Губная Белозерская грамота

1.От великого князя Ивана Васильевича всеа Руси в Белозерский уезд князем и детем боярскым, отчинником и помесчиком, и всем служилым людем, и старостам, сотцкым, и десятцким, и всем крестьяном моим великого князя, и митрополичим, и владычним, княжим, и боярскым, и помесчиковым, и монастырскым, и черным, и псарем, и осочником, и перевестчиком, и бортником, и рыболовем, и бобровником, и оборочников и всем без омены, чей кто буди.

Осочники – крестьяне-звероловы.

Перевестники – ловцы диких птиц.

Бортники – лица, занимающиеся сбором меда диких пчел.

Бобровники – ловцы бобров.

Всем без омены – всем без исключения.

2.Били естя челом о том, что у вас в тех ваших волостях многие села и деревни розбойники розбивают и животы ваши грабить, и села и деревни жгут, и на дорогах многих людей грабят и розбивают, и убивают многих людей до смерти. А иные многие люди у вас в волостях розбойников у собя держат, а к иным людем розбойники с розбоем приезжают и розбойную рухлядь к ним привозят. И мы к вам посылали на Белоозеро обыщиков своих, и от наших деи обыщиков чинятся вам великие убытки. А вы деи с нашими обыщики лихих людей розбойников не имаете для того, что вам волокита велика, а сами деи вы розбойников меж себя, без нашего ведома, обыскивати и имати розбойников на смеете.

Обыщики – должностные лица, представители центральной власти.

Розбойная рухлядь – вещи, украденные и захваченные разбойниками.

3.И вы бы, меж собя свестясь все заодин, учинили собе в тех своих волостях в головах детей боярских в волости человекы три или четыре, которые бы грамоте умели и которые пригожи, да с ними старост и десятцких и лутчих людей крестиян человек пять или шесть, да промеж бы есте собя, в станех и в волостях, лихих людей розбойников сами обыскивали по нашему крестному целованью въправду без хитрости, да где которых розбойников обыщете, или хто у собя розбойников держит, или к кому розбойникы приезжают и розбойную рухлядь приводят, и вы б тех розбойников ведомых меж собя имали да обыскивали их, доведчи на них и пытали накрепко, и допытався у них, что они розбивают, да тех бы естя розбойников бив кнутьем да казнили смертью. То есми положил на душах наших, а вам от меня опалы в том нет, и от наших наместников, и от волостелей в том продажи вам нету.

Которые пригожи – наиболее зажиточные и благонадежные.

Въправду без хитрости – добросовестно.

Ведомый розбойник – человек, известный как разбойник.

4.А вперед, в ваших волостях, где розобьют розбойники село или деревню, или кого на дорозе розобьют, а на которых людей на своих товарищев учнут, которые розбойникы пытаны говорити, что с ними розбивали или х кому приезжали, а те будут люди живут в Белозерском уезде, и вы б тех розбойников имали ж, да обыскав и доведчи на них и пытав накрепко, казнили смертью ж. А который розбойник скажет своих товарищев розбойников же в иных городех, и вы б о тех розбойникех писали грамоты в те городы к детем боярскым, которые дети боярскые в тех городех и в волостях учинены у того дела в головах, и где розбойник живет; а в грамотах бы естя писали, чтоб тех розбойников в тех городех меж собя по тому ж имали, да обыскав их и доведчи, казнили по нашим грамотам. А обсылалися б естя о тех людех меж собя неизмешкая.

Неизмешкая – быстро.

5.Где розобьют розбойники село или деревню, или кого на дорозе розобьют, а с розбоев те розбойники куды нибуди поедут, и в Новогородцкую землю, а вам про тот розбой весть учинится, и вы б меж собя свестяся все за одинь, за теми розбойники ездили, де где нибуди тех розбойников доедете, и вы б тех розбойников имали безпенно. Да которых розбойников поймаете с поличным с розбойным или без поличного, а ведомого розбойника, или у которых людей розбойники переимаете и поличное у них повымаете, а тот будет ведомой же лихой человек, и вы б тех розбойников и х которым людем розбойники приезжают, меж собя обыскав и пытав накрепко и доведчи на них въ правду, казнили смертью ж. То есми положил на ваших душах.

Вы б меж собя свестяся все за одинь – согласовали бы свои действия.

У которых людей розбойники переимаете и поличное у них повымаете, а тот будет ведомой же лихой человек, и вы б тех розбойников и х которым людем розбойники приезжают – укрывателей разбойников и краденного, захваченного во время разбоя имущества.

6.А которых розбойников где поимаете и доведчи на них да их казнити, и которых люлей тех розбойников поимают и в которых на них делех доведут, и вы б то все велели себе писати на список подлинно, а сами б есте, которые у вас умеют грамоте, к тому списку руки свои прикладывали.

7.А по недружбе, в земском деле, или в боани в какой нибуди, меж собя не мстилися нихто никому, по нашему крестному целовенью, и неповинно б естя не имали и не казнили никакова человека, того бы есте меж собя обыскивали накрепко по нашему крестному целованью, вправду без хитрости.

8.А не учнете меж собя розбойников обыскивати и имати, и тех людей, х которым розбойники приезжают, или не учнете за разбойники ездити и имати и казнити, или станет розбойников пущати, или кто станет розбойником норовити, и мне велети на вас на всех имати иски тех людей, которых в вашей волости розобьют, и без суда вдвое; а самим вам от меня быти в казне и в продаже.

Станет розбойников пущати, или кто станет розбойником норовити – отпустит или будет помогать разбойникам.

9.А которых розбойников ведомых поймаетеи, обыскав их, казните, и тех бы розбойников подворья, животы и статки отдавали б естя тем людем, которые те розбойники розбивали, в их иски. А сколко у которого розбойника животов возмете и роздадите исцем, и вы б то себе все писали на списки. А что будет у исцовых исков останется розбойничих животов, и вы б то все, переписав на список, да клали, где будет пригоже; да о том бы естя отписывали на Москву, к нашим бояром, которым розбойные дела приказаны.

10.А которых детей боярскых и старость и десятцких, и лутчих людей учините в головах, в которой волости нибуди, и вы б о том отписали часа того в Москву, к нашему боярину ко князю Ивану Даниловичю Пенкову с товарищи.

А сю бы есте нашу грамоту держали у тех людей, которых учините в которой волости в головах; а с сее бы есте грамоты списав списки розсылали меж собя по волостем, не издержав ни часу. Писана на Москве, лета 7048, восьмого октября в 23 день.

А которых детей боярскых и старость и десятцких, и лутчих людей учините в головах, в которой волости нибуди, и вы б о том отписали часа того в Москву – имена детей боярских, старост, десятских и лучших людей избранных в губные головы немедленно сообщите в Москву.