тро́ице Божество́, / Существо́ триипоста́сное, несозда́нное, неразде́льное вси сла́вим, / Отца́ и Сы́на и Свята́го Ду́ха, я́ко три су́щее, и еди́но.

И ны́не и при́сно, и во ве́ки веко́в. Ами́нь.

Богородичен: Д е́ву по рождестве́ пое́м Тя, / Де́ву и Ма́терь сла́вим Тебе́ еди́ну, / Чи́стая Богоневе́сто Отрокови́це, / из Тебе́ бо вои́стинну Бог воплоти́ся, обнови́в нас.

Катава́сия Преполовения, глас 8:

Хор: Я́ ко во́ды морски́я, Человеколю́бче, / волна́ми жите́йскими обурева́юся, / те́мже, я́ко Ио́на, та́ко вопию́ Ти: / возведи́ от тли живо́т мой,/ Благоутро́бне Го́споди.

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, поми́луй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Ты бо еси́ Ца́рь ми́ра и Спас душ на́ших, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Кондак Преполовения, глас 4. Подобен: Вознесы́йся:

П ра́зднику зако́нному преполовля́ющуся, / всех Тво́рче и Влады́ко, / к предстоя́щим глаго́лал еси́, Христе́ Бо́же: / прииди́те и почерпи́те во́ду безсме́ртия. / Те́мже Тебе́ припа́даем и ве́рно вопие́м: / щедро́ты Твоя́ да́руй нам, / Ты бо еси́ Исто́чник жи́зни на́шея.

Икос: О лядене́вшую мою́ ду́шу прегреше́ний беззако́ньми, / тече́ньми Твои́х крове́й напо́й, / и покажи́ плодоно́сну доброде́тельми. / Ты бо рекл еси́ всем, е́же приходи́ти к Тебе́, Сло́ве Бо́жий Всесвяты́й, / и во́ду нетле́ния почерпа́ти, живу́ю же и очища́ющую грехи́, / пою́щих сла́вное и Боже́ственное Твое́ воста́ние, / подая́, Благи́й, с высоты́ сше́дшую вои́стинну ученико́м Твои́м Ду́ха кре́пость, / Тебе́ Бо́га ве́дущим, / Ты бо еси́ исто́чник жи́зни на́шея.

Песнь 7: