Национальный парк «Югыд ва»

Национальный парк «Югыд ва» - крупнейшая в России и Еврпе особо охраняемая природная территория, площадью 18917 квадратных километров. Восточная граница парка проходит по главному хребту Уральских гор – границе Европы и Азии. С юга парк граничит с Печоро – Илычским заповедником.

Парк был создан в 1994 году на западных склонах Северного и Приполярного Урала с целью сохраненияуникальных природных комплексов, имеющих большое экологическое, историческое и рекреационное значение.

Парк расположен на территории Вуктыльского, Печорского и Интинского районов Республики Коми.

Большой интерес туристов вызывают прекрасные пейзажи горного Урала: альпийские луга и горные озёра, стремительные реки, каньоны и водопады,причудливые скалы по берегам реки.Здесь уникальный, богатый растительный и животный мир.На протяжении нескольких километров можно увидеть густую хвойную тайгу.

По вопросам экскурсии можно обратитьсяпо телефону Национального парка «Югыд ва» 8(82146) 2-10-57.

…удж. Лöсьöд путешественниклысь паспорт.

КОМИ ЙÖЗЛÖН ШЫЛАД. МУЗЫКА КОМИ НАРОДА

Ворсан – здесь: музыкальный Вöлавны – строгать Вудж – смычок Дзоньтавны – чинить Енби – талант Йöзкостса – народный Киподтуй – умение Мыла – мелодичный, напевный, музыкальный

Нимöдана – заслуженный Уджалысь – работник, деятель Шылад – мелодия Шылад тэчысь – композитор Шылада – мелодичный Юргыны – звучать

…удж. Лыддьы да гöгöрво текстсö. Дасьты сы серти юалöмъяс. Корсь содтöд юöр Семён Налимов йылысь.

Сигудöк вöчысь мастер.

Семён Иванович Налимов – сигудöкъяс вöчысь тöдчана мастер. Чужöма Сыктывдін районса Выльгорт сиктын. Батьсяньыс вуджöма киподтуйыс. Сiйö тшöкыда отсасьлöма батьыслы тшупсьыны, вöчавны пызан, улöс, лабич, öшинь, öдзöс да уна мукöдтор.

Царскöй армияын служитігöн Семёнлы киас сюрас жугалöм гитара. Вежон чöж ноксяс жугалöмторнас и дзоньталас сідз, мый гитара кутас юргыны важсьыс ёна бурджыка.

С.И.Налимовлöн кипомысь петаліс 300 гöгöр ворсан сигудöк. Наöн ворсiсны профессиональнöй да самодеятельнöй ворсысьяс. 1900-öд воын сылысь сигудöкъяссö петкöдлісны Парижын став мирса выставка вылын. А 1915-öд воын сигудöкъяс лöсьöдöмысь Семён Ивановичöс донъялісны «За усердие» зарни медальöн. Роч йöз шулісны сiйöс коми Страдивариöн.

: Тöдмав, кодi тайö Страдивариыс? Мыйöн сiйö нимавлöма?

² Лыддьы да гöгöрво кывбурсö. Гöгöрвоöд кывбурлысь нимсö. Вочавидз юалöмъяс вылö. Кывзöй классад тайö кывбур вылö лöсьöдöм сьыланкывсö.

Сьöлöм сьылöм

Унаысь ме сьывлывлі, Йöзсянь «аттьö» кывлывлі; Пöлянöн моз чипсася, Йöз сьöлöмö чуксася Коми сьыланкывйöн.	Рис. Фото В.Савина
Менам сэтшöм оланног: Овлö гажа, овлö шог. Гажа дырйи – ворсышта, Гаж кö бырö – шогсьышта Коми сьыланкывйöн.	Сё майбырöй, олöмöй, Гажа муын дзользьöмöй! Пöрысьма кö –ланьтышта, Олöм гажöн казьтышта Коми сьыланкывйöн.

В.Савин

? Мый йылысь тайö кывбурыс?

Кыдзи гöгöрвоан тайö кывъяссö: «Пöлянöн моз чипсася, йöз сьöлöмö чуксася коми сьыланкывйöн.»?

Мыйысь йöзыс аттьöалiсны авторсö?

ﯕ Тöдмав, нöшта кутшöм сьыланкывъяс лöсьöдіс В.Савин?

Кадакывлöн форма артмöдысь суффиксъяс. Формообразующие суффиксы глаголов

К а д а к ы в	+	-ышт	Глаголы со значением уменьшительности действия, действия малой меры	Юны – юыштны (попить) Сьывны – сьылыштны (попеть)
К а д а к ы в	+	-л, -ывл, -лывл, -ав (-яв)	Глаголы регулярного и многократного действия, повторяющегося многократно	Петкöдчыны – педкöдчывлыны (неднократно выступать) Ветлыны – ветлывлыны (часто ездить) Корны – корлыны (приглашать многократно) Лэбны – лэбавны (летать)

… удж. «Сьöлöм сьылöм» кывбурысь аддзы форма артмöдысь суффикса кадакывъяс, вуджöд найöс роч кыв вылö.

Кывтэчас. Словосочетание Кывтэчас артмö кык либö унджык кывйысь, кодъяс йитчöны вежöртас да грамматика боксянь. Кывтэчасын öти кывйыс сюрöс (главнöй), мöдыс зависитысь. Сюрöс кывсö пасъям × пасöн, сысянь зависитысь кыв дорö сувтöдам юалöм. Кывтэчасын кывъясыс йитчöны веськöдлöм либö сибöдчöм йитöд отсöгöн.
Йитöд	Кыдзи йитчöны	Пример вылö
Веськöдлöм - управление	Сюрöса кывйыс корö зависитысь кывлысь колана падеж форма либö кывбöр. Сюрöса кывйыс пырджык петкöдлöма кадакывйöн, зависитысьыс – эмакывйöн, нимвежтасöн, лыдакывйöн.	Юала мамлысь Ворсi пöлянöн Сёрнитö мекöд Висьталi сёысь НО: сылöн вокыс велöдысьлöн пызан Дзебсис лым улö
Сибöдчöм - примыкание	Зависитысь кывйыс оз вежлась, йитчö сюрöса кыв дорö. 1.Сюрöса кывйыс петкöдлöма эмакывйöн, зависитысьыс – эмакывйöн, кывбердöн, лыдакывйöн, нимвежтасöн, шöркывйöн. 2. Сюрöса кывйыс петкöдлöма кадакывйöн, зависитысьыс – кадакывбердöн, инфинитивöн.	Пу керка Мича ныв Дас морт Менам бать Усьöм лым Водз чечча Велöдча сьывны

… удж. Вуджöд роч кыв вылö сетöм кывтэчасъяссö. Уджав öтлаын класса ёртыдкöд. Отсöг вылö босьт Л.М.Безносиковалысь «Коми-роч кывчукöрöн».

Кужысь пöль, бадь пу пöлян, ылöдз кылö, колип ногöн сьылö, лэчыд гор, вуджö мöдлапöлöдз, лэбзьö ылö, качö вылö.

… удж. … уджысь кывтэчасъяслысь инды сюрöса да зависитысь кывъяссö, налысь йитöдсö.

… удж. Лыддьы да гöгöрво сьыланкывлысь кывъяссö. Кöсйöм серти велöдчы сьывны сьыланкывсö шылад урок вылын öти класса велöдчысьясыдкöд.

Бадь пу пöлян

Быдтор кужысь пöльöй Вöчис бадь пу пöлян. Шыыс ылöдз кылö, Колип ногöн сьылö: Чив-чив-чив да Ту-ту-ту, Садьмы вöр-ва, Садьмы му.

Рис. Дудочка – пöлян (коми народный музыкальный инструмент)

Асывнас ме чечча,

Эжва дорö лэчча.

Лэчыд пöлян горсьыс

Аслам лолöй ворсö:

Чив-чив-чив да

Ту-ту-ту,

Садьмы вöр-ва,

Садьмы му.

Пöлянöйлöн гöлöс

Вуджö мöдлапöлöдз,

Лэбзьö ылö-ылö,

Качö вылö-вылö:

Чив-чив-чив да

Ту-ту-ту,

Садьмы вöр-ва,

Садьмы му.

А.Ванеев

…удж. Велöдчы вöчны гум пöлян. Гиж текстсö шыпасъяс тэчöмöн да скобкаяс восьтöмöн. Торйöдöм кывтэчасъяслысь инды йитöдсö. Вочавидз юалöм вылö.

Пöлян.яс (вылö) гум чукöртлöны арнас. С.ки гумыс воöм да ч.рыд. Кымын тшупöд гум (вылас), сы (мында) и пöлян поз.ö вöчны.

Гöрöд (улö) кол.лöны сантиметр (гöгöр) да вундыштöны л.чыд пуртöн. Быд гöрöд кутö пöлянлыс. шысö. Быд гöрöдлöн аслыс (пöлöс) шы. Гум пöлян вевдорт.ыс вöлыштöны пуртöн, медым пöляныс лöс.ыда пукс.с вом (дорад).

Рис. Рисунок полого стебля (что-то похожее на стебель борщевика) и дудочка

? Грамматикалöн кутшöм кесйöгъяс уськöдiн тöд вылö, медым колананогöн гижны текстсö?

Фото

...удж. Лыддьы, гöгöрво да тöдмав, кутшöм нималана музыковед да композитор йылысь мунö сёрниыс.

Тайö мортыс - РСФСР-са культураын да Коми АССР-са искусствоын нимöдана уджалысь, Коми республикаса Каналан премия лауреат.

Чужöма 1921-öд вося урасьöм 27-öд лунö Сыктывдін районса Нювчим посёлокын. Войнаöдз Визин школаын велöдöма математика. 1944-1945-öд воясö дорйöма вöрöгъясысь Айму. Война бöрын помалöма Коми государственнöй пединститут. Сэсся веськöдлöма Сыктывкарса музыкальнöй училищеöн, кöні абу сöмын велöдöма математика да физика, но и ачыс велöдчöма музыкальнöй искусствоö.

Уна во чöж уджалöма Наука академиялöн Коми филиалын, ветлöма фольклор экспедицияясö, чукöртöма важ коми сьыланкывъяс да ворсан инструментъяс. Нималана фольклорист А.К. Микушевкöд да Ю.Г. Рочевкöд дасьтöма куим тома «Коми йöзкостса сьыланкывъяс» небöг. Тайö уджсö 1972-öд воын пасйöмаöсь Коми АССР-са Государственнöй премияöн.

Йöзöдöма йöзкостса музыкальнöй инструментъяс йылысь 50 сайö научнöй удж. Вöлöма йöзкостса смотръяс да фестивальяс котыртысьöн, пырöма СССР-са композиторъяс котырö.