2020-05-12
406
Г.И. Ватаманова, Ж.Г. Сизева, Е.Н. Ярошенко
КОМИ КЫВ
Класс
Сыктывкар 2011
Колана пасъяс
JJ - сёрнитам (нывкалöн да зонкалöн воча юръяс)
Т- тöдмав
& - кывчукöр
С – синоним
А – антоним
О – омоним
² – велöд наизусть
G – босьт тöд вылö
: – вöч содтöд удж
– грамматика
– выль тема
H – гортса удж
К-А – кыв артмöм
¯ – енби пестан удж (творчествоа удж)
ﯕ - туялана удж (знак дороги или лупа)
? – вочавидз юалöм вылö
П -проект
ВЫЛЬ ВЕЛÖДЧАН ВОÖН!
| Рис. Радостные лица девушки и парня 13-14 лет на фоне осенних листьев |
… удж Лыддьы да гöгöрво кывбурсö. Гöгöрвоöд индöм кывтэчасъяссö да сёрникузяяссö.
Арся серпас.
Юыс ланьтöма, вöрыс сотчö…
Гöгöр видзöдлан - сэн и тан -
Быттьö сöмын на
(Здукöн водзджык)
Танi мунöма Левитан.
Сылöн ловшыыс век на кылö…
Корсö гылöдö пипу рас –
Быттьö тöдтöм на серпас вылö
Мастер пас бöрся чöвтö пас.
Е.В.Козлов
… удж. Вочавидз юалöмъяс вылö.
Гажным быри, школа, тэысь!
1. Кутшöм оланiнпас тiян велöдчанiнлöн?
2. Кымын судтаа тiян школаныд?
3. Кымын велöдчан вежöс тiян велöдчанiнын?
4. Кымынöд судтаын тiян классныд?
5. Кутшöм рöма стенъясыс коми кыв вежöсын, физкультура залын?
6. Кыдзи шуöны классöн веськöдлысьтö?
7. Кодлöн урок вылын тi пукаланныд шы ни тöв?
8. Кутшöм велöдысьлы окота козьнавны дзоридзьяс?
… удж. Лöсьöд тест нога удж ас велöдчанiн, класс йылысь.
Пример вылö:
1. Кутшöм выль предметъяс ми кутам велöдны 8-öд классын?
| а) геометрия б) коми литература | в) химия г) физика |
2. Мый гижöма миян класслöн öдзöс вылын?
| а) коми кыв вежöс б) 12-öд №-а вежöс | в) веськöдлысьлöн вежöс г) 8-öд класс |
… удж. Коми-роч кывчукöр отсöгöн вуджöд кывъяс. Вöдитчы наöн «Гожöм» кывбур вылын уджалiгöн.
| Вадор – Вашъявны – Гильзьыны – Енэжув – Жöдзны – Зонпосни – Кондыны – | Кульпиян – Лöдз – Пöжны – Рöд – Сотчыны – Тай – Шöпкöдны – |
H Дасьтысь мичаа лыддьыны кывбурсö. Бöрйы гожся серпасъясысь либö фотографияясысь кывбур дорö лöсяланаясöс, гöгöрвоöд бöрйöмтö кывбур юкöнöн.
Гожöм.
Мазіыс дзоридзлы шöпкöдö: гож-ж-жöм!
Быттьöкö дзоридз оз тöд,
Ачыс со чужöмсö вежон нин пöжö,
Сотчöмысь оз тай пов рöд.
Зонпосни вадорын лунтырöн жöдзö,
Гильзьöмысь_– енэжув тыр.
Оз повны кульпиян номйысь ни лöддзысь,
Пемдытöдз уличын пыр.
Челядьлы гажысла вашъялö шонді,
Уджавны шойччытöг дась.
Тöдö öд: арыс мый жарлунсö кондас,
Ковмас мый ар бöрад пась.
К. Сердитов
О рöд = род
нисколько
? Кутшöм вежöртас кутö кульпиян кыв?
| Рис. Серия рисунков на киноплёнке 1. Окно поезда, сидят девочка и мальчик. 2. Село. Окно дома, сидит девочка. 3. Летний лагерь. Окно с видом на море. В окне – дети. 4. Город. Вид из окна – двор, зелень, дети гуляют на площадке, катаются на велосипеде, качаются на качелях. |
¯ Мöвпышт да лöсьöд ас гижöд «Восьса öшинь дорын гожöмнас».
H Лöсьöд да гиж челядьлы да велöдысьяслы выль велöдчан воöн чолöмалöм.
… удж. Фотографияяс серти видлы лöсьöдны «Колана да кыпыд» удж текстлысь темасö.
… удж. Лыддьы да гöгöрво текстсö. Мöвпышт, кутшöм ним нöшта позьö сетны сылы. Вочавидз юалöмъяс вылö.
Колана да кыпыд удж.
Зiль да водзмöстчысь мортыд гортас пукавны оз вермы. Торйöн нин гожöмнад. Окота мунны водзö, пыр мыйкö вöчны, дасьтыны. Унаöн öнiя кадö радейтöны туризм, вöр-ва.
Гожöмбыд миян Республикаын уджалöны быдсяма шойччан лагеръяс, кöнi нуöдöны спортивно-патриотическöй ворсöмъяс да ордйысьöмъяс. Шуам, «Мечта» челядь лагерын котыртöны вын-эбöс да вежöрлун петкöдлан ордйысьöмъяс. Татшöм öтув ордйысьöмъяс дырйи челядь котралöны эстафетаын, петкöдлöны тöдöмлунъяс мортöс неминучаысь мездöмын, велöдчöны аддзыны колана нырвизь вöрын ветлiгöн. Гажаа котыртöма и рытъяссö: челядь тöдмасьöны öта-мöдныскöд, рытъяснас йöктöны да сьылöны бипур дорын, шмонитöны да сералöны. Командаяс ёртасьöны, отсасьöны öта - мöдлы.
«Йöлöга» газетысь
? Мый вöчöны зiль да водзмöстчысь челядь гожöмнас?
Мый нуöдöны гожся лагеръясын?
Мый вöчöны сэнi?
Мыйла колöны татшöм ордйысьöмъясыс?
…удж. Лыддьы висьтсö да висьтав, кутшöм интереснöйтор вöлі тэкöд гожöмын.
… удж. … уджысь фотографияяс серти лöсьöд да гиж сёрникузяяс.
: Вöлiн-ö тэ либö тэнад ёртыд спортивно-патриотическöй ворсöмъяс либö ордйысьöмъяс вылын? Гиж сы йылысь неыджыд юöр.
…удж. Мичаа лыддьы кывбурсö да вочавидз юалöмъяс вылö.
Коми муын гожöм.
| Помасьö июнь – Лöддза-номъя тöлысь. Шоныд гыма-зэра Пыр на сійö вöлі. И со потшöс дорын Июль тöлысь – сора. Регыд косаясöн Видзьяс вылö корас. Вуграсьны на слöйма – Шедас зарни чери. Кисьмас вотöс – вотча. Унатор на кера. | Чужан Коми муын – Видз вылын и вöрын, Ставыс сэтшöм муса, Мича, чöскыд кöра. Катшасинма видзьяс Купальнича сорöн. Льöм пуяс да кыдзьяс Чукльöдлысь ёль дорын. Кöч бöж кузьта гожöм Он и тöдлы коляс. Но оз вун нин некор Синва кодь сöдз ёльыс. |
А. Мишарина
? 1.Кутшöмöн петкöдлö гожöмсö поэт?
2.Кутшöм гожся тöлысьяс йылысь мунö сёрниыс?
3.Кутшöм шусьöг паныдасьö кывбурын?
4.Мыйла авторыс тадзи шуöма гожöмсö?
5.Кутшöм гожöмыс миян войвылын?
6.Мый вöчö авторыс гожöмнас?
7. Мый тэ вöчин гожöмнас?
…удж. Лыддьы, вуджöд кывбурсö роч кыв вылö.
Гожöм.
Кывъясыс Н.Тюрнинлöн
Шыладыс Г.Горчаковлöн
| Гожöмыд нимкодя Сывъясьö дзоридзкöд. Гожöмын рамджыка Визувтö ю. | Ворсöдчö асывнас Енэжлöн саридзкöд Ю весьтö йöвваöн Кенясьöм ру. |
…удж. Лыддьы текстсö, вуджöд роч кывйöн. Сет висьтыслы ним. Лöсьöд план.
Таво ме ветлі Сочиö. Сочи – тайö Россияса кар-курорт, нюжöдчö Сьöд саридз дорті 145 километра. Öти лунöн Сочитö он кытшовт.
Быд лун купайтчи саридзын да гожйöдчи. Ветлі Дельфинарийö да «Амфибиус» аквапаркö. «Три Софии» фермаысь аддзылі африканскöй страусъясöс да австралийскöй эмуясöс. Окотапырысь шойччи «Южные Культуры» паркын.
Ветлі экскурсияöн Ахун нима гöра вылö. Сылöн судтаыс саридзсяньыс 663 метра вылнаын. Гöра йылас сувтöдöма 30 метра судтаа смотрöвöй башня. Сэтчö окотапырысь волывлöны кöлысясьысьяс. Башнясяньыс зэв бура тыдалö Сочи карыс да Сьöд саридзыс.
Мöд во ме бара на ветла Сочиö.
«Йöлöга» журналысь
| вуджан Вежлöг. Переходный падеж Эмакыв да нимвежтас вуджан вежлöгын вочавидзöны мыйöд? мыйті? юалöмъяс вылö. Рочын лöсялö по чему? юалöмъяслы.
| ||||||||||
| эмакыв | + | -öд; -ті | = | Туйöд; туйтi енэжöд; енэжтi | По дороге
По небу | |||||
| Пример вылö: Челядь котралiсны парктi. Ме восьлалi гажа раскöд. Енэжöд шлывгисны рудоват кымöръяс. | ||||||||||
…удж. Лыддьы да гöгöрво текстсö. Содты эмакывъясö колана суффиксъяс. Гöгöрвоöд текстлысь нимсö.
Коми саридз.
Кулöмдін районса Керчомъя сиктсянь неылын эм Кадам ты. Сэтчöдз позьö воöдчыны вöр… подöн либö ю… пыжöн. Кадам ты зэв ыджыд – нёль километр пасьта да вит километр кузьта. Тылöн джудждаыс нёль метр гöгöр. Ваыс зэв сöстöм.
Тыыс озыр уна чериöн. Ты гöгöрыс вöр да нюр. Сэнi быдмö уна сикас тшак- вотöс. Челядь котралöны вöр…, ветлöдлöны нюр…, корсьöны кисьмöм вотöс.
Немдінса челядь быд во волывлöны Кадам дорад. Некутшöм геб-номйысь оз повны. Оз шöйöвошны подöн вöр… мунігöн. Зонкаяс зіля сувтöдалöны палаткаяс, дасьтöны пес да öзтöны бипур. А нывкаяс дасьтöны сёян. Кадам ты дорын челядь зэв бура шойччöны: купайтчöны, вуграсьöны, ворсöны, ордйысьöны, ветлöны ты… пыжöн! Вöр… котралігöн пöттöдз чöсмасьöны мырпом-чöдлачöн.
Челядьлы ёна кажитчö татшöм ногöн шойччынытö. Весиг гортаныс абу окота мунны.
«Йöлöга» газетысь
JJЛыддьы ёрта сёрни да лöсьöд ас висьт гожся каникул коллялöм йылысь.
Кирö эз и казяв, кыдзи помасис гожся каникул. Воис кад мунны школаö. Школа йöрын тырыс нин чукöртчöмаöсь челядь. Ставныс зэв ёна гожъялöмаöсь, быдмöмаöсь. Медся ёна гожъялöма Глеб.
– Глеб, кöні татшöмасö гожъялін? – юасисны ёртъясыс.
– Бать-мамкöд ветлім шойччыны Крымö.
– Саридзсö аддзылін? Кутшöм сійö? – юаліс Кирö.
– Саридзыс зэв ыджыд, помтöм-дортöм. Ваыс сола. Саридз весьтöд лэбалöны каляяс. Саридзын эмöсь медузаяс. Берег дорысь позьö аддзыны ракпаньяс, – висьталiс ёртыс.
– А ме ветлі походö. Печора ю кузя резина пыжöн кывтiм. Мöд во бара на мöда, – тшöтш ошйысис Кирö.
…удж. Лöсьöдöй ёрта сёрни саридз, ю либö ты дорын шойччöм йылысь.
…удж. Лыддьы текстсö, мöвпышт да помав сiйöс. Сет ним.
…
Немдінса челядь зэв ёна радейтöны ветлыны быдсяма походö. Радпырысь виччысьöны гожöм пуксьöмсö.
Со и таво июнь тöлысь помын гырысь класса велöдчысьяс öти вой кежлö ветлісны Кулöмдін районса Красноярö. Тайö грездас öні некод нин оз ов. Но сэтчöс местаясыс сэтшöм мичаöсь! Тані вöрзьöдлытöм вöр-ва, крут берег, уліас визувтö Нем ю. Вадорсянь неылын быдмöны мича сус пуяс. Ю шöрын эм кось, а изъяс вомöныс ваыс бузгöмöн визувтö.
Красноярсянь неылын эм карьер. Коркö сэтысь босьтлöмаöсь туй вöчöм вылö из.
Красноярын челядь ….
«Йöлöга» газетысь
: Лöсьöд гожся шойччöм йылысь презентация, дасьтысь петкöдчыны ёртъяс водзын.
G Вöдитчы Power Point программаöн.
ГОЖСЯ ШОЙЧЧÖМ. Ю ДОРЫН ШОЙЧЧÖМ.
КОМИ РЕСПУБЛИКАСА ЮЯС.
&
| Борган, бузган – водопад Бузгысьны – бултыхнуться, бухнуться (в воду) Весыва – р.Весляна Визув – течение Визув – быстрый Визувтны – течь Вис – протока Висер – р.Вишера Войвыв Двина – р.Северная Двина Вöзйыны – предложить Вöрзьöдлытöм – нетронутый Вуграсьны – рыбачить Вугыр – рыболовный крючок Вынйöра – могучий Гожйöдчыны – загорать Из гöра – Уральские горы Изьва – р. Ижма Йиа саридз – Северный Ледовитый океан Кынйир – мерзлота | Катны – плыть вверх по течению Кывтны – течь, плыть Мозын – р.Мезень Нэмöвöйся – вечная, первозданная Нырвизь – направление Нюжöдчыны – растянуться Паськöдчыны – расположиться Пур – плот Пыж – лодка Пыдöс – дно Пысавны – нацепить Сибдöг – порог, мель Сыктыв – р.Сысола Тшугöр – р.Щугор Усьны – впадать Чилим – р. Цильма Шлывгыны – плавно течь, плыть Шылькнитчыны – раскинуться Ылыдз – р. Илыч Ыстыны – отправить Эжва – р. Вычегда |
| Рис. Речка. На лодке папа и мальчик рыбачат, возле берега купаются дети. На берегу девушки и юноши (по 2) играют в волейбол. Женщины загорают. | |
… удж. Серпас серти лöсьöд неыджыд висьт ю дорын гожся шойччöм йылысь.
Веськыд да косвеннöй сёрни. Прямая и косвенная речь
  Веськыд сёрни – сёрнитысьлысь кывъяссö вежлавтöг гижöдын вайöдöм. Веськыд сёрниа сёрникузяяс
Веськыд сёрни гижсьö ыджыд шыпассянь да босьтсьö кавычкаясö. Веськыд сёрни вермас сулавны авторлöн кывъяс водзын либö бöрын.
Косвеннöй сёрни – кодлыськö сёрни ас кывйöн висьталöм. Пример вылö: Кирö ошйысис ёртъяс водзын, мый гожöмнас ветлiс Из гöраöдз. Рытнас вокöй юалiс, муна-ö ме аски сыкöд вуграсьны. Челядь радлiсны, сы вöсна мый кывтасны байдаркаясöн Эжватi. |
… удж. Гижöй сёрникузяяссö веськыд сёрниын гижан пасъяс содталöмöн.
1. Ниналы чойыс шуис Ме гижи кывбур чужан сикт йылысь, видзöдлы.
2. Чойыс вочавидзис Позьö ыстыны «Йöлöга» газетö.
3. Ме сэтшöма нимкодяся тiян вермöмъяслы нюмъялiс мамныс.
4. Челядь, корсьöй юöр Коми Республикаса юяс йылысь корис велöдысь.
5. Наста юалiс Кöнi тэ велöдчин татшöм бура вартчыны?
6. Гожся университетын уджалысьяс вöзйисны Бöрйöй ас кöсйöм серти нырвизь: проза либö поэзия.
7. География урокъяс вылын тi тöдмаланныд уна выльтор висьталic классöн веськöдлысь.
… удж. Лыддьы да веськыд сёрниа сёрникузяяссö веж косвеннöйяс вылö.
Кодлы шедö, кодлы оз.
Ваня воккöд ми радейтлім вуграсьны. Öтчыд вуграсим сыкöд пöшти орччöн. Сійö кельчи-мыктö сöмын лэпталö, а меным оз шед. Скöрми да кори: «Вай вежсям местаясöн!» И бара сылы шедö, меным оз. Бара вежсим. Сылы шедö, меным оз.
Скöрми сы выйöдз, платтьööн и бузгыси ваас да став черисö повзьöді. Ваня дöзмис ме вылö: «Но и тöлктöм жö тэ, нидзувсö öд оз шöрöдыс пысавны вугырас, а тэнад вугыр йылыд аршин кузя тыдалö. Чериыд öд абу тэ кодь йöй!» «Быттьö водзджык эз позь висьтавны та йылысь!» - горöдi ме.
Александра Мишарина серти
Му шар юкöнъяс
рытыв-войвыв Войвыв асыв-войвыв
Рытыввыв Асыввыв
рытыв-лунвыв Лунвыв асыв-лунвыв
… удж. Тöдмась му шар юкöнъясöн. Комиöд текстысь кывъяс, гиж.
Коми Республика паськöдчöма Европаса Россиялöн (на северо-востоке). Миян чужан муным аслыспöлöс: (на севере) нэмöвöйся кынйир, а (на юге) быдмöны яблöг пуяс. (С востока на север) визувтö медся ыджыд ю – Печора.(На западе)визувтö Мезень ю,(с юго-востока на северо-запад) шлывгö Эжва.
| Рис. Карта РК с обозначением рек. |
… удж. Аддзы мусерпас вылысь Коми Республикаса юяс. Висьтав, кутшöм юяс визувтöны лунвылын, войвылын, асыввылын, рытыввылын.
| ÖТУВТАН ЛЫДАКЫВЪЯС. СОБИРАТЕЛЬНЫЕ ЧИСЛИТЕЛЬНЫЕ Öтувтан лыдакывъяс артмöны –нан суффикс отсöгöн, индöны мыйта вöлöма предметыс, вочавидзöны кымыннан? (сколько всего?) юалöм вылö. Пример вылö: кык – кыкнан, дас – даснан, комын нёль – комын нёльнан, сюрс – сюрснан. НО! Öти лыдакыв оз босьт –нан суффикс. |
… удж. Тöдмась таблицаын сетöм юöрöн да вочавидз юалöм вылö.
Медшöр коми юяс.
| Ю ним | Усянiн | Кузьта (км) | Коми мутi кывтö (км) |
| Печора Эжва Мозын Вашка Луз Уса Изьва Емва Сыктыв Ылыдз Чилим Тшугöр | Баренцев саридз Войвыв Двина ю Еджыд саридз Мозын ю Юг ю Печора ю Печора ю Эжва ю Эжва ю Печора ю Печора ю Печора ю | 1809 1130 966 605 574 565 531 499 487 411 374 300 | 1590 915 538 498 574 565 531 499 437 411 320 300 |
? Кутшöм юяс визувтöны сöмын Коми мутi?
… удж. Вуджöд рочöн сёрникузяяссö. Тöдмав, кутшöм юяс йылысь висьтавсьö. Инды öтувтан лыдакывъяс. Лöсьöд 2-3 сёрникузя ачыд, гиж.
1. Тайö кыкнан юыс усьö Эжваö.
2. Куимнан юыслöн кузьтаыс витсё километрысь унджык.
3. Витнан юыс нуö васö Печораö.
4. Куимнан медся ыджыд юыслöн öтув кузьтаыс куим сюрс öкмыссё вит километр.
5. Квайтнан юыс визувтöны сöмын Коми мутi.
G Вöдитчы … уджын сетöм таблицаöн.
… удж. Содты лöсялана суффиксъяс. Нёль кывтэчасöн лöсьöд да гиж сёрникузяяс.
| Куйлö асыв-войвыл__ Визувтö Из гöра__ Усьöны Печора__ Кык__ берегыс Олö сикт__ Катöны Эжва___ Нёль___ юыс | Петö нюр__ Квайт___ район___ Кывтö Коми му__ Кывтö Войвыв Двина__ Дас___ вожыс Локтiс войвыл__ Вуджны пос___ |
… удж. Лöсьöд схема серти текст. Дасьтысь висьтавны юяс йылысь.
   Сыктыв Висер Емва
Эжва
Войвыв Двина |    Уса Щугöр Изьва
Печора
Баренцев саридз |
Коми му__ куим ыджыд ю – Печора, Эжва, Мезень. Печора – Европа__ медыджыд юяс__ öти. Сiйö петö … да усьö …. Печора__ усьöны …, …, ….
Эжва неуна ичöтджык Печора__, но зэв жö вына да паськыд ю. Эжва__ усьöны …, …, …. А ачыс усьö … ….
Коймöд ыджыд ю – Мозын. …
ﯕ Тöдмав Мозын ю йылысь. Гиж неыджыд юöр план серти.
План:
1. Кысянь заводитчö да кытчö усьö Мозын ю?
2. Кытi сiйö кывтö?
3. Кутшöм юяс усьöны Мозынö?
4. Мыйöн озыр Мозын ю?
… удж. Гиж аслад кар (сикт) дортi кывтысь юяс йылысь.
Ме ола …. Сы дортi кывтö(ны) …. Менам пöль-пöч олöны …. Сэнi визувтö(ны) …. Гожöмнас ме ветлi …. Орччöн эм ….
JJ Ёрта сёрни. Вочавидз юалöмъяс вылö, дасьтысь сёрнитны ёртыдкöд.
- Кöнi тэ олан?
- Кöнi шылькнитчöма Коми республика?
- Кутшöм ыджыд юяс визувтöны Коми мутi?
- Мый верман висьтавны на пиысь öти йылысь?
- Кутшöм ичöт юяс тэ тöдан?
- Кутшöмöсь миян юяс?
Т Тöдмав кывъяслысь вежöртассö. Гöгöрвоöд найöс. Лöсьöд тайö кывъясöн сёрникузяяс.
Шлывгыны
Шуньгыны
… удж. Кыввор отсöгöн тöдмав, мый йылысь «Мунöны» поэмалöн юкöныс.
&
Ворсiгтыр – играя
Гы – волна
Лöзавны – синеть
Пыжа – человек, люди в лодке
Öпаснöй пелыс – кормовое весло
Сöдз – чистый, прозрачный
Сöнöд – вена
Тiльсъявны – плюхаться
… удж. Лыддьы да гöгöрво поэма юкöнсö. Вочавидз юалöмъяс вылö.
«Мунöны» поэмаысь юкöн
Видзöдлöй: лöзалан Сыктывным нюмъялö,
Гож водзö луд вылö водöма Эжваным.
Видзöдлы, став Коми му,
Шлывгö кыдз Печора ю,
Из вомöн чеччалö Изва,
Сöдз выйöн визувтö Емва,
Шуньгöны ворсiгтыр рама
Мезень, и Луза, и Кама.
Коми му сöнöдъяс, енэж лöз ю кузя
Пыжаяс лыд ни тшöт кывтöны-катöны.
Тiльсъялö öпаснöй шы,
Сералö посньыдик гы.
В.Лыткин
? Кутшöм ю нимъяс паныдасьöны поэма юкöнын?
Кутшöм кывъяс отсöгöн автор серпасалö найöс?
Кутшöм художествоа средствоöн сiйö вöдитчöма?
Мый позьö тöдмавны тайö юяс йылысь?
Кутшöмöсь найö?
Мöвпышт, позьö-ö поэма юкöныслы сетны торъя ним? Кутшöм ним лöсялас?
: Тöдмав да дасьты ёртъясыдкöд В.И.Лыткин йылысь юöр. Юöрсö позьö вöчны PowerPoint программа отсöгöн.
| Кывбердъяслöн кадакывйысь -са суффиксöн артмöм. Образование прилагательных от глаголов с помощью суффикса –са Кывбердъяс вермöны артмыны кадакывъясысь – са суффикс отсöгöн. Пример вылö: куньны - куньса Куньса синма кань куткырвидзö öшинь вылын. |
… удж. Артмöд кадакывъясысь кывбердъяс, гиж сёрникузяяссö.
1. (Восьтны) öшинь пыр тыдалö юсайса вöр.
2. Купайтчыны колö (тöдны) местаын.
3. (Тупкыны) пляжын гожйöдчыны да купайтчыны оз позь.
4. Тайö зонкаыс (сувтны) синма. (Фразеологизм.)
5. (Пöдлавны) öдзöс дорын ковмис дыр сулавны.
… удж. Комиöд сёрникузяяс, артмöд текст, сет ним да гиж.
Печора – могучая река.
Её длина 1809 километров.
Она берёт своё начало в Уральских горах.
На берегах Печоры нетронутая первозданная красота.
Здесь часто встречаются водопады и пороги.
Сначала река течёт на запад, а потом поворачивает на север.
В неё впадают реки Илыч, Щугер, Уса, Ижма, Цильма.
Печора впадает в Баренцево море.
…удж. Лыддьы, содтав кольöм суффиксъяс. Лыдпасъяссö гиж кывъясöн.
Эжва – Коми муын Печора бöрын мöд ыджыд ю. Сíйö заводитчö кык ичöтик вож…. Öтиыс босьтö васö Дзурнюр…, а мöдыс заводитчö Мылва дорын пукалысь Нальдöг керöс…. Ыджыд öдöн нуö Эжва ассьыс сöстöм васö Войвыв Двина…. Кузьтаыс Эжва… 1130 километр. Коми му кузя визувтö ыджыдджык юкöныс – 915 километр. Эжва… усьö 200 сайö ыджыд да ичöт ю.
²Мичаа лыддьы кывбурсö, аддзы кывбердъяс,вочавидз юалöмъяс вылö.
Эжва.
| Эжва, Эжва, визув Эжва, Коми парма юöй! Уна ёльлысь сöстöм васö Саридзö тэ нуан. Уджын лун-вой тэнад кольö, Эбöссьыд он петав. Пуръяс кылöдан мыш вылад, Мича чери сетан. | Тэнад кыркöтш йылын быдми, Кольлì челядь вояс. Унаысь ме ветки пыжöн Кывтлì тувсов войö. Эжва, Эжва, визув Эжва, Коми парма юöй! Тэнсьыд чöскыд сöстöм ватö Олöм помöдз юа. |
Г.Юшков
? Кутшöм тöдчанлуныс Эжва юлöн?
Тöдмав, кутшöм юяс усьöны Эжваö?
…удж. Лыддьы да вуджöд текстсö роч кыв вылö, лöсьöд юалöмъяс.
Емва – Эжвалöн медся ыджыд вож. Сылöн кузьтаыс 499 километр. Рочöн Емва шуöны Вымь. Заводитчö Емва Шöр Тиман гöраясын да визувтö лунвывлань. Юыс то лöнь, то визув. Увланьыс юлöн пасьтаыс 200-300 метр.
Емвалöн медся гырысь вожъясыс – Весыва, Вöрыква, Йолва, Коин да Пожöг.
Öткымынъяс Емва нимсö йитлìсны ем кывкöд. Ваыс пö юас сэтшöм сöдз, мый весиг ва пыдöссьыс ем тыдалö. Мукöдъяс аддзылìсны татысь ен кыв. Перымса Степан пö уна роч ен вайлöма. Коймöдъяс зìлисны öткодявны юыслысь нимсö вомкöд (устьекöд). Эжваас усигас пö вомыс (устьеыс) паськыд.
Но ем кыв паныдасьлö и мукöд нимъясын, шуам, Емваль, Емгорт. Тайö нимъясыс йитчöмаöсь йöгра кывкöд. Хант сёрниын ем кывлöн вежöртасыс «вежа». Сiдзкö, Емва – вежа ва, вежа ю.
…удж. Гöгöрвоöд шусьöгъяссö.
1. Ойдысь ютö он потш.
2. Визув ю лöнинтì оз визувт.
3. Гудыр ваад чериыд абу.
4. Ю вылын абу вöрын, шöпкöдчöмыд гора.
…удж. Лыддьы да гöгöрвоöд зумыд кывтэчасъяслысь вежöртассö.
| Ваыс вомас кынмöма. Ва вывтì котöртöма. Ва пыр видзöдысь. Ва дор берба кодь. Ваувса кодь. Ва вундö сёрнитö. | Ставсö аддзö. Ланьтöмöн олö. Статя, мичаник ныв. Лöсьыда, гöгöрвоана сёрнитö. Кокньыдик. Мудер, наян. |
…удж. Вочавидз юалöмъяс вылö, медым артмис висьт. Сет ним, гиж.
1. Кутшöм ю визувтö тìян сикт (кар) дортì?
2. Кыдзи артмöма ю нимыс?
3. Ыджыд-ö пасьтаыс да кузьтаыс тìян сиктдорса (кардорса) юлöн?
4. Мыйöн нималö тìян сиктдорса (кардорса) ю?
5. Кыдзи тэ шойччан ю дорын?
…удж. Лыддьы текстсö. Сет висьтлы ним. Вуджöд роч кыв вылö да лöсьöд юалöмъяс.
Финн кыв туялысь Даниэль Европеус гöгöрвоöдìс, мый Вычегда - йöгра ним, вежöртö «виддза вож». Мöд финн кыв туялысь Юрьё Вихман, кодì 1901-1902 воясö волìс Комиö, гижлìс, мый Вычегда нимсö важ комияс вуджöдöмаöсь Эжваöн. «Выч» юкöнсö Юрьё Вихман йитлìс хант «ванжи, ванча» - «турун, эжа» да манси «вансин, вансен» - «быдмöма, тырöма турунöн» кывъяскöд.
Роч профессор Б.А Серебренников шуöма, мый «вич» юкöныс важ манси кывйысь, вежöртасыс – «васöд места».
Сiдзкö, Вычегда да Эжва нимъяслöн вежöртасыс öти - «виддза ю, видзьяс пöлöн визувтысь ю».
…удж. Тöдмав, кутшöм ю йылысь мунö сёрниыс текстын.
Войвыв Урал шöрсянь гырысь изъяс костöд шор моз заводитчö писькöдчыны миян республикаса медыджыд ю. Кузьтаыс сылöн 1809 километр, усьö Баренцов саридзö. Юыслысь нимсö новлö кар.
Туялысьяс гижлìсны, мый тайö кывйыс индö пещера кыв вылö. Нимсö йитлìсны финн «петая» - «пожöм» да хант «пеши» - «кöрпи» кывъяскöд. Нöшта чайтлiсны, мый тайö юыслöн нимыс артмöма «петшöр» кывйысь.
Но збыльвылас юыслöн нимыс артмöма войтыр нимысь. Самодийскöй кывйын пэ, пэа – «вöр, вöрса» да чер – «чера олысь».
… удж. Ребус отсöгöн тöдмав, кутшöм войвыв ю петкöдлöма серпас вылын. Ӧткодяв серпасъяссö, пасйы юыслысь аслыспöлöслунсö.
| Рис. Ребус: олень – 2 запятые, земляника – 1 запятая, 2 запятые - творог, подушка – 4 запятые |
…удж. Гиж диктант колана кывбердъяс содталöмöн.
Ылыдз вожын.
Неважöн ме бара вöлì Ылыдз вожын. Ылыдз ю пансьö Из гöра бердын да усьö Печораö. Тайö вель … да … ю.
Öнì быдöн нин мотора пыжöн ветлöны, а важöн зìбъясьöмöн ветлìсны. … юсö Ылöдзöн шуисны, сы вöсна мый ылöдз катлìсны вöравны и видз пуктыны.
Öнì Ылыдз вожын медся … сиктыс Еремей. Ылöдз юлöн веськыдладорыс пырö заповедникö. Сэтысь нинöм оз позь вöрöдны. Шуйгаладорсö вичмöдöма … вöралысьяслы.
Г.Юшков серти.
Отсöг вылö: ыджыд, сöстöм, визув, чериа, джуджыд, зiль, мича, кыпыд.
…удж. Лыддьы да гöгöрво текстсö. Серпасав класса ёртыдкöд плакат, бöрйы текстысь лöсялана кывъяс. Классын дасьтöй плакатъясысь выставка.
Видзчысьöй ваысь!
Матыстчö гожöм. Унджыкыслöн син водзас – саридз, берег, ю дор. Варччöм отсалö мынтöдчыны ковтöм сьöктаысь, öткымын висьöмысь, бурмöдö сьöлöмкылöмтö.
Медся ёна йöз радейтöны вавывса спорт сикасъяс: мотора пыжöн, вавывса лыжиöн, вавывса велосипедöн, «Водолёт» самокатöн да бананöн шлывълöм. Томджыкъяслы сьöлöм вылö воö серфинг (ва вывті пöвйöн катайтчöм), виндсерфинг (паруса пöв вылын катайтчöм), вейкбординг (буксовочнöй катерö кутчысьöмöн пöв вылын катайтчöм).
Энö вунöдöй: ва вылö петігöн колö пасьтавны спасательнöй жилет.
Видзчысьöй тöдтöминъясын да визулаинъясын купайтчöмысь. Энö пырöй вывті ылö. Оз позь ёна эскыны пöльтöм матрацъяслы.
Тіянкöд кö лоис неминуча, медшöрыс – энö повзьöй, пыдіа лолыштöй, водöй мышнад, энö шöйöвошöй.
«Йöлöга» газетысь
КОМИ МУЫН ВÖР - ВА ВИДЗÖМ.
КОМИ ГИЖЫСЬЯС ВÖР - ВА ВИДЗÖМ ЙЫЛЫСЬ.
&
| Весалан стрöйба – очистительное сооружение Вöдитчыны – использовать Вöрöдны - трогать Вунöдны – забыть Дзоньтавны – чинить Дöзьöр – уход, надзор, охрана Дöзьöритны, видзны – беречь, охранять Дивитны – осуждать Дойдны – ранить Жугöдны, пазöдны – разорять Керавны – рубить Киподтуя – умелый, мастеровой Ковтöг – без необходимости Колананога – правильный Колананогöн – правильно Котыртны – организовать Котыртöм – организация чего-либо | Кужöмöн – умело Кужтöма – неумело Кульны – сдирать Кусöдны – тушить Лöп – мусор, древесный хлам Мывкыд – разум Мыж – вина Мыжа – виноватый Неминуча – катастрофа Нетшкыны – рвать Овмöс – хозяйство Талявны – топтать Тшыкöдны - испортить Тыртны – заполнить, завалить Чегъявны – ломать Чужъявны – пинать Шыблас – отбросы, отходы Шыöдчыны – обратиться Шыöдчöм – обращение |
| КÖ да ЭСЬКÖ кывторъяс. Частицы ЕСЛИ и БЫ КÖ да ЭСЬКÖ вермöны лоны кывторйöн и кывйитöдöн. Найö асшöр кывсикасъяскöд гижсьöны торйöн. Пример вылö: Ветлам кö вотчыны-а. Тэ кöрадейтан чужан мутö, век кутан тöждысьны сылöн сöстöмлун вöсна. Меэськö висьталi ставныслы войвыса вöр-валöн мичлун йылысь. Эмöсь кывъяс,кöнi кö суффикс гижсьö öтлаын: кодкö, мыйкö, кыдзкö, кутшöмкö. |
… удж. Лöсьöд да петкöдчы ёртъяс водзын вöр-ва нимсянь шыöдчöмöн.
Пример вылö:
Ме гут кулан тшак, мича да тшап. Менам гöрд рöма еджыд чутъяса шляпаöй тыдалö ылісянь. Но мыйлакö тшак вотысьяс пырджык нöрöвитöны менö чужйыны либö талявны. Йöз, ме кö тіянлы ог ков, ме йöраяслы зэв колана бурдöдчантор. Энö чужъялöй да талялöй менö, кольöй вöрпаяслы!
Отсöг вылö: позьö лöсьöдны шыöдчöм сынöд, ю, лэбач, вöрпа, гут-гаг, дзоридз, пу, му нимсянь.
… удж. Аддзы гажлунъяслысь лöсялана кадпас.
| Пöкрöв лун Илля лун Семен лун Митрей лун | моз мöд лун кöч тöлысь дас нёльöд лун вöльгым тöлысь витöд лун йирым тöлысь дас нёльöд лун |
… удж. Гöгöрвоöд приметаяс. Мöвпышт,кывторöн либö кывйитöдöн лоö кö кыйитöдыс.
1. Илля лунö кö мича, арбыд мича лоö.
2. Арыд кö лун тöла, тулысыд лоö вой тöла.
3. Пöкрöв субöта кö кушöн воас, и Митрей субöтаöдз оз лымъяв.
4. Лымйыс кö кок улын дзуртö, сывлас на.
5. Арся видз (пост) дырйи кö куим лун шондiа, воыд бур лоö.
6. Семен лун кö зэра, ар пом зэра.
7. Турияс кö ёна горзöны – пужъялас.
8. Пелысьыс кö уна, тöлыс кöдзыд лоö.
| Рис. На переднем плане заросшее камышом озеро с чёрными пятнами на воде, вокруг жухлая трава, искривлённые деревья и кусты. На заднем плане вдалеке виден город, за холмом завод, труба с завода направлена в озеро, из трубы льётся грязная вода. |
… удж. Лыддьы да гöгöрво текстсö. Вочавидз юалöмъяс вылö.
Со кардорса неыджыд ты. Водзті ваыс сэні вöлі сöстöм, кельыдлöз рöма. Тыын олісны черияс, весьтын лэбалісны тэрыб юрсигусьяс. Челядь сэтчö волывлісны купайтчыны.
Но орччöн сувтöдісны завод. Уджсö кужтöма котыртöм вöсна заводысь шыбласъяс веськалöны ваö. Öні сійö няйт, мусир кöра. Абу ни чери, ни юрсигусьяс. Некод оз волы шойччыны ты дорö. Мый эськö водзö лоö?
? Кутшöмöн вöлі кардорса тыыс?
Кутшöм омöльтор артмис йöз киöн?
Мый вöсна лоис татшöм неминучаыс? Гöгöрвоöд вочакывтö серпас да текст отсöгöн.
Мый лоö, нинöм кö оз вежсьы заводса удж котыртöмын?
Мый эськö колö вöчны, медым сöстöммöдны тыысь васö?
Кыдзи сэки вежсяс тыгöгöрса вöр-ваыс?
П 1. Мöвпышт да висьтав:
· Эм-ö тіян сикт-кар дорын тшыкöдöм вöр-ва?
· Эм-ö сылöн инним? Мый сiйö вежöртö?
· Кутшöм неминуча лоис сэнi?
· Кыдзи тэ чайтан, мыйла тадзи артмис?
2. Дасьты сиктса (карса) олысьяс дорö вöр- ва видзöм йылысь шыöдчöм.
3. Бöрйöй медся бур шыöдчöмсö да ыстöй сиктöн (карöн) веськöдлысьлы.
… удж. Помав сёрникузяяс.
1. Ме кö вöлі вöр-ва дöзьöритан министерствоöн веськöдлысьöн, сэки эськö ….
2. Ме кö вöлі вöралысьöн, сэки эськö ….
3. Ме кö вöлі чери видзöм-кыйöм вöсна кывкутысь инспекторöн, сэки эськö ….
4. Ме кö вöлі Вöрсаöн, сэки эськö ….
5. Ме кö вöлі Пера-багатырöн, сэки эськö ….
6. Ме кö вöлі «Гринпис» котырын, сэки эськö….
Нимвежтас. Местоимение
|
… удж. Содты текстö лöсялана нимвежтасъяс да союзъяс. Инды налысь сикассö.
Вок пыдди.
Зэра арыс быттьöкö казяліс, …вунöдіс прöщайтчыны жар гожöмыскöд. …быттьö вештіс кымöръяссö. Лунтыръясöн кутіс дзирдавны шонді.
Öти татшöм асылö ми, челядь, ветлім ягö пувла. Друг кутісны кывны нора кливксан шыяс.
– Юсьяс лэбöны, – ышловзис Веня ёртöй. – …лун мысти лымъялас.Пöльöй шулывлö, …юсьяс бордъяс выланыс вайöны тöв.
– Юсьяс лэбисны уліті. …мича, лым еджыд лэбачьяс! Но …тайö? Кельöб помын лэбис … сьöдруд ичöтджык пöтка.
А. Одинцов серти
Отсöг вылö: некымын, кутшöм, мый, кутшöмкö, кодкö.
…удж. Мöвпышт да помав висьтсö. Лыддьы да öткодяв А.Одинцовлöн висьткöд.
… удж. Серпас серти тöдмав С.Поповлöн «Кыдз пулы морöс вылас» кывбурлысь темасö.
| Рис. Берёза, ствол исчёркан ножом. |
… удж. Лыддьы да гőгőрво кывбурсő да висьт юкöнсö. Аддзы наысь нимвежтасъяс,тöдмав сикассö. Вочавидз юалőмъяс вылő.
² Кыдз пулы морőс вылас
| Кыдз пулы морőс вылас Вőчőма кодкő пас: Пурт либő őжын йылőн Кольőма кырымпас. | Бурдőма пулőн дойыс, Важőн нин сǐйő кос, Вежőдысь чалльőн лои Мыччысьőм сэтысь рос. | ||
| Уна на морт нэм олас Юсайса кыддза рас… Мыйла нő ми огö полőй, Му вылас кодыр олам, Колявны мисьтőм пас? | |||
Серафим Попов
&
| дой – рана кодыр - когда кырымпас – подпись мыччысьöм – появившийся | őжын – шило чалльőн – мизинцем юсайса - заречный |
…
Чукыль сайын вöлi кузь да векни ты. Сы гöгöр быдмис вöр. Кодлыкö юрас воöма «сюсь» мöвп: вöчны татчö видз. Вайисны вына техника, кералiсны пуяссö, шыльöдiсны пöрöдöминсö. А коз-пожöмсö, кыдз-пипусö тракторöн йöткалiсны–дзебисны орчча неыджыд тыö.
Но вöр-ватö он ылöдлы. Быдмас öмöй турун кос сёй вылын! Увтасiнас жö муыс вывтi небыд. Гожся медся жар луннас трактор сибдö. Ставсö жугöдiсны, а тöлкыс сiдзи эз и ло. Öнi танi коктö позьö чегны: то морöсöдз кöлея, то джуджыд мыльк. Лёкинын ыджыдалöны бадь, пипу, ловпу, сэтöр да нинöмысь повтöм лежнöг.
М. Ладанов серти
&
| Йöткавны – затолкать Öмöй – разве Пöрöдöмин – место вырубки Сибдыны – вязнуть, застревать Сёй – глина | Увтасiн – низина Чукыль – поворот Шыльöдны – разровнять Ыджыдавны – хозяйничать Ылöдлыны – обмануть |
? 1. Кутшőм морт дойдǐс кыдзсő? Кыдзи чайтан, позьő-ő тадзи вőчны?
2. А тэ дойдалан пуяссő?
3. Мыйла висьт юкöнын «сюсь» кывсö босьтöма кавычкаясö? Кутшöм кывйöн позьö вежны сiйöс текстын?
4. Кутшöм ним позьö сетны висьт юкöныслы?
5. Мыйöн öткодьöсь тайö кывбурыс да висьт юкöныс?
H Бöрйы лöсялана серпас (фото) кывбур либö текст дорö. Гöгöрвоöд бöрйöмтö.
… удж. Лыддьы шусьöгъяссö, гöгöрвоöд найöс, бöрйы … уджысь текстъяс дорö лöсялана шусьöгъяс.
| Ø Заводитны бурöн, а помавны дурöн. Ø Кор отсавны кöсйöны, оз юасьны. Ø Бур заводитöм – удж джын. | Ø Он кö уджав, эн и сёй. Ø Век ов да век велöдчы. Ø Мый кöдзан, сiйö и вундан. |
: Дасьты «Вöр-ва видзöм» тема вылö 10-12 кывъя юржуглан (кроссворд). Вöзйы тöдмавны ёртъясыдлы.
… удж. Лыддьы да гöгöрво текстсö. Лöсьöд юалöмъяс текст серти.
Экология - греческöй кыв, вежöртö «ас керка, асгöгöрса олöм».
Быдöн гöгöрвоö, мый ас оланiн колö видзны сöстöма, дзоньтавны- бурмöдны сiйöс. Кодсюрö нöшта и мичмöдöны олан керкасö, йöрсö. Дерт, тадзи жö велöдöны овны и челядьсö. Но та кындзи колö видзны-дöзьöритны вöр-васö, сынöдсö. Öд сöстöм оланіныс, сынöдыс, вöр-ваыс топыда йитчöны мортлöн дзоньвидзалункöд.
Тшöкыда овлö, мый йöз асьныс тшыкöдöны вöр-васö. Уджсö кужтöма котыртöм вöсна юясö, саридзьясö киссьö мусир. Тшöкыда ковтöг кералöны вöр. Быд сикас шыбласъяс пежалöны сынöдсö,мусö,васö. Кусöдтöм бипуръясысь заводитчöны ыджыд пöжаръяс. Вошöны гежöд быдмöгъяс да пемöсъяс.
Сöмын экология наука тöдöм да пыдди пуктöм отсалас бырöдны лёкторъяс, бурдöдны мувывса дойяс. Та вылö колöны ас му радейтысь, мывкыд да киподтуя йöз.
В.Грабежова серти
ﯕ Тöдмав, мый велöдö экология наука. Висьтав ас кывйöн.
| Öтвывтан нимвежтасъяс. Обобщительные местоимения Быд – каждый (овлö определениеöн) Быдöн– каждый (вежö эмакывсö) Пример вылö: Быд морт радейтö чужанінсö. – Каждый человек любит Родину. Быдöн радейтö чужанінсö. – Каждый любит Родину. Ставыс – всё Став – все (вежö кывбердсö) Ставныс – все (вежö эмакывсö) Ставным – (мы) все Ставныд – (вы) все Пример вылö: Парма-вöр, юяс-тыяс – ставыс тайö миян озырлун. – Леса, реки-озёра – всё это наше богатство. Став йöзлы колö тöждысьны чужан вöр-ва вöсна. – Всем людям нужно заботиться о родной природе. Ставныслы колö дöзьöритны Гöрд небöгö пыртöм быдмöгъяс. – Всем нужно охранять растения, занесённые в Красную книгу. Мукöд – другой (-ая, -ое, -ие), иной, некоторые Пример вылö: Мукöд йöзыс оз мöвпавны вöр-ва видзöм йылысь. – Некоторые люди не думают об охране природы. В.Чисталёв, И.Коданёв, С.Раевский да мукöд ассьыныс гижöдъяссö сиисны коми вöр-валы. - В.Чисталёв, И.Коданёв, С.Раевский и другие посвятили свои произведения коми природе. |
… удж. Лыддьы да гöгöрво текстсö. Аддзы да вуджöд öтвывтан нимвежтаса сёрникузяяс. Вочавидз юалöмъяс вылö.
Миян вöр.
Вöр сетö стрöитчöм да быд коланторсö вöчöм вылö пу. Сійö нöшта видзö ставныслысь дзоньвидзалун. Быдöн тöдö, мый вöр сöстöммöдö сынöдсö. Вöрыс мича вогöгöрся став кадö: и тöвся лунъясö, и веж тулысын, и жар гожöмын.
Но торйöн нин мича вöрыс арын. Быд мортлы воöны сьöлöм вылас зарни коръяс, сöдз енэж, тшак-вотöс кöра сынöд.
Вöр – миян озырлун. Сöмын мукöд йöзыс оз видзны-дöзьöритны сійöс.
Ёртъяс, ставнымлы колö гöгöрвоны, вöр – ыджыд да дона колантор.
К. Паустовский серти
? Мый тэ тöдмалін вöр йылысь?
Мыйла колö видзны вöр?
Кыдзи тэ верман дöзьöритны вöрсö?
… удж. Лöсьöд да гиж 4-5 сёрникузя öтвывтан нимвежтасъясöн.
| Рис. Схема – СОЛНЦЕ. Серединка – ВöРЫН, Ю-ТЫ ДОРЫН На лучиках: не забудьте потушить костёр, не сдирайте бересту, не ломайте деревья, не рвите цветы, не пинайте грибы, не разоряйте муравейники и птичьи гнёзда, не стреляйте птиц, не трогайте детёнышей, не оставляйте мусор, не рвите ягодные кусты, не мойте машины возле рек-озёр, не загрязняйте воду. |
… удж. Уськöд тöд вылö соссяна кадакывъяс артмöм. Комиöд кадакывъяссö. Содты 3-4 кывтэчас.
… удж. … удж отсöгöн лöсьöд да гиж, кыдзи тэ дöзьöритан вöр-ва.
JJ Вочавидз юалöмъяс вылö. Сёрнит ёртыдкöд.
- Мый вежöртö экология кыв?
- Мыйö велöдö экология наука?
- Кодлы колö дöзьöритны вöр-васö?
- Мый овлö мортлöн уджсö кужтöма котыртöм вöсна?
- Кыдзи тэ видзан вöр-васö?
- Мый вöзъян ёртъясыдлы?
H Дасьты «Вöр-ва» тема вылö 10 юалöма тест, быд юалöм дорö лöсьöд 3-4 вочакыв, медым öти на пиысь вöлі лöсялана.
Пример вылö:
1. Коми Республикаын медыджыд ю – тайö …
| А) Эжва Б) Печора | В) Мозын Г) Сыктыв |
… удж. Вежсьы ёртыдкöд гортын дасьтöм тестöн. Прöверитöй öта-мöдныдлысь уджтö, донъялöй.
10 колананога вочакыв – Зэв бур!
9-7 колананога вочакыв – Бур!
6-5 колананога вочакыв – Позьö и бурджыка!
: Дасьты ёртъясыдкöд вöр-ва дöзьöритöм йылысь плакат. Классын (ас велöдчанiнын) лöсьöдöй выставка.
| Рис. Сöстöм кар Ёгсö аскöдыд босьт! Видзöй вöр-ва! Ва – тайö олöм! Видзöй мушар! |
…удж. Мичаа лыддьы кывбурсö. Содтав кадакывъясö колана суффиксъяс. Вочавидз юалöмъяс вылö.
Мый лоас водзö?...
То куш му дырйи вöрыс, ваыс кынм…,
То войтва виял…, кор коскöдзыд нин лымъя.
То тулыс нюжал… да гожöм шöрöдз кыссь…,
А гожöм бöрын шляча зэрöн мыссь….
Öд енэжным нин косяссьöма, розя,
А сынöдтöгыд овнытö мöй поз…?
Вöр-ваыс оз нин лолав аслас лолöн.
И морт нэм чинö, слабм… рöд и олöм.
И палявнысö некыдзи ог кöсй…,
И бур олöмсö челядьлы ог вöзй….
Став ловъя ловсö вайöдім нин пикöдз.
Ми вежöрсял…коркö? Йöймам дзикöдз?
Öд Му шарыслöн талун лолыс пöд…
Мый лоас водзö, сöмын енмыс тöд….
А. Мишарина
&
| Вайöдны пикöдз – завести в тупик, в безвыходное положение Вежöрсявны – поумнеть Йöймыны – поглупеть, лишиться рассудка | Кыссьыны – тянуться Пöдны – задохнуться Палявны – очнуться Розя – дырявый Шляча – слякоть |
? Мый йылысь тайö кывбурыс?
Тэ думысь, мый лоас водзö?
П Тöдмалöй, кыдзи дасьтыны да нуöдны социальнöй проект. Дасьтöй да нуöдöй сійöс.
Пример вылö:
| «Сöстöм шойччанін» «Сöдз ю» «Веж улича» | «Школалы дзоридз» «Лэбачьяслы сёянін» «Ичöтъяслы ворсанін» |
G Позьö вöдитчыны … небöгъясöн да … Интернет ресурсъясöн.
: Корсь роч либö мукöд кывъя литератураысь вöр-ва йылысь кывбуръяс. Орччöд найöс коми кывбуръяскöд.
Шуам: М.Лермонтовлöн «На Севере диком» да В.Чисталёвлöн «Ниа» кывбуръяс.
На севере диком…
На севере диком стоит одиноко
На голой вершине сосна
И дремлет качаясь,
И снегом сыпучим
Одета, как ризой, она.
И снится ей все, что в пустыне далекой,
В том крае, где солнца восход,
Одна и грустна на утесе горючем
Прекрасная пальма растет.
М.Лермонтов
| 
Ниа.
Джуджыд изъя слуда йылын
Быдмис ыджыд ниа пу…
Йылыс кымöр пöвстын, вылын,
Вужйыс – корсис пыдысь му.
Вöлi тыдалö зэв ылö
Сылöн ёсьмöм туган йыв,
Юрсö кыпöдöма вылö,
Быд пу вылын вöлi вев.
В.Чисталёв
* Вев – фон, декорация
|
? Мыйöн öткодьöсь тайö кывбуръясыс?
Мыйöн найö торъялöны?
Кутшöм серпасъяс сувтiсны син водзад кывбуръяс лыддьöм бöрын?
Кутшöм сьöлöмкылöмъяс чужтöны кывбуръясыс?
…удж. Лыддьы да комиöд сетöм висьтсö.
Рябинка
Выросла рябинка при дороге. Всё тянулась к свету и вот поднялась. Наступил август. Тонкие ветки рябинки согнулись под тяжёлыми гроздьями.
Шла мимо рябинки девочка. Увидела её и подошла к ней. Сказала:
– Возьму-ка я одну веточку. Одна веточка – это так мало, ничего с деревцем не случится.
Ехал на машине дядька.
– Ух, ты! Вот это картинка!
Он остановил машину, подошёл к рябине и сорвал две ветки. Под вечер шли туристы. Подошли они к рябине.
– Хорошая рябинка, правда, поломанная немного. Всем по одной ветке.
Шёл в сумерках молодой челевек.
– Эх, какое дерево искорежили, смотреть тяжело. Бездушные люди, не умеют беречь красоту!
На рябинке была единственная яркая кисть, которую никто, видимо, не смог достать. Юноша был высокого роста, он встал на цыпочки и дотянулся до ветки.
– Последняя кисть, она уже дереву не поможет.
А.Соколова серти
&
²Лыддьы да гöгöрво кывбурсö. Вочавидз юалöмъяс вылö.
***
Энö лыйлöй еджыд юсьясöс!
Рудов уткаясöс эн.
Дзодзöгъясöс энö уськöдöй,
Виöмысь мед видзас Ен!
Энö лыйсьöй югыд вöр-ваын,
Энö торкöй асъя ун.
Медым сэсся воас бöрвылас
Югыд шондiа на лун.
Лэбач шыыс мунас лунвылö,
Нуас миянсянь привет.
Тулысöдзыс сэсся вунлывлас
И бöр воас татчö мед.
Н.Симпелева (комиöдiс А.Мишарина)
? Мый йылысь тайö кывбурыс?
Мыйö сiйö велöдö?
Кутшöм ним эськö позьö сетны кывбурлы?
Кутшöм тэнад видзöдласыд кывбурын кыпöдöм проблема вылö?
: Тöдмав, нöшта кутшöм художествоа гижöдъясын кыпöдсьö вöр-ва дöзьöритöм тема.
МОРТЛÖН ДЗОНЬВИДЗАЛУН
&
| Ас вöлятöм – зависимый Бурдöдны – лечить Бурдöдчанiн – больница, поликлиника Бурдöдчантор – лекарство Бурдöдчантор вузаланiн – аптека Бурдöдчыны – лечиться Бурдöдысь – врач, доктор Бурдны – выздороветь Вöй – нерв Велавны – привыкнуть Велалöм – привычка Вийöдны – закапывать Вир-яй – организм Висьлöс – болезненный Висьмыны – заболеть Висьны – болеть Висьысь – больной Водтöдны – уложить Кызны – кашлять | Дой – рана, боль Дурмöдчантор – наркотик Душник турун – мята Кода юанторъяс – алкоголь Кольмöдан дук – чад, смрад Кызöм – кашель Несъявны – чихать Норасьны – жаловаться Сёян изöм – пищеварение Сур – пиво Сьöкта – вес Торксьыны – портиться, разрушиться, расстроиться Тшын – дым Тшынасьны, куритчыны – курить Шонтыны – греть Шыöдчыны – обратиться «Тэрыб отсöг» - «Скорая помощь» Юöмö сетчöм – алкоголизм Юкавны – ломить |
… удж. Лыддьы висьтсö, сет ним да вочавидз юалöмъяс вылö.
…
Вина юöм мортлы вайö зэв ыджыд шог. Учёнöйяс лыддьöны, мый весиг сурын эм алкоголь. Сур да винаö мортлöн организмыс зэв öдйö велалö. Юысь мортлöн пыкталö чужöмыс, тiралö ки-кокыс. Сур вöтлö морт организмысь витамин В1. Юысь мортлöн частö висьö сьöлöмыс, мускыс. Юысь мортлöн слабмö вежöрыс, паметьыс, торксьöны вöй клеткаясыс. Юысь морт öдйö скöрмö, пырöдчö венö, вермö вöчны уна лёктор.
? Кутшöм лёктор виччысьö юысь морткöс?
Кытi висьö татшöм мортлöн?
Понравилась статья? Добавь ее в закладку (CTRL+D) и не забудь поделиться с друзьями:
|
|
