Окончание Повести временных лет по Ипатьевскому списку

Повесть времянных лет черноризца Феодоеьева монастыря Печерьскаго, откуда есть пошла Русская земля стала есть, и кто в ней почал первые княжити...[15]

В лето 6618... Яко же пророк Давид глаголеть: «Яко ангелом своим заповесть от тебе схранит тя». Яко же пишеть премудрый Епифаний: «К коей же твари ангел приставлен; ангел облаком и мъглам, и снегу, и гра­ду, и мразу, ангел гласом и громом, ангел зимы, и зноеви, и осени, и весны, и лета, всему духу твари его на земли, и таиныя бездны, и суть скровены под землею, и преисподьнии тьмы, и сущи връху бездны, бывший древле верху земля, от нея же тмы, вечер, и нощ, и свет, и день». Ко всим тварем ангели приставлени; тако же ангел приставлен к которой убо земли, да соблюдають куюжьто землю, аще суть и погани. Аще бо­жий гнев будет на кую убо землю, повелевая ангелу тому та тую убо землю бранью ити, то оной земле ан­гел не воспротивится повеленью божью. Яко и се бяше, и на ны навел бог, грех ради наших, иноплеменники поганыя, и побежахуть ны повеленьем божьим: они бо бяху водими аньелом, по повеленью божью...

...Се же ведомо буди, яко в хрестьянех не един ан­гел, но елико крестишася, паче же к блакшерным князем нашим; но противу божью повеленью не могуть противитися, но молять бога прилежно за хрестьянскыя люди. Яко же и бысть: молитвами святыя богородице и святых ангел умилосердися бог, и посла ангелы в помощь русьским князем на поганыя. Яко же рече к Моисееви: «Се ангел мой предыпоидеть пред лицем твоим». Яко же рекохом преже зьнаменье се бысть месяца февраля в 11 день, исходяще сему лету 18.

В лето 6619. Вложи бог Володимеру в сердце, и нача глаголати брату своему Святополку, понужая его на поганыя, на весну. Святополк же поведа дружини своей речь Володимерю; они же рекоша: «Не веремя ныне погубити смерьды от рольи»...

...Се бо ангел вложи в сердце Володимеру Манамаху поустити братью свою на иноплеменникы, русьскии князи. Се бо, яко же рекохом, видинье видиша в Печерьском манастыри, еже стояше столп огнен на тряпезницы, та же преступе на церковь и оттуда к Городцю; ту бо бяше Володимер в Радосыни. И тогда се ангел вложи Володимеру в сердце, нача понужати, яко же рекохом...

В лето 6620. Исходящю же сему лету, и поставиша Феоктиста епископом Чернегову, игумена Печерьскаго, месяца генваря в 12 день, а посажен я а столе в 19...

...Сему же тако бывьшю и братьи сущи без игумена, совокупившимся братьи всей, и нарекши а собе игумена Прохора попина, и възвистиша митрополиту и кня­зю Святополку о нем. И повеле князь митрополиту поставити с радостью. И поставлен бысть неделе масленое в четверг, месяца февраля в 9 день. И тако внидоша в пост братья и со игуменом...

...В лето 6622. Преставися Святослав, сын Володи­мер, месяца марта 16 день, и положен бысть во Переяславле у церкви святого Михаила; ту бо отець ему дал стол, выведы и из Смоленьска. В се же лето Мьстислав заложи Новъгород болии перваго. В се же лето заложена бысть Ладога камением на приспе Павлом посадником, при князе Мьстиславе. Пришедшю ми в Ла­догу, поведаша ми ладожане; яко еде есть, егда будеть туча велика, находять дети наши глазкы стекляныи и малый, и великыи, провертаны, а другыя подле Вол­хов беруть, еже выполоскываеть вода, от них же взях боле ста; суть же различь. Сему же ми ся дивлящю, рекоша ми: «Си не дивно; и суть и еще мужи старии ходили за Югру и за Самоядь, яко видивше сами на полунощных странах, спаде туча, и в той тучи спаде веве­рица млада, акы топерво рожена, и възрастьши, и рас­ходится по земли, и пакы бываеть другая туча, и спадають оленци мали в ней, и възрастают и расходятся по земли». Сему же ми есть послух посадник Павел ладожкыи и вси ладожаие. Аще ли кто сему веры не иметь, да почтет фронографа. «В царство Прово, дожгьцю бывнмо и тучи велиции, пшеница с водою многою смешана спаде, юже събравше, насыпаша сусекы велия. Тако же при Аврильяне крохти сребреныя спадоша, а в Африкеи трие каадеяи опадоша превелици»...

...В лето 6624. Приходи Володимер на Глеба...

...Володимер же съжали си тем, оже проливашеться кровь в дьни постъныя великого поста, и вдасть ему мир...

...В се же лето Мьстислав Володимеричь ходи на чюдь с новгородичи и со пьсковичи, и взя город их именем Медвежа Глава, и погост бе-щисла взяша, и възвратишася в свояси с многом полоном...

...В лето 6625. Приведе Володимер Мьстислава из Новагорода, и дасть ему отец Белъгород, а Новегороде седе Мьстиславичь, сын его, внук Володимеров. В се же лето иде Володимер на Ярослава к Володимерю и Давыд и ольговичи, и Володарь, и Василко и отступиша и у городе Володимери, и стояша дьний шесть — десять, и створи мир с Ярославом. Ярославу покорившюся и вдарившю челом перед строем своим Володимером; и наказав его Володимер о всем, веля ему к собе приходити: «Когда тя позову». И тако в мире разидошася кождо в свояси. Тогда же придоша половци к болгаром, и высла им князь болъгарьскыи пити с от­равою, и пив Аепа и просии князи вси помроша. Сем же лете преставися Лазор, епископ Переяславьскый, семтября в 6. Том же лете придоша Беловежьци в Русь. В се же лето поя Володимер за Андрея внуку Тугъртъканову. В се же лето потресеся земля, семтября в двадесять шестый. Того же лета въведе Глеба из Меньска Володимер, и церковь заложи на Льте мученику... Во­лодимер же посла, сына Романа во Володимерь княжить. Того же лета умре кур Олексий, и взя царство сын ело Иван...

Повесть временных лет. Подг, текста Д. С. Лихачева / Под рек. В. П. Адриановой-Перетц, т. 1.