Ыджыдвиддзын ыджыд гаж

Кöрткерöс районса Ыджыдвидз сиктын быд во рака тöлысьö овлö лызьöн котралысьяслöн ыджыд гаж. Лызьысь öтдор ордйысьöны и лямпаöн. Воысь воö содö котралысьлöн лыдыс.

Медводз котöртöны челядь. Сэсся лызь туй вылö петöны верстьö: аньяс, мужичöйяс, том йöз. Наысь кындзи ордйысьöны и олöмаяс. Быдöн бöрйö котралан туй костсö ас вынъяс серти.

Лямпаöн котралысьяслы туйсö абу лöсьöдöма, öд вöралысьяслы пармаын аслыныс колö дасьтыны ордымсö. Дерт, медводдзаöн мунысьлы век медся сьöкыд.

Гажыс и збыльысь овлö кыпыд. Став вермысьыслы вичмö дона козин: и лызь, и велосипед, и гортса техника. Унаöн сiйöс шуöны лызьöн котралысьяслöн фестивальöн. Локтан воö быдöн кöсйö бара на волыны Ыджыдвиддзö. Волы и тэ!

«Коми му» газетысь

JJ Помав ёрта сёрнисö.

Ыджыдвидзса ордйысьöм дырйи паныдасисны Кöрткерöсысь Öльöксан да сыктывкарса том йöз. Найö мöдысь нин воöмаöсь татчö, тöдсаöсь.

- Чолöм, ёртъяс! – нимкодьпырысь шыасис Öльöксан.

- Чолöм! – вочавидзисны зонъяс.

- Таво бара на кöсъянныд босьтны став козинсö?

- Окота эськö да! Ёна дасьтысим. А тi?

- Миянлы колöны жö вермöмъясыд!

- Сiдзкö, ставнымлы кокни лызь туй!

Колис куим час…

- …

Торйöдана кывбöръяс. Разделительные послелоги Кежысь – послелог обозначает ограничение тем, что выражено предшествующим послелогу словом Кындзи – кроме, за исключением Öтдор – кроме, помимо кого-чего-либо Торйöдана кывбöръяс сулалöны эмакывъяс да нимвежтасъяс бöрын. Пример вылö: Велöдчöмысь öтдор – кроме учёбы Таысь öтдор – помимо того Сыысь öтдор – кроме этого, к тому же Уджавны дöрöм кежысь – работать в одной рубашке Кольны ас кежысь – остаться одному Кольны нинöм кежысь – остаться ни с чем Кык мортысь кындзи – кроме двух человек Меысь кындзи – кроме меня

… удж. Лыддьы да гöгöрво текстсö. Бöрйы текстыслы ним, гöгöрвöд бöрйöмтö. Вочавидз юалöмъяс вылö. Аддзы да гиж торйöдана кывбöръяса сёрникузяяс.

…

Асывнас быдöнлы колö вöчны гимнастика. Войнас мортыс шойччö, сöнöдыс слабитö, та кындзи сьöлöм да мукöд вир-яй юкöн уджалöны оз тыр вынöн.

Медым öдйöджык садьмыны, быдöнлы колö вöчны асъя гимнастика. Сэки тэрыба кутас ветлыны вир, зэлалас сöнöд, сыысь öтдор ты кутас босьтны унджык сынöд. Оз öд прöста шуны асъя гимнастикасö зарядкаöн. Асывнас кö вöчны дас - дас вит минут чöж упражнениеяс, лунтыр лоан збодер да зіль. Зарядкасö колö вöчны кокни паськöм кежысь.

Асъя гимнастика – дзоньвидзалунö медводдза воськов, спорт – мöд воськов. Велöдчöмысь да уджысь кындзи быдöн вермас бöрйыны кажитчана спорт сикас. Таысь öтдор ывлавывса удж тшöтш ёнмöдö дзоньвидзалун.

А.Дорохов серти

Бöрйöм вылö нимъяс:

1. Колана зарядка. 2. Асъя гимнастика. 3. Радейтана удж. 4. Быдлунъя удж.

5. Луныс заводитчö асывсянь. 6. Дзоньвидзалунö воськов. 7. Кажитчана спорт сикас. 8. Збодер асыв.

: Мöвпышт да вöзйы текстлы ас ним.

? Мыйла быд мортлы асывнас колö вöчны гимнастика?

Мыйла гимнастика шуöны зарядкаöн?

Мый колö вöчны дзоньвидзалун ёнмöдöм могысь?

Вöчан-ö тэ асъя зарядка?

Кутшöм спортöн тэ занимайтчан?

Ывлавывса кутшöм удж тэ радейтан вöчны?

…удж. Лыддьы текстсö, гöгöрво да сет ним. Лöсьöд да гиж текстлысь бöръя абзацсö.

…

Нималана теннисистка Динара Сафина чужöма Москваын. Теннисöн ворсны босьтчöма кöкъямыс арöссянь. Но таöдз тöдöма нин, кыдзи ворсöны сылöн мамыс да вокыс. Мамыс, Рауза Ислановна – сылöн медводдза тренер. Марат вокыс квайт арöссянь нин тренируйтчöма «Спартак» нима тенниснöй клубын, кодöн веськöдлö Михаил батьыс.

Том спортсменка Россияын кындзи тренируйтчис Испанияын. 2001-öд воын Динара Сафина пырис теннисöн ворсысь нывбабаяслöн Ассоциацияö. 2002-öд воын Польшаса Сопот карын лои профессиональнöй турнирын медтом вермысьöн. 2003-öд воын Италияын да 2005-öд воын Францияын бара на лоис вермысьöн. 2005-öд воын жö Динара Сафина вермис Мария Шараповаöс, коді сэки вöлі мирса «медводдза ракеткаöн». А 2009-öд воын ачыс лоис мирса «медводдза ракеткаöн».

Быдлунъя олöмын Динара – Радейтö футбол да «висьö» Прöст кадö радейтö кывзыны музыка, Роч вöлöгаысь öтдор радейтö Динаралöн девиз: «Вöча ставсö,

уна лыддьысьö, ветлö киноö. мый вылö тырмас вынöй». нюмбана да шань ныв. Мадридса «Реал» команда понда. итальянскöй да японскöй кухня.

«Йöлöга» газетысь

Рис. Карта РК с обозначением национального парка «Югыд ва»

… удж. Тöдмав, кыдзи шусьö мусерпас вылын петкöдлöм иныс.

Отсöг вылö кывъяс: Из гöра, из бöлбанъяс, «Югыд ва» вужвойтыр парк, Печоро-Илычскöй заповедник, Печора район.

ﯕ Фотографияяс да план серти дасьты юöр.

План:

1. 2007-öд воын Россияын пансис проект …

2. Коми Республика пырöдчис уджö.

3. Комиысь ин лоис став Россияса сизим чуймöданатор лыдын.

4. Нималана инлöн аслыспöлöслун.

5. Шойччöй да ёнмöдчöй Коми муын!

GУджсö вöчны отсалас проектлöн сайт www.ruschudo.ru

… удж. Ас бöрйöм серти вуджöд роч кыв вылö öти легенда.

Из бöлбанъяс йылысь легендаяс.

Маньпупунёр бöлбанъяс йылысь эм некымын легенда.

I. Öти легендаын висьтавсьö, мый тайö сизим гöраыс вöлöмны великан-самоедъясöн. Мöдöдчöмаöсь найö Сибирö бырöдны вогул войтырöс. Кор найö кайöмаöсь Маньпупунёр вылö, юрнуöдысьыслы син улас усьöма вогулъяслöн Ялпингнёр вежа гöра. Аддзöмторсьыс повзьöмысла сизимнанныс измöмаöсь.

Сэксянь и сулалöны великанъяс сійö местаас, кодöс йöзыс нимтісны Маньпупунёрöн (Из бöлбанъяслöн гöраöн).

II. Мöд легендаын висьтавсьö, мый уна сюрс во сайын сизим ыджыдсьыс-ыджыд туша-мыгöра морт уськöдчисны манси войтыр вылö. Йöзыс наысь пондасны пышйыны Из гöраяслöн кытш сайö. Печора ю дорын шойччигöн найöс суöдасны великанъясыд да кöсъясны нин вины. Но кыськö налы паныд петас дзор тöдысь да пöртас великанъяссö изйö. Сэксянь пö мансилöн быд тöдысь быть кайлö изъяс дорас содтыны вынсö.

«Йöлöга» газетысь

G Вогул войтыр – öнія … войтыр. Олöны …

Манси войтыр пырöны финн-угор кывъя рöдвуж котырö. Олöны Тюмень обласьтса Ханты - Мансийскöй округын. Манси – кöр видзысьяс.

: А тэ тöдан, мый Маньпупунёрын быд из бöлбанлöн эм аслас ним, шуам, ….

Тöдмав мукöдсö!

… удж. Лыддьы текстъяссö. Мöвпышт, кутшöм жанрын гижöма найöс, гöгöрвоöд.

Туристъяслöн ордым корö.

1. Изьва районса Сизябск сикт нималö этнотуризмöн. Тані висьталасны изьвасаяслöн культура, обычайяс да традицияяс йылысь. «Войвыв сикт» туркомплекс базаын позьö тöдмасьны изьваса кöр видзысьяслöн оласногöн.

Шыасьны позьö Вокуева Зинаида Павловна дорö 89125625228 телепон пыр. Оланiнпасыс: Коми Республика, Изьва район, Сизябск сикт.

2. Сыктыв районса Межадор сиктын нималö Иван Павлович Морозов нима музей. Танi позьö тöдмавны Коми Республикаса тöдчана государствоса деятельлöн олан туй да удж йылысь, этнография залын велöдчыны быдсяма важ ворсöмъясö. Музейын уджалысьяс нуöдласны Вежа ключьяс дорö, вайöдласны вöр керкаö, кöнi виччысьöны коми мойдъясысь геройяс: Вöрса, Васа, мича Ёма. Та кындзи чöсмöдласны бипур вылын пузьöдöм пöсь чайöн, пöжалöм картупельöн, чöскыд шаньгаясöн да кöвдумъясöн.

Шыöдчыны позьö 8(2131)95-2-16, 89091232730, 89129638061 телепонъяс пыр. Оланiнпасыс: Коми Республика, Сыктыв район, Межадор сикт.

Отсöг вылö: висьт, кывбур, вöзйöм, очерк, легенда, мойд.

П Дасьты да дорйы «Миян районын (сиктын) экотуризм сöвмöдöм» проект.

Проектлöн план:

1. Мöвпышт да бöрйы ас районысь экотуризм вылö лöсялана ин.

2. Лöсьöд тайö ин дорö воöдчан маршрут (шуам, районса юрсиктсянь).

3. Дасьты турбазалысь плансö, бöрйы серпасъяс сы дорö.

4. Лöсьöд туристъяслы маршрутъяс, корсь юöр налöн аслыспöлöслун йылысь.

5. Артышт путёвкалысь донсö, вöзйы дон лэдзöмъяс.

6. Инды юöр йитчöм йылысь.

II.

Дасьты «Power Point» компьютер программа отсöгöн презентация либö «Publisher» компьютер программа отсöгöн буклет.