2020-06-08
75
Песнь 1:
1-й канон Преполовения, глас 4-й, со ирмосом на 6 (ирмосы по дважды)
Ирмос: Мо́ря чермну́ю пучи́ну, / невла́жными стопа́ми, / дре́вний пешеше́ствовав Изра́иль, / крестообра́зными Моисе́овыма рука́ма, / Амали́кову си́лу в пусты́ни победи́л есть. (Дважды)
Припев: Пое́м Го́сподеви, сла́вно бо просла́вися. Коня́ и вса́дника вве́рже в мо́ре.
Тропарь: В е́лия я́же па́че ума́, Влады́ко, / Боже́ственнаго Твоего́ воплоще́ния, благодея́ния сия́ют нам, / да́рове же и благода́ти, и Боже́ственныя све́тлости, / благода́тно истека́ющия.
Припев: Помо́щник и Покрови́тель бы́сть мне во спасе́ние, Сей мой Бог и просла́влю Его, Бог отца моего, и вознесу Его.
Тропарь: П рише́л еси́, Христе́, све́тлости Божества́ испуща́я, / пра́здника посреде́ явле́нно, / пра́здник бо ра́достный спаса́емых еси́, / и спасе́ния на́шего хода́тай.
Припев: Госпо́дь сокруша́яяй бра́ни, Госпо́дь и́мя Ему́: колесни́цы фарао́новы и си́лу его ве́рже в мо́ре.
Тропарь: П рему́дрость, пра́вда, Го́споди, / и избавле́ние у Бо́га Ты был еси́ нам, / от земли́ к небе́сной преводя́ высоте́, / и Дух Боже́ственный да́руя.
Припев: Пучи́ною покры я, погрязо́ша во глубине, яко камень.
Тропарь: П лоть Твоя́ истле́ния во гро́бе не ви́де, Влады́ко, / но я́ко соста́вися кроме́ се́мене, тле́ния не прия́т, / после́дованию естества́, пресу́щественно не рабо́тавшая.
Канон святителя, глас 8, на 4.
Ирмо́с: Колесницегони́теля фарао́ня погрузи́/ чудотворя́й иногда́/ Моисе́йский жезл, крестообра́зно порази́в/ и раздели́в мо́ре,/ Изра́иля же беглеца́, пешехо́дца, спасе́,/ песнь Бого́ви воспева́юща.
Припев: Тогда потща́шася влады́ки Едо́мстии и князе́й Моави́тских, прия́т я трепет, раста́яща вси живу́щии в Ханаа́не.
Тропарь: П уть ду́ховный, к Бо́гу Жи́ву веду́щий, преше́л еси́, святи́телю Игна́тие,/ я́сно указу́я нам, ка́ко подоба́ет стезю́ жития́ земна́го преходи́ти,/ уче́нию Христо́ву вне́млюще.
Припев: Нападе́т на ня стра́х и тре́пет, вели́чием мышцы Твоея да окаменя́тся.
Тропарь: П е́рвую степе́нь в ле́ствице доброде́телей Ева́нгельских, нищету́ духо́вную, узре́л еси́, о́тче,/ и той после́довати, ту́ю возлюби́ти,/ то́ю пути́ духо́внаго нача́ло полага́ти заве́т твой дал еси́.
Припев: До́ндеже про́йдут лю́дие Твои́, Го́споди, до́ндеже про́йдут лю́дие Твои́ сии́, я́же стяжа́л еси́.
Тропарь: Н ищета́ ду́ха, рекл еси́, соль есть всех жертв духо́вных,/ нищета́ бо ду́ха блаже́нство пе́рвое нарече́ся во Святе́м Ева́нгелии Христо́ве,/ е́йже вси про́чии блаже́нства, кро́тость, милосе́рдие, се́рдца чистота́, после́дуют и е́ю соверша́ются.
Припев: Соде́лал еси́, Го́споди, святы́ню, ю́же угото́васте ру́це Твои́.
Богоро́дичен: М а́ти Све́та, Пречи́стая Богороди́тельнице,/ житие́ спаси́тельно на земли́ с Сы́ном и Бо́гом Твои́м соверши́вшая,/ нас, недосто́йных, укрепи́, от грехо́в изба́ви и к пра́вде ве́чней ше́ствовати утверди́.
