Сыныбы:1

Пәні: математика

Тақырыбы: Сандардың құрылуы,оқу,жазу.Ондықтармен санау.Жүз.

Мақсаты:

1. Балаларда жаңа санау бірлігі ретінде ондықтар,толық ондықтар,жүздіктерді жазу және атаулары туралы түсінікткерін қалыптастыру.

2. Оқушылардың есте сақтау, ойлау қабілеттерін дамыту;

3. Дәптерді таза ұстауға, үнемді пайдалануға және ұқыптылыққа тәрбиелеу.

Сабақтың түрі: аралас сабақ

Әдіс-тәсілі: сұрақ-жауап,түсіндіру,көрнекілік

Көрнекілігі: кестелер,цифрлары бар карточкалар

Сабақтың барысы:

І Ұйымдастыру кезеңі:

1.Дайындықтарын тексеру,зейіндерін өзіме аудару.

2.Дәптерлерін тарату,партада дұрыс отыруын қадағалау.

ІІ Өтілген материалдарды қайталау.

Тірек білімдерін жетілдіру.

Ауызша есептеуге сандардың ондық құрамы,сондай-ақ ондық қалай құралады,ол неге олай аталатыны туралы білімдеріне арналған жаттығуларды енгізуге болады. «Кім жылдам және дұрыс бәрін табады және көрсетеді», «Эстафета»ойындарын жүргізуге болады.

Бұл сабақтатағы үйренетін негізгі материал «ондық»туралы түсінік болып табылады.Онымен таныстыру үшін заттық көрнектіліктерді-текшелер,санағыштарды,т.б,сондай-ақ әр оқушыға арналған үлестірмелі материалдарды пайдалануға болады.Заттармен практикалық әрекеттер орындай отырып,оларды он-оннан бөліп алады және оны «ондық»деп атайды.Балалардан күнделікті өмірде нені ондықтармен санайтынын сұрауға болады(жұмыртқаны,түймені,дәрі таблеткаларын,т.б.).

ІІІ.Жаңа материалдарды оқып-үйрену.

Жаңа сабақ оқулықтағы№1жаттығудың суретін қарастырудан басталады.Түймелер ондық түрінде орналасқан.Мұғалім осы ондықтарды санауды ұсынады:бір ондық,екі ондық,.........Содан кейін мұғалім осы ондықтардың әрқайсысының өзінің атауы бар екенін айтады және ұжыммен тақтада(алдын ала дайындалып қойылады),дәптерлерінде кесте толтырылады.

Өзіндік жұмыс.

№3 тапсырма толық ондықтармен санап,ізінше бір ондықтан қалдырып,тура және кері санайды.Алынған сандар қатарын дәптерге жазуға болады немесе бұл тапсырманы өз беттерінше орындауға болады.