double arrow

Молитва седьмая, ко Пресвятой Богородице

Воспева́ю благода́ть Твою́, Влады́чице, молю́ Тя, ум мой облагодати́[1]. Ступа́ти пра́во мя наста́ви, путе́м Христо́вых за́поведей[2]. Бде́ти к пе́сни укрепи́[3], уны́ния сон отгоня́ющи. Свя́зана плени́цами грехопаде́ний[4], мольба́ми Твои́ми разреши́[5], Богоневе́сто. В нощи́ мя и во дни сохраня́й, борю́щих враг[6] избавля́ющи мя. Жизнода́теля Бо́га ро́ждшая, умерщвле́на мя страстьми́[7] оживи́. Я́же Свет невече́рний ро́ждшая[8], ду́шу мою́ осле́пшую[9] просвети́. О, ди́вная Влады́чня пала́то[10], дом Ду́ха Боже́ственна мене́ сотвори́[11]. Врача́[12] ро́ждшая, уврачу́й души́ моея́ многоле́тныя стра́сти. Волну́ющася[13] жите́йскою бу́рею, ко стези́ мя покая́ния напра́ви. Изба́ви мя огня́ ве́чнующаго[14], и че́рвия же зла́го, и та́ртара[15]. Да мя не яви́ши бесо́м ра́дование, и́же мно́гим грехо́м пови́нника[16]. Но́ва сотвори́ мя, обетша́вшаго нечу́вственными, Пренепоро́чная, согреше́нии[17]. Стра́нна му́ки вся́кия покажи́ мя[18], и всех Влады́ку умоли́[19]. Небе́сная ми улучи́ти весе́лия, со все́ми святы́ми, сподо́би[20]. Пресвята́я Де́во, услы́ши глас непотре́бнаго[21] раба́ Твоего́. Струю́ дава́й мне слеза́м[22], Пречи́стая, души́ моея́ скве́рну очища́ющи. Стена́ния от се́рдца приношу́ Ти непреста́нно, усе́рдствуй, Влады́чице. Моле́бную слу́жбу мою́ приими́, и Бо́гу благоутро́бному[23] принеси́. Превы́шшая А́нгел, мирска́го мя превы́шша сли́тия сотвори́[24]. Светоно́сная Се́не небе́сная[25], духо́вную благода́ть во мне напра́ви[26]. Ру́це возде́ю[27] и устне́ к похвале́нию, оскверне́ны скве́рною, Всенепоро́чная. Душетле́нных мя па́костей изба́ви[28], Христа́ приле́жно[29] умоля́ющи; Ему́же честь и поклоне́ние подоба́ет, ны́не и при́сно и во ве́ки веко́в. Ами́нь.

[1] Облагодати – наполни благодатью.

[2] Ступати право мя настави, путем Христовых заповедей – научи меня прямо, правильно идти по пути Христовых заповедей, поступать по заповедям Христа.

[3] Бдети к песни укрепи – даруй силы (бодрствовать) для молитвенного пения.

[4] Пленицами грехопадений – узами (цепями) моих грехов.

[5] Разреши – освободи.

[6] Борющих враг – от нападающих (на меня) врагов.

[7] Умерщвле́на мя страстьми – меня, (душой, совестью) омертвевшего от страстей.

[8] Я́же Свет невече́рний ро́ждшая – (Ты,) родившая Свет Незаходящий (Немеркнущий).

[9] Ослепшую – не способную видеть истину.

[10] Владычня палато — Чертог, храм Владыки.

[11] Дом Духа Божественна мене сотвори – соделай (и) меня домом Духа Божия. Ср. 1 Кор. 3, 16: Разве не знаете, что вы храм Божий, и Дух Божий живет в вас? 1 Кор. 6, 19: Не знаете ли, что тела ваши суть храм живущего в вас Святаго Духа, Которого имеете вы от Бога?

[12] Врача – Христа – Врача душ. См. Мк. 2:16-17: Книжники и фарисеи, увидев, что Он ест с мытарями и грешниками, говорили ученикам Его: как это Он ест и пьет с мытарями и грешниками? Услышав сие, Иисус говорит им: не здоровые имеют нужду во враче, но больные; Я пришел призвать не праведников, но грешников к покаянию. См. также Мф. 9, 11-12; Лк. 5, 30-31.

[13] Волнующася – колеблемого (сотрясаемого).

[14] Вечнующаго – вечного.

[15] Червия же злаго, и тартара – от злого (адского) червя (змия), и от бездны ада. См. Мк. 9, 43-48.

[16] Да мя не яви́ши бесо́м ра́дование, и́же мно́гим грехо́м пови́нника – не допусти, чтобы я, виновный во многих грехах, стал радостью бесам.

[17] Обетша́вшаго нечу́вственными, Пренепоро́чная, согреше́нии – ослабевшего и одряхлевшего от бесчуственных грехов (т.е. грехов неощущаемых, к котороым я уже потерял чувствительность), о, Пренепорочная.

[18] Странна муки всякия покажи мя – отдали (отстрани) меня от всех мучений.

[19] Умоли – … о моем спасении.

[20] Небе́сная ми улучи́ти весе́лия, со все́ми святы́ми, сподо́би — сподоби меня достичь небесного веселия со всеми святыми.

[21] Непотребнаго – негодного, бесполезного.

[22] Струю давай мне слезам – даруй мне потоки слез.

[23] Благоутробному – милосердному, сострадательному.

[24] Превышшая Ангел, мирскаго мя превышша слития сотвори – находящаяся превыше Ангелов, возвысь (вознеси) меня над страстями, сотвори меня выше смешения, слияния со всем мирским (со страстями), букв. возвысь меня над суетой, смятением, возмущением и беспорядочностью мира сего.

[25 ] Сене небесная – Сень (Палата), вмещающая Бога, живущего на небесах.

[26] Духовную благодать во мне направи – устрой, управь действие во мне духовной благодати.

[27] Воздею – поднимаю, обращаю (к Тебе в молитве).

[28] Душетленных мя пакостей избави – избавь меня от зла, растлевающего мою душу.

[29] Прилежно – усиленно.

 


Понравилась статья? Добавь ее в закладку (CTRL+D) и не забудь поделиться с друзьями:  



Сейчас читают про: