Композитор Александр Осипов

Александр Осиповлысь нимсö бура тöдöны миян республикаын. Сылысь сьыланкывъяссö радейтöны да сьылöны не сöмын профессиональнöй артистъяс, но и художественнöй самодеятельносьтса сьылысь-йöктысьяс. Уна вын сетiс коми национальнöй музыка туялöмлы да велöдöмлы. Ветлöдлiс республика пасьта, чукöртавлiс коми йöзкостса сьыланкывъяс.

Чужöма Александр Осипов 1923 вося рака 15-öд лунö Кöрткерöс районса Шойнаты сиктын. Водз кольöма бать-мамтöг да быдмöма челядь керкаын. Ичöтсяньыс радейтöма ворсны балалайкаöн, ас кежысь велöдöма нотаяс.

Великöй Отечественнöй война кадö доброволечöн мунöма фронт вылö. 19 арöссянь война нэм кежлö вöчис музыкантöс инвалидöн. Быть ковмис эновтны скрипкаöн ворсöм. Госпитальысь воöм бöрын пырис уджавны Коми государственнöй ансамбльса хорö. Ансамбльын уджалiгöн чужис мöвп — велöдчыны хорöн веськöдлысьö да лоны композиторöн. Öнöдз на юргöны сылöн «Луныс коли важöн», «Пöпутчик», «Менам Отчизна», «Кор ми аддзысьлам тэкöд» да уна мукöд сьыланкыв.

Уна кöсйис вöчны композитор йöзлы, но 1973 - öд воö сьöкыда висьöм бöрын кувсис Москваын.

Ю.Чучина серти

...удж. Лыддьы текстсö, гöгöрво да вуджöд роч кыв вылö. Сет текстыслы ним.

Ирина Ивановна Чувьюроваöс бура тöдöны Выльгортса олысьяс. Уджалö Ирина Ивановна Выльгорт культура керкаын, веськöдлö хорöн. Выльгортса клубын уджалö кык коллективкöд: томджыкъяслöн «Зöнзöвöй» котыркöд да ветеранъяслöн «Мастерицы» ансамблькöд. Репертуарсö озырмöдö ас сьыланкывъясöн, ачыс жö ворсö баянöн.

Чужöма Ирина Ивановна Печора районса Соколов сиктын. Быдмöма бабыскöд. Ичöтсяньыс отсасьöма бабыслы гортгöгöрса уджын. Рытъяснас ветлöдлöма Соколовса народнöй хорö сьывны. Ёна радейтöма видзöдны гудöкасьысьлöн тэрыба ворсысь чуньяс бöрся. Кöсйöма ачыс велöдчыны ворсны сiдз жö. Локтöма Сыктывкарö да пырöма 2-öд номера педучилищелöн музыкальнöй юкöнö. Но регыд ковмис вуджны велöдчыны öтиöд номера педучилищеö да лоны велöдысьöн.

Кык во Ирина Ивановна велöдöма Изьва районса Мохча школаын ичöт класса челядьöс. Öттшöтш и сиктса клубын уджалöма. Музыкаысь содтöд тöдöмлунъяс шедöдöм могысь помалöма культура колледж.

1997-öд восянь Ирина Чувьюрова уджалö Выльгорт сиктса культура керкаын. Аслас кывъяс вылö лöсьöдö сьыланкывъяс. Унаöн радейтöны кывзыны да сьывны сылысь сьыланкывъяссö.

...удж. Лыддьы да гöгöрво текстсö. Лöсьöд текст серти юалöмъяс.

«Пелысь мольяс» ансамбль -- вермысьяс лыдын.

В.Т.Чисталёв нима культура колледжса «Пелысь мольяс» ансамбльöс унаöн тöдöны республикаын. 2010-öд воын ансамбльса сьылысь-йöктысьяс ветлöмаöсь Санкт-Петербургö войтыркостса хореографическöй творчество донъялан витöд фестиваль-конкурс вылö да лоöмаöсь мöд степеня лауреатъясöн. «Пелысь мольясöс» пасйöмаöсь и «За самобытность и бережное сохранение фольклорного наследия» нима дипломöн, кодöс сетöмаöсь сöмын öти котырлы. А фестиваль вылö волöмаöсь абу сöмын Комиысь, но и Белоруссияысь, Тюменьысь, Карелияысь, Великий Новгородысь,Тольяттиысь, Мурманскысь, Татарстанысь, Краснодарысь, Курскысь да мукöдлаысь. Став коллективас енбиа артистъяс, зэв мичаа сьылöны-йöктöны, уна рöма костюмъясныс гажöдöны син, но став котыр пöвстысь медбурöн лоис «Пелысь мольяс» ансамбль.

«Йöлöга» газетысь

…удж. Лыддьы да гöгöрво текстсö. Гиж кадакывъяссö да инды налысь суффиксъяссö.

«Зарни Ань» ансамбль котыртчис Сыктывкарын 1996-öд вося моз тöлысьö. Ансамбльыс петкöдчылö уна пöлöс конкурсын да фестивальын, тöдса уна йöзлы Коми му да Россия пасьта. Петкöдчыны ветлöмаöсь и суйöр сайö: Карелияö, Удмуртияö, Финляндияö, Эстонияö да Норвегияö.

Ансамбльын медводз вöлöма вит морт. А öнi сьылöны да йöктöны куимöн – Михаил Бурдин, Коми Республикаса йöзкостса артист, сылöн гöтырыс, Коми Республикаса заслуженнöй артистка Любовь Бурдина, да сьылысь Наталья Тимушева. Котырыслöн репертуарыс йитö öнiя да важ коми йöзлысь традиционнöй культурасö. Быд произведениеын кылöны сигудöклöн, брунганлöн, зэр шылöн, пöлянлöн, чипсанлöн шыяс. Нывъяслы дыркодь ковмывлöма велöдчыны ворсны коми инструментъяснас, мед эськö ставыс лöсялiс öта-мöдыскöд: и шылад, и сьыланкывлöн кывъясыс, и йöктöмыс, и ворсанъяслöн юргöмыс. «Зарни Ань» ансамбльын сьылысьяс быд петкöдчöм кежлö дасьтöны аслыспöлöс мича паськöм.

Ансамбль дасьтылiс нин некымын компакт-диск.

«Йöлöга» газетысь

H Чукöрт юöр да гиж аслад карса (сиктса) сьылысь-йöктысь котыр йылыс неыджыд висьт.

Фото В.Есевой

…удж. Комиöд текстсö.

Государственный ансамбль песни и танца Республики Коми «Асъя кыа» - лауреат Всесоюзных и I Всероссийского конкурсов, Государственной премии Коми АССР и премии Коми комсомола.

С ансамблем связаны имена деятелей культуры и искусства республики: профессора Воронцова А.А., Каторгина А.Г., Осипова А.Г.

В ансамбле выросла популярная исполнительница народных песен Народная артистка Коми АССР Валентина Есева. Начал свою творческую деятельность Заслуженный деятель искусств, лауреат Государственной премии Коми АССР Яков Перепелица.

Большой вклад внесли в развитие ансамбля хормейстер Заслуженный деятель искусств РСФСР Галина Пыстина, солисты Заслуженные артисты Коми АССР Надежда Беликова, Владимир Васильев, Тамара Воронина, Анатолий Седых, Евгений Тренев.

Ансамбль гастролировал от Калининграда до Сахалина, от Мурманска до Ашхабада. Ездили с выступлениями в Финляндию, Венгрию, Болгарию, Швецию, Чехословакию.

Н.А.Мирошниченко серти

МИЯН ЛЫДДЬЫСЯНIН

Аддзысьлöмъяс – встречи

Венны – преодолевать

Гижöд – произведение

Национальнöй небöгкуд – Национальная библиотека

Индöм удж – мероприятие

Карса шöр лыддьысянiн – Центральная библиотека

Колана – нужный, необходимый

Корсьны – искать

Котыртны – организовать

Кывбур – стихотворение

Медбöръяысь – последний раз

Небöг джадж – книжная полка

Небöгкуд, лыддьысянiн – библиотека

Небöгъяс видзанiн – книгохранилище

С.Я.Маршак нима челядьлы лыддьысянiн – Детская библиотека имени

С.Я.Маршака

Сайын – здесь: назад

Сьöкыдлунъяс – трудности

Том йöзлöн лыддьысянiн – Юношеская библиотека

… удж. Фотосерпасысь тöдмав небöгкудлысь нимсö? Кутшöм карын сiйö сулалö?

… удж. Вуджöд роч кыв вылö да гöгöрвоöд Даниэль Пеннаклысь кывъяссö.

«Небöгъяс отсöгöн челядь велöдчöны гöгöрвоны мöд мортöс, радлыны сы понда – сöмын тадз позьö тöдмавны мöд мортлысь дойсö да сылысь шудсö».

Даниэль Пеннак, француз гижысь

…удж Лыддьы, гöгöрво да вочавидз юалöмъяс вылö.

Миян лыддьысянiн.

Миян карын эм уна лыддьысянiн. Тайö: Национальнöй небöгкуд, Сыктывкарса шöр лыддьысянiн,С.Я. Маршак нима челядьлы лыддьысянiн, Том йöзлöн небöгкуд да уна мукöд.

Ме кöсъя висьтавны миян велöдчанiнса библиотека йылысь. Миян школаын эм неыджыд, но бур небöг куд. Кор сэтчö пыран, веськыдвылас сулалöны небöг джаджъяс, а шуйгавылас – челядьлы лöсьöдöм пельöс. Веськыда сулалö ыджыд лыддьысян пызан. Веськыдвылас и шуйгавылас эм научнöй, художественнöй да публицистическöй литератураа джаджъяс. Сiдз жö небöг джаджъяскöд орччöн эм книгаяс видзанiн.

Библиотекаас уджалö Светлана Ивановна, кодi радпырысь миянлы отсалö корсьны колана небöг. Сiйö жö котыртö фестивальяс, литературнöй гажъяс, гижысьяскöд аддзысьлöмъяс. Ставыс тайö отсалö сöвмöдны челядьлысь творчество, велöдö колана ногöн коллявны прöст кад.

Медбöръяысь миян лыддьысянiнын ме вöлi куим лун сайын да лыдди Галина Бутыревалысь гижöдъяссö да Федор Тютчевлысь кывбуръяссö.

? Кутшöм небöг кудъяс йылысь мунö сёрниыс?

Кутшöм велöдчанiнса небöг кудйыс?

Мый сэнi эм?

Кодi сэнi уджалö?

Кыдзи сiйö отсалö корсьны колана небöг?

Кутшöм небöг кудъяс эмöсь тiян карын (сиктын)?

Кодлысь нывкаыс лыддьöма гижöдъяссö?

…удж. Мичаа лыддьы текстсö да аддзы шусьöгъяс. Нöшта кутшöм шусьöгъяс тöдан нянь йылысь?

Шондібанöй небыд няньöй!

Нянь эм нянь. Нинöмöн сійöс оз веж. Нинöмкöд он öткодяв. Ставöн тöдöны, мый олöм абу шань, кор абу нянь. Йöз паметьö весиг кольöма шусьöг, кутшöм няньтöгыд куш да вильыд.

«Шондібанöй небыд няньöй, мамöлöн пöжалöмöй!» - сьывсьö йöзкостса сьыланкывйын. Чолöмасигöн йöз нэмсö силісны öта-мöдыслы нянь да сов. Кöзяинöс, семья кутысьöс, бать-мамлысь надеясö, шулісны эз прöста вердысьöн – нянь вердысьöн.

Эм кö пö кöрöвай, сэк и коз улын рай, сы вöсна мый оз пась шонты, а нянь.

Уджалысь мортлöн пызан вылысь нянь оз шыбитсьы. Тшыг сьöд вояс тöдлысь арлыдаджык йöз бура тöдöны, мый нянь – сійö олöм. Мед эськö и талунъя том войтыр гöгöрвоисны, мый «ваыд – матушка, а няньыд – батюшка»

Г. Беляев серти

…удж. Скобкаын сетöм кывъяссö сувтöд колана вежлöг формаын.

1.Удж (морт) мичмöдö.

2.(Ас) некод абу йöй.

3.(Мудер) эн тöдмась, ас кодь ёртöс корсь.

4.Быд (морт) öти мам, öти сылöн и чужан му.

5.Чужан позйыд (быдöн) дона.

6.Чер тыш (плеш) он жугöд.

7.Скуп (морт) тöвнас весиг лым он босьт.

8.(Поз) сöмын кöк олö.

… удж Тэч висьтсö колананогöн.

Менам радейтана гижысь.

Елена Габова – тöдчана вуджöдчысь, вуджöдiс роч кыв вылö Геннадий Юшковлысь мойдъяс, Е. Козловалысь гижöдъяссö, А. Поповлысь «Аддзысьлöмъяс» повесьт, В. Тиминлысь «Эжва Перымса зонка» повесьт.

Е. Габовалысь гижöдъяссö вуджöдöма уна мукöд кыв вылö.

Елена Габова сетö аслас геройяслы озыр пытшкöслун. Сiйö бура чувствуйтö висьöм, лёка мöвпалöм, ошкö бур вöчöмысь да бура велöдчöмысь.

Менам радейтана гижысь - Габова Елена Васильевна. Сiйö тöдчана гижысь Коми Республикаын. Чужис юркарын лöддза-номъя сизимöд лунö сюрс öкмыссё ветымын кыкöд воын. Помалiс Союзса кинематография институтын сценарнöй факультет. Уджалiс газетъясын, телевидиниеын..

Ассьыс туйсö Елена Габова заводитiс Воркута карын. Сiйö гижис аканььяс театрлы пьесаяс. Челядьлы медводдза небöгыс петiс сюрс öкмыссё кöкъямысдасöд воын. Шусис «Гришуня на планете лохматиков». Сiдз жö петiс небöг «Двойка за поведение», «Тайкина тайна», «Вареная сосулька». Сэнi гижöма челядьлöн велöдчöм да олöм йылысь. Геройясыс ёнджыкасö гырысь классын велöдчысьяс, олöмö пырöдчысьяс.

… удж Лыддьы, гöгöрво да юалöмъяс серти лöсьöд ас гижöд.

Гортса небöгкуд.

Гортын менам эм неыджыд небöг куд. Сэнi эм уна пöлöс интереснöй небöг: и энциклопедияяс, и фантастика, и челядьлы гижöдъяс. Сiйöс заводитiсны чукöртны менам чужтöдз, сэнi чукöрмöма уна небöг. Миян котыр радейтö лыддьыссьны. Мам - бать тшöкыда ньöбöны выль небöгъяс. Ме аттьаöла найöс. Найö ышöдiсны менö лыддьысьны.

Отсöг вылö юалöмъяс:

1. Эм - ö тэнад гортса небöгкуд?

2. Кутшöм сiйö?

3. Мый сэнi эм?

4. Тшöкыда-ö ньöбанныд выль небöгъяс?

5. Гортса небöгкудйысь мыйöн медъёна вöдитчан тэ, бать-мамыд?

6. Кодi гортад медъёна радейтö лыддьысьны?

7. Кутшöм небöг тэ неважöн лыддин?

…удж. Содты лöсялана антоним.

1. Кöн … сёрни, сэн … удж.

2. Сьöлöмыд кö …, быд удж ….

3. … да … öти доддьын ветлöны.

Отсöг вылö кывъяс: шудыд, уна, ыджыд, этша, шогыд, ичöт.

…удж Вуджöд текстсö роч вылö. Аддзы нимвежтасъяс, инды налысь вежлöгсö.

Менам радейтана гижöд.

Менам радейтана гижöд - Елена Габовалöн «Беличья шкурка» повесьт. Шöр геройясыс тайö повесьтын Натка да сылöн ёртъясыс. Наташа бытьыскöд мунiс ур кыйны. Сiйö кöсйис урку пась вурöдны. Ёртъясыс тöдмалiсны да дивитiсны сiйöс. Весиг радейтана мортыс эз гöгöрво, мыйла колö виавны пемöсъяссö. Медбöрын Натка гöгöрвоис жö, мый оз ков ас йывсьыд сöмын мöвпавны. Меным кажитчö тайö гижöдыс сiйöн, мый том йöз кужöмöн корсьöны сьöкыдлунъясысь петан туйсö. Повесьтсöгижöма кокни кывйöн.

Челядь гижöдысь

…удж Лöсьöд висьт аслад радейтана гижöд йылысь план серти.

План:

1. Радейтана гижöд.

2. Автор йылысь.

3. Гижöдлöн тема.

4. Шöр герой(яс)öс серпасалöм да донъялöм.

5. Ас мöвпъяс тайö гижöд йывсьыс.

: Лыддьы Е.Габовалысь «Зануда Дёма» да «Беличья шкурка» повесьтъяс да тöдмав юржуглантор.

Сувтса ног: 7. Мый вунöдiс Маша вöрö походö мунiгöн и мыйла сiйö бöр бергöдчылíс? (фотоаппарат). 3. Висьталöй нимсö Зануда Дёмалысь (Мирон).4. «Зануда Дёма» повестьын челядь ворсiсны стадион вылын. Висьталöй спортсменкалысь овсö, код нимöн шусьö стадионыс. (Сметанина). 8. Роч литератураысь кутшöм героинякöд орччöдö Наткаöс Юра? (Татьяна).

Вомöн ног: 1. Кыдзи шуöны шöр геройсö «Беличья шкурка» повестьын? (Наташа). 6. Мый козьналiс Машалы Дёма «Зануда Дёма» повесьтын? (исерга). 2. Кыдзи шуöны медбур ёртсö Наткалысь? (Юра). 5. Роч литератураса «Война и Мир» романысь кутшöм героиня кодьöн кöсйö лоны Натка? (Наташа)

…удж. Лыдакывъяссö гиж кывъясöн да лöсьöд наöн сёрникузяяс.

15, 304, 167, 1000, 2003-öд, 58, 344, 55, 1895, 16.

…удж. Висьтав, мыйöн лоöны тöдчöдöм кывъясыс: синонимöн, антонимöн, омонимöн?

Мый кöть сёрнит,

Мый кöть висьтав,

Мый кöть гарав,

Мый кöть шу,

Сöмын лёк кывйöн эн лысьт тэ

Видны ассьыд чужан му.

А.Ванеев

…удж. Комиöд текст.

Каллистрат Фалалееви Жаков родился в 1866 году в деревне Давпон близ Усть-Сысольска. Его отец мастерил иконостасы, а мальчик с малых лет помогал ему в этом. Каллистрат Жаков побывал во многих сёлах и был хорошо знаком с жизнью и бытом коми крестьян.

Мальчик всегда стремился к знаниям. Он учился в Усть-Сысольском уездном училище, затем закончил Тотемскую учительскую семинарию, реальное училище в Вологде. Каллистрат Жаков учился в Киевском университете на физико-математическом факультете.Заканчивает историко-филологический факультет в Петербурге. Всю жизнь он много и упорно работал: читал лекции по математике, астрономии, философии, лингвистике, литературе, фольклору, психологии и педагогике в институтах и университетах Петербурга, Пскова, Риги.

Каллистрат Жаков внёс большой вклад в литературу. Он является автором коми литературного эпоса «Биармия», автобиографической повести «Сквозь строй жизни». В Сыктывкаре был издан сборник «Под шум северного ветра» с очерками, сказками и другими произведениями Каллистрата Жакова. Каллистрат Жаков писал произведения на русском языке, но принёс в российскую культуру коми национальное понимание мира.

…удж. Содты лöсялана морта суффиксъяс: -öй,-ыд,-ыс,-ным,-ныд,

-ныс.

1.Кутшöм паськыд миян Коми му…,

Мыйта колö помсянь помöдз мунны. (Е.Козлов)

2.Зарни пи…, узь нин, узь,

Сьöлöмшöр…, узь нин, узь.

Бать… муніс вöравны,

Мам… муніс уджавны.(Тима Вень)

…удж Комиöд социальнöй акция нимъяс. Вöчöй öтувъя удж (фестиваль, выставка, гаж, небöг чукöртöм да козьналöм)

«Возьмите книгу в круг семьи»

«С милым краем дышу заодно»

«Мы с книгой умней и богаче»

«Книга – луший подарок»

ТШÖТШЪЯЯС. ЁРТЪЯС.

Öта-мöдöс – друг друга Öта-мöдлы – друг другу Öтвылысь – сообща, вместе, совместно Öти класса велöдчысьяс – одноклассники Öтув – общий Öтувтны – объединять Бöрйöм – выбор Бöрйыны – выбирать Верстьö – взрослый Ветлыны – посещать Волысьны –дружить,общаться с друзьями

Гусятор – тайна Донъявны – ценить Ёртасьны – дружить Коллявны – проводить Лöсявны–подходить, соответствовать, ладить Мытшöд – проблема Прöст кад – свободное время Прамöй – настоящий Тöдмасьны – познакомиться Тöдса – знакомый Тшöтшъя – ровесник, сверстник Юксьыны – делиться

… удж. Комиöд сетöм кывъяссö. Вöдитчы выль кывъясöн да коми-роч кывчукöрöн. Тэч кывъяссö юржугöданö. Инды на пиысь синонимъяс. 3-4 кывйöн лöсьöд да гиж сёрникузяяс.

			ö	Т	Л	А	Ы	Н
			Т	Ш	ö	Т	Ш
				Ӧ	Т	У	В
			ö	Т	В	Ы	Л	Ы	С	Ь
	ö	Т	Т	Ш	ö	Т	Ш
	Ё	Р	Т	Ъ	Я	С
Д	О	Н	Ъ	Я	В	Н	Ы

Отсöг вылö кывъяс: друзья, общий, вместе, ценить, сообща, тоже, совместно.

!!!! в кроссворде печатать – только слово тшöтшъя

… удж. Лыддьы да гöгöрво текстсö. Корсь текстысь тэныд лöсялана да лöсявтöм мöвпъяс,содты таблицаö. Дасьтысь гöгöрвоöдны бöрйöмтö.

Ёртасьöм.

Нывкаяслöн, зонкаяслöн, верстьöяслöн эм öти либö унджык ёрт. Öтияскöд ми важöн нин ёртасям, мöдъяскöд сöмын на тöдмасим. Кодкö чайтö, мый налöн зэв уна бур ёрт, а кодкö оз вермы бöрйыны öтикöс. Но ставлöн-ö эм прамöй ёрт, кодлы абу веськодьöсь тэнад вермöмъяс, гаж да шог? Ме ногöн, мортыслöн став тöдсаыс оз вермы лоны ёртöн..

Эмöсь сэтшöм йöз, кодъяс оз эскыны ёртасьöмö. Найö чайтöны, мый весиг медся матыс морт вермас вузавны сьöкыд кадö. Гашкö, тайö и збыль тадзи? Сöмын меным оз эскыссьы таö. Сiдз кö нин артмис, чайта, и ёртасьöмыс эз вöв. Ёртасьнытö öд колö на кужны!

Унджыкöн оз вермыны бур ёрттöг. Сьöкыд овны, кор некодкöд юксьыны не сöмын шогöн, но и радлунöн, некодлы звöнитлыны да некодкöд гуляйтны. А медся бур ёрткöд позьö шöпкöдчыштны, висьтавны öта-мöдлы гусяторъяс. И тöдан, мый некод тэ вылын оз серав, а став висьталанторйыс коляс тi костын.

Но и аддзыны татшöм ёрттö сьöкыд. Оз öд прöста шуны, мый ёртасьöмыд – сьöкыд удж.

Ставлöн ас видзöдлас ёртасьöм вылö. Быд морт аддзö мирсö аслыспöлöса. Ме чайта, мый быд мортлы зэв ёна колö бур ёрт. Öд сiйö олöмын мытшöд. И тэнад кö эм татшöмыс, пыдди пукты сiйöс, вылö донъяв ёртасьöмтö!

Нывкалöн гижöдысь

Лöсялö	Оз лöсяв
Нывкаяслöн, зонкаяслöн, верстьöяслöн эм öти либö унджык ёрт. …	Весиг медся матыс морт вермас вузавны сьöкыд кадö. …

ЙЫЛЫСЬ кывбöр. Предлог О, ОБ, ПРО Йылысь кывбöр сулалö эмакыв да нимвежтас бöрын, гижсьö торйöн.

Эмакыв		Коми кыв урок вылын ми сёрнитiм тшöтшъяяс йылысь.
	ЙЫЛЫСЬ	Экскурсия дырйи ми унатор тöдмалiм йöзöс дорйысьяслöн удж йылысь.
Нимвежтас		Конкурс кежлö ме дасьтi ас йылысь висьт. На йылысь ми лыддим «Йöлöга» газетысь.

Ме йылысь - обо мне Тэ йылысь - о тебе Сы йылысь - о нём, о ней, о том Миян йылысь - о нас

Тіян йылысь - о вас На йылысь - о них Ас йылысь - о себе Та йылысь - об этом

…удж. Комиöд скобкаын сетöм кывъяссö.Лыддьы сёрникузяяссö.

1. Ме кöсъя висьтавны (о друзьях).

2. Ми дасьтам юöр (о поездке в Ижевск).

3. Кытысь позьö тöдмавны (об этом)?

4. (О вас) гижöмаöсь районса газетын.

5. Коми литература урок вылын ми сёрнитiм Б.Шаховлöн (о романе «Ровесники»).

6. Висьтыштöй миянлы (о себе).

7. Наука шöринын 8-öд класса велöдчысьяс унатор тöдмалiсны (о Республике Коми).

…удж. Помав сёрникузяяссö. Аддзы лöсявтöм сёрникузя.

висьтавны тэныд \ тіянлы ….

сёрнитны тэкöд \ тіянкöд ….

Ме кöсъя юавны тэнсьыд \ тіянлысь ….

тöдмасьны тэкöд \ тіянкöд ….

юöртны тэныд \ тіянлы ….

…удж. Лыддьы, гöгöрво висьт юкöнсö, сет ним. Лöсьöд юалöмъяс.

Менö шуöны Юра Пыстинöн. Менсьым ёртöс шуöны Женя Синицынöн. Миян йылысь шуöны, мый миян öткодь овным. Вуджöдны кö роч вылö Пыстинсö – лоö Синицын, Синицынсö кö комиöдны – лоö Пыстин.

Женя да ме йылысь шуöны, мый миянöс пö кöдзыд йиа ваöн он вермы торйöдны.

Женя – менам медбур ёрт. Ме уна буртор верма сы йылысь висьтавны. Сíйö лöсьыдик чолкаторйöн шырöм юра. Сылöн ставыс лючки-бура артмö. Гижö зэв мичаа. Школаын бура велöдчысьяс лыдын. Бура котралö лызьöн. Сы йылысь тшöкыда гижöны школаса стенгазетын.А öтчыд ми Женякöд вундалíм менам бабöлöн небöгысь геройясöс да школаын лэдзим стенгазет. Та йылысь тöдмалíс менам бабö да ёна и видíс небöг вундалöмысь.

Н.Куратова серти

...удж. Текст дорö дасьты план да гиж изложение.

Кык ёрт.

Мунíсны вöрöд кык ёрт. Налы друг паныдасис ош. Öтиыс уськöдчис пышйыны, кайис пу вылö да дзебсис. А мöдыс коли туй вылас. Вöчны нинöм – сíйö водíс муас да лэдзчысис кулöм улö. Ош матыстчис сы дорö да кутíс исавны. Сíйö и лолавнысö дугдíс. Ош исалыштíс сылысь чужöмсö. Чайтíс, мый кулöма, да вешйис. Кор Ош мунíс, пу вылысь лэччис ёртыс да кутíс серавны:

-Мый ошкыс тэныд пеляд вашкöдíс?

-Ошкыс шуис меным, мый омöльöсь сíйö йöзыс, кодъяс эновтöны ёртсö сьöкыд здукö.

Л.Толстой серти

…удж. Вуджöд шусьöгъяссö роч кыв вылö да гöгöрвоöд.

Ёртыд аддзысьö шог дырйи.

Висьтав, кодí тэнад ёртыд, и ме висьтала, кодí тэ.

Выль ёртъястö аддзы, а важсö эн вунöд.

…удж. Лыддьы висьтсö, гöгöрво да вуджöд роч кыв вылö.

Апельсин.

Öньöлы батьыс вайис Ленинградысь апельсин: уна-уна, ыджыд сетка тыр.

-Батюк, позьö ме гоз-мöд апельсин нуа школаö? - öшйис батьыслы сьылí вылас Öньö.

-Да босьт,- нюммунíс батьыс.