Песнь 4

Ирмос: Седяй в славе на Престоле Божества на облаце легце, прииде Иисус Пребожественный Нетленною Дланию и спасе зовущия: слава,

Христе, силе Твоей.

Моления наша, приносимыя Тебе, Царице,/ милостивно услыши и буди нам Покров крепок и Заступница./ Покажи милосердие Твое неисчетное,/ да возненавидим мимолетное./ К деланию богоугодному возднигни нас/ и богопротивные мысли отгони от нас./ Нашему спасению буди Предстательница и в Райские обители светлая Путеводительница.

Не отвержи нас от лица Твоего, Всенепорочная,/ егда ко святому Лику Твоему воззрим, Пренепорочная./ Иконою бо Твоею чудною заблудшие сеpдца ко Христу Богу приводиши/, страху Божию верныя научаеши/ и ищущих спасения, ризою Твоею честною, покрываеши,/ Ты бо еси, Владычице, в Райские обители светлая наша Путеводительница.

Слава: Чудеса велия совершишася, Дево, от образа Твоего чудотворнаго,/ изволила бо Ты еси, Мати, спасти люди Твоя от ереси иконоборческаго./ Сохраняй нас и всех к Тебе прибегающих от неверия, ересей и раскола./ Воздвигни во грехи впадшия и ороси Благодатию Твоею сердца изсохшия./ Ты бо еси в Райские обители светлая наша Путеводительница.

И ныне: Надеждо всем концем земли, Пречистая Дево, Госпоже наша Богородице,/ дивная ко Господу Молитвенница и Предстательница!/ Молитвенно Тя славословим/ и с любовию просим:/ умилостиви к нам Владыку Христа/ и отверзи нам Небесная Врата./ Ты бо еси в Райские обители светлая наша Путеводительница.