Тік ішек рагын химиотерапиямен емдеу жолдары 7 страница

2. Сәуле әдісі де радикалды емге жатады, оның нәтижесі операциядан кем емес. Науқастардың  5 жылдық  өмір сүруі 40-60,0%ға жетеді. Алыс қашықтықтан  беретін сәуле емі, операция жасауға болмайтын науқастарға, немесе операцияға келісімін бермегендерге қолданылады. Стандарттық доза: ісікке 2 Гр күніге, жалпы сәуле мөлшері 65-70 Гр, ал  жамбасқа 44-45 Гр беріледі. Көбінесе ол екі деңгейде, әуелі  40 Гр беріліп, науқас  3 аптадай дем алады, содан кейін қалған дозалар (30-35 Гр) беріледі.

3. Брахитерапия  - ұлпа не тін ішінен сәулелендіру, онкологиялық орталықтарда, арнайы аспаптар мен қондырғылардың көмегімен жүргізіледі.

Оны қолдану көрсеткіштері:

· ісік түйіні Т1-Т2а, Gleason индексі-2-6, без антигені қанда <10нг/мл болса, онда жеке ем ретінде қолданады,

· сыртқы сәуле емінен кейінде ол қолданады,

· Т2б,Т2с, немесе Т1 деңгейде болса,

· Gleason индексі 8-10

· без антигені қанда, 20нг/мл-ден жоғары болғанда.

Оған қарсы көрсеткіштері:

· науқастың емнен кейінгі өмір сүру мерзімі (5жылдан кем) және ол  

· күдікті болса,

· ТУР операциясынан кейін ұзақ уақытқа созылатын, бітпейтін ойық жара болса,

· операция өте қауіпті келсе.

Шартты түрде брахитерапияны қолдануға болмайтын жағдайлар:

· қуық асты без көлемі үлкен болса (>60см³),

· бездің ортаңғы жері үлкейіп, артық шығып тұрса,

· ұрық көпіршіктері қосымша ісікпен зақымданса.

Брахитерапия кезінде безден тыс 1-2см қашықтықта орналасақан тіндер де сәулеге түседі (ата безі).

Сәуле орташа есеппен 8,5 Гр шоқтары мүшеге түседі, оның ауытқуы ±10,0% болады. Оны тиімді қолданған кезде де, сәуле шоқтары 30,0% жан-жақа тарайды.

5. Емсіз тек белсенді бақылау. Ісік қарт адамдарда жиі кездесетіндіктен және оларды бұл жаста бірнеше қосарланған созылмалы  аурулары (жүрек-тамыр, бауыр, бүйрек т.б.) болғандықтан және де  кәрі адамдарда рак өте баяу өсіп, бөгелме ісік аз беретіндіктен оларды тек бақылау қажет болады. Сонымен динамикалық дәрігерлік бақылау, ісіктердің клеткасы жоғары деңгейде пісіп-жетілген кездерде және ісік  көлемі Т_1а –Т_1с –ден аспаған кездерде, оған қоса ісікке қарсы қолданатын әдістерді ағзаның ерекшеліктеріне байланысты қолдануға болмаған жағдайларда пайдаланады.

Қазір көптеген балама әдістерге: криоаблация, гипертермия, лазерлі ем, жоғары тербеліс шығаратын ультрадыбыс т.б. жатады.

Асқынған қуық асты без рагын емдеу

Қуық асты без рагының асқынған кездеріне: Т_3-4 N₀M₀ немесе Т_1-4N₁M₀ жатады. Ем сәуледен басталады - ісік жатқан жерге 70 Гр, оның ішінде безге және жамбасқа 44-50 Гр беріледі. Аймақтық лимфа бездеріне, оларды бөгелме ісік  болмаса да, сәуле шоқтары беріледі (рN₀ ).

Әлсіреген науқасқа, үстіңгі шекара жамбас пен -құймышақтың ортасына дейін түсіріледі. 60 Гр алған соң, аралық арқылы безге қосымша тікелей сәуле шоқтары түсіріледі. Гормонды тәсілмен қосарлана берілсе, онда емдік нәтиже жақсарады.

Адьювантты сәуле емі аурулардың ІІІ өсу дәрежесінде, без антигенінің мөлшері төмен болса (>0,5нг/мл ден сәл асса), Gleason индексі >4 және ұрық көпіршіктері ісікпен қосымша зақымданса, операциядан кейін қолданып, без аймағына 60 Гр сәуле беріледі.

Жамбас қуысына паллиативті мақсатпен сәуле беру

Бұл тәсіл ауруы асқынған адамдарға, ісікті емдеуге ешқандай мүмкіншілік жоқ кездерде де және ағзада үнемі дизурия, ауырсыну  сезімі тұрақты қалыптасса, сәуле алдыңғы, артқы алаңға түсіріледі. Берілетін сәуле мөлшері: 30 Гр (екі апта ішінде әр бергенде 10 Гр).

Радикалды емнен кейін ауруларды бақылау

Жалпы ереже бойынша жүргізіледі.  Радикалды емнен кейін без антигені 0,2нг/мл-ден асса, онда рактың қайта қозуына қауіп төнеді. Науқас  сүйектерінің аурсынуына  шағымданса және без антигені >20нг/мл-ден асып кетсе, онда компьютерлік томография, немесе магнитті-резонансты томография, не  остеосцинографияның жасалынуы қажет.

  Асқынған қуық асты без рагын гормондармен емдеу

Бұл ем пішуден (кастрация) басталады, оны орхэктомия дейді.  Қазір агонист LHRH-гормондар-золодекс, диферелин дәрі-дәрмек арқылы да кастрация жасауға болады. Дәрілерді енгізгеннен кейін ағзада тестостерон гормоны тым көбейіп кетеді, сондықтан оны болдырмау үшін андрогендерге қарсы дәрілерді 7-10 күндей алдын-ала береді.

Антиандрогендерге қарсы дәрілер екі түрлі болады:

· стероидты (ципротеронацетат),

· стероидты емес (флутамид).

Бұл  дәрілердің көмегі арқасында эстрогендерден болатын асқынулар анағұрлым төмендейді.

Орхэктомиядан кейін андрогендерге қарсы дәрілердің қосарланып қолдануы алғашқы 6-айдың ішінде өте нәтижелі болады, содан соң антиандрогендерді беруді тоқтатуға болады. Ципротеронацетат 300мг-нан аптасына бір рет беріледі, егер ол жалғыз өзі ғана қолданса. Ал егер кастрациямен қосарланса, онда 300мг-нан 2 аптада бір рет салынады. Флутамид 250мг бір түймедақтан күніне 3 рет (егер жалғыз ем болса) немесе 1 түймедақтан күніне 2 рет (егер ол кастрациядан кейін берілсе). Егер без антигені қанда өссе, онда антиандрогендер қайтадан беріледі. Ал енді ем үстіне без антигені өсіп жатса, немесе ауырсыну  сезімі күшейсе, онда ісік гормондық емге сезімтал емес деп саналады.

Гормон әдісінен кейін ауруларды бақылау

1. емдік нәтижелер 3-6 ай өткенде, тік ішек арқылы тексеріп, қаннан без антигенін анықтайды,

2. болжамға және ісіктің  белгілеріне, емнің түрлеріне сәйкес, бақылау ережесі әр адамда әртүрлі болады,

3. егер бөгелме ісік жоқ болса (М₀), онда тік ішек арқылы тексеріледі және анамнезге қарайды, сөйтіп без антигенінің көлемін қадағалайды. Бұл 6 ай сайын жүріп отырады.

4. егер ауруда асқыну болмаса, немесе емнен кейін еш нәтиже тіркелмесе онда әр ауруға өзінше жеке бақылау әдістері қалыптасады,

5. егер ісік бір қалыпта тұрса, онда арнайы тексерістер (УДЗ, КТ, РКТ, рентген) жүргізілмейді.

Гормонға сезімі жоқ қуық асты без рагын емдеу

Көбінесе қуық асты без рагы андрогендерге тәуелді келеді, соларға байланысты болады. Кейіннен осы сезімталдық біртіндеп жоғалады.

Олардың  15,0% жуығы гормонға сезімі жоқ келеді. Мұндай жағдайда стандартты ем әдістері қолданылмайды, тек аурудың өмір сүру сапасын жақсарту- негізгі мақсат болып саналады.

Емнің пайдасын, не зияндылығын үш жағдай  білдіреді:

· аурудың хал-ахуалының  жақсаруы,

· ауырсыну сезімінің  төмендеуі,

· без антиген мөлшерінің  кемуі.

Мұндай нәтижелер ауруға екінші деңгейдегі гормондарды беру арқылы орындалады. Фосфэстролды тамыр арқылы 1-3 күндері 300 мг-нан, 4-7 күндері-600мг-нан, 8-21 күндері 900-мг-нан, 22-24 күндері 600мг-нан, 24-28 күндері-300 мг-нан беріледі.

Сонымен бірге  неше түрлі үлгідегі ісікке қарсы дәрілер қолданады:

· паклитаксел 135мг/м² –І күн+эстрацит 250мг күніне 2 реттен (1-6 күндері),

· доксорубицин 50мг/ м² +цисплатин 50мг/ м² І күн,

· митоксантрон 12 мг/м² –І күн+ үнемі преднизолон 5мг-нан күніне 2 рет.

·  Әр курстың ара-қашықтығы 4 апта 

Емдік нәтижелер, болжам

Емсіз қуық асты без рагы бір жылдың ішінде өлімге әкеледі. Бұл ережеге жатпайтын ауруларға кәрі адамдар және ісігі қатерсіз жүретіндер.  Бұлар бірнеше жыл ішінде өздерін жақсы тұтады. Гормонды әдіс ауруды түгелімен жазып жібермейді, бірақ 20-60,0% ауруларды 3 жылға дейін өмірін ұзартады.

Еңбекке жарамдылық әр адамда әр түрлі, ол ісіктің өсу сатысына, аурудың жалпы хал-ахуалына және кәсіптік мамандығына  байланысты болады.. Сүйектерінде бөгелме ісік  болмаған аурулар біраз уақытқа дейін гормон әдісімен емделіп, біраз жыл  жасайды (гормонға сезімталдығы жоғалғанға шейін). Кастрациядан кейін және І-курс гормон тәсілінен соң ауруға ІІІ-топтық мүгедектік тағайындайды, ал бөгелме ісік болып және гормонға сезімталдығы жоқ кездерде ІІ топтық мүгедектік беріледі. І-топты басқа адамдардың көмегі қажет болғанда, немесе үнемі ауырсыну сезімі қалыптасса, немесе зәр жыланкөзі болса беріледі.

Дәріс қорытындысы:

1. Қуық асты без рагы науқастың жасына сыбайлас өте құбылмалы ауру қатарына жатады.

2. Қуық асты без рагы гормонға (тестостерон) байланысты және оған тәуелді.

3. Қуық асты без рагы көбінесе 60-тан асқан ер азаматтарда жиі кездеседі.

4. Тестостерон – гормон, ол аталық бездің Лейдиг деген клеткасы арқылы өндіріледі.

5. Гормонның реттелуі лютейн гормонына тікелей байланысты.

6. Лютейннің өзі мидың үлкен қыртысынан шығатын лютейн-релизинг гормонға байланысты.

7. Жер шары бойынша қуық асты без рагының аурушаңдық көрсеткіші 21,2%ooo болса, оның өлім-жітім көрсеткіші  7,9%ooo тең.

8. Қазақстанда қуық асты без рагының орташа аурушаңдық көрсеткіші 4,0%ooo, ал оның таралуы біркелкі емес.

9. Республикада қуық асты без рагының ең жоғарғы аурушаңдығы Батыс Қазақстан (6,0%ooo), Павлодар (6,1%ooo),  Шығыс Қазақстан (6,9%ooo), Қостанай (7,7%ooo)  облыстары мен  Алматы (6,5%ooo) қаласында тіркелген.

10. Бұл рактың ең сирек кездесетін жері Қызылорда (1,2%ooo), Маңғыстау (1,3%ooo), Оңтүстік Қазақстан (1,4%ooo)  Жамбыл (1,6%ooo), Атырау (1,7%ooo) және Ақтөбе (1,6%ooo) облыстарында анықталған.

11. Бұл айырмашылық осы көрсетілген облыстардағы этностық топтардың үлесіне байланыстылығы, және де жергілікті қазақтардың үлесі басым облыстарда қуық асты без рагының, басқа облыстарға қарағанда, өте сирек кездесетіндігі мәлім болып отыр.

12. Бұл мүше ағзадағы  гормондармен күрделі жолмен реттелінетін ішкі секретті без болғандықтан, сол гормондардың қатынасына байланысты өзгерістерден пайда болатындығы даусыз.

13. Қазір қуық асты бездегі рактың пайда болу мен даму механизмін былай түсіндіреді: жайылмалы қауіпті ісік клеткасы, қалыпты без клеткасында гормондардың әсерінен мутация арқылы ДНК мен РНК-сы өзгеріп, гендері бөлектенген жаңа клетка пайда болады.

14. Қуық асты без рагы 70,0% жағдайда оның  шет жағынан, 10-15,0% - ортасынан, ал қалған 15,0% тіндердің ауыспалы жерлерінен өнеді.

15. Ауруға жиі ұшырайтын жас 50-ден асқандар.

16. Макроскопиялық тұрғыда -  рак түйіні өте қатты, қырнаған кезде дыбыс шығаратын ісік, ақшыл-сарғыштау түсті, көбінесе, кішкене жүзім сияқты, ал ең үлкені 5-7 см-ге шейін жетеді.

17. Қуық асты без рагының гистологиялықтүрлері -безді,ауыспалы-клеткалы,жайылма клеткалы,пісіп жетілмеген болып бөлінеді.

18. Клиникалық белгілері - зәр аз-аздан жиі-жиі шығып, тамшылап ағып, ауырсыну сезімнің болуы, зәрмен қан кетуі.

19. Қуық асты без рагына күдік туғанда, саусақпен тік ішек арқылы қуық асты без көлемін анықтау, қуық асты без антигенін қаннан байқау, ультрадыбыс арқылы зерттеп, соның көмегі арқылы биопсия жасау.

20. Бездің барлық көлемінің 75,0%-ын шет жақ бөлігі  алып жатады, онда 8,0% - рак орналасады.

21. Бездің орталығы – 20,0% көлемін құрайды, мұнда 5,0% жағдайда рак табылады.

22. Зәр жүретін жер бездің 5,0% тең, мұнда 20,0% жағдайда рак пайда болады.

23. Еркектер арасында ҚАБА тәсілінің нәтижесінде дені сау адамдардан 5,7% қуық асты без рагы анықтауға болады.

24. Солардың ішінде 77,7% аурулардан қуық асты без рагының алғашқы сатысы анықталады.

25. Өз бетінше емханаға келіп, ҚАБА әдісі қолданылмаған  адамдардан анықталған рак  22,0%-ға тең болған.

26. Сонымен скрининг тәсілімен анықталған  адамдарға 48,8% жағдайда, ал скринингсіз өткізілген кезде -тек  25,0% ауруларға радикальды ем жасауға болады.

27. Осы мәліметке сүйене отырып, 50-70 жас арасындағы ер азаматтарға ҚАБА әдісін жүргізу өте құнды және тиімді.

28. ҚАБА нәтижесі 4 нг/мл-ден жоғары болса, онда міндетті түрде адамдарға тік ішек арқылы көру немесе УДЗ жүргізілуі керек.

29. Қуық асты без рагын басқа аурулардан - созылмалы қабыну (простатит), аденома, саркома, бездегі тастан ажырату керек.

30. Мүшені тұтас сылу - радикалды простатоэктомия, рактың  І-ІІ өсу сатысында қолданылады.

31. Сәуле әдісіде радикалды емге жатады, оның нәтижесі операциядан кем емес. Науқастардың  5 жылдық  өмір сүруі 40-60,0%ға жетеді.

32. Брахитерапия - ұлпа не тін ішінен сәулелендіру арқылы жүргізіледі.

33. Радикалды емнен кейін ауруларды бақылаужалпы ереже бойынша жүргізіледі.  

34. Радикалды емнен кейін без антигені 0,2нг/мл-ден асса, онда рактың қайта қозуына қауіп төнеді.

35. Науқас  сүйектерінің ауырсынуына  шағымданса және без антигені >20нг/мл-ден астып кетсе, онда компьютерлік томография, немесе магнитті-резонансты томография, не  остеосцинографияның жасалынуы қажет.

36. Гормонды әдіс 20-60,0% ауруларды 3 жылға дейін өмірін ұзартады.

37. Кастрациядан кейін және І-курс гормон тәсілінен соң ауруға ІІІ-топтық мүгедектік тағайындайды.

38.  Бөгелме ісік болып және гормонға сезімталдығы жоқ кездерде ІІ топтық мүгедектік беріледі.

39. І-топ басқа адамдардың көмегі қажет болғанда, немесе үнемі ауырсыну сезімі қалыптасса, немесе зәр жыланкөзі болса беріледі.

 

№ 27- дәріс.

Атабез рагы

Кіріспе. Атабез рагының ерекшелігі оның қара нәсіл адамдарда өте сирек кездесетіндігі, морфологиялық түрлері сан алуан болатындығы және химиосәуле әдістеріне тым сезімтал келетіндігінде. Ісіктің  нақты неден болатындаға әлі осы күнге шейін белгісіз. Таралуы көбінесе лимфа жүйесі арқылы жүреді.

Атабездің клиникалық анатомиясы және функциясы

Атабез сопақ тәріздес немесе жұмыртқаға ұқсайтын, жұп мүше. Ол ен қабында орналасады. Ұзындығы-4,0см, ені-3см, салмағы 15-25мг. Ен қабында қалыпты жағдайда оның төбесі жоғарыда, төменгі жағымен төмен қарап тұрады. Артында ұрық жүретін өзек және ұрықтың  қосалқы мүшелері бар. Атабездің  айналасы тінді және дәнекер қабықпен қоршалған, ол ақ түсті келеді. Негізгі ұлпасы бөліктерден тұрады, оларда ұрық түтікшелері тор құрайды. Тордан 12-15 ұрық жүретін жолдар шығып, аталық бездің  артында орналасқан қосалқы ұрық мүшелерінің басына бағытталады. Тор түтікшелерінен ұрық сұйығы (сперма) бөлінеді, оған ұрық жолында қуық асты безден ұрық (сперматозоид) қосылады, сөйтіп жыныстық қатынас кезінде, ол қынапқа түседі.

Атабез рагының  эпидемиологиясы

Жер шарында, орташа есеппен аталық бездің аурушаңдық көрсеткіші  1,6%ooo ауру адамға тец келед. Ең жоғарғы аурушаңдық көрсеткіші  Данияда (10,4%ooo), Чехия мен Словакияда (7,0%ooo), Германияда (8,9%ooo), Норвегияда (8,8%ooo)тіркелген ал, оның  ең төменгі жиілігі - Азия, Африка елдерінде, Конгода (%ooo), Танзанияда (0,05%ooo), Вьетнамда (0,66%ooo), Қытайда (0,39%ooo), Мысырда (0,23%ooo) анықталған.  ТМД елдерінің ішінде аталық бездің аурушаңдық көрсеткіші  Украинада (7,1%ooo), Ресейде (6,4%ooo), Грузияда (5,1%ooo), Беларуссияда (4,1%ooo), Молдова, Қырғызстан, Латвия, Түрікменстан; Арменияда (2,0-2,7%ooo)жоғары болса, Қазақстан ортаңғы деңгейді (2,1%₀₀₀) қамтиді. Соның ішінде ең төменгі көрсеткіші бар жерлерге - Эстония (1,2%ooo), Тәжікстан (1,4%ooo), Өзбекстан (1,6%ooo) жатады.

Атабез рагының  пайда болу себептері

Атабез рагының   неден пайда болатындығы әлі белгісіз. Бірақ аурулардың анамнезін, клиникалық ағымдарды, белгілерді, тәжірибелік, морфологиялық, биохимиялық зерттеу жұмыстарының нәтижелерін ескергенде бірнеше себептердің әсерлерін байқатты.

Соларға жататындар:

1. Генетикалық себептер. Ақ нәсілді адамдар қара нәсілдерге қарағанда 8-10 есе жиі ауырады. Скандинавия елдерінде, аталық без рагының аурушаңдық көрсеткіші (8%ooo),   Африка - Американдықтарға қарағанда (0,8%ooo) 10 есе жиі тіркеледі. Әкесінде аталық без рагы болса, онда оның балаларында 2-4 есе қауіп төнеді, ал ағалары мен інілерінде бұдан да жоғары-8-10 есе қауіп- қатер, басқаларға қарағанда кездеседі.

2. Крипторхизм (атабездің ен қабында болмауы) болса, онда  аталық бездің қатерлі ісікке айналуы  5 есе өседі.  Оны 10 жасқа дейін емдеп, өз орына келтірсе (түсірсе), онда қауіп-қатер төмендейді. Екі жақты крипторхизм, аталық без рагын  10 есе жиілендіріп жібереді.

3. Жарақаттану - 25% аталық без рагымен аурған  науқастардың анамнезінде көрсетіледі.

4. Анатомиялық ақаулықтар (қосымша бүйрек, зәр ағардың екіге бөлінуі, шап жарығы, варикоцеле) аталық без рагының пайда болуына  2-3 есе қолайлы жағдай туғызады.

5. Ағзадағы және қоршаған ортадағы эстроген гормондарының көбейуі өте қауіпту. Бүйрек, зәр шығару мүшелерінің іштен біткен ақаулықтары, аталық бездің  ракка ұшырау мүмкіншіліктерін жоғарлатады. Ал ағзадағы эстроген деңгейінің артуы, сперманың құндылығын төмендетіп,  ол несеп -жыныс мүшелерінде әртүрлі аурулар туғызады, соның ішінде аталық без рагында.

Сонымен, салауатты өмір салтын бұзбау, экологиялық дағдарысқа ұшырамау және урологиялық ауруларды мезгілінде емдеу, аталық без рагынан сақтану жолдарының бірі  болып саналады.

Атабез рагының  патанатомиясы

Аталық ұрық рагы ұрық клеткаларынан (97%), немесе ұрық клеткасы емес тіндерден (3%) пайда болады. Ұрық клеткасынан пайда болған қатерлі ісіктерді семинома дейді. Семинома әуелі  рак in situ кезінде  байқалады. Ол семиномада 80,0%, ал семинома емес ісіктерде (100%) кездеседі. Семиноманың қатерлі жүретін түрлері бар, оларға тератокарцинома мен хорионкарцинома жатады. Барлық ісіктердің ішінде семинома 50,0% жағдайда кездесіп, оның. бөгелме ісіктері  лимфа жүйесі арқылы, жамбас және іш перденің артындағы лимфа бездерін зақымдайды.

Аймақтық лимфа бездеріне жататындар паракавалды және параорталды (қолқа айналасы) лимфа бездері. Егер шаппен, ен қабы айналасында операция болса, онда шап бездері де аймақтық болып саналады. Жақын аймақтық лимфа бездерін жамбас қуысындағы, кеуде қуысындағы және бұғана үсті лимфа бездері қалыптастырады.

Атабез рагының  жіктелуі

Гистологиялық түрлеріне сәйкес ұрық клеткасынан  пайда болған герминогенді ісіктер (семинома) мына топтарға бөлінеді:

І. Таза герминогенді ісіктер:

А. ісік алды өзгерістер (рак in situ),

Б. тек бір түсті келетін ісіктер:

1. семинома,

2. спермалық семинома,

3. эмбрионалды рак,

4. ұрық қабынан шыққан ісік,

5. полиэмбриома,

6. хорионэпителиома,

7. тератома:

а) пісіп-жетілген түрі

         б) дермоидты киста

              в) пісіп, жетілмеген түрі

              г) қатерлі ісікке ауысқан түрі

ІІ. Бірнеше түрлі ісіктер

А) біркелкі келетін ісіктер:

1. Лейдигома,

2. Сертолиома,

3. Түйіршік клеткалы,

· аралас түрлі келетін,

· теком/тінді топтары

· шала пісіп жетілгендер,

· жіктелуге жатпайтындар.

ІІІ. Ұрық жасушасы және сіңір жасушасы аралас келетін түрлер

1. Гонадобластома,

2. Басқалары.

Атабез рагының  TNM жүйесі бойынша жіктелуі

Бұл жіктеу  бойынша атабез рагының   өсу сатысы операцияға дейін қойылады, міндетті түрде гистологиялық қортынды керек.

Т- алғашқы ісік көлемі.

Т_х – орхфуникулэктомия орындалмаса,

Т_is – ұрық түтікшелеріндегі ісік in citu.

Т₁ – ісік. тек ұрық безімен оның қосалқы мүшелерінен тыс шықпаған, қан, лимфа тамырлары әлі жарақаттанбаған,

Т₂ – ісік, ұрық безімен оның қосалқы мүшелерін және қан- лимфа тамырларын жарақаттанған кез;

Т₃ –ісік, ұрық өзегіне тараған,

Т₄- ісік. ұрық безінің сыртқы ақ қабатына жеткен,

N- аймақтық лимфа бездері.  

N_х - аймақтық лимфа бездері анықталма,

N₀ - аймақтық лимфа бездері зақымдалмаған,

N₁- аймақтық лимфа бездері 2см-ден кем,

N₂- аймақтық лимфа бездері 2-ден 5,0 см-ге дейін,

N₃- аймақтық лимфа бездерінің көлемі 5,0 см-ден артық.

М- алыстағы метастаздар.

М_х- алыстағы метастаздары анықталсаған,

М₀- алыста бөгелме ісігі  жоқ,

М₁ - диафрагмадан жоғары (кеуде қуысы, бұғана үсті) жерде бөгелме ісігі  лимфа бездерінде бар,

М_1б- бөгелме ісігі  бауырда, сүйекте, мида орналасқан.

Гистопатологиялық категориялары бойынша  ісік таңбалары

S_x- ісік, таңбалары жоқ;

S₀ - ісік, таңбалары қалыпты деңгейде,

S₁- ЛДГ<1,5х, қалыпты деңгейдің жоғарғы шекарасы: хорионгонадропин <5000Ед/мл, альфафетопротеин <1000нг/мл,

S₂ - ЛДГ1, 5-10х,  қалыпты деңгейдің жоғарғы шекарасы:

хорионгонадропин - 5 000-5 000Ед/мл, альфафетопротеин - 1000-1000нг/мл.

S₃- ЛДГ > 10х, қалыпты деңгейдің жоғарғы шекарасы: