(Против Христофора Филялета).
Филялет1
(отрывок)
Поступуючи далей водлуг тогож там спису, еще тамже на карте десятой поведают, же до митрополита посылали, не хотечы вже с ним ни яких намов чынити, яко с таким, который вже до Рымлян приве-зан, и выповедаючи ему и владыкам товарышом его послушенство; которых то послов их якобы митрополит с оуками, не давши ни якого отказу кгрунтовного, отправити мел.
* Памятники полемической литературы в Западной Руси. Кн. 3. (Русская историческая библиотека. Т. 19). СПб, 1903. С. 533-537. Текст оригинальный, шрифт современный.Обработка А.А. Козела.
Раздел III
Ответ.
О, Боже Вседержателю, разсуди прю нашу! Обачте, милые хрести-яне, хто тут винен? Не видевшися з митрополитом, ани з владыками, не выслухавши речи, без права, без позву, без судьи власного, без отпору стороны, заочне людям свецким, з апосталами духовными, с чу-жиземцами и зрадцами господарскими, з геретиками и непрыятельми церкви светое католическое. Смети судити, з урядов, от Пана Бога Самого даных, складати станы духовные, зверхности своей неподлеглые, прывлащати собе духовную и кролевскую зверхность, и на повесть голую послов своих (и то геретиков), уверывшы, то, што не было, писа-ти!! Послухайтеж, для Бога, и вы, штосте (тые плетки) писали, и вы, што чытати будете, яко ся тая реч точыла. Уйму ли, приложу ли што над самую правду, нех мя Бог заразит!
|
|
Так то власне было:
Прислала сторона противная с каменици послов своих до митрополита, а меновите Никифора Тура, архимандрита Печерскаго, (выво-ланца и давно пред тым выклятого,) а з ним килька особ шляхетских, геретиков и Арриянов явных, которых шануючи не вспоминаю. Тые, нашедшы митрополита в дворе церковном владыки Володымерского, при церкви соборной, з ыными владыками очекиваючых на их ми-лост панов сенаторов послов его королевское милости, и пришедши подали митрополитови картелеш написаный, безименный и не ведат от кого посланый. На котором картелюшу напервей ганят тому собо-рови Берестейскому, не прызнаваючы его за власный собор, а потом нижей выповедают митрополитови и владыкам послушеньство, оз-наймуючи им (прытом), же их вже з урядов их поскидали. А то ся деяло в четверг второго дня соборового, коли ся еще их милост пано-ве сенаторове послове его королевское милости до Берестя сезждчали, и ничого ся еще не зачало было справовати, але на их милость панов послов его королевское милости очскивано. Митрополит, видечы кар-телюш безименный, без печатей, без подписов, не ведать який и от кого (посланый), пытал посланцов оных: од кого бы с тою цедулою пришли, и хто их послал, абы именем когож кольвек меновали? Посланцове оные не хотели никого меновати, только згола поведели, ижъ есмо од тых послани, которые в месте в каменицы сынод свой (особливый) одправуют. А то вымовившы, хотели картелюш оный до себе назад взяти. А митрополит им не хотел его дати. Прышло до того 212
|
|
Философская мысль Беларуси периода Речи Посполитой
по спорах сполных, же тот картелюш (тут же на столе) переписовати почали. И в том их милость Панове сенаторове послове его королевское милости на двор. Которых скоро Тур арьхимандрит обачыл (вси ся теж были против их милости панов сенаторов (потыкати) рушыли), порвавши Тур оный картелюш на столе, утек з двора с картелюшом, — и потуль его было видать! Однож другие посланцове геретикове были позостали. Их милость Панове сенаторове, прывитавшися з духовенством, пыталися: што бы ся туть деяло? Которым кгды митрополит о той цедуле поведил, их милость домавлялися у оных посланцов позо-сталых того картелюша, абы его яко послом его королевское милости (которым теж належытъ о том ведати) показали. Они поведели. Же его не мают, але Тур з ним отышол. Пытали потом их (милость): од кого бы с таковым посельством были послани? И того поведети не хотели, А затем их милость Панове сенаторове поведели оным посланцом, же ся то против зверхности кго королевское милости деет, бо не митрополитови, ани владыкам тая взгарда деется, же им послушенство вы-поведають (хтож кольвек такий есть, (што то чинит?!), але самому его королевское милости в особах их, кгдыж митрополит и владыкове не сами з себе тое преложенство в церкви Божой мают, але од Пана Бога (напрод), а потом од его королевское милости пана своего зверхного; а чого им хто дати не мог, того у них брати не может.
Прысмотрисяж тут, брате хрестияньский, и тому пильне! Еще ся было опроч самого толко набоженства и вступу до сыноду, ничеого намавляти не зачало, и Панове послове его королевское милости (только з возов зсели и) першый то раз прышли были до двора, хотечы вперед намавляти о порядку и о покою (сынодовом, и) яко мели засе-дати в церкви, — а сторона противная вже декрета чынит! первей судят, а ниж ся сходят! первей карают, аниж жалобы и отпору слухають!
Тамже их милость Панове сенаторове, намовившися з митрополитом и владыками, покой, местце и час назначивши, обволати дали, яко ся о том вышей поведело <...>
Раздел III