Словарла белшниличила

Ӏ. Словарла статьяби далкьаахъни ва девла мягӀнуби гьаргдарни

 

Словарь балкьаахъурси саби даргала литературала мезла лексикаличи – даргала девла устни Батирайла, Сагид ГӀябдуллаевла, Рашид Рашидовла, ГӀяхӀмадхан Абу-Бакарла ва цархӀилти писательтала ва поэтунала произведениебала мезличи хъарахъили.

Даргала литературала мезла кьяйдурти кадилзнила ва тамай гьунчидиркнила тяхӀяр-кьяйда ахирличи дикили ахӀен. Илди дузахънила декӀар-декӀарти жураби (стилти) чедицӀахъес багьандан халкьла гъайла, фольклорла, лугъатунала, гӀядатла гъайла ва дуркьдиубти гъайла, илкьяйдали жузала лексикала давла пайдалабирули саби.

1. Лугъатунала дугьбазирад диал. ишараличил словарлизи кадурхахъути сари: 

а) литературала мезлизир чула эквивалентуни агарти дугьби:

ЖАГЪ… 1) пекло, жар (горячий, сильно нагретый воздух, зной); 2) солнцепёк (место, где очень жарко)

ЖИМЖА… 1)слякоть, жижа, месиво; желе, кашица; 2) жимжа (еда: толокно, смешанная с бузой)

КЪАЗАР… быстрая ходьба (ходьба с частым, мелким шагом)

КЪЕХIЕРБАР-ЕС… испоганить, испохабить, осквернить.

б) даргала фольклорлизир, шурдатуртазир, динна ва художествола литературализир къаршидиркути ва дарх дузахъути дугьби:

ЖАЗМУ… устар. 1) наитие (внезапно пришедшая мысль, вдохновение); 2) экстаз, исступление

ЖАНЖАПИ… устар. панацея (сказочноеснадобье)

КЪАШХЪАН… устар. слуга, прислуга; прислужник, прислужница

ПАНДУГ… устар. халупа; хибара

ШАЗИЯР… устар. осколок снаряда.

2. ДекӀар-декӀарти манзилтазир дарган мезлизи кадерхурти дураулкалан дугьби – гӀярабизмаби, персизмаби, туркизмаби, русизмаби ва цархӀилти илди гӀерасибси хьулчиличи ишарахӀебарили лугути сари.

3. Лерилра бекӀдугьби, илдала лугӀилизир дефисличил лукӀути дугьбира, словарлизир алфавит хӀясибли мерладиубли сари.

4. БекӀдев яра къантӀа тугъличил (-) декӀарбируси илала барсхӀебируси бутӀа, тикрарбарили пайдалабарибхӀели, тильдаличил (~) барсбируси саби.

ЗЕ… соль; урхьула ~ морская соль; ~ла тIем вкус соли; ~ла пуд пуд соли

МЕКЪ… свадьба; ~ барес сыграть, справить свадьбу; ~личи лебилра жагьти цалабикиб на свадьбу собралась вся молодёжь

КАС-ЕС… 1) взять; жуз ~ взять книгу; 2) получить; кагъар ~ получить письмо; ихтияр~иб получил разрешение; хайри~ни получение прибыли

НЯСБИ-ЭС… испачкаться, загрязниться, измазаться; уршила къянкъ ~уб у сынишки испачкался нос.

5. Халал хӀярпличирад дехӀдирхьути дугьби ва илкьяйдали бекӀдевлизирад декӀардулхъути жинсла гӀяламатуначилти глаголла формабала бутӀни тильдаличил дарсдирути ахӀен:

ХӀУНТӀЕНА красный...; ХӀунтӀена ГӀярмия Красная Армия

НЯС/БИР-ЕС… пачкать, мазать; грязнить; някъби ~дирес пачкать руки

ТАМАН/БИР-ЕС… кончать, доводить до конца, оканчивать(ся), заканчивать(ся), доканчивать, завершать(ся), доделывать; дурсри ~дирули сари уроки кончаются

У/БАБГ-ЕС… запрячь (быка); кIелра унц ~дабга зяпряги обоих быков.

6. Лерилра бекӀдугьбачи ударениеби кадалтути сари, амма словарла статьяла духӀнар ударениеби кадалтути ахӀен.

КЪАБА́КЪ… тыква

НЯ́СЛИ… грязно

У́БАС-ЕС¹… 1) убрать, устранить; 2) снять, освободить, отстранить;

УБА́С-ЕС²… подклеить, наклеить снизу.

7. Омонимти декӀарти словарла статьябиван лугути сари ва балуй шайчир чедирван гӀярабла цифрабира кадалтути сари:

А¹… грам. А (первая буква даргинского алфавита)

А²… 1) молозиво; 2) ренин (сычужный фермент)

А³… спец. флюс (вещество, используемое при пайке или сварке)

А⁴… повел. от эс сказать; скажи, молви

БАЗ¹… месяц 

БАЗ²… пух

КЬАК¹… 1)рот, ротовая полость; 2) пасть (рот зверя, рыбы); 3) перен. разг. прост. едок, иждивенец

КЬАК²… туша

ТУР¹… 1) меч, палаш; 2) деревянная шашка (для нарезки кизяка); колотушка (для битья чего-н.)

ТУР²… невод, кошель, рыболовная сеть

ТУР³… тур (отдельная часть или отдельный этап).

8. Дахъал мягӀнубар девла статьялизиб имцӀали бузахъуси мягӀна камли бузахъуси мягӀналис гьалаб бируси саби. Гъамти, синонимтили диубти шурдатурти дугьби запятаяличил декӀардирути сари, мягӀнализир гьарахъти – точкаличилси запятаяличил.

9. Эгер дарган дев сегъуна-биалра дугьбала белгиси цахӀнабиклизибцун къаршибиркули биалли, ил девлис гӀергъи кӀикӀантӀ кадалтути сари ва бекӀдев лебси девла цахӀнабик арагӀебли лугуси саби:

ВАКЪЧЕБ: вакъчеб пяспясаг черепаха (букв: лягушка с ковшом наверху)

СУРМАЙ: сурмай тӀутӀи виноград сорта «сурмай»

ТIУРИ:тIури лагьа голубь-щебетун (лесной голубь)

ЧIУКЬНАД: чIукьнад вебкIес умереть от истощения.

10. Жинсла ва дахълихъла гӀяламатуначирли декӀардулхъути дугьби грамматикала хӀябъибил класслизир (гӀяламат б) лугути сари. Ӏ-ӀӀ классла ва дахълихъла гӀяламатуначилти дугьби (дугьбала бутӀни) бекӀдевлис гӀергъи авмузан скобкабазир лугути сари:

ГА/БИКI-ЕС [~икӀ-ес, ~рикӀ-ес; ~дикӀ-ес]

ДАВЛА/ЧЕББИ-ЭС[~чеви-эс, ~черри-эс; ~черди-эс]

ЛАС/БИ-ЭС [~и-эс, ~ри-эс; ~ди-эс]

У/БЕТИКΙ-ЕС [~ветикI-ес, ~ретикI-ес; ~детикӀ-ес]

ШИШИМ/БУЛХЪ-ЕС [~улхъ-ес, ~рулхъ-ес; ~дулхъ-ес]

Словарла статьяла духӀнар илдигъунти дугьби грамматикала цархӀилти гӀяламатуначилтили (в, р) ва илкьяйдали дахълихъла гӀяламатуначилтили (д) диэс дирар:

ГА/БИКI-ЕС… кампетуни ~икӀули сай просит конфеты

ДАВЛА/ЧЕББИ-ЭС…~чевиубси жагьил адам разбогатевший молодой человек

ЛАС/БИ-ЭС… шинкьанкула хIеркIличи ~иуб мельник повернулся к речке

У/БЕТИКΙ-ЕС… кагъурти столла уди ~детикӀес засовывать бумаги под стол

ШИШИМ/БУЛХЪ-ЕС… неш гьаман~рулхъан мать часто горюет, тревожится.

Илдигъунти, лерилра классунала ва дахълихъла гӀяламатуни лерти дугьби, класс чебиахъути ишараби (Ӏ, ӀӀ, ӀӀӀ) кахӀедатурли лугути сари. Классла ишара лугуси саби, эгер дев лерилра классуназиб пайдалахӀебируси биалли:

ГIЕ/БЯХЪ-ЕС… ӀӀӀ; сов.

рябряб/бикI-ес… ӀӀӀ; несов.

УЧИТЕЛ/ИР-ЕС… I; несов.

11. БекӀдугьбала грамматикала хасдешуначи лишанбирути хасти ишарабачил декӀардирути сари гъайла бутӀни: местоимениеби, числительноеби, наречиеби, союзуни, кесекуни, послелогуни, междометиеби, урга дугьби:

НУ мест. я (мн. нуша)

ДАРШАЛ числ. колич. сто, сотня

БАЦӀЛИ нареч. пусто

ЖАВАБКАРЛИ нареч. ответственно

АММА союз но, зато, однако

ЧIЯНКIЛИ² союз только, лишь, единственно

УГЬ межд. ах, ох

АЛАВ послелог вокруг

МАСАЛА вводн. сл. например, к примеру

Существительноеби, прилагательноеби ва глаголти илдигъунти ишараби агарли лугути сари.

12. Грамматикалашал декӀархӀедикибти дугьби, гьарил мягӀна точкаличилси гӀярабла цифралис гӀергъи лугули, шурдалтути сари:

ДЕГЪ² 1. кр. прил. от дегъси; засушливый; 2. в знач. сущ. засуха

ЗАВОДЛА 1. род. п. от завод;2. заводской, заводский

ЗАГЬИР 1. в знач. прил. явный; известный; 2. (З проп. имя собств. муж.) Загир

МАГЬДИ 1. мехди; 2. (М проп. имя собст. муж.) Магди.

13. Девла мягӀна иргъахъути, шурбатурси девлис гӀергъити, декӀар-декӀарти чеимцӀати баянти скобкабазир сумсси шрифтличил лугути сари:

ДЕГЪ-ШИННА земноводный (приспособленный к жизни в воде и на суше)

ЗИНКIУ… резвун и резвунья (резвый, живой ребёнок)

МАРКАХЪУС… дожденосный(название месяца народного календаря)

ХИНИН… хинин (лекарство из коры хинного дерева)

ШИИТ… шиит (исповедующийшиизм)

Урус мезлизир эквивалентуни агарти дарган дугьбала шурдатурти баянти скобкаби агарли сумсси шрифтличил лугути сари:

КӀУРУГЬАНТИ сортсочных груш

АВХАЗАН сорт сладких абрикосов

СЯХӀ мера и мерка сыпучих и жидких тел, приблизительно равная 2,5 кг

НАКЬ,-ли, -ла; мн.; мутная, грязная вода

14. Мисалтачилси материал пайдалабируси саби девла мягӀна ункъли аргъахъес багьандан ва ил лугуси саби, сунечи хасбируси мягӀнализиб. Словарла статьялизир дугьбала цахӀнабикунала декӀар-декӀарти жураби пайдаладирути сари: существительноеби-прилагательноебачилти, глаголтачилти, наречиебачилти (чебаахъибси гьабгӀергъидешличил). Фразеологияла ва фольклорла материал статьяла ахирлизиб ромбиклис (♦) гӀергъи лугуси саби.

15. Буралаби ва айтуби словарлизир шурдатурхӀели, илдала гӀергъи посл. погов. ибти ишараби кадалтути сари, гӀур илгъуна яра гъамси мягӀнала урусла бурала яра айту лугуси саби. ЦацахӀели, дарган бурала-айтула сипат-мягӀналашалси белшни гьаргбарес багьандан саби лебсиванра шурбалтуси саби.

ЦIаагарли гав хIедирар – погов. без огня дыма не бывает

ГIякьлу кьяшмас гьалаб башар – посл. ум опережает ноги (букв: ум идёт впереди ног)

ГIякьлуагар адам – бахълис балагь – погов. неразумный человек – для многих обуза (букв: безумный человек – беда для многих)

Марайдешли жявли ухънаиахъу – погов. скорбь рано состарит (человека).

16. Фольк. яра благопож. прокл. ибти ишарабачил словарлизир мисалтачилти материалти сарливан пайдаладирути сари даргала фольклорлизирад касибти мисалти:

Чаргасла гилиличи хIяли-арцла чарх дихьиб – фольк. на черкесское седло из чистого серебра тело уместил.

Къаш мургье гили-кьабта – фольк. седло с золотой лукой

ХӀела ригуйла шайзи шазиярла гӀямидухъ! – прокл. чтобы твоя зазноба получила осколочное ранение в бок!