2020-06-29
66
Богородичен: Яви́лся еси́ ученико́м воскре́с от гро́ба, и си́х возве́л еси́ на го́ру Ма́сличную, отону́дуже о́блак све́тел подъе́м, взя́т к го́рним Христе́ Тебе́ со сла́вою.
Катава́сия Вознесения:
Хор: Хва́лим, благослови́м, покланя́емся Го́сподеви, пою́ще и пpевознося́ще Его́ во ве́ки.
Из Отца́ пре́жде век рожде́ннаго Сы́на и Бо́га,/ и в после́дняя ле́та воплоще́ннаго от Де́вы Ма́тере,/ свяще́нницы по́йте,// лю́дие превозноси́те во вся ве́ки.
Песнь 9:
Канон Пасхи, глас 1 со ирмосом на 6 (ирмосы по дважды):
Диакон: В ели́чит душа́ моя́/ воскре́сшаго тридне́вно от гро́ба// Христа́ Жизнодавца.
Ирмос: Свети́ся, свети́ся,/ но́вый Иерусали́ме:/ сла́ва бо Госпо́дня/ на тебе́ возсия́./ Лику́й ны́не/ и весели́ся, Сио́не./ Ты же, Чи́стая, красу́йся, Богоро́дице,// о воста́нии Рождества́ Твоего́. (Дважды)
Припев: Вели́чит душа́ моя́/ воскре́сшаго тридне́вно от гро́ба// Христа́ Жизнодавца.
Тропарь: О Боже́ственнаго, о любе́знаго,/ о сладча́йшаго Твоего́ гла́са!/ С на́ми бо нело́жно/ обеща́лся еси́ бы́ти,/ до сконча́ния ве́ка Христе́:/ Его́же, ве́рнии,// утвержде́ние наде́жди иму́ще, ра́дуемся.
Припев: Вели́чит душа́ моя́/ во́лею страда́вша, и погребе́на,// и воскре́сшаго тридне́вно от гро́ба.
Тропарь: О Па́сха ве́лия и свяще́ннейшая, Христе́!/ О му́дросте, и Сло́ве Бо́жий, и си́ло!/ Подава́й нам и́стее Тебе́ причаща́тися,// в невече́рнем дни Ца́рствия Твоего́.
Припев: Ра́дуйся, Де́во, ра́дуйся,/ ра́дуйся, Благослове́нная,/ ра́дуйся, Препросла́вленная!// Твой бо Сын воскре́се тридне́вен от гро́ба.
Богородичен: С огла́сно, Де́во, Тебе́ блажи́м ве́рнии:/ ра́дуйся, две́ре Госпо́дня:/ ра́дуйся, гра́де одушевле́нный:/ ра́дуйся, Ея́же ра́ди нам ны́не возсия́ свет,// из Тебе́ Рожде́ннаго из ме́ртвых Воскресе́ния.
Припев: Ра́дуйся, Де́во, ра́дуйся,/ ра́дуйся, Благослове́нная,/ ра́дуйся, Препросла́вленная!// Твой бо Сын воскре́се тридне́вен от гро́ба.
Богородичен: В есели́ся и ра́дуйся боже́ственная две́ре Све́та:/ заше́дый бо Иису́с во гроб возсия́,/ просия́в со́лнца светле́е,/ и ве́рныя вся озари́в,// Богора́дованная Влады́чице.
Кано́н Триоди (о слепом), глас 5, на 4:
Припев: Кля́тву, е́юже кля́тся ко Авpаа́му, отцу́ на́шему, да́ти на́м без стpа́ха из pуки́ вpа́г на́ших изба́вльшымся.
Тропарь: Н а Дре́ве кре́стнем пригвозди́лся еси́ Христе́ Бо́же, и вся́ победи́л еси́ вра́жия сопроти́вная нача́ла, и пе́рвую кля́тву потреби́л еси́ Спа́се: те́мже Тя́ по до́лгу велича́ем.
Припев: Служи́ти Ему́ пpеподо́бием и пpа́вдою пpед Hи́м, вся дни́ живота́ на́шего.
Тропарь: Я́ ко ви́де Тя́ Сло́ве, а́д до́ле с душе́ю, воздохну́, и вся́ ме́ртвыя стра́хом отреши́, позна́вшыя держа́ву вла́сти Твоея́: те́мже Тя́ по до́лгу велича́ем.
Припев: И ты, отpоча́, пpоpо́к Вы́шняго наpече́шися: пpедъи́деши бо пpе́д лице́м Госпо́дним, угото́вати пути́ Ему́.
Тропарь: В оста́л еси́, я́коже ре́кл еси́, Животода́вче из ме́ртвых, и яви́лся еси́ святы́м ученико́м по воста́нии, зна́мения сотвори́вый, и воочи́вый слепы́я: с ни́ми же Тя́ во ве́ки велича́ем.
Припев: Да́ти pа́зум спасе́ния лю́дем Его́, во оставле́ние гpе́х их, милосе́pдия pа́ди ми́лости Бо́га на́шего.
Богородичен: Я ви́вшися простра́ннейшая небе́с Де́во Чи́стая, вмести́ла еси́ пло́тию Бо́га неопи́саннаго, и родила́ еси́ все́х Избавле́ние, ве́рою несумне́нною воспева́ющих Тя́.
Триоди (предпразднства Вознесения), глас 5 на 4:
Припев: В ни́хже посети́ на́с Восто́к с высоты́, яви́тися во тьме́ и се́ни сме́pтней седя́щым.
Тропарь: С вяще́нное торжество́ вся́ тва́рь прино́сит я́ве Вознесе́нию Твоему́ Сло́ве Бо́жий, и́мже прине́сл еси́ Отцу́ Твоему́, е́же от на́с естество́ восприя́л еси́ па́че сло́ва Неизме́нне.
Припев: Hапpа́вити но́ги на́шя на пу́ть ми́pен.
Тропарь: Я́ ко Бо́г сте́рл еси́ врата́ а́дова Спа́се и вереи́, и воскре́с из ме́ртвых, к небе́сным восте́кл еси́ чино́м а́нгельским, врата́ возми́те, вопию́щым со удивле́нием.
Сла́ва Отцу́, и Сы́ну, и Свято́му Ду́ху.
Тропарь: Е́ же Христе́ дарова́л еси́ ми́р ученико́м, к го́рним дре́вле восходя́. то́й и на́м бога́тно низпосли́, в любви́ все́х содержа́я: я́ко да согла́сно Тебе́ Спа́са велича́ем.
И ны́не и при́сно, и во ве́ки веко́в. Ами́нь.
Богородичен: С ветоно́сная колесни́ца Со́лнца мы́сленнаго, Ты́ была́ еси́ вои́стинну, Нескве́рная Чи́стая, И́мже седя́щии во тме́ ви́деша све́т позна́ния, по до́лгу Тя́ сла́вяще.
Катава́сия Вознесения, глас 5:
Хор: Тя па́че ума́ и словесе́ Ма́терь Бо́жию,/ в ле́то Безле́тнаго неизрече́нно ро́ждшую,// ве́рнии единому́дренно велича́ем.
Ектения́ ма́лая:
Диа́кон: П а́ки и па́ки ми́ром Го́споду помо́лимся.
Хор: Г о́споди, поми́луй.
Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.
Хор: Г о́споди, помилуй.
Диа́кон:П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помя́нувше, са́ми себе́ и друг дру́га, и весь живо́т наш Христу́ Бо́гу предади́м.
Хор: Т ебе́, Го́споди.
Иере́й: Я́ко Тя хва́лят вся си́лы небе́сныя, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор: А ми́нь
