Тут псалтирь рифмотворная 52 страница

Хор

Андрей святий радуется о исполнившемся его проречении (еже иногда, водрузив крест на горах киевских, проглагола о имbвшем просияти благочестии). Таже духом пророчествует и о еще будущих в Росии вещех: о мучениках, о преподобних печерских, о церквах многих, о нашествии Батиевом, потом и о нинb славою цвbтущих российских свbтилах, панах и ктиторех и благодbтелех наших.

ПРОЛОГ К СЛЫШАТЕЛЕМ

Служаще обичному уставу, в академии нашой от лbт многых хранимому, се и мы, аще и послbднbйшии, недозрbли плоди трудов нашых на позор вам производим, великоименитие и благороднии слышателие! А яко не ино что, токмо повbсть о обращении к Христу равноапостолного князя нашого Владимира, обичним дbйствием представити умислихом. Вина бяше, яко то и мbсту сему прилично и свойственно слышателем мнится быти: приличен дому ест образ господина; свойственная память сыном отшедшаго далече отца своего. Се же и дом Владимиров, се и Владимирова чада, крещением святим от него рожденная (что паче всbх изящнbе на тебb является, ясневелможний пане, ктиторе и добродbю наш, ему же и строение сего отчества Владимероваго по царю от бога врученно ест, и Владимировимы идяй равнимы ему побbдами, равною в России икономиею, лице его, яко отческое сын, на тебb показуеш). Убо сего изображение прийми от нас, яко того ж великий наслbдник, вмbсто привbтствия. Зри себе самаго в Владимерb, зри в позорb сем, аки в зерцалb, твою храброст, твою славу, твоей любвы союз с монаршим сердцем, твое истинное благолюбие, твою искренную к православной апостолской единой кафолической вbры нашой ревност и усердие.

ДbЙСТВИЕ 1

ЯВЛЕНИЕ ПЕРВОЕ

Ярополк

З бездн подземных, з огненной выхожду геенни

Ярополк, братним мечем лютb убиенный,

Брат князя Владимира. Ни! Глагол сей ложний.

Не Владимир мой брат ест, но враг мой, безбожний

Братоубийца. Кая лесть! Многажди красно

имя будет, но своей вещи несогласно.

Владимир - владbние мира знаменует,

а брат мой с родственною кровию воюет.

Брат мой, - о горе! - и сей глагол неистовий:

враг мой, супостат лютий, жрец моея кровы.

Сие ли знамение братней любвы? Сие

усердие ко брату? О вbк мой! О дные

Лукавы! Да помрачит вас мрак нечаянний!

Но гдb есм? О лютb мнb! Гдb есм, окаянний?

Что вижду? Киев се ест. Горе мнb! О горе!

Умерши единою, се уже повторе

Умерти чаю. Почто, плачевний удоле

адский, послал мя еси сbмо? Сие поле

Болшую скорб и позор лютbйший имbет:

увидит мя Владимир и паки убиет.

Аще же и не может меч духа убити,

обаче кая туга, кая скорб видbти

Мbста сия! Здb княжий престол, здb державу

всероссийской области и толику славу

Брат завистний содержит; аз же приях рани,

аз смерть подъях горкую, тоеяжде страни

Отчич, дbдич, наслbдник. Кто от вас, о бозы,

тако владbет миром? Един или мнозы

Промисл вещей имате? Такова ли ваша

правда? Братоубийцы чест за казнь прияша!

А его же убиша, смерти неповинна,

еще низвержен ест в ров темний! О безчинна

Сонма вашего, бозы! Но кая мя сила,

чия вражда на сие мbсто понудила

Изийти з бездн адовых? Скорб тамо велика,

но горbе от огня гризет человbка

Зависть неутолима. Здb убо утробу

мою зависть снbдает; здb мене ко гробу

Болbзнь влечет внутрняя. Лучше бы умрbти

паки; тако не могу, окаянний, зрbти

На цвbтущую област враждебнаго брата.

Здb его сокровища, здb царска полата;

Здb враг мой, на престолb сидя превысоком,

сам честен сий, протчиих величавим оком

Презирает. Сам токмо драгий, свbтлий, златий;

протчии, пред ним просто не смbюще стати,

Гиблют себе смиренно; иний же, под нозb

пав, лежит и бездушен трепещет на мнозb.

Мнозы от иноземных приходят со дари,

господем зовут; он же, окружен боляры,

Легким степенем сbмо и овамо ходит

и, всbх удивляюще, бров горду возводит.

О лютb мнb! Лютb мнb! Весма ищезаю!

Весь гину от зависти! И не ощущаю

Утроб во мнb зажженных. Вещ ест невозможна

не завидbти тому, иже брат сий ложна

Имене искренному брату своей части

завидит и завистной не наситит страсти,

Аще не в братней кровb меч лютий упоит.

Коих убо зол ему желати достоит?

О граде тяжкий моим очесам! О злаго

жилище разбойника! Добрb таковаго

Князя достоин еси, аще болbзнь чужда

не болить тебb, аще неправда и нужда

Мbсто имать у тебе. И еще повсюду

проносится вbсть, не вbм, изшедше откуду,

Аки би христов закон в тебb имать быти

и з богамы Владимир дерзнет бран творити.

Христе, аще ты еси цар и господь всея

твары, гдb суд истинний? Гдb правди твоея

Неложное мbрило? Убийца во славb

от тебе вbнчан будет и тако державb

Твоей угождается! Сродственния кровы

губитель любим тебb? О суд неистовий!

Но вы, бозы лучшие, привратbте сbмо

умы прозорливие, виждте, что творимо

Здb будет: Владимиру брата не довлbет

убити, брань вознести на богов имbет.

Что вам мнится? Тебb же найпаче, державний

Перуне? Видbл еси, когда мя злославний

Убиваше мучитель, и стрbл огневидных

отнюд не пустил еси и сим всbх безбbдных

Разбойников сотворил. Вижд, что имат быти:

брат мой тебе самаго хощет сокрушити.

ЯВЛЕНИЕ ВТОРОЕ

Жеривол волхв, Ярополк

Жеривол

Кто здb тако на богы хулит?

Ярополк

Стой, не бойся.

Жеривол

О лютb мнb!

Ярополк

Не бойся.

Жеривол

Перуне, устройся.

Помозы, силний боже!

Ярополк

Что тако безумен

Стал еси, Жериволе? Или дbтоумен

вbк тебb возвратися? Ни ли мене вbси,

Кто есм аз? Стой, не бойся. Кии тамо бbси

смущают тя и мещут?

Жеривол

Вbм тя, о владыко!

Князь Ярополк еси ти.

Ярополк

Что убо толико

Вид мой тя ужасает?

Жеривол

Мертва тя слышахом,

того ради, видя тя, колbблюся страхом.

Ярополк

Вbм, яко на мертвецов и зрbти живии

от трепета не могут. Но позори сии

Тебb, мню, не страшны сут: ты тайнимы словы

каменния от гробов откриваеш кровы

И гниющия уже возбуждаеш тbла;

к тому воздушных, лbсных и геенских сила

Духов повинуется тебb, а на чары

твоя солнце мbнится, померкают зары,

День во тму облачится. И недавно, в темной

сbтующе гееннb, слышахом от земной

Страни глас проходящий, - пbние то бяше

таин твоих. Абие все сонмище наше

Вострепета, сам токмо цар не ужасеся

и позна глас и, егда многое стечеся

К нему полщиче духов, "Поспbшно летbте, -

рече, - Жеривол гласить; что велит, творbте".

И многих посла к тебb.

Жеривол

Всегда аз доволний

любвы его, за что есм сам ему неволний,

Ни свобод, в раба ему з тbлом и душею

вbрно себе написал кровию моею.

Недавно он мнb присла дар неоцbненний,

злат сосуд, нbкоея сили исполненний,

От него же аще что мало испиваю,

абие со мертвимы и бbси дерзаю

Сходитися. Тебе же нынb устрашихся,

яко сили тоея еще не напихся.

Прости, о владыко мой! Не буди твоему

величию противно, дам крbпост моему

Малодушию.

Ярополк

Нbсть в сем моей укоризни,

не требb гнушатися царской даровизни.

Жеривол

О вbсти сей веселой! Кого вижу, княже!

Ярополк еси, добрb познаю. Коя же

Выни к нам пришел еси от мертвих?

Ярополк

Вас ради.

Жеривол

Како?

Ярополк

В бbдах вам ваших желая отради.

Не прийде ли во слух вам, что ваш умишляет

князь на ви?

Жеривол

Что новое? Он давно являет

Сверbпство свое: уби тебе, брата родна.

Ярополк

Жертва великих богов нbсть к тому свободна.

Жеривол

Что слишу?

Ярополк

Християнский закон восприяти

Умысли, от богов же всячески отстати

хощет.

Жеривол

Га! Га! Га! Га! Га! Истинное слово.

Аз сам без вbсти сея (повbм нbчто ново

и вам невbдомое), аз (глаголю вbрно),

Аз первий в сем подозрbх его. Лицемbрно

начат богом служити. Слиши тайну странну.

Первbе он ко богом и жерцом пространну

имb руку и, егда жертву приношаше,

Радость, праздник, торжество, веселие наше

бb тогда; волы толсти и тучние кравы

Убиваемы бяху, и доволны стравы

не боги токмо, но и жерци имbяхом

И не токмо ни мало тогда не алкахом.

Но - вbруй ми, о княже! - жрец Перуна бога

Добрb чрево исполнил от тука премнога.

Со Перуном (вbси, что имам глаголати),

Со Перуном могох мя, грbшна, соравняти.

Но уже тую щедрость измbни. О студа!

Даде вчера едного козла, тако худа,

тако престарbлаго, тако безтbлесна,

Тако изнуренного, изсохша, безчестна,

тонка, лиха, немощна, безкровна, безплотна, -

Еще ножа не приях, а смерть самохотна

постиже его. Гнbв ли уби его божий,

Или яко не бb в нем, кромb лихой кожи

и под кожею костей, тbлесе ни мало.

Что убо мнится тебb? Кое се настало

время! Не нам се нужда творится, но, стада

Не ядше, измрут бозы.

Ярополк

Еще прежде глада

побиет их Владимир; дерзнувший пролити

Кров братнюю, дерзнет он и богов побити.

Жеривол

О лютой дерзости! Но повbжд мы подробну,

Молю, коим образом тако неподобну

смерть подъял еси. Аз бо ничто же вbм ино,

Токмо яко брат брата умертви безчикно.

Ярополк

Вbдом есть вам давний наш свар. Но се не буди

Дивно: претикаемся часто, суще люди.

Зри же, како не равни братние бывают

Сердца. Уви, над мbру себе возвышают. Владимир, мний возрастом, долженства своего

Ни мало не помяну, ни проси моего

он, престарbлой отец сущи злобы, мира.

Аз просих, но не бяше злобb его мbра.

Всемощний, но не могий явним и оружним

Видом мя побbдити, побbди безмужним.

Лесть приять вмbсто меча; мнится быти мирний

Во словb, во сердцb же ношаше яд звbрний.

З моего ж смирения он хищния сbти

Соплет на мя, взивает дому посbтити

и утвердити завbт. Аз прост и ничтоже

Злаго в толицей любвb чаях, - не бо може

вbрная любов быти, ни распра почиет,

Где любвы знамения вbра не имbет, -

пойдох аки ко брату. О день и и час лютий!

Камо идох, безумен? Три крати на пути

конь преткнуся, три крати вран прелетb черний,

Третий час дне три крати нарекох вечерний.

И воспящаше мя друг, даяй совbт здравий,

Но не воспященни суть божия устави.

Прийдох уже ко дверем, чая яко тbмы

Вхожду в дом братний, - во мрак вbчний внийдох имы.

Егда бо праг преступих, отсюду и сюду

На мечы мя подъяша. Моих же оттуду

всbх воев воспятиша; един со двоимы

Всуе брахся, весь лютb на мечах носимий,

яко медвbдь, ему же в перси ловец силний

Рожен вонзет, мещется всуе и бездbлний

гнbв ярит, и елико борется крbпчае,

Толико в онь желbзо входит глубочае;

сице аз, бbдний, брахся, послbди же тамо

Падох и, валяяся сbмо и овамо

в кровb моей, сугубим путем пустих душу.

Жеривол

Не могу се слишати, но отмстити мушу!

О бозы, помозbте! Аще мои пbсны

Сил ни сут и могут что, да пройдут в безвbстны

мbста, в дебри, в пещеры, в рbкы, в бездны, в гробы,

В глубокия великой матеры утробы.

Подвигну мертвих, адских, воздушних и водних

Соберу духов, к тому звbрей многородных

созову купно, прийдут змии страховидни,

Гади, смоки, полозы, скорпии, ехидны;

совлеку солнце з неба, помрачу свbтила,

День в нощ претворю: явb будет моя сила.

ДbЙСТВИЕ 2

ЯВЛЕНИЕ ПЕРВОЕ

Курояд жрец

Слышbте празнична рога!

День прийде Перуна бога,

День шумний, бурний, ужасний,

празник громний, велегласний.

Слышbте, рустии люди!

Домы, орудия, труды,

Торгы, купля оставbте,

спbшно на празник идbте!

Воли, кравы избирайте,

толстии жертвы давайте!

Он есть бог молниелучний,

любит мяса зbло тучиы.

Слышbте празнична рога!

День прийде Перуна бога,

День шумний, бурний, ужасний,

празник громний, велегласний.

ЯВЛЕНИЕ ВТОРОЕ

Пиар с Куроядом

Пиар

Курояде, престани, престани, престани!

Курояд

Что тако, о Пиаре?

Пиар

Всуе нынb страни

Оглашаеш, не будет, не будет днес жрома

жертва; не движи людей.

Курояд

Невbже! Ест грома

Праздник.

Пиар

Честний Жеривол не готов есть.

Курояд

Како

Жеривол не готов ест?

Пиар

Не готов есть всяко.

Курояд

Ко чему ест не готов?

Пиар

Не готов ест жерти.

Курояд

Дадbте мы, о бозы, да аз тако терти

Возмогу куры моя, яко он всецbло

трет волы безмbрния! И на сие дbло

Что ест нужно, молю тя, повbжд.

Пиар

Нbст удобна

времени, яко вижу.

Курояд

Рbч се неподобна.

Жерти ему нbсть время? Прелщаешся, друже,

и вbруешь; аз же ни, но чаю, что уже

Он бы хотbл, дабы был праздник непрестанний.

Дивну вещ реку: видbх, когда напитанний

Многимы он жертвамы лежаше во хладb,

а чрево его бяше превеликой кладb

Подобное; обаче в ситости толикой

знамение бb глада и алчбы великой:

Скрежеташе зубамы, на мнозb без мbри

движи уста и гортань. И достойно вbри

Слово твое, Пиаре: "время не имbет".

И во снb жрет Жеривол.

Пиар

Се не разумbет

Любимий мой Курояд Пиарева слова!

Рbх "не имать времени", видя не готова

Его быти.

Курояд

Мню, зубов не изостри или

не испраздни стомаха.

Пиар

Ругаешся; ни ли

Во грbх не вмbняеши дерзок смbх творити

с мужа толь велебнаго! Что ж имbет быти,

Увbси потом.

Курояд

Почто праздника не творит?

Пиар

Нинb сие довлbет.

Курояд

То он нас поморит

Гладом.

Пиар

Нужда терпbти.

Курояд

Но молю тя, кая

нужда се необична?

Пиар

Аз, дрова збbрая

На жертву, ходя нынb сквозb лbс пустинний,

и се бbжаше скорий, простовлас, безчинний

Жеривол и, от земли вихром подносимий,

не позна мя при пути, но неудержимий

Бbг творя, пущаше вопль в дебры необичний,

от всbх же стран пустины страшны и различни

Отповbдаху гласи, и свисти, и кихти.

Курояд

Скорб нbкую имbет.

Пиар

Сего ради рbх ти,

Яко нbсть готов жерти.

Курояд

Убо потерпbмо,

что се будет. Но се он, се он бbжит сbмо!

ЯВЛЕНИЕ ТРЕТОЕ

Жеривол, Курояд, Пиар

Жеривол

Скорб велия! Лютb мнb! Скорб, братие, зbлна!

Курояд

Что ти есть, Жериволе? Престани! Бездbлна

Толикая печаль есть. Аще и что злое

случится ти, сотворше совbт, можем тое

Исправити и в добрий случай премbнити.

Пиар

Скажи, да совbтуем.

Жеривол

Ничтоже совbти

Успbют, аще самы не потщатся бозы.

Не вbсте ли, о друзы, яко зbло мнозы

Супостати на богов и на нас восташа?

Воводят христов закон.

Пиар

Убо, честност ваша,

Призови силу богов: твоих оны пbний

слухати навикоша, ниже повелbний

Преступают.

Жеривол

Нынb бbх в дебрех непроходных

и созвах безчисленних, лютих, страхородних

Сонм духов неизчетний. Егда же познаша

нужду мою, скоро вси равним совbщаша

Гласом, яко не требb вести всего полка.

"Мы, - рекше, - увидbхом от слов Ярополка,

Яко князь ваш Владимир, иже скорб толику

наводит, страст имbет зbлну и велику

Ко похоти тbлесной и ко мирской власти.

Того ради цариков, иже тbмы страсти

Владbют, звати треба. Трие сут: бbс мира,

бbс плоти, бbс противства божия. Тbм вbра,

Нам неблагоприятна, колbблется всюди.

Но тии где-сь странствуют. Убо наши труди

Будут в том, да поищем и пришлем их скоро".

Се рекше, полетbша поспbшно и споро.

Тих на помощ аз чаю.

Курояд

Лютb! Что се странно?

Жеривол

Что ти ест, Курояде?

Курояд

Бозы нечаянно

Вострепеташа.

Пиар

Нbсть то, развb примрак нbкий

и мечтание ти быст.

Курояд

О позор великий!

Смотри ж сам.

Жеривол

Знамение сие ест ужасно!

Пиар

Зови сих, Жериволе! Трубы велегласно!

Пbснь Жеривола

Аде, на помощ востани,

спbшно двигни твоя брани,

двигни сили, двигни власти,

твоя имать честь упасти.

Вbтре пернатий, воскорb

преносяй корабль по морb,

помощнон нам адскон силb

подажд воскорие крилb.

Летbте, дуси, летbте

нам на помощ, не медлbте!

Изострbте гнbва жало:

люто время нам настало.

ЯВЛЕНИЕ ЧЕТВЕРТОЕ

Бbс мира, Жеривол

Бbс мира

Что се тако нужное и кая потреба

тако скорой помощи, Жериволе?

Жеривол

С неба

О господие мои, послаша вас бозы.

Не вbсте ли, в Киевb что творится? Мнозы

Лжемудрцы, лжепророки, хулники восташа:

пасти имать закон ваш, пасти вbра наша.

Бbс мира

Кто такых злых навbтов вина?

Жеривол

Князь велможний.

Бbс мира

Не бойтеся, дерзайте! Ни ли он, безбожний,

Приймет моих совbтов, аз отмщу сторично.

Обаче не мню тако: князю ли прилично,

Да свою распятому и нищему вию

Христу приклонит? Лютb! Аз недоумbю

Объяти се мислию, ниже помисл умний

может сие сказати. И аще безумний

Сотворить тако, аще от греков прелстится,

вbсте ли вы, кому он в сем уподобится?

Константину оному, иже риболова

Петра, всbх худbйшаго, и с ним неистова

Шатерей дbлателя Павла, во снb пьяний

узрbв, тако восприять совbт их поганий,

Акы бы был болярский, и себе в неславу

толикую воверже, яко злату главу

Не усрамися старцу Силвестру худому

преклонити смиренно. Вси царскаго дому

Возсмbяшася тогда; мы же наединb

на мнозb плакахомся и даже донинb

Плачем, толику его погибель помняще.

О Христе! Аще прелстиш и сего и аще

Поймеши Владимира, буди (яко лживий

твердит о тебb народ), буди бог правдивий!

Аз же да не буду цар, да не буду честний,

да не буду всесилний. Калугеров лестний

Вожд, о мой Жериволе, язик да устроит

и да много глаголет; мнb же недостоит

Словом прелщати, дbлом хощу показати,

что могу.

Жеривол

Равно тебb благодарствовати

Не можем ми, о царю! Твоя будет слава,

аще твоя сих лестцов побbдить держава.

Бbс хули

Не менш о сем потщуся и аз, Мире златий!

Зрbте же, аще любит истинну распятий.

Яко сам злодbй бяше (не бо средb двою

злодbю распят бы был), тако со собою

И полки злодbйския вести зbло любит.

Кому се нbсть извbстно? Сам он гласно трубит

В своем евангелии. "Не прийдох призвати

праведников, - глаголет, - но грbшних взискати".

Тожде дbлом являет. Донелb державний

Владимир имя имbл доброе и славний

Мужеством бb, и Христу он мняшеся быти

непотребен. Но егда сродную пролити

Дерзну кров и княжеский сан сотвори мерзкий, -

сотвори себе Христу любима, да дерзкий

Будет оттол разбойник: убо богов сила

ненавидит всячески толь сквернаго дbла.

Но недолго грbх ходит волний и безказний,

во слbд злодbяния пойдет неприязний

Гнbв мой: вложу в мисл ему христоненавистны

помисли, на язик же наведу безвbстны

Хули. Мняшеся тебb, о тектонов сыну,

яко Владимир будет равен Константину, -

Будет противу тебе Иулиян вторий.

ЯВЛЕНИЕ ПЯТОЕ

Бbс тbла и Жеривол

Бbс тbла

Простbте, аще мало закосних; аз скорий

Всегда на сицевую помощ, днес ея же

ищеши, Жериволе!

Жеривол

Ни, о любви княже,

Не на мя пущай стрbли: вbм, яко твоего

лука язви сладки сут, но тbла моего

Вси уди, вси утробы твоих ран сут полны.

Язви князя нашего.

Бbс тbла

Но он весь ест болний

От стрbл моих: триста стрbл, ядом напоенних,

внурих ему во сердце, триста жен сочтенных

Бbсится любовию.

Жеривол

Но вся отринути

хощет уже.

Бbс тbла

Кто тако жестокий и лютий

Любов ему отъемлет?

Жеривол

Един, убо вbси,

един безчеловbчний всесладкия бbси

Христос от душ изгонит и всbм ест противний,

Бbс тbла

Не скорбbть. Покажу вам образ зbло дивний

Християнской чистоты. Яко к вам позванний,

не скор прийдох; не вbсте, чим бых удержанний.

В далекой странb, Христа держащей уставы,

двое суть княжения особной державы.

Двоим ихь князем любов ко единой дbвb

влиях в сердце; недолго убо в тайном гнbвb

Прибыша со собою, скоро, ярость звbрну

откривше, лютудо брань и силу безмbрну

Двигнуша и единой жени ради тако

кров людей безчисленных проливают, яко

Троянская иногда брань долго лияше,

когда греком Елена похищенна бяше.

Тако мя побbждают християне!

Жеривол

Убо

со Владимиром тебb братися сугубо

Удобнbйша брань будет: понеже бо зbло,

яко повbтствуеши, едной жени тbло

Двох мужей побbждает; колмы паче триста

связати единаго могут и от мbста

Двигнутися не дадут, аще приложиши

о том попечения.

Бbс тbла

Всуе тя трудиши,

Жериволе! Наша в том печаль, наши труды.

Ты отселb, молим тя, безпечален буди.

Жеривол

Братия, радуймося: еще не у может

Христос торжествовати, ни ему поможет

Многорbчие жерцов его.

Пиар

Нам прилично

еще пред побbдою пbти краснолично.

Курояд

Прилично воистинну.

Жеривол

Устройтеся спbшно,

спbшно до скакания, аз же вам утbшно

Явлю зде знамение: понеже имамы

сладкие пbти пbсни, бозы же со намы

Будут скакати, токмо первие им мушу

пришептати и дати коемуждо душу.

Идолы со жерцамы, поющимы пbснь, скачут.

ДbЙСТВИЕ 3

ЯВЛЕНИЕ ПЕРВОЕ

Владимир, Борис, Глbб

Владимир

Борисе, чадо мое!

Борис

Что, отче, велиши?

Владимир

Видbл еси от греков посла? Что ты мниши

О его вbщании?

Борис

Закон свой прияти

совbтует, но требb болbе слышати

О том, да вся извbстна будут.

Глbб

Аще волно

что мнится мнb сказати, о отче?

Владимир

Доволно

Глаголи, чадо Глbбе!

Глbб

Аз отнюд не знаю

в чем стоит закон христов; обаче не чаю,

Даби не любве ради посла сицеваго

послал царь вызантийский. Аще бо бы злаго

Был он ухищрения, з лукавим навbтом,

не то би своим тебb представлял совbтом,

Что самим им свято ест, велико и честно.

Но егда что сам любит, то давать не лестно

Мнится дарование. К тому кой зде быти

может подзор лукавства? Егда бо смbсити

Кров их с намы хощеши, чаю, видят ясно,

яко мир им даеши, ниже что ужасно

Или враждебно от нас себb ожидают.

Врагы не сим образом кровь свою смbшают.

Убо молю, не спbшно и не без отвbта

отслеши философа, но, его совbта

Не возгнушався, вели ему, да подробну

закон христов изъяснит и вbры удобну

Покажет вbру свою.

Владимир

Аки би едино

сердце имамы, Глbбе! Аз ничтоже ино

Помишляю; прочее вbруйте ми, чада:

мнозы к нам прихождаху з Вызантии града

Царскии посланницы, обаче еднако

имbх сердце, ниже что внутр имкх. Инако

От сего сотворися: едва бо он слово

прорече ми и Христа помяну, что-с ново

Не вbм и дивну в сердцы ощутих измbну

и, что всbх ест дивнbе, аки не едину

Рbчь слышах, двоих нbких устен слово бяше.

Философ убо, стоя, своя глаголаше.

В мисли же моей нbкто тайним си языком

(отселb, мню, не слишан быст он человbком)

Повbсть философову крbпкимы извbти

утверждаше. Моя же утроба горbти

Мняшеся, и страх нbкий пронзе мя; оттолb

не вbм, како ко моей прилbпися волb

Имя християнское, нашы же мнb мертвы

бозие мнятся быти и мерзки их жертвы.

ЯВЛЕНИЕ ВТОРОЕ

Вbстник, Владимир, Жеривол

Вbстник

Жеривол входа просить, княже!

Владимир

Невозбранно.

Повbмы ему о сем слово нечаянно.

Жеривол

Именем богов наших многих лbт желаю,

княже, державb твоей.

Владимир

Что новаго чаю

Слишати, Жериволе?

Жеривол

Велможний владико!

Желал би лучшую вbсть носити. Велико

И страшно знамение бозы нам дадоша:

зbло разболbшася.

Владимир

Но не у помроша?

Жеривол

Не буди то, господи!

Владимир

Се убо не тако

страшно, яко рекл еси.