2020-05-12
669
&
| Ас пу – дерево-двойник Ас улын кутны – владеть Быдтыны – вырастить, воспитать Ваймыны – протопиться, истопиться Вермытöм – немощный Видлыны – проведать Гусятор – тайна Дзебны – спрятать Инöд – право Кутöд – крепление Кыйдöс – добыча Лöсавны – вытесать Лэптыны – построить, поднять | Мудерлун – хитрость Мыгöр кутанног – поза Мыччöдлыны – показать, предъявлять, выставлять, изображать Ньöв – лук Перйыны – добывать Повтöм – смелый, отважный Пожйöг ва - ополоски Сатшны – воткнуться Тöдысь – знахарь Тун – колдун Тыв – сеть Тыш – битва Юктавны – напоить |
… удж. Мöвпышт да висьтав, сетöм I колян када кадакывъяссьыс ставсö-ö позьö сувтöдны II колян када формаö. Гиж сетöм кадакывъяссö мöд колян кадын. Бöрйы 4-5 кыв да лöсьöд наöн сёрникузяяс.
| Дорйис – Олiсны – Лыддин – Тöдмалi – Ветлiнныд – Вöралiс – | Кывлi – Нималiсны – Вермис – Кывзiм – Серпасалiн – Пасйинныд – |
|
|
|
| Рис. Пера, Йиркап, Юрка, Кöрт Айка, Яг Морт. |
… удж. Серпасав кывъясöн преданиеясса геройяссö план серти.
План:
1. Геройяслöн ортсы.
2. Налöн паськöм.
3. Чужöм мыччöдлöм да мыгöр кутанног серти этшыс.
4. Геройяс вылö аслад видзöдласыд.
… удж. Сёрникузяясö содты преданиеясса геройяслысь нимъяссö. Гиж сетöм сёрникузяяссö мöд колян када кадакывъяссö пыртöмöн.
| 1. Кöрт Айка 2. Шыпичаöс 3. Йиркап 4. Юрка 5. Яг Мортысь 6. Пера 7. Тювö | 1. … кыйсис Емва вожын. 2. …-багатыр чужис Лупья ю дорын. 3. Скöр … полiсны Изьва вожын олысьяс. 4. … вöлi мудер тöдысьöн. 5. … чепöн потшлiс Эжва ю да корлic пыжаяслысь вот. 6. Атаман … лёк йöзысь видзис уна рöма вöньыс. 7. Вынйöра … отсасис Маджа сиктса став олысьыслы. |
… удж. Корсь юöр Тювö йылысь. Дасьты план, план серти лöсьöд неыджыд висьт. Висьтö пырт мöд колян када кадакывъяс. Вöдитчы «Мифология коми» небöгöн либö Д.Г. Костылевöн, В.Э. Шараповöн, О.И. Уляшевöн дасьтöм тайö небöгыслöн Öтуввезысь (Интернетысь) электроннöй версияöн.
… удж. Комиöд преданиесö. Юк текстсö абзацъяс вылö. Кадакывъяссö гиж II колян кадын.
Пера-богатырь.
Пера жил пятьсот-шестьсот лет тому назад. Родился Пера возле села Гайны на реке Лупья. Отец Перы — легендарный коми-пермяцкий богатырь Кудым-Ош. У Перы было два брата — Антип и Мизя. Антип служил у русского князя Ивана III. Брата Мизю считали хорошим музыкантом.
В юности Пера сходил на Полярный Урал, поднялся на вершину горы Тöв-поз-из. Там он добыл «камень жизни» - каменный уголь. На этот подвиг у него ушло несколько лет.
|
|
|
Московский князь наградил Перу шёлковыми сетями и грамотой за участие в битве с Золотой Ордой. Грамота давала право на владение лесными и речными угодьями.
Пера смело боролся с Лешим и Водяным, которые не пускали коми охотников и рыболовов в свои владения.
Пера был отважным охотником, великим тружеником. Один ходил на медведя и одолевал его. Всегда помогал другим людям. Пера женился на красавице Зарань. Они вырастили 7 сыновей и 7 дочерей. Пера прожил 113 лет.
: Ворсыштам.
Паличöн кыскысьöм.
Кык ворсысь пуксьöны воча, мыджсьöны кокнаныс, кутчысьöны паличö шöрöдыс да заводитöны кыскыны паличсö быдöн асланьыс. Кодi кыскас паличсö ворсысьыскöд асланьыс, сiйö лоö вермысьöн да кутас лыддьысьны багатырöн.
| Рис. Яг Морт уносит Райду или Туган борется с Яг Мортом |
… удж. Серпас отсöгöн вочавидз юалöмъяс вылö.
1. Мыйла геройсö шуöмаöсь Яг Мортöн?
2. Кутшöм вöвлöмторлы М.Н.Лебедев сиöма «Яг Морт» преданиесö?
...удж. Лыддьы да гöгöрво предание юкöнсö, вочавидз юалöмъяс вылö. Дасьтысь мичаа лыддьыны.
Яг Морт
(предание юкöн)
| Уна тöдлiс коми войтыр Шудтöм лун да гажтöм кад. Коркö важöн сылы вöлi Парма шöрын веськыд мат. Ветлiс сэнi, пашкыр ош моз, Гундыр сяма гöна морт. Гашкö, вакуль пöвстысь петысь, Гашкö, вöрсаяслöн ёрт. Туша сылöн вöлi ыджыд - Быттьö увтöм пожöм пу. Паськöм пыдди сiйö новлiс Куим вуртöм йöра ку. Вой шöр войын быдтор аддзис Сылöн мисьтöм гöрдов син. Кöнкö шуштöм пемыд вöрын В öлi сылöн оланiн. Мукöддырйи öти киöн Сiйö шыбитлiс кыз кер. Татшöм вöлi Яг Морт нима Вöрса гундыр нисьö звер. Йöзыс садьтöг сыысь полiс, Дзоргис гöгöр лун и вой: Оз-ö кыськö пуяс костысь Мыччысь сылöн гöна сой. Изьва дорын, Кыпыд сиктын, Олiс сэки пöрысь пöль. Бура сёйис, бура юис, Эз вöв пöрысь, эз вöв гöль. Сылöн вöлi шань да мича Райда нима öтка ныв. Регыд сылы удал зонкöд Воис чунькытшасян лун. | Свадьба лунлы паныд Райда Мунiс вотны чöскыд оз. Сьöрсьыс босьтiс вугъя чуман - Вотанторлы ичöт доз. Вöрсьыс петic ыджыд шыöн, Быттьö тöв ныр, гöна морт, Ош кодь мисьтöм, гашкö, збыльысь Вöрса мутияслöн ёрт. Ош моз равöстiс лёк гундыр. Уси Райда сы ни садь, Кыдзи кералiгöн усьö Небыд коръя вöсни бадь. Матiгöгöрса том йöзöс Туган чукöртiс дзик пыр... Муö водалiсны зонъяс. Гöгöр лои шы ни тöв. Вöрсьыс мыччысис лёк гундыр, Вылас куим йöра ку. Аслас туйöд сiйö мунiс, Киас нинöмтор эз ну. Рытöдз косясисны найö. Воис шондi лэччандор. Веськыд бугыляс Яг Мортлы Пырис ёсьтöм кыдз пу зор. Эбöс быри, эбöс абу. Кокыс водзö эз нин ну. Коръяс костö сiйö усис, Быттьö ыджыд пожöм пу. Сюри зонлы мича Райда. Яг Морт сiйöс эз на сёй. Вевта гуын сiйö олiс Сизим лун да сизим вой. |
М. Лебедев
&
| Дзоргыны – уставиться, всматриваться Зор – кол, дубина Нисьö – не то, то ли Садьтöг – до потери сознания | Сы ни садь – без сознания Тöв ныр – вихрь Чунькытшасян лун – обручение Шуштöм – мрачный, жуткий Эбöс – сила |
С Поэма юкöнысь корсьöй сетöм кывъяслы синонимъяс
Васа =?
Син =?
?
Кутшöм шöр геройяс паныдасьлöны предание юкöнын?
Кутшöмöн М.Лебедев петкöдлöма Яг Мортöс?
Кодкöд сiйöс орччöдöма?
Мыйла коми войтыр полöмаöсь Яг Мортысь?
Мый позьö висьтавны Райда да Туган йылысь?
|
|
|
Кутшöм герой тэныд медъёна кажитчис? Мыйла?
Мöд колян када соссяна кадакывъяс. Спряжение отрицательных глаголов во II прошедшем времени Мöд колян када соссяна кадакывъяс артмöны абу соссяна кывтор отсöгöн.
|
… удж. Вежлав кадакывъяссö мöд колян кадын соссяна формаын.
Вöчны, ветлыны, велöдны, висьтавны, гусясьны.
... удж. Лыддьы преданиесö, содтав кадакывъясö мöд колян када суффиксъяс. Юк текстсö абзацъяс вылö.
Йиркап.
Предание серти Йиркап овл... Емдiн районса Кони сиктын. Нимал... бур вöралысьöн.Öтчыд Йиркап аддз... Синдор ты дорын Васалысь Вöрсакöд тышкасьöмсö. Отсал... Вöрсалы вермыны Васаöс: лый... Васалы ньöвйысь. Вöрса аттьöал... Йиркапöс, тшöкт... аддзыны вöрысь шуд вайысь Ас пу. Тайö шуда пусьыс Йиркап лöсал... аслыс лызь гоз. Лызьыс вöл... öдйö котралысь. Йöзыс шул..., мый пач абу на вайм…, а Йиркап пö вöраланiнысь нин бöр воö. Сöмын матi сиктса вöралысьяслы абу коль… кыйдöссö. Скöрм… найö Йиркап вылö. Öтчыд Йиркаплöн гöтырыс мудерлунöн тöдмал... верöсыслысь гусяторсö. Юктал... Йиркапöс пожйöг ваöн да ыст… вöравны. Синдор ты вуджигöн Йиркап кут… вöйны, вунд… лызь кутöдсö да мый вынсьыс шыбит... берегланьыс. Абу кывз… лызьлысь корöмсö. Йöзыс шуöны, мый öти лызьыс пö весигтö берег дорын сулалысь пожöм пуö сатш....
«Коми легенда да преданиеяс» небöгысь
H Тöдмав, мый йылысь корöма Йиркапöс лызьыс.
: Лыддьы да гöгöрво преданиесö, кадакывъяссö лöсьöд мöд колян кадын. Мöвпышт, кöнi мöд колян када кадакывйыс лоö соссянаöн.
Юрка.
Кöрткерöс районса Маджа сиктын (овны) нималана вöралысь Юрка. Пыр (отсавны) вермытöм пöрысь йöзлы, (дзебны) вöрысь вайöм кыйдöс, (юксьыны) сыöн. Юрка (вöвны) вывтi ён, некор (öткажитны) лэптыны сиктсаяслы керка-карта.
|
|
|
Öтчыд Юрка чорыда (висьмыны). Суседъясыс некод (видлыны) Юркаöс. Гортас (кольны) некутшöм сёян. Дыр висьöм бöрын тшыг Юркалöн дзикöдз (бырны) эбöсыс. (Петны) ывла вылö да (гусявны) öти ыжöс.
Кокни кыйдöсö (велавны) Юрка, (дугдыны) вöравны. (Пондыны) гусявлыны суседъясыслысь подаяссö. (Скöрмыны) суседъясыс да (вöйтны) Юркаöс.
Но (гöгöрвоны) маджасаяс, мый (вöчны) лёктор. (Чукöртчыны) ты дорö, (пуны) рок да (корны) прöща Юркалысь. Сöмын (локны) абу ставöн. А виччысигас рокыс (кöдзавны). Öнöдз на маджасаясöс шуöны «кöдзыд рок сёйысьясöн».
«Коми легенда да преданиеяс» небöгысь
: Юксьöй кык чукöр вылö: «дорйысьяс» да «мыждысьяс». «Дебаты» технология отсöгöн донъялöй Юркаöс.
... удж. Лыддьы да гöгöрво преданиесö. Содты геройлысь нимсö.
...
… вöлöма вына тунöн, овлöма Кöрткерöсын. Сылöн пö керкаыс и паськöмыс вöлöмаöсь кöртысь.
… нюжöдöма Эжва ю вомöн кöрт чеп, ю кузя кывтысь-катысьяслысь мырддьывлöма став эмбурсö. А кодi абу сетöма – вöйтлöма юас.
…лöн тшöктöм серти пö шондi да тöлысь дзебсьылöмаöсь. Лун вежсьылöма войöн, вой — лунöн.
Ёна дöсадитчöма йöзлы. Сöмын Пама тун абу полöма …ысь.
… удж. Юкöнъясысь чукöрт преданиесö. Гиж кадакывъяссö комиöдöмöн.
Кирьян-Варьян.
Кöрт дöрöма, булатнöй сабляа Кирьян-Варьян (кинулся) (защищать) роч му. Öтарö-мöдарö (машет) саблянас, лёк вöрöгöс (рубит). (Освободил) роч му лёк вöрöгысь.
Збыль висьтасьысь катша да рака Левоник сарлы (принесли) шог юöр: роч государство вылö (напал) лёк вöрöг. Левоник сар (отправил) слугаяссö (позвать) отсöг вылö Кирьян-Варьян багатырöс.
Левоник сар (устроил) пир, (предложил) Кирьян-Варьянлы зарни да эзысь. Но багатыр (отказался) сарöн вöзйöм козинъясысь.
Кирьян-Варьян багатыр (жил) Емдiн районса Ыб сиктын.
ﯕ Вуджöд текстсö роч кыв вылö да вочавидз юалöм вылö.
