double arrow

Тут ПСАЛТИРЬ РИФМОТВОРНАЯ 1 страница

Благочестивbйшему, тишайшему, самодержавнbйшему,

великому государю царю и великому князю

Феодору Алексиевичу,

всея Великия и Малые и Бbлые России самодержцу

здравия, долгодbнствия, победы на враги

и во всbх благоначинаниихъ

благословbния божия и добросовершения

смирbнный рифмотворецъ всbдушно желаетъ

Псалми святии царя велика суть дbло,

Паче духа святаго, повbствую смbло,

Ибо егда Давид я усты провbщаше,

Иже на израилско царство избранъ бяше,

Самемъ господемъ богомъ бысть онъ умудренны,

Пророчествия даромъ дивнb исполнbнны

Отъ духа прbсвятаго, иже наставляш

Его на глаголы си, онъ же я пояше.

Орудие словbсно бb духу святому,

Бяше бо муж по сердцу богу истинному.

Царь небbсный земнаго на то умудрилъ есть,

Тайны сокровbнныя чрезъ него явилъ есть,

Ибо книга си Псалтир тbми исполнbнна,

Честна, мудра и свята, вся есть божествbнна,

Толико же полезна церкви сотворися,

Даже нужднша отъ солнца быти извbстися.

Иоаннъ Златоустый елма прошенъ бяше,

Егда псалтиръ прbстати чести подобаше,

Рече: "Уне есть солнцу в течении стати,

Нежели псалмов святых вbрнымъ не читати".

Тbмъ же я церковь-мати по вся дни читаете,

Во великихъ си пbниихъ ихъ употребляетъ.

Полезно же и в домbх оны честно пbти,

Но без гласъ подложенных трудно то умbти;

И разумъ сокровbнный спону содbваетъ,

Чтый бо ли поющ псалмы, со трудомъ той знаетъ.

Тbмъ во инbх языцех в метры превbдbни,

Разумbти и пbти удобь устроени.

Имъ же азъ поревновавъ, тщахся то ж творити,

Въ славbнскомъ диалектb в мbру устроити,

Да ся отъ чтущихъ удобь уразумbваютъ

И в подложенных гласbх сладце воспbваютъ.

И помощию бога дbло совершися,

Се бо псалтиръ метрами ново преложися.

Нbции прежде мене, негли, начинаху,

Но за трудности многи отъ дbла прbстаху.

Азъ, богомъ наставляемь, потщахся начати,

Богъ же даде и концемъ дbло увbнчати.

Еже яко первое в метры преложенно,

Подобаше да будетъ первому врученно,

В православных ти сущу, прbсвbтлbший царю,

Ты даждь мbсто у тебb сему нову дару -

Прежде царbмъ Давидомъ отъ духа строенну,

Днесь рабомъ ти в словbнский рифмы превbдbнну.

Под трудами Давида мой азъ полагаю,

Мой давидовых ради труд приими, желаю.

Онъ царь о тебb, царb, молитъ бога в небb,

Азъ, рабъ царя сил и твой, здb молю о тебb

Да многая ти лbта изволитъ подати,

Здравие, мудрость, славу, враги побbждати.

Юнъ Давид Голиафа сильнаго преможе,

Даждь ти юну сильнаго турка збити, боже.

Сего ти, богомолецъ твой, вbрно желаю,

Милости царстbй труд сей и самъ ся вручаю.

Твоего прbсвbтлаго величества

рабъ смирbннbйший и присный

богомолецъ Симеонъ Полоцкий,

иеромонахъ недостойный

К БЛАГОЧЕСТИВОМУ ЖЕ ЧИТАТЕЛЮ

Благочестивый книги читатbлю,

Во писаниихъ жизни искатbлю!

Молю тя, здравымъ умомъ да судиши

Труд, иже в книзе предлbжащей зриши;

Не словъ измену тощно разсуждая,

Но в тbх разума единство лобзая.

Псалтирь се царя купно и пророка

Давида свята, тайна в нbй глубока,

Яже духъ святый оному сказаше,

Та пророчески в псалмех онъ писаше.

Всякая служба теми украшенна

Во церкви святbй, вся в нихъ божествbнна.

Без псалмовъ церкви невозможно быти,

Яко без воды рыбе не лbть жити.

Та в своемъ чинb, яко преведенна

Древле, во церкви да будетъ храненна,

Тужде азъ рифмы тщахся преложити

Не дабы тако в церкви чтеннbй быти,

Но еже в домех часто ю читати

Или сладкими гласы воспbвати

Во славу богу, ибо услаждаетъ

Рифмъ слухъ и сердце чести понуждаетъ.

Коль же есть лучше сию прочитати,

Неже в суетах время погубляти, -

Знаетъ то кождо, а то извещаю,

Поелику самъ спастися желаю.

Яко аще здb зрится ново дbло,

Обаче разумъ псалмов хранить цело.

Толкъ слова менитъ, множитъ, уменшаетъ,

Подобне в рифмех нужда содbваетъ.

Само сущее в церкви цbло тебb,

Здb метафразисъ к домашнй потребb.

Во многихъ мbстbх толк здb положися,

Еже во сущемъ глубоко сокрыся,

Тbмъ не дивися, видя ино слов -

Разумъ единъ есть, речение ново

Свbтлости ради ли за нужду мbры,

Толк отверзаетъ сихъ сокровищ двери.

Не слушай буихъ и нbнаказанных,

Въ тмb невежества злобою связанных,

Имъ же обычай все то обхуждати,

Его же господь не даде имъ знати.

Не буди общник расколы творящим,

Всю мудрость в себb заключенну мнящымъ, А в самомъ дbлb пребезумнымъ сущымъ,

Упоромъ своимъ в погибель текущим;

Ни завидящымъ подражатbль буди,

Имъ же чуждии сердцb гризутъ труди,

Иже благая за зависть хухнаютъ,

Совbсть поправше, вся уничижаютъ.

Но буди правый писаний читатbль,

Не слов ловитbль, но ума искатbль,

А всяко полза имать быти тебb,

Токмо прилbжно разсуждати требе.

Веждь же и сие, яко псалми сии

Отъ древнихъ временъ писани святии

Стихов мbрою отъ муж умудренных,

Добр еллинскимъ книгамъ изученных;

И во прочихъ суть стихотворени

Языцех честных и святи вменbни.

Ревнуя убо тщахся написати

Нашимъ славbнскимъ в рифмbх миру дати.

Тbмъ благодарно прими труды сия,

Инымъ обычны, в России новые.

Чти, пой разумно, хвали ими бога,

Отъ него же мзда будетъ тебb многа.

И за мя, грbшна, ему помолися,

Хулникомъ уста заграждати тщися.

Защищай добро, богъ защитник тебb,

Дастъ здbвbк долгий и вbчность на небb,

Ея же верно азъ тебb желаю,

Милости твоей самъ ся поручаю.

ПСАЛТИРЪ ЦАРЯ И ПРОРОКА ДАВИДА

РИФМЫ ПРЕЛОЖЕННАЯ

ПСАЛОМЪ 1

Блаженъ муж, иже во злых совbтъ не вхождаше,

ниже на пути грbшных человbк стояше,

Ниже на сbдалищех восхоте сbдbти

теx, иже не желаютъ блага разумbти,

Но в законъ господни волю полагаетъ,

тому днемъ и нощию себb поучаетъ.

Будетъ бо яко древо при водах саждbнно,

еже дастъ во время си плод свой неизмbнно.

Листъ его не отпадетъ и все еже дbетъ,

по желанию сердца онаго успbетъ.

Не тако нечестивый, ибо исчезаетъ

яко прах, его же вbтръ съ земли развbваетъ. Тbмъ же нечестивии не имутъ востати

на суд, ниже грbшницы в совbтъ правых стати,

Вbсть бо господь путь правы, тыя защищаетъ,

Путь паки нечестивых в конецъ погубляетъ.

ПСАЛОМЪ 4

Внегда возвах тя, боже живый на небbси,

свидетbлю правды ми, услышалъ мя еси

и распространилъ в скорби и впредь да щедриши,

гласъ молитвы моея теплые услыши.

Вы, сынове людстии, доколе живbте,

в тяжкосердии тщетных и ложных ищете.

Ведите, яко господь щедрый удивилъ есть

преподобна раба си и чюднb хранилъ есть.

Внегда воззову к нему, изволитъ ми вняти

отъ всех навbтов вашихъ и впредь защищати.

Гнbвайтеся во сердцbх, а не согрbшайте,

яже в нихъ глаголbте, на ложех смывайте.

Пожрите жертву правды, в бозе уповайте,

оставите лукавство, правду содbвайте,

Глаголютъ нецыи: кто явитъ намъ благая,

аще будемъ творити дbлеса правая-

Се знаменася на насъ свbтъ лица ти, боже,

иже дbлесъ истинны мзду знати поможе.

Далъ еси вbселие до сердца моего

отъ плодъ пшеницы, вина, елеа своего.

Умножение взяша, азъ же имамъ спати

во мирb купно съ ними и здраво востати;

яко бы мя в надежду, боже, вселилъ еси,

егда о стяжании царства явилъ еси.

ПСАЛОМЪ 5

Глаголы моя изволи внушити,

Ко званию мя ушы приклонити,

Вонми молбъ гласу, царю и боже мой,

аз бо есмь рабъ твой.

Яко азъ к тебb имамъ ся молити,

Господи, утро изволи внушити,

Утро предстану тебb, ты узриши,

милость явиши.

Беззакония нbси богъ хотящий

Ты, не близ тебb будетъ зло творящий,

Ни лукавнуяй тебb присbлится,

злый удалиться.

Ты беззаконных муж ненавидиши,

Глаголющие лжу вся погубиши;

Мужа лсти, крове господь ся гнушаетъ,

скоро отмщаетъ.

Аз же, на милость многу уповая,

Вниду во домъ твой, поклонъ сотворяя

К храму святому твоему, бояся,

сердцемъ страшася.

Правдою ти мя, господи, настави,

Врагъ моихъ ради путь мой вbсь исправи,

Яко отъ устъ ихъ что право - отметно,

сердце суетно.

Гортань ихъ гробу точна отверзенну,

Гноемъ смbрдящымъ съ костми исполнbнну,

Языки лщаху. Тщися имъ судити,

боже, и мстити.

Да отъ мыслей си отпадутъ конечно,

По нечестию ихъ рини я вbчно,

Господи, яко прогнbваша тебе

врази на себе.

Да веселятся, иже уповаютъ

На тя, и вbчну радость получаютъ,

А ты, господи, самъ ся в нихъ вселиши,

милость явиши.

И похвалятся вbсело о тебb,

Иже имя ти чтимое на небb,

любятъ, праваго ты благословиши,

ибо любиши.

Ты самъ, господи, щитомъ ти небbснымъ,

Благоизволомъ твоимъ о насъ деснымъ,

Изволилъ еси торжество намъ дати,

главы вbнчати.

ПСАЛОМЪ 8

Господи боже, коль чюдно есть твое

По всей вселеннbй имя пресвятое,

Ибо лепота твоя вознесеся

выше небесе.

Из устъ младbнец, еще сосца ссущих,

Свершилъ ты хвалу ради врагов сущих,

Да местника зла скоро разрушиши,

врага смириши.

Яко небbса имамъ созерцати,

Яже изволи рука ти создати,

Луну и звезды, и вся, яже еси

создалъ в небbси?

Что человbк есть, яко ты помниши,

Ли человbчь сын, яко и любиши?

Благоволили его посещати,

милость являти.

Мало отъ аггелъ онъ есть умаленный,

Славы и чести вbнцемъ украшенный;

Над дbлы рук ти ты его постави,

зbло прослави.

Покорилъ еси под нозb онаго

Овцы вся, волы и скота всякаго,

Птицы и рыбы, все еже летаетъ

и что плаваетъ.

Господи, господь наш! коль чюдно твое

По всей вселеннbй имя прbсвятое!

Весь сонмъ небbсных оно прославляетъ,

песнь воспbваетъ.

ПСАЛОМЪ 12

Доколb мя, господи, в конецъ забудеши?

Доколb отвращати лице ти будеши?

Доколb печаль душу будетъ ми снbдати

И болbзнь сердцу во дни и в нощи стужати?

Доколb врагъ мой лютый на мя вознесется?

Призри на мя, боже мой, да рабъ твой спасется.

Просвbти очи моя свbтомъ божествbнным,

Да некогда усну в смерти сномъ невозбужденнымъ.

Да не речетъ врагъ о мне: азъ нань укрbпился.

Аз бо помощи твоей, боже мой, вручихся.

Аще ся азъ подвижу - то возвbселятся,

Иже выну стужати души моей тщатся.

Аз же на милость твою всегда уповаю,

О спасении твоемъ веселия чаю;

Благо ми творшу богу имамъ воспbвати,

Имя бога вышняго вbчно прославляти.

ПСАЛОМЪ 27

Господи, к тебb слезно воззываю,

Даждь святый отвbтъ, того ожидаю;

Аще ты, боже, гласъ свой удержиши,

в гробъ мя вселиши.

Услыши гласъ мой, егда ти молюся

И руцb мои воздbвати тщуся

К церкви святbй ти, боже мой, и к тебb,

живущу в небb.

С грbшники мене да не вомbниши,

С творцы неправды да не погубиши,

И съ теми, иже мир усты вbщаютъ,

сердцы прелщаютъ.

Мзду имъ по дbломъ ихъ да сотвориши

И по лукавству мыслей ихъ отмстиши,

Да по заслугамъ приимутъ отъ тебb

казни на себе,

Яко дbлъ твоихъ не хотbша знати,

Что мя хощеши ты самъ возвышати,

Тbмъ же тобою будутъ разорени,

ни воздвижени.

Благословенъ богъ, молитвы внушивый,

Мой пособитbль, мене защитившй,

Нань сердцb мое силно уповаше,

онъ помощь даше.

Тbмъ же моя плоть весела явися,

Волею сердца пbти устроися

Господню славу; онъ же утверждаетъ,

люди спасаетъ.

Христа своего господь защититbль,

Буди людемъ ти, боже, самъ спаситель,

Въ достоянии паси человbки

сам во вся вbки.

ПСАЛОМЪ 28

Сынове бога жива, господу несите

яко сыны овния, хвалу воздадите.

Имени его славу несите премногу,

поклонитеся, в дворb святbмъ его, богу.

Гласъ господень на водах прbстрашенъ явися,

богъ славы возгремелъ есть, кто не устрашися?

Господь на водах многихъ волны возбудилъ есть,

когда в нихъ фараона съ вои погрузилъ есть.

Гласъ господbнь в крbпости егда низхождаше,

гласъ во велелbпотb, егда законъ даше.

Гласъ господень велия кедры сокрушаете,

и ливанские кедры господь сотираетъ.

Сильныя яко тbлцы на ливанb можетъ

истнити, а противу кто стати возможет?

А иже бысть милости его возлюбленный,

сыну единорога есть уподобленный.

Гласъ господень пламени огня прbсецаетъ,

всегустые пустыни силно сотрясаетъ.

И пустыня каддийска тнемъ сотрясеся,

никто противный ему никогда спасеся.

Гласъ господbнь елени к роду совершаетъ

и темныя дубравы свbтло открываетъ.

В церкви его всякъ славу долженъ глаголати,

господь потоп на земли силенъ населяти.

Господь сbдитъ яко царь преславно во веки,

аггелы обладая, купно человbки.

Господь крbпость людемъ си имать даровати

и благословtние съ миромъ имъ подати.

ПСАЛОМЪ 34

Суди, господи, мя обидящие,

Возбрани, боже, мене борющие,

невинна суща.

Возми мечь и щитъ, стани в помощь мою,

Вземъ оружие, яви милость твою -

запни гонящихъ.

Рцы души моей: "Аз есмь твой спаситель",

Сотвори, да всякъ оныя гонитbль

посрамленъ будетъ.

Злаго ми любцы вспять да возвратятся,

Яко пред вbтромъ прах да расточатся

в разныя страны.

Аггелъ господbнь ихъ да оскорбляетъ,

Аггелъ господbнь ихъ да погоняетъ

в тмb путемъ ползкимъ.

Яко ми сbти пагубы сокрыша

И души моей всуе поносиша

зbло досадно.

Ея же не вbсть, в сbть врагъ да впадется,

В ловитву, юже сокры, да вплетется

за свою прелесть.

Душа же моя да возвеселится

О бозе спасb, яко свободится

отъ сети ловчи.

Вся моя кости рекуте: Живый в небb

Боже! Кто и гдb есть подобенъ тебb

в милосердии?

Ты нища из рук крbплшихъ избавляяй,

Отъ хищных врагов мене свобождаяй,

самъ единъ еси.

Лжесвидетbли на мя клевbтаху,

Их же не вbдbх, мене вопрошаху,

да мя погубятъ.

За мою благость воздаша ми злая,

Душу загнаша в мbста неплодная,

да гладомъ таю,

А внегда они стужаху ми зbло,

Смирях дух постомъ, а вретищемъ тbло,

да господь призритъ.

Молитва моя в нbдра ми вратися,

Господь всещедрый милостив явися

за смирbние,

Яко ближнему тщахся угождати,

Яко о братнихъ случаех рыдати,

тако смиряхся.

Они же на мя собор сотвориша,

Со вbселиемъ раны ми мыслиша, -

азъ аки не чух.

Отъ любве должны вси раздbлишася,

Онbй же злобb не умилишася,

братия суще.

Подражнbниемъ лютb мя дражниша,

Искусиша мя и скрежетъ твориша

зубы своими.

О господи мой! Когда то узриши

И душу мою благоустроиши

отъ ихъ злодbйства?

Иже яко льви гладнии рыкаютъ,

Единородну мою умышляютъ

зубы терзати.

Аз в церкви мнозb тя исповbдати

Имамъ и в людех тяжцbх восхваляти

за милость твою.

Врагомъ без правды ненависть имущымъ

На мя, очима си помизающымъ

не даждь радости.

Яко мнb убо мирно глаголаху,

А в сердцах лести на гнbвъ помышляху,

да мя погубятъ.

Уста си на мя лютb разширяху:

"Благо же, благо, видяте, - глаголаху, -

очеса наша".

Ты, сия видbвъ, да не премолчиши,

Боже, отъ мене да не отступиши,

во скорби суща.

Встани, боже, сотвори судъ правый!

Господи, зри прю, даждь судъ, да лукавый

не вbселится.

Да в сердцbх своихъ о мнb не вbщают:

"Благо намъ, благо!", ни да обещают:

"Уже пожремъ и".

Срамъ да обыметъ и да постыдятся

Вси врази вкупе, иже вbселятся

о злых ми сущих.

В студъ и срамоту да суть облечени,

Иже великимъ хуламъ изучени

мнb глаголати.

Иже по моей правдb побораюте,

Веселие и радость да познают

во сердцbх своих.

Иже ми мира желаютъ отъ бога,

Выну да поюте: "Буди слава многа

господу богу!"

Аз же языкомъ правду ти хвалити

Моимъ и славу имамъ возносити

в мирb на всякъ день.

ПСАЛОМЪ 41

Якоже елень, ловцы утруждbнный,

Воды желаетъ быти прохлаждbнный,

Тако азъ, боже, к тебb воздыхаю,

зрbти желаю.

Возжажда душа моя ко живому

Богу святому и богу крbпкому,

Когда прииду к нему и явлюся,

возвbселюся.

Слезы ми в мbсто хлеба тогда быша,

Егда дbнь и нощь врази мя просиша:

"Где богъ твой? Аще тебb не остави,

того намъ яви".

Сия помянухъ, таже вbселихся,

Яко в домъ божий ити извbстихся,

До крова дивна, в гласъ свbтла лика

шума велика.

О душе моя! Вскую ты скорбиши,

Мя смущаеши? На бога да зриши,

Того исповемъ, онъ ми богъ, спаситель

и покровитель.

Во мнb смятеся зbло душа моя,

И воспомянух азъ щедроты твоя,

Яже ты явилъ намъ при Иордане,

в Ермонстbй стране,

При горb малb. А скорбь скорбь глашаетъ,

Что бездна бездну хлябий ся рbшаетъ;

Волны божия по мнb преидоша,

всего сотроша.

Но уже чаю день той приходити,

В онъ же ми хощетъ богъ милость явити;

Аз же и в нощи пbснь воспою ему,

богу моему.

Молюся богу живота моего,

Ты мой заступнике, - азъ реку до него, -

Почто мя забы? Дух мой унываетъ,

врагъ ми стужаетъ.

Внегда ся кости моя сокрушаху,

Тогда ми врази мои поношаху:

"Гдb богъ твой? Рцы намъ выну стужающе,

посмbх дbюще".

Но ты, о душе, вскую скорбна еси?

Уповай в бозb, сущемъ на небеси.

Еще азъ ему имамъ воспbвати,

за бога знати.

ПСАЛОМЪ 45

Богъ намъ сила, прибbжище,

отъ волнъ скорбей пристанище.

Аще земля вся смутится,

наше сердце не боится.

Аще горы преложатся,

в сердце морско вовалятся,

Душа наша не смутится,

в бозb силномъ утвердится.

Воды быша возмущенны,

горы богомъ потрясенны,

Яже облакъ достизаху,

неподвижны отъвbк бяху.

Град господень вbселится,

егда рbка близ точится,

И в немъ вышний освятилъ есть

селение, в немъ же жилъ есть.

В средb града богъ витаетъ,

тbмъ недвижимъ той бываетъ,

Утро тщится в помощь ему,

яко дому богъ своему.

Язык роди ся смятоша,

и царствия упадоша.

Егда вышний гласъ свой даше,

лютb земле трепbташе.

Насъ господь силъ заступаете,

Иаковля чада знаетъ.

Семо, роди, приидите,

бога чюда дbла зрите,

Яже в мирb сотворилъ есть,

брань на земли утолилъ есть.

Лук сокрушитъ, меч сломити

иматъ, огнемъ щитъ спалити.

Приидите, разсмотряйте,

яко азъ бог, познавайте:

Во языцех вознесуся

и на земли прославлюся.

Господи силъ съ нами буди,

храни отъ бед своя люди.

Богъ Иаковль защититbль

наш в печалех утешитbль.

Слава.

ПСАЛОМЪ 60

Услыши, боже, моления моя,

Молитвы в уши да впустиши твоя;

Отъ конецъ земля азъ возопихъ к тебb,

Унывшу сердцу во тяжцей потребе.

Ты на камени мене вознеслъ еси

Отъ рва пропасти к свободы небеси.

Упование мое в тебb бяше,

Столпомъ крbпости ты ся мнb творяше

Отъ лица врагов. Тbмъ же азъ вселюся

В сbнь твою вовbк и возвеселюся;

В крове крилъ твоихъ ты мя защитиши,

Се бо молитвы ты моя слышиши.

Достояние изволилъ ты дати

Тщащимся тебе выну ся бояти;

День ко дни, боже, царю приложиши,

Лbта в род и род его продолжиши,

Да пред тобою вовbк пребываетъ

Милость и правду ти кто постизаетъ,

Тbмъ тя во вbки имамъ воспbвати,

Молитвы моя в дbнь всякъ воздаяти.

ПСАЛОМЪ 63

Услыши, боже, гласъ мой, егда ти молюся,

тобою отъ вражия страха да измуся.

Отъ сонма лукавых мя изволи покрыти,

от собора неправду смbющихъ творити,

Иже язык свой яко мечь золъ изостриша,

на лук свой на вещь горку стрbлы наложиша.

Еже непорочнаго в тайнъ сострbляти,

состреляютъ и, ниже будутъ ся бояти.

Еже сbть скрыти, - слово в себb утвердиша

лукаво, - кто узритъ ю? - съ собою мыслиша.

Беззакония во мнb излиха искаша,

но исканиемъ своимъ во исчезb сташа.

Приступилъ есть человbк, се сердцb глубоко,

богъ же разсыпав совbтъ, взнесется высоко.

Стрелы младbнецъ язвы люты онымъ быша,

языцы ихъ во онех силы ся лишиша.

Всякъ, иже видb сия, смущенъ удивися

и всяку человbку страх в сердцb вселися.

Дbла бога праваго миру возвbстиша,

его то творение быти разсудиша.

Правый же о господь муж возвbселится

и упованиемъ си во ономъ вселится.

Иже прави суть сердцемъ, будутъ ликовати,

ибо господь изволитъ от бbдъ я спасати.

ПСАЛОМЪ 73

Векую, боже, до конца насъ отрbваеши,

на овцы твоя ярость и гнbвь являвши?

Помяни сонмъ людей ти исперва стяжаный,

жезлъ достояния ти из всbх род избраный.

Помяни Сионъ гору, юже ты избрати

изволи, еже на ней в храмъ обитати.

Воздвигни руц твои на гордые люди,

отмститель врагомъ твоимъ за ихъ злобы буди.

О, коль много зла в твоей святыни твориша!

Ненавидящий тя в силъ ся хвалиша.

Посред праздника ти знамения своя

возставляху на мbста высокая твоя,

Яко победитbли, а никако знаша,

яко ты подалъ силу за грbхи имъ наша.

Яко в дубравb, в градb сbчь многу твориша,

сечивы и оскорды дверь, стены ломиша.

Храмъ твой святый, ахъ, горе! огнемъ возжегоша,

жилище ти осквернше, в пепелъ повергоша.

В сердцах своихъ мыслиша съ ужики своими:

отставимъ вся праздники в Иерусалимb.

А мы знамений твоихъ ни мало видаеме,

пророка не имамы, конца бbдъ не знаемъ.

Мнимъ, яко не к тому насъ господь хощетъ знати,

яко изволилъ в руки злых поганъ предати.

Но доколb, боже наш, врагъ ти поношаетъ,

имя твое святое в конецъ раздражаетъ?

Векую десницу твою в нbдрbх содержиши-

Время, да руку твою на враги пустиши.

Ты богъ и царь наш, древле явилъ спасени

посредb земли, рbшив людей пленbние.

Ты силою твоею море утвердити

моглъ еси и в немъ главы змиемъ сокрушити.

Тобою и глава ихъ тамо сокрушенна

и в брашно чернымъ людемъ съ ними положенна.

Тобою из камене воды извbдbнны,

а струи ифамския сухи сотворенны.

Твой есть день, твоя и нощь, ты совершилъ еси

свbтлу зарю и солнце в безмbрномъ небbси.

Тобою предbлъ всякий земли утвердися

и лbто со вbсною чрезъ тя сотворися.

Помяни, боже, яко врази ти стужиша

нечестивии, имя твое раздражиша.

Не предаждь тымъ звbремъ душ, тя бога знающим,

не забуди в конецъ душъ, тя прославляющих.

Воспомяни завbтъ твой, се бо исполнbнии

домов неправды, иже умомъ помрачении.

Да смирbнный со срамомъ вспять не возвратится,

да нищимъ и убогимъ имя ти славится.

Воскрbсни, боже, и прю твою да судиши,

хулы, яже ти вbсь дbнь, буимъ да отмстиши.

Гласъ рабов ти в памяти твоей да витаетъ,

гордость нелюбящихъ тя в гору возрастаетъ.

ПСАЛОМЪ 81

Богъ ста во сонмb судей разсудити,

како во людbх тщатся суд творити.

Доколь ложный суд извbщаете,

лица муж грbшных права являете.

Сира и вдову право разсуждайте,

смиренна, нища в правду оправдайте.

Нища, убога отъ силных измите,

из рук грbшничихъ правых избавите.

Но они сего в разумъ не впустиша.

лиц приятиемъ помрачени быша.

Основания земли ся смущаюте,

вся развращенна во мирb бываютъ.

Азъ рехъ: вы есте бози в человbцbх,

вышняго чяда в настоящихъ вbцbх.

Вы же, яко плоть, тли ся общаете

и яко единъ отъ князь падаете.

Воскресни, боже, земли да судиши,

яко в языцbх всbх ты наслbдиши.

ПСАЛОМЪ 84

Возлюбилъ еси землю твою, боже,

Десница твоя пленbннымъ поможе,

Еже из плена имъ ся возвратити,

в отчествb жити.

Изволилъ еси людемъ ти простити

Беззакония и грbхи покрыти,

Укротилъ ярость, отъ гнbва вратился,

щедр имъ явился.

Возврати, боже, сердца наша к тебb,

Утоли ярость, яже на ны, в себb,

Ярость, ея же не держиши в вbки

на человbки.

Егда к намъ, боже, ты ся обратиши,

Благодатию вся ны оживиши,

Людие твои к тебb обратятся,

возвbселятся.

Изволи милость твою намъ явити

И спасение твое намъ дарствити;

Его же выну отъ тебb желаемъ

и ожидаемъ.

Услышу аз, что богъ о мнb вbщаетъ,

Мир людемъ своимъ дати обbщаетъ,

И иже сердца к нему обращаютъ

того да чаютъ.

Близ боящихся его спасение

И славы в земли нашей вселение,

Яко истинна и милость явися,

в людbх вселися.

Правда же съ миромъ взаимъ ся лобзаютъ,

Тbма людие богу угождаютъ,

Истинна съ земли, егда возсияше,

свыш правда зряше.

Господь дастъ благость, земля плоды родитъ,

Пред лицемъ его вездb правда ходитъ,

В путь стопы своя имать положити,

при немъ ходити.

ПСАЛОМЪ 89

Господи, прибежище ты во скорбbх наше

былъ еси отъ рода в род, ты ны защищаше.

Прежде всbх гор на земли, свbтилъ на небbси,

прежде всbх сущихъ вbчно, боже наш, ты еси.

Человbка во низость да не отвратиши

ты и обращатися к благости учиши.

Тысяща лbтъ у тебе яко день преходить

вчерашний или стража нощная отходитъ.

Лbта человbческа якоже ничтоже

воменяются тебb, о превbчный боже!

Якоже трава утро красно прозябаетъ,

таже цвbтетъ, на вечер падши изсыхаетъ,

Таковbк наш гнbвомъ бо твоимъ исчезаем,

яростию твоею смущени бываемъ.

Беззакония наша пред лицемъ держиши,

вbк нашъ и деяния ты прbсвbтло зриши;

А дние наши скоро вси оскудbваютъ,

отъ ярости твоея съ словомъ исчезаютъ.

Якоже пучина вbтромъ ся терзаетъ,

тако удобно вbк нашъ прbсеченъ бываетъ,

Век днbй человbческихъ до лbтъ сbдмидесятъ,


Понравилась статья? Добавь ее в закладку (CTRL+D) и не забудь поделиться с друзьями:  



Сейчас читают про: