И ныне и присно, и во веки веков. Аминь

Канон.

Песнь 1:

Канон Пасхи, глас 1 со ирмосом на 6 (ирмосы по дважды):

Ирмос: Воскресе́ния день,/ просвети́мся, лю́дие./ Па́сха, Госпо́дня Па́сха:/ от сме́рти бо к жи́зни,/ и от земли́ к небеси́,/ Христо́с Бог нас преведе́,// побе́дную пою́щия.   (Дважды)

Припев: Христо́с воскре́се из ме́ртвых.

Тропарь: О чи́стим чу́вствия, и у́зрим/ непристу́пным све́том/ Воскресе́ния, Христа́/ блиста́ющася,/ и ра́дуйтеся, реку́ща,/ я́сно да услы́шим,// побе́дную пою́ще.

Припев: Христо́с воскре́се из ме́ртвых.

Тропарь: Н ебеса́ у́бо досто́йно да веселя́тся,/ земля́ же да ра́дуется,/ да пра́зднует же мир,/ ви́димый же весь и неви́димый:/ Христо́с бо воста́,// весе́лие ве́чное.

Припев: Пресвята́я Богоро́дице, спаси́ нас.

Тропарь: У мерщвле́ния преде́л сломи́ла еси́,/ ве́чную жизнь ро́ждшая Христа́,/ из гро́ба возсия́вшаго днесь,/ Де́во Всенепоро́чная,// и мир просвети́вшаго.

Припев: Пресвята́я Богоро́дице, спаси́ нас.

Богородичен: В оскре́сшаго ви́девши Сы́на Твоего́ и Бо́га,/ ра́дуйся со апо́столы Богоблагода́тная Чи́стая:/ и е́же ра́дуйся пе́рвее,/ я́ко всех ра́дости вина́, восприя́ла еси́,// Богома́ти Всенепоро́чная.

Кано́н Триоди (о слепом), глас 5, на 4:

На 8: Тогда потща́шася влады́ки Едо́мстии и князе́й Моави́тских, прия́т я трепет, раста́яща вси живу́щии в Ханаа́не

Тропарь: Р аспя́тие во́льное восприи́м, Спа́се, пло́тию,/ источи́л еси́ благослове́ние, и жизнь ми́рови, Влады́ко,/ еди́не Всеблагослове́нне, и всех Соде́телю./ Те́мже благослови́м Тя, пое́м и сла́вим, пою́ще,// воспева́юще побе́дную песнь.

Припев: Нападе́т на ня стра́х и тре́пет, вели́чием мышцы Твоея да окаменя́тся.

Тропарь: В ро́ве Тя́ преиспо́днейшем ме́ртва бы́вша Христе́, положи́ благообра́зный Ио́сиф, и привали́ к две́рем гро́ба ка́мень, Долготерпели́ве. Но воскре́сл еси́ сла́вне, и ми́р совозста́вил еси́ пою́щий, воспева́ющий побе́дную пе́снь.

Припев: До́ндеже про́йдут лю́дие Твои́, Го́споди, до́ндеже про́йдут лю́дие Твои́ сии́, я́же стяжа́л еси́.

Тропарь: Ч удеса́ пресла́вная сотворя́я, Изба́витель/ исцели́ и сле́па от рожде́ния,/ бре́нием пома́зав, и рек:/ иди́ умы́йся в Силоа́ме,/ я́ко да позна́еши Мя Бо́га/ по земли́ ше́ствующа, плоть нося́ща,// за милосе́рдие щедро́т.

Припев: Соде́лал еси́, Го́споди, святы́ню, ю́же угото́васте ру́це Твои́.

Богородичен: В о утро́бу неискусобра́чную Твою́/ всели́ся, Чи́стая, Госпо́дь, за милосе́рдие щедро́т,/ спасти́ хотя́ челове́ка истле́вшаго козньми́ вра́жиими./ Того́ у́бо моли́, град сей спасти́// от вся́каго плене́ния, и враго́в наше́ствия.

Триоди (предпразднства Вознесения), глас 5 на 4:

Припев: Госпо́дь ца́рстуяй ве́ки, и на век и еще́: егда́ вни́дет ко́нь фарао́нов с колесни́цами и вса́дники в мо́ре.

Тропарь: Г оре́ ко Отцу́ Христо́с восхо́дит, и прино́сит пло́ть, ю́же от на́с восприя́т: того́ воспои́м в похвале́нии дне́сь, побе́дную пе́снь пою́ще.

Припев: Сы́нове же Изра́ильстии проидо́ша су́шею посреде́ мо́ря.

Тропарь: Г оре́ ко Отцу́ Христо́с восхо́дит, и прино́сит пло́ть, ю́же от на́с восприя́т: того́ воспои́м в похвале́нии дне́сь, побе́дную пе́снь пою́ще.

Сла́ва Отцу́ и Сы́ну и Свято́му Ду́ху.

Тропарь: К ни́ги писа́ний Боже́ственных, и про́поведи прему́дрых богоглаго́льник, коне́ц я́ве прия́ша: по воста́нии бо Влады́ка, восхо́дит со сла́вою в небе́сная.

И ны́не и при́сно и во ве́ки веко́в, ами́нь.

Тропарь: Земля́ та́йно лику́ет, и небе́сная весе́лия исполня́ются о Вознесе́нии Христа́, дре́вле разстоя́щаяся соедини́вшаго благода́тию, и Е́вино прегражде́ние разори́вшаго.

Катава́сия Вознесения, глас 5:

Хор: Спаси́телю Бо́гу,/ в мо́ри лю́ди немо́крыми нога́ми наста́вльшему,/ и фарао́на со всево́инством пото́пльшему,/ Тому́ еди́ному пои́м,// я́ко просла́вися.

Песнь 3:

Канон Пасхи, глас 1 со ирмосом на 6 (ирмосы по дважды):

Ирмос: Прииди́те, пи́во пие́м но́вое,/ не от ка́мене непло́дна чудоде́емое,/ но нетле́ния исто́чник/ из гро́ба одожди́вша Христа́,// в Не́мже утвержда́емся. (Дважды)

Припев: Христо́с воскре́се из ме́ртвых.

Тропарь: Н ы́не вся испо́лнишася све́та,/ не́бо же и земля́, и преиспо́дняя:/ да пра́зднует у́бо вся тварь/ воста́ние Христо́во,// в не́мже утвержда́ется.

 Припев: Христо́с воскре́се из ме́ртвых.

Тропарь: В чера́ спогребо́хся Тебе́ Христе́,/ совостаю́ днесь/ воскре́сшу Тебе́,/ сраспина́хся Тебе́ вчера́,// Сам мя спросла́ви Спа́се во Ца́рствии Твое́м.

Припев: Пресвята́я Богоро́дице, спаси́ нас.

Богородичен: Н а нетле́нную жизнь прихожду́ днесь/ бла́гостию ро́ждшагося из Тебе́, Чи́стая,// и всем конце́м свет облиста́вшаго.

Припев: Пресвята́я Богоро́дице, спаси́ нас.

Богородичен:  Б о́га, Его́же родила́ еси́ пло́тию,/ из ме́ртвых, я́коже рече́,/ воста́вша ви́девши, Чи́стая, лику́й,// и Сего́ я́ко Бо́га Пречи́стая возвелича́й.

Кано́н Триоди (о слепом), глас 5, на 4:

Припев: Дая́й моли́тву моля́щемуся и благослови́ ле́та пра́веднаго.

Тропарь: К оле́блющихся сердца́ утверди́л еси́, зе́млю всю́ поколеба́в Долготерпели́ве, честны́м распя́тием Твои́м е́же претерпе́л еси́ пло́тию.

Припев: Госпо́дь не́мощна сотвори́ супоста́та его́, Госпо́дь Свя́т.

Тропарь: В но́вем гро́бе Тебе́ положи́ Ще́дре, Ио́сиф благообра́зный, воскре́сл же еси́ из ме́ртвых тридне́вен новосотвори́вый на́с.

Припев: Да не хва́лится прему́дрый прему́дростию свое́ю, и да не хва́лится си́льный си́лою свое́ю, и да не хва́лится бога́тый бога́тством свои́м.

Тропарь: С ле́па иногда́ от рожде́ния, присту́пльша к Тебе́/ исцели́л еси́ Всеще́дре,// сла́вяща смотре́ние Твое́ и чудеса́.

Припев: Но о се́м да хва́лится хваля́йся, е́же разуме́ти и зна́ти Го́спода, и твори́ти су́д и пра́вду посреде́ земли́.

Богородичен: И з чре́ва деви́ческа родила́ еси́ Бо́га воплоще́нна, Ему́же моли́ся Всесвята́я Влады́чице, уще́дрити на́с.

Триоди (предпразднства Вознесения), глас 5 на 4:

Припев: Госпо́дь взы́де на Небеса́ и возгреме́, то́й су́дит конце́м земли́, Пра́веден Сы́й.

Тропарь: С вяза́в Свое́ю сме́ртию Сло́ве сме́рть, из ме́ртвых воскре́сл еси́ я́ве тридне́вен, и к небе́сным Спа́се возше́л еси́ со сла́вою, песносло́вящым безпло́тным Твое́ смотре́ние неизрече́нное.

Припев: И да́ст кре́пость царю́ на́шему, и вознесе́т ро́г христа́ Своего́.

Тропарь: С вяза́в Свое́ю сме́ртию Сло́ве сме́рть, из ме́ртвых воскре́сл еси́ я́ве тридне́вен, и к небе́сным Спа́се возше́л еси́ со сла́вою, песносло́вящым безпло́тным Твое́ смотре́ние неизрече́нное.

Слава Отцу, и Сыну, и Святому Духу.

Тропарь: П рише́л еси́ к земны́м Христе́ кроме́ те́ла, и обле́кся в пло́ть, Кре́ст претерпе́л еси́, и воскре́с из ме́ртвых, возше́л еси́ со сла́вою к началосве́тному Отцу́ Твоему́, умиротвори́вый вся́ческая.

И ныне и присно, и во веки веков. Аминь.

Тропарь:  П оиска́в Христе́ на земли́ заблу́ждшее овча́, незаблу́дным Сло́ве, сие́ счини́л еси́: и Возне́сся к небесе́м, се́л еси́ во сла́ве одесну́ю Твоего́ Роди́теля. Сла́ва мно́гому благоутро́бию Твоему́.

 

Катава́сия Вознесения, глас 5:

Хор: Си́лою Креста́ Твоего́, Христе́,/ утверди́ мое́ помышле́ние,/ во е́же пе́ти и сла́вити// спаси́тельное Твое́ Вознесе́ние.

 

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон:   З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, поми́луй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Я́ко Ты еси́ Бог наш, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Конда́к Трио́ди (о слепо́м), глас 4, подо́бен: «Яви́лся еси́ днесь…»:

Д уше́вныма очи́ма ослепле́н,/ к Тебе́, Христе́, прихожду́,/ я́коже слепы́й от рожде́ния,/ покая́нием зову́ Ти:// Ты су́щих во тьме Свет пресве́тлый.

И́кос:

С трую́ ми да́руй, Христе́, прему́дрости неизрече́нныя, и ра́зума го́рняго,/ све́те су́щих во тьме, и прельща́емых наста́вниче,/ да возмогу́ чудеса́ Твоя́ пове́дати, окая́нный,/ я́же боже́ственная кни́га научи́ Ева́нгелиа ми́ра,/ си́есть, слепа́го чудотворе́ние:/ я́ко от рожде́ния слеп сый,/ о́чи чу́вственныя прие́млет и душе́вныя, ве́рою взыва́я:// Ты су́щих во тьме свет пресве́тлый.

Седален праздника Триоди, глас 1-й. Подо́бен: Гро́б Тво́й Спа́се:

В оочи́л еси́ Христе́ от утро́бы рожде́ннаго без оче́с, показа́вый иуде́ем Спа́се мо́й, сла́ву Твою́ неизрече́нную, и я́ко Све́т все́х еси́: но за́вистию Тя́ ослепле́ннии умо́м наве́тующе, живота́ Пода́теля умертви́ти потща́хуся.

Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в, ами́нь.

Предпразднства Вознесения, глас тот же: Подобен:

Роди́лся еси́, я́ко Ты́ Спа́се мо́й восхоте́вый, яви́лся же па́ки еси́, я́ко Ты́ восхоте́л еси́, и пострада́л еси́ я́ко Челове́к, я́ко Бо́г же воскре́сл еси́. На небеса́ со сла́вою возше́л еси́, и возве́л еси́ челове́ческое существо́, и сла́вою удобри́л еси́.

 

Песнь 4:

Канон Пасхи, глас 1 со ирмосом на 6 (ирмосы по дважды):

Ирмос: На Боже́ственней стра́жи/ богоглаго́ливый Авваку́м/ да ста́нет с на́ми, и пока́жет/ светоно́сна А́нгела,/ я́сно глаго́люща:/ днесь спасе́ние ми́ру,/ я́ко воскре́се Христо́с,// я́ко всеси́лен. (Дважды)

Припев: Христо́с воскре́се из ме́ртвых.

Тропарь: М у́жеский у́бо пол,/ я́ко разве́рзый де́вственную утро́бу,/ яви́ся Христо́с:/ я́ко челове́к же,/ А́гнец нарече́ся:/ непоро́чен же,/ я́ко невку́сен скве́рны,/ на́ша Па́сха,/ и я́ко Бог и́стинен// соверше́н рече́ся.

Припев: Христо́с воскре́се из ме́ртвых.

Тропарь: Я́ ко единоле́тный а́гнец,/ благослове́нный нам вене́ц Христо́с,/ во́лею за всех закла́н бысть,/ Па́сха чисти́тельная,/ и па́ки из гро́ба кра́сное// пра́вды нам возсия́ Со́лнце.

Припев: Пресвята́я Богоро́дице, спаси́ нас.

Богородичен:  С озда́вый Ада́ма, Твоего́ пра́отца, Чи́стая,/ зи́ждется от Тебе́,/ и сме́ртное жили́ще разори́ Свое́ю сме́ртию днесь,/ и озари́ вся// боже́ственными блиста́ньми воскресе́ния.

Припев: Пресвята́я Богоро́дице, спаси́ нас.

Богородичен: Е го́же родила́ еси́ Христа́,/ прекра́сно из ме́ртвых возсия́вша, Чи́стая, зря́щи,/ до́брая и непоро́чная в жена́х и кра́сная,/ днесь во спасе́ние всех,// со апо́столы ра́дующися, Того́ прославля́й.

Кано́н Триоди (о слепом), глас 5, на 4:

Припев: Зане́ смо́ковь не плодопpинесе́т, и не бу́дет pо́да в лоза́х.

Тропарь: У ме́рша мя́ дре́вом, пожре́н бы́в Спа́се мо́й, жи́знь сы́й оживи́л еси́, за вели́кую ми́лость: сего́ ра́ди Сло́ве сла́влю Тя́.

Припев Солже́т де́ло ма́слинное, и поля́ не сотвоpя́т я́ди.

Тропарь: У ченико́м Го́споди, соводворя́яся пресла́вно, си́м глаго́лал еси́: иди́те, пропове́дите всю́ду Мое́ Воскре́сние.

Припев: Оскуде́ша о́вцы от пи́щы, и не бу́дет воло́в пpи я́слех.

Тропарь: В оочи́л еси́ Го́споди, сле́па из утро́бы рожде́нна, ре́к: иди́, умы́йся, и прозри́, Мое́ сла́вя Божество́.

Припев: Аз же о Го́споде возpа́дуюся, возвеселю́ся о Бо́зе Спа́се мое́м.

Богородичен: Р ождество́ Твое́ Чи́стая е́же па́че естества́ славосло́вим блажа́ще ве́рно Тебе́ Пренепоро́чная, я́ко Бо́га все́х Роди́тельницу.

Триоди (предпразднства Вознесения), глас 5 на 4:

Припев: Госпо́дь Бо́г мо́й Си́ла моя́, и учини́т но́зе мои́ на совеpше́ние.

Тропарь: П ре́жде грехо́м осужде́нное естество́ на́ше Всецарю́ Твои́м прия́тием поми́ловася, песносло́вящее Твое́ со стра́хом Воста́ние, и Боже́ственное Вознесе́ние.

Припев: И на высо́кая возво́дит мя́, победи́ти ми в пе́сни Его́.

Тропарь: Д ивя́тся безпло́тных чи́ни, смотря́юще Тя́ Христе́ нося́ща те́ло земно́е, и возше́дша на о́блак, и к небе́сным восходя́ща.

Сла́ва Отцу́, и Сы́ну, и Свято́му Ду́ху.

Тропарь: В и́девше очервле́ны ри́зы Твоя́ Христе́ Всецарю́, Твои́м восхо́дом ужасо́шася а́нгельския си́лы и стра́хом и ра́достию поклони́шася.

И ны́не и при́сно, и во ве́ки веко́в. Ами́нь.

Богородичен: В оспле́щим рука́ма, Госпо́дь воста́в из ме́ртвых, на небеса́ взы́де, повину́вшымся Ему́ а́нгелом, я́ко Творцу́ и Бо́гу на́шему.

Катава́сия Вознесения, глас 5:

Хор: Услы́шах слух си́лы Креста́,/ я́ко рай отве́рзеся им,/ и возопи́х:// сла́ва си́ле Твое́й Го́споди.

Песнь 5:

Канон Пасхи, глас 1 со ирмосом на 6 (ирмосы по дважды):

Ирмос: У́тренюем у́треннюю глубоку́,/ и вме́сто ми́ра песнь принесе́м Влады́це,/ и Христа́ у́зрим/ пра́вды Со́лнце,// всем жизнь возсия́юща. (Дважды)

Припев: Христо́с воскре́се из ме́ртвых.

Тропарь: Б езме́рное Твое́ благоутро́бие,/ а́довыми у́зами содержи́мии зря́ще,/ к све́ту идя́ху, Христе́,/ весе́лыми нога́ми,// Па́сху хва́ляще ве́чную.

Припев: Христо́с воскре́се из ме́ртвых.

Тропарь: П ристу́пим свещено́снии,/ исходя́щу Христу́ из гро́ба, я́ко жениху́,/ и спра́зднуем любопра́зднственными чи́нми// Па́сху Бо́жию спаси́тельную.

Припев: Пресвята́я Богоро́дице, спаси́ нас.

Богородичен: П росвеща́ется боже́ственными луча́ми и живоно́сными/ воскресе́ния Сы́на Твоего́,/ Богома́ти Пречи́стая,// и ра́дости исполня́ется благочести́вых собра́ние.

Припев: Пресвята́я Богоро́дице, спаси́ нас.

Богородичен: Н е разве́рзл еси́ врата́ де́вства в воплоще́нии,/ гро́ба не разруши́л еси́ печа́тей, Царю́ созда́ния:// отону́дуже воскре́сшаго Тя зря́щи, Ма́ти, ра́довашеся.

Кано́н Триоди (о слепом), глас 5, на 4:

Припев: Пpиложи́ и́м зла́, Го́споди, пpиложи́ зла́ сла́вным земли́.

Тропарь: В озне́слся еси́ на Дре́во Ще́дре, и совозне́сл еси́ вся́ челове́ки, и бори́теля зми́я умертви́л еси́, и оживи́л еси́ созда́ние ру́к Твои́х, я́ко еди́н Бо́г все́х.

Припев: Го́споди, в ско́pби помяну́хом Тя́, в ско́pби мале́ наказа́ние Твое́ на́м.

Тропарь: П оложи́лся еси́ во гро́бе во́лею Царю́ Безсме́ртне, и ца́рствия а́дова вся́ истощи́л еси́, ме́ртвыя Воскресе́нием Твои́м воздви́гнув.

Припев: И я́ко боля́щая пpиближа́ется pоди́ти, и в боле́зни свое́й вопия́ше: та́ко бы́хом возлю́бленному Твоему́.

Тропарь: О́ чи отве́рзл неви́девшаго све́т чу́вственный, души́ просвети́л еси́ зе́ницы, и сла́вити сотвори́л еси́ сего́, позна́вша Тя́ Творца́, за благоутро́бие яви́вшася челове́ка.

Припев: Hе паде́м, но паду́т живу́щии на земли́.

Богородичен: К а́ко родила́ еси́ богоблагода́тная Де́во Ма́ти Чи́стая, не позна́вши иску́са му́жеска? Ка́ко пита́еши Пита́ющаго всю́ тва́рь? Я́коже еди́н ве́сть Са́м, все́х Творе́ц и Бо́г.

Триоди (предпразднства Вознесения), глас 5 на 4:

Припев: Воскpе́снут ме́pтвии, и воста́нут и́же во гpобе́х, и возвеселя́тся и́же на земли́.

Тропарь: Р азреши́в осужде́ние челове́чества, Христо́с воскре́се и к небе́сным, О́тчим соседе́нием поче́т, и́хже возлюби́.

Припев: Роса́ бо, я́же от Тебе́, исцеле́ние и́м е́сть, земля́ же нечести́вых паде́т.

Тропарь: Р азреши́в осужде́ние челове́чества, Христо́с воскре́се и к небе́сным, О́тчим соседе́нием поче́т, и́хже возлюби́.

Сла́ва Отцу́, и Сы́ну, и Свято́му Ду́ху.

Тропарь: П о воскресе́нии радостнотвори́вый Христе́ ученики́ Твоя́, возше́л еси́ горе́, к Твоему́ Роди́телю, Его́же не разлучи́лся еси́, а́ще и челове́ком бесе́довал еси́.

И ны́не и при́сно, и во ве́ки веко́в. Ами́нь.

Богородичен: З ако́ну предсе́ния, и пропове́дания богоглаго́ливых испо́лнив, Христе́ возше́л еси́, о́блаку Тя́ подъе́мшу Спа́се, к небе́сным.

Катава́сия Вознесения:

Хор: У́тренююще вопие́м Ти/ Го́споди, спаси́ ны:/ Ты бо еси́ Бог наш,// ра́зве бо Тебе́ ино́го не зна́ем.

Песнь 6:

Канон Пасхи, глас 1 со ирмосом на 6 (ирмосы по дважды):

Ирмос: Снизше́л еси́ в преиспо́дняя земли́,/ и сокруши́л еси́ вереи́ ве́чныя,/ содержа́щия свя́занныя, Христе́,/ и тридне́вен, я́ко от ки́та Ио́на,// воскре́сл еси́ от гро́ба. (Дважды)

Припев: Христо́с воскре́се из ме́ртвых.

Тропарь: С охрани́в це́ла зна́мения Христе́,/ воскре́сл еси́ от гро́ба,/ ключи́ Де́вы не вреди́вый в рождестве́ Твое́м,// и отве́рзл еси́ нам ра́йския две́ри.

 Припев: Христо́с воскре́се из ме́ртвых.

Тропарь: С па́се мой,/ живо́е же и неже́ртвенное заколе́ние,/ я́ко Бог Сам Себе́/ во́лею приве́л Отцу́,/ совоскреси́л еси́ всеро́днаго Ада́ма,// воскре́с от гро́ба.

Припев: Пресвята́я Богоро́дице, спаси́ нас.

Богородичен: В озведе́ся дре́вле держи́мое сме́ртию и тле́нием,/ воплоти́вшимся от Твоего́ пречи́стаго чре́ва,/ к нетле́нней и присносу́щней жи́зни,// Богоро́дице Де́во.

Припев: Пресвята́я Богоро́дице, спаси́ нас.

Богородичен: С ни́де в преиспо́дняя земли́,/ в ложесна́ Твоя́, Чи́стая, сше́дый,/ и всели́выйся и воплоти́выйся па́че ума́,/ и воздви́же с Собо́ю Ада́ма,// воскре́с от гро́ба.

Кано́н Триоди (о слепом), глас 5, на 4:

Припев: Возлия́ся вода́ до души́ моея́, бе́здна обы́де мя после́дняя.

Тропарь: Р аспны́йся с разбо́йники Влады́ко, изба́вил еси́ от разбо́йник лука́вых, душетле́нных страсте́й, Человеколю́бче Го́споди, вся́ пою́щыя Твое́ распя́тие, и воста́ние согла́сно.

Припев: Понpе́ глава́ моя́ в pазсе́ли го́p: снидо́х в зе́млю, ея́же веpеи́ ея́ закл́пи ве́чнии.

Тропарь: П оложи́ша без дыха́ния Тебе́ ме́ртва, Христе́, во гро́бе? все́м ме́ртвым вдыха́юща жи́знь: воскре́сл же еси́ Го́споди, вся́ истощи́вый Сло́ве гро́бы, Боже́ственною Твое́ю си́лою.

Припев: И да взы́дет из истле́ния живо́т мо́й, к Тебе́, Го́споди Бо́же мо́й.

Тропарь: Б ре́ние сотво́рь, о́чи слепа́го от рожде́ния пома́зал еси́, и дарова́л еси́ ему́ прозре́ти, пою́щу Твою́ Сло́ве неизрече́нную си́лу, е́юже спа́сл еси́ ми́р.

Припев: И да пpии́дет к Тебе́ моли́тва моя́, к хpа́му Свято́му Твоему́.

Богородичен: В ели́чия Твоя́, Чи́стая, кто́ испове́сть? Бо́га бо пло́тию родила́ еси́ преесте́ственно, ми́р Тобо́ю избавля́ющаго, Де́во Всенепоро́чная, от вся́каго греха́.

Триоди (предпразднства Вознесения), глас 5 на 4:

Припев: Хpаня́щии су́етная и ло́жная, ми́лость свою́ оста́виша.

Тропарь: С тра́нное виде́ние яви́лся еси́ а́нгелом.челове́чь зра́к нося́, восхо́дом Твои́м стра́шным Человеколю́бче: те́мже со стра́хом воспева́ем Тя́.

Припев: Ели́ка обеща́х, возда́м Тебе́ во спасе́ние мое́ Го́сподеви.

Тропарь: С тра́нное виде́ние яви́лся еси́ а́нгелом.челове́чь зра́к нося́, восхо́дом Твои́м стра́шным Человеколю́бче: те́мже со стра́хом воспева́ем Тя́.

Сла́ва Отцу́, и Сы́ну, и Свято́му Ду́ху.

Тропарь: В се́х Госпо́дь со сла́вою восхо́дит све́тло к Своему́ Безнача́льному Роди́телю: вся́ тва́рь ны́не пра́зднует лику́ющи.

И ны́не и при́сно, и во ве́ки веко́в. Ами́нь.

Богородичен: В ся́к язы́к дне́сь да вопие́т: в воскликнове́нии, Христо́с взы́де, и в трубы́ Боже́ственном гла́се к небесе́м: и́хже не оста́ви.

Катава́сия Вознесения, глас 5:

Хор: Обы́де мя бе́здна,/ гроб мне кит бысть,/ аз же возопи́х к Тебе́, Человеколю́бцу,// и спасе́ мя десни́ца Твоя́, Го́споди.

 

 

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, поми́луй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Ты бо еси́ Ца́рь ми́ра и Спас душ на́ших, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Конда́к, глас 8:

А́ ще и во гроб снизше́л еси́, Безсме́ртне,/ но а́дову разруши́л еси́ си́лу,/ и воскре́сл еси́, я́ко победитель, Христе́ Бо́же,/ жена́м мироно́сицам веща́вый: ра́дуйтеся,/ и Твои́м апо́столом мир да́руяй,// па́дшим подая́й воскресе́ние.

И́кос:

Е́ же пре́жде со́лнца Со́лнце заше́дшее иногда́ во гроб,/ предвари́ша ко у́тру, и́щущия я́ко дне мироно́сицы де́вы,/ и друга́ ко друзе́й вопия́ху:/ о други́ни! Прииди́те, воня́ми пома́жем те́ло живоно́сное и погребе́ное,/ плоть воскреси́вшаго па́дшаго Ада́ма, лежа́щую во гро́бе./ И́дем, потщи́мся я́коже волсви́, и поклони́мся,/ и принесе́м ми́ра я́ко да́ры, не в пелена́х, но в плащани́це обви́тому,/ и пла́чим, и возопии́м: о Влады́ко, воста́ни,// па́дшим подая́й воскресе́ние.

Песнь 7:

Канон Пасхи, глас 1 со ирмосом на 6 (ирмосы по дважды):

Ирмос: О́троки от пе́щи изба́вивый,/ быв Челове́к,/ стра́ждет я́ко сме́ртен,/ и стра́стию сме́ртное,/ в нетле́ния облачи́т благоле́пие,/ Еди́н благослове́н// отце́в Бог, и препросла́влен. (Дважды)

Припев: Христо́с воскре́се из ме́ртвых.

Тропарь: Ж ены́ с ми́ры богому́дрыя в след Тебе́ теча́ху:/ Его́же, я́ко ме́ртва, со слеза́ми иска́ху,/ поклони́шася ра́дующияся Живо́му Бо́гу,/ и Па́сху та́йную// Твои́м, Христе́, ученико́м благовести́ша.

 Припев: Христо́с воскре́се из ме́ртвых.

Тропарь: С ме́рти пра́зднуем умерщвле́ние,/ а́дово разруше́ние,/ ино́го жития́ ве́чнаго нача́ло,/ и игра́юще пое́м Вино́внаго,/ Еди́наго благослове́ннаго// отце́в Бо́га, и препросла́вленнаго.

Припев: Пресвята́я Богоро́дице, спаси́ нас.

Богородичен: У мертви́в Сын Твой смерть, Всенепоро́чная, днесь,/ всем сме́ртным пребыва́ющий живо́т/ во ве́ки веко́в дарова́,/ еди́н благослове́нный// отце́в Бог и препросла́вленный.

Припев: Пресвята́я Богоро́дице, спаси́ нас.

Богородичен: В сем ца́рствуяй созда́нием, быв челове́к,/ всели́ся в Твою́, Богоблагода́тная, утро́бу,/ и распя́тие претерпе́в и смерть,/ воскре́се боголе́пно,// совозста́вив нас я́ко всеси́лен.

Кано́н Триоди (о слепом), глас 5, на 4:

Припев: Благослове́н еси́, Го́споди Бо́же оте́ц на́ших, и пpепе́тый и пpевозноси́мый во ве́ки.

Тропарь: В здви́жену Тебе́ на Дре́во Спа́се, погасе́ со́лнце, земля́ волну́яшеся, колеба́шеся тва́рь вся́, и от гро́б ме́ртвии востая́ху.

Припев: И благослове́нно Имя сла́вы Твоея́ святое, пpепе́тое и пpевозноси́мое во ве́ки.

Тропарь: В оста́вшу ти́ из ме́ртвых Царю́, ду́шы совозста́ша та́мо спя́щыя, сла́вящыя си́лу Твою́, е́юже сме́ртныя у́зы разреши́шася.

Припев: Благослове́н еси́ в хpа́ме Святы́я сла́вы Твоея́, пpепе́тый и пpевозноси́мый во ве́ки.

Тропарь: Б ре́нием пома́зал еси́ о́чи слепа́го, и сему́ повеле́л еси́ к Силоа́му ити́, омы́вся же прозре́, песносло́вя Тя́ Христе́, Царю́ все́х

Припев: Благослове́н еси́, ви́дяй бе́здны, Седя́й на хеpуви́мех, пpепе́тый и пpевозноси́мый во ве́ки.

Богородичен: П о рождестве́ Де́ва яви́лася еси́ Чи́стая, Бо́га бо родила́ еси́, обнови́вшаго естества́ Пречи́стая си́лою Свое́ю: Его́же моли́ спасти́ся все́м на́м.

Триоди (предпразднства Вознесения), глас 5 на 4:

Припев: Благослове́н еси́ на пpесто́ле сла́вы Ца́pствия Твоего́, пpепе́тый и пpевозноси́мый во ве́ки.

Тропарь: Р астерза́в средосте́ние вражды́ Го́споди, Кресто́м и Стра́стию Твое́ю, о́блаком носи́мь возше́л еси́ со сла́вою к Безнача́льному Отцу́.

Припев: Благослове́н еси́ на тве́pди Hебе́сней, пpепе́тый и пpевозноси́мый во ве́ки.

Тропарь: Т ре́петни взыва́ху си́лы: возми́те врата́, прии́де Христо́с те́ло земно́е нося́, и Боже́ственною Стра́стию велиа́ра умертви́в.

Сла́ва Отцу́, и Сы́ну, и Свято́му Ду́ху.

Тропарь: Ч то́ твоя́ ри́зы червле́ны человеколю́бче? си́лам боже́ственным вопроша́ющым: точи́ло ны́не изгнето́х, христо́с восходя́ вопия́ше.

И ны́не и при́сно, и во ве́ки веко́в. Ами́нь.

Богородичен: П е́сньми Твое́ распя́тие Христе́, и Воста́ние согла́сно сла́вим, све́тло пра́зднующе о Вознесе́нии честне́м Твое́м во ве́ки.

 

 

Катава́сия Вознесения, глас 5:

Хор: В пещи́ о́гненней/ песносло́вцы спасы́й о́троки,// благослове́н Бог оте́ц на́ших.

Песнь 8:

Канон Пасхи, глас 1 со ирмосом на 6 (ирмосы по дважды):

Ирмос: Сей нарече́нный и святы́й день,/ Еди́н суббо́т Царь и Госпо́дь,/ пра́здников пра́здник/ и торжество́ есть торже́ств,// во́ньже благослови́м Христа́ во ве́ки. (Дважды)

Припев: Христо́с воскре́се из ме́ртвых.

Тропарь: П рииди́те, но́ваго виногра́да рожде́ния,/ Боже́ственнаго весе́лия,/ в наро́читом дни Воскресе́ния,/ Ца́рствия Христо́ва приобщи́мся,/ пою́ще Его́,// я́ко Бо́га, во ве́ки.

 Припев: Христо́с воскре́се из ме́ртвых.

Тропарь: В озведи́ о́крест о́чи твои́, Сио́не, и виждь:/ се бо приидо́ша к тебе́,/ я́ко богосве́тлая свети́ла,/ от за́пада, и се́вера, и мо́ря,/ и восто́ка ча́да твоя́,// в тебе́ благословя́щая Христа́ во ве́ки.

Припев: Пресвята́я Богоро́дице, спаси́ нас.

Богородичен:  П рии́де Тобо́ю в мир Госпо́дь, Де́во Богоро́дице,/ и чре́во а́дово расто́рг,/ сме́ртным нам воскресе́ние дарова́:// Те́мже благослови́м Его́ во ве́ки.

Припев: Благослови́те со́лнце и ме́сяц, зве́зды небе́сныя Го́спода, по́йте и пpевозноси́те Его́ во ве́ки.

Богородичен: В сю низложи́в сме́рти держа́ву Сын Твой, Де́во,/ Свои́м воскресе́нием,/ я́ко Бог кре́пкий совознесе́ нас и обожи́:// те́мже воспева́ем Его́ во ве́ки.

Кано́н Триоди (о слепом), глас 5, на 4:

Припев: Благослови́те вся пти́цы небе́сныя, зве́pие и вси́ ско́ти Го́спода, по́йте и пpевозноси́те Его́ во ве́ки.

Тропарь: А́нгельстии чи́нове на Кресте́ Тя́ ви́девше ви́сима Христе́ Всецарю́, и тва́рь всю́ изменя́юща стра́хом, ужасо́шася пою́ще Твое́ человеколю́бие.

Припев: Благослови́те сы́нове челове́честии, да благослови́т Изpа́иль Го́спода, по́йте и пpевозноси́те Его́ во ве́.

Тропарь: А́д до́ле Тебе́ ви́дев стеня́ше, и подава́ше ско́ро ме́ртвыя от ве́ка та́мо храни́мыя, Христе́, песносло́вящыя Твое́ человеколю́бие.

Припев: Благослови́те свяще́нницы Госпо́дни, pаби́ Госпо́дни Го́спода, по́йте и пpевозноси́те Его́ во ве́ки.

Тропарь: Слепа́го воочи́л еси́ к Тебе́ приступи́вша Христе́, сему́ повеле́вый в Силоа́мову купе́ль ити́, омы́тися и прозре́ти, и Бо́га Тя́ пропове́дати, пло́тию яви́вшагося во спасе́ние ми́ра.

Припев: Благослови́те ду́си и ду́ши пpа́ведных, пpеподо́бнии и смиpе́ннии се́pдцем Го́спода, по́йте и пpевозноси́те Его́ во ве́ки.

Богородичен: Д е́во Пречи́стая, богоблагода́тная, Твоего́ моли́ Сы́на всегда́, да не посрами́т мя́ в де́нь осужде́ния, но сочте́т избра́нным овца́м.

Триоди (предпразднства Вознесения), глас 5 на 4:

Припев: Благослови́те, Ана́ниа, Аза́pиа, Мисаи́л Го́спода, по́йте и пpевозноси́те Его́ во ве́ки.

Тропарь: С ве́т Тя́ от Све́та су́щий, о́блак све́тел подъя́т от горы́ Ма́сличныя, все́м зря́щым боже́ственным ученико́м Твои́м, и Тебе́ воспева́ющым во вся́ ве́ки.

Припев: Благослови́те Апо́столи, пpоpо́цы и му́ченицы Госпо́дни Го́спода, по́йте и пpевозноси́те Его́ во ве́ки.

Тропарь: Р ука́ми псало́мски воспле́щим, воскре́се Христо́с Бо́г на́ш, и взы́де, отону́дуже сни́де к на́м человеколю́бно, умиротвори́вый дре́вле разстоя́щаяся.

Благослови́м Отца́ и Сы́на и Свята́го Ду́ха, Го́спода.

Тропарь: П оя́ Дави́д вопие́т: Христо́с взы́де на херуви́мех Свои́х, и возлете́ я́ве на крилу́ у́мных чино́в: его́же превозно́сим во вся́ ве́ки.