Тік ішек рагын химиотерапиямен емдеу жолдары 4 страница

Олар:

· егде жастағы адамда, тері кенеттен сарғайып,  үдесе,

· сарғайудың  алдында салмағының  түсуі,

· ауырсыну  сезімінің  болуы,

· өт қабының  ұлғайуы,

· сарғайу кезінде, іште ауырсыну сезімінің  үдеуі.

Денесінде сарғайу белгісі болмаған кезде:

· іштің төс асты жағы қатты ауырсынып, немесе асқазанында ауырсыну сезімі  жоқ болса да, салмақ жоғалтуы,

· қант диабеті бар және іштің төс асты жағы қатты ауырсынып арықтауы,

· диабетті емдеу нәтижесіз болып, ол үдей түссе.

Физикальды тексерулерді, көруден бастайды және дене сарғайуына аса көңіл бөледі; ұйқы безінің бас бөлігі зақымдаса, онда сарғайу үдей түседі, ал егер жалпы өт жолдары бітелсе, онда терінің  сарғайуы жасыл түсті болады.

Сипау кезінде, іш қуыс  мүшелердегі өзгерістерді анықтау кезінде,  бауырға, көк бауырға, ұйқы безіне, асқазанға, өт қабына т.б. көңіл бөлінеді.

Сол кезде:

· ұйқы безі қалыпты жағдайда анықталынбайды, тек ісік көлемі үлкейгенде ғана ол сипауға келеді,

· бауыр қабырға доғасынан 2-4 см төменгі жерде анықталынады, оның шеті дөңгеленген, қатты басқанда аздап ауырады, бауыр беті –тегіс,ал бөгелме ісік болса, онда адыр-бұдырлы болады,

· өт қабының ұлғайуы қолға анық сезіліп, Курвуазье белгісі оң болады,

· көк бауыр көбінде ұлғаймайды, бірақ тромбоз болғанда, немесе ісік көк қан  тамырларын қысса, онда көкбауыр ұлғайып,. өңештегі кеңейген көк қантамырларынан қан кетуі ықтимал,

· іш қуысы мен іш перде  артындағы лимфа бездеріндегі бөгелме ісіктер сипау кезде білінбейді және шеткі - мойын, қолтық, бұғана асты, үстіндегі  лимфа бездерінде бөгелме ісіктер болмайды.

Лабораториялық зерттеу кезінде, өте құнды  нәтижелері анықтауға болады.

Олар::

· қанда лейкоцитоз, тромбоцитоз және ЖТЖ жоғарлайды, бірақ, қан азайуы сирек кездеседі,

· зәр сыра түстес болып, онда билирубин көбейіп кетеді, бірақ уробилин болмайды. Диастаз ферменті өзгереді - өседі, қанттың мөлшері ұлғаяды, егер ісік денесі мен құйрығында орналасса,

· нәжіс өте көп болады және ол ағарып, қан қалдықтарын ұстап, стеатория мен креатория көріністері қалыптасады. Балшық сияқты майланған нәжіс стеркобилиннің жоқтығынан болады

· қанды биохимиялық тексеруде, гипергликемия және липазаның өскенін көрсетеді. Сарғайу кезінде, бауыр қызметі нашарлап, холестерин, жалпы және тура билирубин, сілтілі фосфатаза, трансфераза, фруктозофосфатальдолаза, лактатдегидрогенеза ұлғайып, белок, протромбин сандары кемиді

· радиоиммунологиялық зерттеуде,  карбогидрат антиген СА-19-9-ның 80% ауруларда өскенін көрсетеді. Ісігі жоқ адамдарда және басқа ішкі мүшелердегі ауруларда бұл көрсеткіш теріс болады. Әдіс өте сезімтал, әрі дәл көрсетеді. Болжам жасауға мүмкіншілік туады және ісіктің қайталанғанын білдіреді

Ұйқы без рагын басқа аурулардан ажырата алу керек.

· Гемолитикалық сарғайу жас адамда жиі кездеседі және әлсіздік, тері қышыну, арықтау болмайды, теріде, зәрде, нәжісте өзгеріс жоқ. Қанда қан азайу болып, тура билирубин мөлшері жоғарлап, ферменттерде өзгеріс болмайды

· Паренхиматозды гепатиттебас пен тамақ және буын аурулары болады. Дененің сарғайуы тез арада білініп, тез кетіп қалады, ал  өт қабы ұлғаймайды.

Қандағы биохимиялық өзгерістер паренхиматозды гепатитте және ракта әртүрлі келеді (№1- кесте), сондықтан олардың ацырмашылығын анықтау керек.

 

№1- кесте. Қандағы биохимиялық өзгерістер

Биохимиялық көрсеткіштер	Сарғайудың  себептері
	өт жолдары  бітелгенде	паренхиматозды гепатитте
Билирубин	+ +	+
Тура билирубин	+ +	+
Холестерин	+ +	төмен, немесе  қд
Фруктозофосфатальдолаза Алат, Асат	+, немесе қд	+ +
Сілтелі фосфатаза	+ +	қд
Амилаза	+	қд
Липопротеидтер	+ +	қд
Шартты белгілер: + - аздап көтеріңкі, + + - көп көтеріңкі, қд-  қалыпты деңгей

· өт жолдарының бітелуінде, сілтелі фосфатаза, билирубин мөлшері, холестерин, липопротеидтер саны жоғарлайды. Альдолаза, АлАт, АсАт белсенділігі төмендейді. Өт жолдарының бітелуі тасты холециститте, Фатеров емізігінің рагында, немесе бауырдан тыс өт жолдарының ісік ауруларында болады,

· тасты холециститте жедел ауырсыну сезімі болып, ол жауырынға, қолға беріледі, осыдан кейін барып сарғайу басталады. Арықтау, әлсіздік болмайды. Қабырға асты қатты ауырып, іштің бұлшық еттері қатаяды, Щеткин-Блюмберг белгісі оң болады. Курвуазье белгісі теріс болып,  дене қызуы 38⁰С, лейкоцитоз сол жаққа жылжиды; холестерин өзгермейді,

· Фатеров емізігінің рагы, дененің  с арғайуы мен салмағының төмендеуімен, дене қызуымен, қабырға астының ауырсынуымен және тері қышынуымен анықталады. Сарғайу біресе күшейіп, біресе бәсеңдепі баяу өрбиді. Курвуазве белгісі теріс. Дуоденоскопия кезінде  биопсия алынып, диагнозды дәлелдейді. Дуоденографиялық, ультрадыбыстық және компьютерлік томографиялық  тексерулердің пайдасы зор,

· өт жолдарындағы рак, ерлерде және 50 жастан асқандарда өте сирек кездеседі, Дененің сарғайуы тұрақты түрде көрінеді, бірақ ол біресе күшейіп, біресе төмендейді. Тері қышынады, дене салмағы азайып,, қызуы көтеріледі. Кері холгиопанкреатография, холангиография, компьютерлік томография, ультрадыбыстық тексерулер диагнозды дәлелдейді.

Сарғайуы көрінбей, іштің жоғары жағында ауырсыну сезімі болса және дене салмағы түссе, әр уақытта ұйқы безінің денесіндегі, немесе оның құйрығындағы  ракка күдік бар деп есептеп, науқастың асқазанын  рентгенмен, немесе эндоскопиямен текесру жасау қажет. Осылармен қатар ультрадыбыстық тексеру және компьютерлік томография керек.

Кейде, кездейсоқ жағдайда іштің жоғарғы бөлігінен ісік түйінін табуға болады, ол ұйқы безінің жылауығы болуы мүмкін, немесе асқазаннан, тоқ ішектің көлденең бөлігінен және іш перденің артынан шыққан ісік болуы мүмкін Рак және гормонға белсенді қатерлі ісіктерде де, бұл белгі анықталады. Ұйқы без рагының  табиғатын және оның орналасқан жерін дәл анықтауда  кешенді диагностикалық тексерулер (рентген, эндоскопия, ультрадыбыстық және компьютерлік зерттеулер) қолданылады.

Сонымен ұйқы безінің рағын анықтау үшін арнайы тексерулер жүргізіледі.

Олар:

· УДЗ,

· компьютерлік томография,

· дуоденография,

· фибродуоденоскопия,

· кері холангиопанкреатография,

· ангиография,

· сцингография,

· ісік антигенін анықтау,

· асқазан мен ішектерді рентгенгенмен тексеру,

· бауырды сканирлеу (изотоппен көру),

Ультрадыбыстық тексеріс – клиникалық ең арзан тәсілдің бірі. Ісіктің 1,5-2 см-дей көлемдегісін  анықтауға болады. Жылауықтан, өт жолындағы тастардан және сарғайудың патогенездік механизмдерін дәл көрсетуге көмектеседі. Тіпті ультрадыбысты қадағалау жолымен ұйқы безіне пункция жасалынады. Бұл емханалық жағдайда орындалады.

Компьютерлік томография – ұйқы безінің 1,5см-дей ісіктерін анықтайды. Ол тегіс емес көлеңкемен көрінеді, оның тығыздығы мүшенің тығыздығынан асып түседі. Ісіктің жылауықтан айырмашылығын және бөгелме ісіктің бар-жоғын анықтайды.

«Қуыс қысымын бақылаумен босаңсыту» әдісі мен дуоденографияны қоса жүргізу құнды тәсіл. Ауыз арқылы барий тұзын беріп, асқазанды рентгенге түсіргенде, ол ұлтабардан өтеді, бірақ кейінгідегі бұлшық еттердің жиырылуы көріністерді бұлыңғыр жасайды, оны айқындату мақсатымен адамға бұлшық ет арқылы 0,1% -2,0мл метацил, 0,1%-1,0мл атропин және  10%-4-5мл хлорлы кальций ертінділерін көк қан тамыр арқылы  енгізіп, немесе аэрон деген түймедақты береді. Бұл дәрілер ұлтабарды босаңсытады, сөйтіп оның рентген көрінісін жақсартады. 15 минут өткен соң жоғарыда көрсетілген дәрілерден кейін ұлтабарға түтік (зонд) кіргізіп, контрасты зат жіберіледі, осы әдістің көмегімен ұлтабар қабырғаларын, оның көлемін дәл анықтауға мүмкіншілік туады.

Түтіксіз дуоденография жасауға да болады, ол үшін асқазанды рентгенге түсіреді, содан кейін ауруға 2 аэрон түймедағын береді, ол ұлтабардағы қуыс қысымын төмендетеді, 30-60 минут өткен соң барий тұзымен ұлтабарды зерттейді. Ұйқы безінің басындағы ракта ісік ұлтабардың сыртынан қысым жасап, оның қабырғасын қисайтады, немесе ұлтабар «тағасын» кеңейтеді.

Дуоденоскопия кезінде, ұлтабар қуысын көзбен қадағалап, ондағы ісіктің бар жоғын, ішек қабырғасының қысылғанын дәл анықтайды. Зерттеу соңында күдікті жерден биопсия алынады

Эндоскопиялық кері холангиопанкреатография, дуоденоскопия кезінде жасалынады, атап айқанда Фатеров емізігіне катетер енгізіп, 5 минуттай ұйқы без сөлін шығарады, содан кейін контрасты зат береді. Рентгенограммада ісік жатқан жерде без өзегі үзіледі, қисаяды. Зерттеу соңында шығынды алып, оны цитологияға жібереді. Әдіс - өте құнды, оның нәтижесі 85-100%-дай оң болады. Бұл тәсілмен өзектегі ісік, қабыну ауруы кезіндегі өзгерістерден оңай ажыратылады.

Целиангиографияалдыңғы тәсілге қарағанда техника жөнінен күрделірек. Ол сан артериясына тері арқылы пункция жасап, оған катетер енгізеді; оны іш артериясына дейін жеткізеді. Катетер арқылы контрасты зат жіберіліп, рентгенге түсіріледі. Әдіс ісіктің өсу дәрежесін анықтауға көмектеседі.

Сцинтиграфия  жасау мақсатында, селен-75 изотопы бар метионин қолданады. Ол ұйқы безінде жиналатын изотоп. Тәсіл арқылы 3,0 см-ден жоғары ісіктерді анықтауға мүмкіншілік туады, бірақ ісікті жылауықтан ажыратуға болмайды. Тағы бір кемістігі қолданған радиокативті изотоп ұзақ уақытқа шейін бөлінбей, қоршаған ортаны зақымдайды.

Ұйқы без рагының  е мдеу әдістері

Ұйқы без рагында радикальды емге резекция жатады, ол мүшенің бас жағындағы ісікте панкреатодулденальды резекция жасап, ұлтабар және ұйқы безінің басы алынады, Ісік оның  денесінде, не құйрық бөлігінде  орналасса, онда дистальды резекция орындалады. Сәуле, химия әдістері операцияға қосымша ем болып саналады.

Ұйқы безінің денесі мен құйрық бөлігі рагында, көкбауыр қосымша сылынады. Панкретодуоденальды резекцияда асқазанның шыға берісі ұлтабармен қосымша кесіліп, алынады. Анастомоз - мүшелерді бір біріне жалғау - кезінде, әуелі  жалпы өт жолымен ащы ішекті (І), ащы ішекпен асқазанды (ІІ), ащы ішек пен ұйқы безін (ІІІ) және ащы ішектер бір-бірімен жалғасады (ІV). Операция тым күрделі, оны хал-ахуалы мықты жас адамдар зорға дегенде көтереді, сондықтан көп жағдайда радикальды бұл операция жасалынбайды. Тек паллиативті операция қолданады. Оның негізгі мәні – сарғайуды жойуға бағыталған, бұл кезде  холецистоеюноанастомоз (өт қабын ащы ішекпен жалғау) және операция үстінде ұлтабар ісікпен қысылған болса, онда асқазанға ащы ішекті (гастроэнтероанастомоз) жалғайды.

Кейінгі кездерде ұйқы без денесіндегі ракта, немесе ол құйрық бөлігінде  орналасса және асқынса, онда криодеструкция әдісі қолданады. Бірақ ісік клеткаларының барлығын түгел жойа алмайды және паллитивты әсер көпке созылмайды.

Сәуле мен  химиотерапия бірігіп, паллиативты әсер беру мақсатында ісік асқынғанда қолданады. Сәуле мөлшері 60 Гр болып, химиопрепараттан гемзар – 40-50 гр пайдаланады. Қатты ауырсыну  сезімі, осы тәсілден кейін сәл де болса бәсеңсиді.

Химиялық дәрілер(гемзар) жеке дара әдіс ретінде де қолдануға болады, ал бұрын осы мақсатта 5-фторурацилді  қалданған.

Химио-сәуле әдістері операция алдында, неоадьювантты, одан кейін де адьювантты тәсілмен  пайдаланады.

Гормонды әдіс – тамоксифен  арқылы жүргізіледі (20 мг тәулігіне), ол аурулардың өмір сүру мерзімін, әжептеуір ұзартады.

Емдеу нәтижелеріқазіргі таңда өте нашар. Тек,радикальды емнен кейін 5-жылдан астам өмір сүргендердің үлесі 5-7%-дан аспайды, ал сәуле-химиотерапия алғандар 4-9 айға шейін өмірі ұзарады. Емсіз сарғайуы бар  ауру адамдар 1,5-2 ай ішінде бауыр-бүйрек жеткіліксіздігінен өмірден озып отырады. Паллиативты операциялар аурудың хал-ахуалын сәл жеңілдеткенімен оларда 2-3 айдан кейін қайтыс болады.

Дәріс қорытындысы:

1. Ұйқы без іш перденің артында, 1-3 бел омыртқасының алдында, денесі омыртқалардың алдында, құйыршығы  көк бауырға жақын, көлденең орналасқан.

2. Ресейде де, Қазақстанда да ұйқы без рагы 10-орынды алады; Қазақстанда 2006ж. ол ерлер арасында 3,5-6% (11орын), әйелдерде 3,1%- (12орын) болды. Өндірісі дамыған елдерде оның жиілігі ақырындап өссе, Қазақстанда ол 2000 жылмен салыстырғанда сол қалпында. Ресейде еркектер әйелдерге қарағанда 2 есе жиі жарақаттанса, Қазақстанда айырмашылық жоқ сияқты. Жас ұлғайған сайын дерттің жиілігі де өседі.

3. Ісікті қоздыратын себептерге темекі тарту, қант диабеті, созылмалы панкреатит, өт қабының жоқтығы, немесе оның аурулары, майлы тағамның артық мөлшерде түсуі жатады.

4. Ұйқы без рагында онкоген (К-гас) және суперссорлы гендердің (Р-53, Р-16) өзгерістері байқалады (мутация).

5. Дертке өте жиі ұйқы безінің басы, содан кейін-денесі, ал одан кейін- құйрығы және түгел мүше жарақаттанады.

6. Ұйқы без рагында клиникалық көріністердің негізінде бітелу, қысылу және уыттану қалыптасады. Негізгі белгілер: ауырсыну сезімі және сарғыштану, салмақ жоғалту. Мүшенің басы жарақаттанса, онда негізгі белгілерге ауырсыну сезімі және сарғыштану сезіледі; мүше денесі жарақаттанса, онда қатты ауырсыну сезімі және салмақ жоғалту болады.

7. Диагностикалық тексерістерге ультрадыбыстық, компьютерлік томография, дуоденография, фибродуоденография+ кері холангиопанкреатография жатады. Қосымша тәсілге ангиография, сцинтиграфия, ісік антигенін (СА-19-9) анықтау қосылады.

8. Ұйқы без рагының радикалды емі тек операция болып саналады: панкреатодуоденалды (ұйқы безін және ұлтабарды) резекция, егер дерт бездің басында орналасса; онда дисталды резекция, егер дерт бездің ортасында және құйрығында жатса, онда жай резекция жасалынады

9. Сәуле емі паллиативті мақсатта қолданады

10. Химиотерапия 5-фторурацилмен немесе митомицин-С мен жүргізіледі; гемцитабин шипалы келеді. Дәрілерді қабаттастырып қолданады.

11. Емдердің шипалылығы өте төмен: 5-7% аурулар радикалды емнен кейін 5 жыл өмір сүреді. Сәуле, химиотерапия және паллиативті- өт жолдарын қалпына келтіретін - операциялардың көмегі 4-9 айдан аспайды.

№23- дәріс

Жүмсақ тіндердің саркомасы

Кіріспе. Жұмсақ тіндердегі саркома деп бірнеше қатерлі ісіктерді айтады; олар аяқ-қол және кеудедегі жұмсақ тіндерден шығады; гистологиялық құрылысы және орналасқан жерлеріне қарамастан бұл қатерлі ісіктерді біріктіріп қарайды. Бұларға кеуде қуысымен іш перденің  артында орналасқан ісіктер кірмейді.

Жұмсақ тін саркомасы жалпы сирек кездеседі; клиникалық белгілері аз болады және операциядан кейін қайтадан қозу мүмкіншіліктері өте жоғары келеді. Анықтау үшін ультрадыбыстық тексерулер, компьютерлік және магнитті-резонансты томография, цитологиялық және гистологиялық тәсілдер қолданады.

Жүмсақ тіндердің саркомасының е ң негізгі емі – хирургиялық әдіс. Сүйектердегі саркома сияқты химиотерапия әдісі қазір кең қолдана басталды, осының нәтижесінде аяқ-қол ампутациялары сирек пайдаланатын болды. Осындай кешенді ем нәтижесінде ісіктің қайтадан қозуы кеміді және емнің шипалық қасиеті едәуір жоғарлады.

Жұмсақ тіндердің к линикалық анатомиясы

 «Жұмсақ тіндер»- деп шырышты қабат клеткаларынан  тыс жатқан ұлпаны айтады. Бұған ретикуло-эндотелий жүйесі және ішкі мүшелерді бекітетін, қозғалтпайтын дәнекер тіндері жатпайды.

Аяқ-қол және кеудедегі жұмсақ тіндерге, тері асты май қабаты, бұлшық етті жауып тұрған сіңірлі  қабық (фасция), сіңір талшықтары, бұлшық ет ішіндегі дәнекер мен жүйке талшықтары, синовиальды (буын қабы) ұлпа, бұлшық ет, жүйкелердің сыртқы қабығы жатады.

Бұлшық еттің, сіңірдің және тағы басқа жұмсақ тіндердің жарақаттанғаннан кейін жазылуы ұзаққа созылады, баяу жүреді. Бұлар рак туғызғыш заттардың зиянды әрекеттеріне сирек үшырайды. Міне, осыларға байланысты осы ұлпаларда (тіндерде) қатерлі ісіктер аз болады.

Жұмсақ тін саркомасының э пидемиологиясы

Шет елдерде жұмсақ тіндер саркомасының аурушаңдық көрсеткіші 1,1%ооо-ден 3,5%ооо-ке шейінгі аралықта кездеседі. 2002ж Ресейде ерлерде де, және әйелдерде де, жұмсақ тіндер саркомасының аурушаңдық көрсеткіші 2,1%ооо болды. Ал Қазақстанда 2007ж бұл көрсеткіш 1,1%ооо құрады: ерлер арасында 1,1%ооо әйелдерде – 1,0%ооо. Барлық қатерлі ісіктердің ішінде жұмсақ тіндер саркомасының меншікті үлесі бойыншв Республикада 21- орында тұр, ер адамда 17-, ал әйелдер арасында 18- орынды алады.

Жас пен жыныс топтары жөнінен, жұмсақ тіндер саркомасының меншікті үлесі бойыншв айырмашылық білінбейді. Көпшілік аурулар- 60 жастан асқандарда, ал әрбір  бесінші аурудың жасы 40-тан төменгілерде және де олардың  12-13% 30 жастан асқан топтарда кездеседі. 15 жасқа дейінгі балаларда барлық қатерлі ісіктердің 4,0%-ы осы ауруды құрайды, ал жалпы  қатерлі ісіктердің 1%-ын жұмсақ тіндер саркомасы қалыптастырады. Сонымен, жастарды жұмсақ тін саркомасы едәуір жиі зақымдайды.

Ауруды қоздыратынсебептер әлі осы күнге шейін нақты белгісіз. Тәжірибеде  жұмсақ тіндер саркомасы жарақат алған адамдар арасында жиі ұшрайтыны белгілі.  Бірақ саркоманың тікелей жарақаттан  кейін пайда болатындығы дәлелденген емес.

Сонымен жарақаттану деген себеп тікелей ауруға әкелмегенімен, пайда болған ісікті одан әрі үдететіні анық.

Радиоактивты сәуле көздерінің де қатысы шамалы; ал алдын ала кездесетін ісік алды аурулар бұл аурулардв  жоқ десе де болады; себебі саркомаға еш уақытта ісік алды өзгерістер тіркелмеген.

Жұмсақ тін саркомасының патанатомиясы

Жұмсақ тін саркомасы к ез келген жерде кездесңп, оның 50% аяқта (санда) байқалады, 20-25% кездерде қолдарда болады, ал қалған (25%) жағдайларда кеуде және  баста орналасады.

Сырт көрінісінеқарағанда ісік дөңгелектеу келеді; түсі ақшылдау, немесе сұр-сарғыштау болады, оның беті тегіс, немесе тегіс емес, бірақ өніп-өскеннен кейін ісік айналасындағы сау тіндерді, ұлпаларды сығады, қысады, сөйтіп соның арқасында «жалған қабық» орналасады; бұл ісіктің шекарасын айқындай түседі.

Гистологиялық құрылысы бойынша, саркоманың жалпы 39 түрі бар, осыған қарағанда оның гистологиялық құрылысы да сан алуан. Бірақ жиі кездесетін түрі – тінді (фиброзды) гистиоцитома, ал сирек байқалатыны липо-мио- синовиальды саркомалар. Бұдан да, сире кездесетіні ангио және лимфангиосаркомалар, бірақ өкінішке орай бұлар өте қауіпті, Ісік клеткаларының пісіп, жетілуіне сәйкес саркомаларды төменгі, орта және жоғарғы дәрежедегі қауіпті ісіктер деп бөледі. Жоғары дәрежедегі ісіктердің жартысынан көбінде емнен кейін ісік  қайтадан қозады.

Жоғарыда аталғандардан басқа да, ерекше түрлерікездеседі. Бұлар қатерлі, қатерсіз ісіктердің ортасын (шекарасын) алып жатыр. Оларға жалпы қасиет мыналар:

· жергілікті жерде жайылмалы өсуі,

· ісіктің  қайтадан жиі қозуы,

· бөгелме ісіктің болмауы,

Жоғарыда аталғандардан басқа да, ерекше түрлеріне жататындар:

·    іштің жұмсақ тіндерінен шыққан, десмоидты ісіктер,

·   бұлшық еттен, немесе ұрық тіндерінен пайда болған ісіктер,

·   жетілген фибросаркомалар.

Саркомалар көбінесе тереңде жатқан бұлшық еттерден өніп, өседі; сөйтіп беткейлеу көрінеді. Ісік көбінесе жалғыз түйінді болады, бірақ бірден көп түйінді болуы да мүмкін (липосаркомалар, невриномалар, Реклингаузен ауруында). Осы қасиетіне сәйкес жұмсақ тіндегі саркомалар радикальды хирургиялық емнен кейін де, өте жиі қайта қозып отырады. Бөгелме ісік  беру тек қан тамырлары арқылы жүреді (ангиосаркомалар және синовиальды саркомалар). Бөгелме ісіктердің жиі  орналасатын жері - өкпе, одан кейін бауыр, сүйектер. Лимфа бездеріндегі бөгелме ісіктер  8-10%-дай болады.

Кез келген жарақат, физиотерпиялық іс-әрекет саркоманы тездетеді, үдетеді.

Жұмсақ тін саркомасының TNM жүйесі бойынша жіктелуі

TNM жүйесі бойыншажіктелуде, жұмсақ тін ісік түйінінің көлемі, оның айналасына өсіп-таралуы және бөгелме ісік  бар, жоғы есептеледі.

Т₁   - ісік, көлемі 5 см-ге дейін,

Т₂ - ісік, 5 см-ден асқаны,

N - лимфа бездерінің зақымдануы және олардың саны, орналасуы,

  М₁ - алыста бөгелме ісік  бар, онда ісік  4-өсу сатысына жатады.

Жұмсақ тін саркомасының клиникалық белгілерікөп емес. Тек, бірақ белгі - ауырмайтын ісік түйіні, оның пішіні шар тәрізді, сопақтау  келеді. Кейде, бұл белгі жұмсақ тіннің домбығып ісінуімен білінеді. Ісік түйінініңкөлемі 2-3 см-ден, 20-25 см-ге дейін барады (орташа есеппен 8-12см). Егер «жалған қабы» болса, онда шекарасы, теп-тегіс болады, ал  жайылмалы өскенде, түйіннің аумағын табу қиынға соғады.Жұмсақ тін саркомасының тығыздығы ісік түріне байланысты саналуан болуы мүмкін, липо, ангиосаркомада  жұмсақтау, ал  фибросаркомада қаттылау келеді. Түйіннің үстіндегі терісі өзгермейді, бірақ бұл жерде жергілікті қызу деңгейі жоғарылау болады. Ісік тез өссе, онда тері астындағы  қантамырлары білеуленіп, кеңейіп, сұрланып, ағарып, жұқарады, содан кейін жараланады. Оның қозғалысытік бағытта шектеліп тұрады, бұл ең негізгі белгі болып саналады. Ісік қол мен аяқта орналасса, оларды майыстырып, қимылдатуды тежейді. Бірақ, аяқ-қолдың қызыметі көпке дейін бұзылмай сақталып тұрады.