Раздел II актовые материалы

Духовная Климента

Не позднее 1270 г. [18]

В имя отця и сына и святаго духа. Се аз раб божий Климянт даю рукописанье. Святому Гергью и игумену Варламуи всей братье, что възял есмь 20 гривн серебра на свои рукы святаго Гергья, было же бы ми чим заплатити. Даю за все за то два села с обильемь, и с ло­шадьми, и с борътью, и с малыми селищи, и пьнь и колода, одерьнь святому Гергью; а заводник еусед мои Опаль. А Калисту есмь дал Микшиньское село с огородом и с борътью. А Воинову сынови Анъдрею даю Самуиловьское село, и пень и … ду и борътью; то же еомь не даром дал, платил за мене Данило и Воин иокуп литовьскыи. Володиславу Даниловичю даю сивый жеребець, а Василю брату даю щит Въиновыскыи, оже Вельяминовьскыи жеребечь. А свою жену приказываю игумену Варламу и всей братьи. А из свиней из моих Самуиле дайте боров лутьшии; а в скоте, в овцях и в свиньях розделить с женою моею напол. А жена моя пострижеться в чернице, есть ей чим ся пострици, и двор городьскыи ей ж даю. А про се кланяюся игу­мену и всей братье: а жена моя пострижеться в чернице, то выдайте ей четверть, оть не будеть голодна; или того не въслушаеть, а нечто меншее дадите ей. Хотя подо мною что останеться, или лошак или оружье, то все даю святому Гергью. А про куны, чимь то ми ся было вам платити; в купецьском съте у Фомы 8 гривн, възмите, а у Борькы 4 гривне, у Фомы у Моръшня особвнеи 2 гривне без 2-ю ногату, а на поральское серебро на­клада възяти Климяте на Борьке 13 ногате и гривна, а у Савиниця съимати Климяте с Борькою пять гривн, а в том Борьке третина, а у Козе у Вътьши 2 гривне Климяте възяти, а у Микифорця 40 резан, а Жихневе... у Хотьвита взяти Климяте гривна солоных кун, у Къчьня полъгривны, а Къ... зя, а полъгривны, у Козельця с Ламляны полъгривны, на Дуране 7 гривн, у Михальця полъ- гривне, у Еремея без 10 резан 2 гривне, у Гюрья 13 нога­те, у Климяте гривна, у Вътьше гривна. Или кто почнеть ся запирати того, тъ станет со мною перед богомь. А ты, Варламе, исправи, того же деля написах, зан да не было у мене брата, ни сыну. Аже кто вьступить на сю грамоту, да не со мною с однымь станеть пре богомь, с всимь моимь племенемь.

Памятники русского права. М., 1953, вып. 2, с. 108—110.