Тайная тайных 10 страница

Приводятся фрагменты из его сочинений, имеющие философское содержание, на языке оригинала, несколько тяжеловесном и усложнённом латинизмами и полонизмами, который является предшественником языка Тредиаковского, Сумарокова и Ломоносова.

ВЕРТОГРАДЪ МНОГОЦВЕТНЫЙ

ползы ради душевныя православных христиан,

божиимъ наставлениемъ и пособиемъ,

а трудоположениемъ многогрешнаго во иеромонасех

Симеона Полоцкого утяжанный и насажденный

в лето отъ создания мира, а отъ рождества еже по плоти бога слова, совершися августа в день (...)

АКАДЕМИЯ

Платонъ философии идеже учаше,

Академия то ся место нарицаше.

Трусъ земли тамо часто обыче бывати,

учившымся мудрости страх многъ содевати,-

Имъ же они к мудрости себе устрояху,

яко же учителемъ заповедь прияху.

БОГЪ ВСЕВИДЕЦЪ

Муж страннолюбецъ в сию злобу въпаде, -

близка соседа свинию украде.

Посемъ Христосъ богъ оному явися,

в нища власата, странна претворися,

Желая его умиленнымъ гласоме,

еже стриженнымъ быти себе власомъ.

Страннолюбецъ же в любви и приялъ есть,

власы острищи самъ ножицы взялъ есть.

Наченъ же стрищи к заду главы прииде

и ту две оце светле зело вид.

Страхомъ одержимъ, к странну глаголаше,

каково чюдо сие, - вопрошаше.

Странный мужь к нему милостивно рече:

"Знай мя ты быти Христа, человече,

Иже отвсюду тайны созерцаю,

зрениемъ моимъ бездны проницаю;

Тема очима азъ видех съ небеси,

егда свинию ты чужду кралъ еси

И где заключи в яме устроенней, -

вся ми суть вестна во всей стране земней".

Сия известивъ, не увидимъ бяше,

странноприимецъ о гресе рыдаше.

Виждь, читателю, яко бденно око

божие видитъ и что есть глубоко.

Темъ же и в тайне зла да не твориши,

заветъ господень выну да храниши.

ГЛАСЪ НАРОДА

Что найпаче отъ правды далеко бываетъ,

гласу народа мудрый муж то причитает.

Яко что-либо народъ обыче хвалити,

то конечно достойно есть хулимо быти.

И что мыслить - суетно, а что поведаетъ,

то никоея правды в себе заключаетъ.

Еже гаждаетъ - дело то весьма благое,

а еже ублажаетъ - то бохма есть злое.

В кратце, что-либо хвалитъ - то неправо в чести.

Мир сей непостоянный весь лежитъ в прелести.

Не веруй убо гласу общему народа

ищи в деле правды человеча рода.

Слово ветръ развеваетъ, а кто тому веритъ,

безърассудно срамоты мзду себе возмеритъ.

ГРАЖДАНСТВО

Како гражданство преблаго бываетъ,

гражданствующымъ знати подобаетъ.

Разная седми мудрых суть мнения,

но вся виновна гражданъ спасения.

Премудрый Виасъ даде слово свое,

гражданство быти преизрядно тое,

В немъ же закона, якъ царя, боятся

и царя, яко закона, страшатся.

Хилонъ блажитъ, где законов слушаютъ,

велесловных же ритор не глашаютъ.

Клеопулъ паки той градъ похваляете,

где безчестия всякъ ся устрашаетъ

Гражданинъ паче закона самаго,

на преступники в книгах писаннаго.

Периандер же то славитъ гражданство,

в немъ же всемъ прочимъ, имущымъ равенство,

Добродетельми зовутся лучшая

и наричутся злобы вся хуждшая.

Питтакъ похвалу даетъ граду тому,

в немъ же начальство не дается злому.

Фалесъ градъ блажитъ, где граждане мнози

ни пребогати, ни зело убози.

Солону градъ любъ, в нем же обид творцы

вся равно имутъ праведныя борцы,

Не токмо беду отъ нихъ страдавшие,

но ни едины тщеты познавшие;

Еще - идеже блазии блажатся,

честь приемлюще, злии же казнятся;

Еще - и в немъ же граждане слушают

началныхъ, - сии законъ почитаютъ.

Сия суть, яже крепятъ государства,

чинна и славна содеваютъ царства.

ДИОГЕНЪ

Диогенъ философъ, егда умираше,

отъ другъ обестоящихъ вопрошаемъ бяше,

Где изволитъ телу погребенну быти.

"Изволте мя, - рече, - в поли положити

На версе земленнемъ". Они отвещают:

"Тамо тело твое звери растерзаютъ".

Онъ рече: "Палицу при мне положите".

Они: "Что ти есть в ней, друже нарочите?

Не почюеши бо, сый души лишенный".

Онъ же: "Вскую убо бываю смущенный:

Аще не почую, звери не досадятъ,

егда растерзавше тело мое снедятъ.

Где-либо хощете, тамо погребите,

мне во инъвек съ миромъ отити дадите".

МЫСЛЬ

Еже корень есть в древе, то мысль в человеце,

обое же есть тайно в настоящемъ веце.

Корень есть под землею, не видимъ бываетъ;

мысль в глубинъ есть сердца, никто ея знаетъ.

Но яко что в корени отъ силы таится,

то послежде во ветвех и в плодех явится;

Тако что сокровенно во мысли пребудете,

то по мале во делех проявленно будетъ.

Темъже кто древо плодно имети желаетъ,

да здрав корень пребудетъ, тощно промышляет;

Тако хотяй самъ плоды благи приносити,

да тщится в сердце мысли добрые хранити:

Отъ добрых бо помысловъ делеса благая

производна бывают, отъ злых паки злая.

СТИХИИ ЧЕТЫРИ

Четыри богомъ стихии созданны:

земля, вода, огнь и воздух пространный.

Земля во жилище людемъ сготовася и зверемъ, всех же нижше основася.

Во водахъ рыбы хладных преплаваютъ,

по нимъ корабли путь свой совершаютъ,

Жаднымъ в прохладе суть, в нихъ ся снедь готуетъ, ими кругъ земный весь ся обществуетъ.

Воздухъ над воды виситъ и землею,

ты легкостию преходитъ своею,

Тягший отъ огня, имъ птицы летают

и вся животна онемъ отдыхаютъ.

Огнь воде ратник, съ кремене сечется,

в различны нужды людемъ придается,

Сваряетъ пищи, вкусъ благий даруетъ

невкуснымъ ядемъ, в хладе пособствуетъ.

ФИЛОСОФИЯ

Философии конец: тако людемъ жити,

еже бы по-силному богу точнымъ быти.

Фалесъ Милеский любомудрецъ бяше,

философию велми похваляше.

Неции ему словомъ досаждаху,

яко нищь бяше, - мудрость укоряху.

Онъ отвеща им: "Люблю нищо жити,

яко не хощу злату пленникъ быти,

Яко вы есте. Аще же потщуся,

скоро паче васъ азъ обогащуся".

Они начаша ему ся смеяти,

рекше: "Не леть ти того доказати".

Онъ паки рече: "Чрез лето ми ждите,

да мя богата паче васъ узрите".

Они во буйство глаголы вменяху,

истинны слова никогда чаяху.

Онъ же съ хитрости то своея знаше,

яко в будущъ год плодъ быти хотяше

Многъ на маслицахъ; сады откупилъ есть,

темъ весь маслинъ плодъ тогда его был есть, -

Иже онъ собравъ, масломъ сбогатися,

а за то златомъ велми умножися.

И, призвав люди оны, глаголаше:

"Знайте, истинно слово быти наше; -

Се вы богатствы преодолеваю,

но в нихъ утехи азъ не полагаю.

Мудрость ми годе, съ нею хощу жити,

а о богатстве не имамъ мыслити, -

Ибо егда ми того восхотети,

не трудно могу доволи имети,

Яко же ныне видите имуща

и впредь стяжати множае могуща".

То суперници егда услышаша

и богатств много велми созерцаша,

Посрамившеся прощение взяху,

любомудрие много почитаху.

И тому мужу честь многу твориша,

елико в мире со гражданы жиша.

Естество даетъ токмо еже жити,

философия учитъ благо жити;

Ово со скоты обще намъ бываетъ,

сие аггеломъ насъ уподобляетъ.

Диогена человек некий вопрошаше,

кая съ философии ему полза бяше,

Онъ рече: "Доволно мя она совершаетъ,

егда всяку премену нести наставляетъ;

Аще бы ничто ино могла ми даяти,

за то само должно ми ону прославляти".

Аристип вопрошенный: "Что ползы имяше,

яко философии весьвек прилежаше?" -

Отвеша: "Предоволну ползу обретаю,

яко со всякимъ саномъ глаголати знаю;

Силных азъ не боюся, ни пренебрегаю,

яже во смирении люди познаваю".

Дионисий мучитель Аристиппу рече:

"Кая в философии полза, человече? -

Зрю, яко философи пред богатыхъ враты

часто стоятъ и в домы ихъ тщатся вхождати".

Аристип ответъ далъ есть: "И врачи то творятъ,

часто в домы богатых человеков ходятъ,

Но здравия имъ ползу плоти подаяти, -

а философи нравы онех исправляти.

Никто же боленъ паче возжелаетъ быти,

нежели врач искусный у человек слыти".

Яко врачевство болезнь исцеляетъ,

философия нравъ золъ душы исправляетъ.

Пчела медъ сладкий из цветъ собираетъ,

ихъ красотою ся не подвизает;

Тако философ тщится собирати,

яже и могутъ добре ползовати,

Красная в ничто себе воменяетъ,

яко та мал внетръ в ничто изменяетъ.

ЧЕЛОВЕКЪ

Граду леть человека есть уподобити,

в нем же царю небесну угодно есть жити.

Пятерица в немъ вратъ есть, чувствъ пять разумейте,

но затворенна она имети умейте.

Врази бо окрестъ выну того усмотряютъ,

да чрезъ отверста врата на градъ нападают.

Но и внутрь града вои ковы содеваютъ, -

страсти глаголю, - врагомъ градъ дати желаютъ.

Тыя убо во-первыхъ укротити треб,

таже отъ врагъ блюстися полезно есть тебе.

Человек яко же цветъ, красенъ ся являетъ,

но, яко той же, зело скоро увядаетъ.

И яко другъ по друзи цвети исчезаютъ,

тако и человеци жизни ся лишаютъ.

Мир малый человекъ есть, а конецъ познаетъ,

да изменою смерти вечность зачинаетъ.

Седмдесятъ летъ пределъ есть во мире, семъ жити,

не многимъ выше того дается пребыти,

И то в болезнех плоти; потомъ неизменна

нужда лежитъ отити всемъ до гроба земна

Теломъ. А душу богу живу отдаяти,

да изволитъ по деломъ место вечно дати.

Тело убо во земли в землю обратится,

душа в небеси или во ад вселится,

Дондеже в конце веков паки тожде тело

восприиметъ, оживитъ будущее цело.

Тогда же Христосъ господь приидетъ судити

вся, иже отъ Адама, и мзду сотворити,

Благимъ убо благую, яже есть жизнь вечна,

злымъ же злую, яже есть мука бесконечна.

Тогда кождо предстанетъ судии правому,

ответъ дати о делех всяческихъ оному.

Тогда яже днесь тайна, народно явятся,

вси деющии злая люте посрамятся

И будутъ на вечныя муки осуждении,

отъ пропасти геенски съ огнемъ поглощении,

В ней же пламеней силу нужда есть страдати,

во обществе съ демоны вечно пребывати,

А то во веки веков. Оле страшно зело!

Не сгоритъ же никогда и душа и тbло.

Противно праведници имутъ восприяти

отъ божественны славу и честь благодати.

В страну жизни вечныя будутъ воведени,

в немерцающемъ светъ честно водворени,

Идеже веселие будетъ бесконечно,

ликование съ духи небесными вечно.

То намъ изволи, Христе боже, даровати,

да тя выну съ ангелы будемъ прославляти,

Злыхъ же части избави. Аще согрешихомъ,

но разве тебе бога инаго не чтихомъ.

Твои мы раби есмы, ты богъ наш во веки,

спаси, Христе, грешныя твоя человеки.