И ныне и присно, и во веки веков. Аминь

Богородичен: Еди́н от Тро́ицы сый быв, плоть ви́делся еси́, / не прело́жь, Го́споди, существа́, / ниже́ опали́в Ро́ждшия нетле́нное чре́во, / Бог сый весь и огнь.

Катава́сия Преполовения, глас 8:

Хор: Утверди́ся се́рдце мое́ во Го́споде, / вознесе́ся рог мой в Бо́зе мое́м, / разшири́шася на враги́ моя́ уста́ моя́, / возвесели́хся о спасе́нии Твое́м.

 

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон:   З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, поми́луй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Я́ко Ты еси́ Бог наш, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Конда́к святителя, глас 8. Подо́бен: А́ще и во Гроб:

А́ ще и соверша́л еси́ стезю́ жития́ земна́го, святи́телю Игна́тие,/ оба́че непреста́нно зрел еси́ зако́ны бытия́ ве́чнаго,/ сему́ поуча́я ученики́ словесы́ мно́гими,/ и́мже после́довати и нам, свя́тче, помоли́ся.

И́кос:

Рекл еси́, о́тче, в писа́ниих твои́х,/ я́ко подоба́ет име́ти страх Бо́жий,/ во е́же вступи́ти в соверше́нство всех доброде́телей, любо́вь Бо́жию,/ и та́ко Отцу́ Небе́сному уподо́битися./ Сему́ уче́нию после́довати и нам, свя́тче, помоли́ся.

Седа́лен, глас 3:

П оуча́л еси́, о́тче достохва́льне,/ я́ко моли́тву чи́сту стяжа́ти, та́же чу́вство покая́ния и пла́ча возлюби́ти/ дово́льно есть, во е́же спасе́ние ве́чное улучи́ти,/ его́же и нас, гре́шных, сподо́би моли́твами твои́ми, свя́те. Дважды.

Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в, ами́нь.

Седален, глас 8. Подобен: Прему́дрости Сло́ва:

Стоя́ посреде́ святи́лища, преполовля́ющуся боже́ственно пра́зднику, / жа́ждай, взыва́л еси́, да гряде́т ко Мне и пие́т, / пия́й бо от сея́ Боже́ственныя Моея́ воды́, / ре́ки из чре́ва источи́т веле́ний Мои́х, / а и́же ве́рует в Мя, по́сланнаго от Боже́ственнаго Роди́теля, со Мно́ю просла́вится. / Сего́ ра́ди вопие́м Ти: / сла́ва Тебе́, Христе́ Бо́же, / я́ко бога́тно излия́л еси́ во́ды Твоего́ человеколю́бия рабо́м Твои́м.

Песнь 4:

1-й канон Преполовения, глас 4-й, со ирмосом на 6 (ирмосы по дважды):

Ирмос: Вознесе́на Тя ви́девши Це́рковь на Кресте́, / со́лнце пра́ведное, / ста в чи́не свое́м, / досто́йно взыва́ющи: / сла́ва си́ле Твое́й, Го́споди. (Дважды)

Припев: Го́споди, услы́шах слу́х Тво́й и убоя́хся, Го́споди, pазуме́х дела́ Твоя́, и ужасо́хся.

Тропарь: Растерза́в сме́рти врата́ си́лою Твое́ю, / пути́ жи́зни сказа́л еси́, / безсме́ртия же две́ри отве́рзл еси́, ве́рою зову́щим: / сла́ва си́ле Твое́й, Го́споди.

Припев: Внегда́ смути́тися души́ мое́й во гне́ве, ми́лость Твою́ помяне́ши.

Тропарь: Преполове́ние всех и коне́ц име́яй, / и нача́ла, я́ко безнача́лен, обдержа́й, / стал еси́ посреде́ вопия́: / Боже́ственных, богому́дрии, прииди́те, даро́в наслади́теся.

Припев: Бо́г от ю́га пpии́дет, и Святы́й из гоpы́ пpиосене́нныя ча́щи.

Тропарь: Я́ко Бог и всех име́яй власть, / я́ко си́лен держа́ву низложи́в сме́рти, / посла́ти обеща́лся еси́, Христе́, Ду́ха Свята́го, / от Отца́ происходя́щаго.

Припев: Покpы́ небеса́ добpоде́тель Его́, и хвалы́ Его́ испо́лнь земля́.

Богородичен: Дае́ши бога́тно благода́ть Тебе́ пою́щим, / и из Тебе́ ро́ждшагося преве́чнаго Сло́ва, Ма́ти неискусобра́чная, / прегреше́ний оставле́ние сим прося́щи, Пречи́стая.

Канон святителя, глас 8, на 4.

Ирмос: Ты моя́ кре́пость, Го́споди,/ Ты моя́ и си́ла,/ Ты мой Бог, Ты мое ра́дование,/ не оста́вль не́дра О́тча/ и на́шу нищету́ посети́в./ Тем с проро́ком Авваку́мом зову́ Ти/ си́ле Твое́й сла́ва, Человеколю́бче

Припев: Зане́ смо́ковь не плодопpинесе́т, и не бу́дет pо́да в лоза́х.

Тропарь: Т а́йны жития́ и́ноческаго взыску́я, блаже́нне Игна́тие,/ позна́л еси́, я́ко ка́ятися подоба́ет и труд и́ноческий ничто́же и́но есть,/ е́же де́лание непреста́ннаго покая́ния.

Припев Солже́т де́ло ма́слинное, и поля́ не сотвоpя́т я́ди.

Тропарь: В покая́нии, слеза́х и пла́че о соде́янных злых/ узре́л еси́, о́тче, спасе́ния путь, к Го́рней жи́зни веду́щий,/ и́же предлежи́т и вся́кому нося́щему и́мя Христо́во.

Припев: Оскуде́ша о́вцы от пи́щы, и не бу́дет воло́в пpи я́слех.

Тропарь: Р екл еси́, о́тче преподо́бне, я́ко до́лжно есть покая́нием стра́сти отсека́ти,/ та́же покая́нием доброде́лание стяжа́ти,/ и, а́ще не у́зрит о́ко на́ше, я́ко гре́шни есмы́,/ не и́мамы спасе́ния ве́чнаго улучи́ти.

Припев: Аз же о Го́споде возpа́дуюся, возвеселю́ся о Бо́зе Спа́се мое́м.

Богоро́дичен: Ма́ти Бо́жия, гре́шных Спору́чнице и Помо́щнице,/ путь наш, к Бо́гу веду́щий, покая́нием и́стинным укрепи́,/ зре́нием греха́ и испове́данием его́ напра́ви.