Й канон Преполовения, глас 8-й, на 4

Припев: Госпо́дь ца́рстуяй ве́ки, и на век и еще́: егда́ вни́дет ко́нь фарао́нов с колесни́цами и вса́дники в мо́ре.

Тропарь: Я зы́цы восплещи́те, евре́и воспла́чите, / животода́вец бо Христо́с, у́зы а́довы расто́рже, / и ме́ртвыя воскреси́, и неду́ги исцели́ сло́вом, / Сей есть Бог наш, да́вый жизнь ве́рующим во и́мя Его́.

Припев: Сы́нове же Изра́ильстии проидо́ша су́шею посреде́ мо́ря.

Тропарь: Ч у́до показа́л еси́, во́ду в вино́ преше́дшую, / во Еги́пте ре́ки преложи́вый, Влады́ко, в кровь, / и ме́ртвыя воскреси́л еси́, зна́мение сие́ второ́е сконча́в. / Сла́ва, Спа́се, несказа́нному Твоему́ сове́ту: / сла́ва истоща́нию Твоему́, и́мже обнови́л еси́ нас.

Сла́ва Отцу́ и Сы́ну и Свято́му Ду́ху.

Троичен: Т ри собезнача́льны сла́влю и сопресто́льны, / Отца́ безнача́льна Бо́га, и Сы́на собезнача́льна, и Ду́ха соприсносу́щна Сы́ну, / еди́но триипоста́сное Существо́,/ еди́но нача́ло пребезнача́льное пою́, / безнача́льнаго Божества́ и Существа́ чту.

И ны́не и при́сно и во ве́ки веко́в, ами́нь.

Богородичен: Е ди́на вмести́ла еси́ Зижди́теля Твоего́, Богороди́тельнице, во чре́ве, / и пло́тию родила́ еси́ неизрече́нно, / и Де́ва пребыла́ еси́, ничто́же де́вству оскверни́вшуся. / Сего́, Чи́стая, я́ко Сы́на Твоего́ и Бо́га непреста́нно моли́ о ста́де Твое́м при́сно.

Катава́сия Триоди, глас 8:

Хор: Мо́ре огусти́л еси́, / погрузи́вый со ору́жием го́рдаго фарао́на, / и лю́ди спасл еси́ немо́кренно Го́споди, / и ввел еси́ я́ в го́ру святы́ни, вопию́щия: / пои́м Тебе́, Бо́гу на́шему, песнь побе́дную, я́ко просла́вися.

 

Песнь 3:

1-й канон Преполовения, глас 4-й, со ирмосом на 6 (ирмосы по дважды):

Ирмос: Весели́тся о Тебе́ Це́рковь Твоя́, Христе́, зову́щи: / Ты моя́ кре́пость Го́споди, / и прибе́жище, и утвержде́ние. (Дважды)

Припев: Утверди́ся се́рдце мое́ в Го́споде, вознесе́ся ро́г мо́й о Бо́зе мое́м, расшири́шася уста́м моя́ на враги́ моя́, возвесели́хся о спасе́нии Твое́м.

Тропарь: В од животво́рных исто́чники отве́рзл еси́ Це́ркви, / а́ще кто жа́ждет, усе́рдно да прихо́дит и пие́т, вопия́, Бла́же.

 Припев: Я́ко не́сть свя́т, я́ко Госпо́дь, и не́сть пра́веден, я́ко Бо́г на́ш, и не́сть свя́т, па́че Тебе́.

Тропарь: В од животво́рных исто́чники отве́рзл еси́ Це́ркви, / а́ще кто жа́ждет, усе́рдно да прихо́дит и пие́т, вопия́, Бла́же.

Припев: Не хвали́теся и не глаго́лите высо́кая в горды́ни, ниже́ да изы́дет велере́чие изъ у́ст ва́ших.

Тропарь: О т земли́ у́бо на не́бо вознести́ся, проявле́нно глаго́лал еси́: / с небесе́ же Ду́ха посла́ти обеща́л еси́ Свята́го.

Припев: Я́ко Бо́г ра́зумов Госпо́дь, и Бо́г уготовля́яй начина́ния Своя́.

Тропарь:   Е стество́м животворя́й и от Де́вы роди́выйся Госпо́дь, / всем ве́рным дарова́ безсме́ртие, я́ко Благоутро́бен.

Канон святителя, глас 8, на 4.

Ирмо́с: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,/ Еди́не Человеколю́бче.

Припев: Дая́й моли́тву моля́щемуся и благослови́ ле́та пра́веднаго.

Тропарь: П ра́вду Христо́ву в житии́ свое́м воспису́я, святи́телю Христо́в Игна́тие,/ обре́л еси́ на пути́ сем, е́же пла́кати и рыда́ти о соде́янных злых/ и к Спаси́телю ми́ра притека́ти.

Припев: Госпо́дь не́мощна сотвори́ супоста́та его́, Госпо́дь Свя́т.

Тропарь: В ю́ности пла́чем и́ноческим го́рце воспла́кал еси́ в ке́ллии свое́й/ о разруше́нии хра́ма се́рдца челове́ческаго,/ Бо́гом созда́ннаго Богослуже́ния возвы́шеннаго ра́ди, о плене́нии души́ и ума́,/ от сих же всех то́кмо еди́нем Богочелове́ком Спаси́телем изба́вимся.

Припев: Да не хва́лится прему́дрый прему́дростию свое́ю, и да не хва́лится си́льный си́лою свое́ю, и да не хва́лится бога́тый бога́тством свои́м.

Тропарь: И па́ки плач стяжа́л еси́, о́тче, в и́ночестем житии́ твое́м,/ егда́ вся прегра́ды, от Бо́га удаля́ющия тя, препобеди́л еси́./ Сего́ пла́ча ра́ди помяни́ нас, чту́щих святу́ю па́мять твою́.

Припев: Но о се́м да хва́лится хваля́йся, е́же разуме́ти и зна́ти Го́спода, и твори́ти су́д и пра́вду посреде́ земли́.

Богоро́дичен: Д е́во Пречи́стая, печа́ли на́ша и ско́рби утоля́ющая,/ плач спаси́тельный подава́й нам,/ да о бе́здне зол на́ших и непра́вд воспла́чем пред Тобо́ю.

Й канон Преполовения, глас 8-й, на 4.

Припев: Госпо́дь взы́де на Небеса́ и возгреме́, то́й су́дит конце́м земли́, Пра́веден Сы́й.

Тропарь: Не и́же на лице́ суд суди́те, иуде́е, уча́ глаго́лаше Влады́ка, / егда́ прии́де во святи́лище, я́коже пи́сано есть, / преполови́вшуся зако́нному пра́зднику.

Припев: И да́ст кре́пость царю́ на́шему, и вознесе́т ро́г христа́ Своего́.

Тропарь: Не и́же на лице́ суд суди́те, иуде́е: / Христо́с бо прии́де, / Его́же нарица́ху проро́цы от Сио́на гряду́ща и мир взыва́юща.

Слава Отцу, и Сыну, и Святому Духу.

Троичен: Тебе́ покланя́емся, О́тче, безнача́льный Существо́м, / пое́м безнача́льнаго Сы́на Твоего́, / и Ду́ха благоче́стно Всесвята́го, / я́ко еди́наго три, естество́м Бо́га.