Тут псалтирь рифмотворная 33 страница

1. Егда бо речеши: Отче нашъ, Иже еси на небесех, и при том глаголании мысль свою возведи на небо, пред Самого Бога, и внутреннима своима очима зри Его, во славе на херувимех седящаго. И то себе ведайте: егда кто из вас изречет сие слово "Отче наш", то уже учинился еси сын Ему, то уже тщися во весь свой живот послушен Ему быть, дабы, за преслушание, сыновства Божия не лишитися и в сыновство диаволу не вдатися.

2. Егда же речеши: Да святится имя Твое, и при том глаголе в мысли своей держи, дабы имя Его Божие везде, во всяких делех святилося.

"Разумейте жь, православнии, како имя Божие святити, понеже оно свято и трисвято есть. И се вам сказую тако имя Божие святити. Идеже узрите на иконе, над воображением Его Господним, или над крестным начертанием, надписано пресвятое Его имя, то ты, за надписание святаго Божия имяне, то изоображение или начертание святи и достолепный поклон отдаждь ему, дабы имя Его Божие святилося не единым токмо словом, но и явным исполнением дела; понеже имя Божие свято есть, а по имяни Его - и образ и начертание свято есть. Святый апостол брат Господень Иаков сказует, яко вера без дел мертва есть (Иаков. глав. 2, стих. 17); тако и святость имяни Божия мертва имать быти, аще, видя Его Божие имя на иконе надписано, а поклона достолепнаго не отдадим ему. По апостолову бо словеси, не едиными токмо словесами, но и делами святити имя Божие подобает. И не токмо едины иконы и изображение креста святити, но аще каковая и вещь Богу наречена, то уже и вещь та свята суть, и не подобает уже никому ю усвоити, понеже та вещь наречена суть Богу и уже она свята есть. Некогда бо царь Давыд собрал от иноплеменников меди, сребра и злата многое число и освяти е Богу (2 Цар. глав. 8, стих 11). Како же освятил? Точию, еже назначил е отдать в церковное строение. Подобне и в законе древнем написано, яко всяк, разверзаяй ложесна, свят Богу наречется (2 Моис., глав. 13, стих 2); то есть, - отдать его в дар Богу.

"Видите ли, православнии, яко иже отлучент Богу, тт уже свято есть. И по сему яве есть, яко архиереи и иереи святи суть, понеже они отлучены суть Богу, и имя на себе носят Божие, и служат Богу, и того ради и от мирские власти отличены суть. И ради имяне Божия аще кто будет почитати, яко словом, тако и делом, и ни чим их озлобляти и обидети не будет, то тот человек явно будет имя Божие святити не едиными словами, но и самым делом. И Исус сирахов (Сирах. глава 7, стих 33), еще и прежде новыя благодати, иереев повелел прославлять [а аще кто их не будет почитати, тот и имяне Божия не святит]. Такожде и причетников церковных годствует почитати и честь им не гнусную отдавати. Подобне и иноков требе почитати, понеже и тии Богу отлучени суть. И за таковое имяне святаго Божия любление, и самого того возлюбит Бог и пред ангелы Своими святыми прославит его (Лук., глава 12, стих 8), и тоя славы уже во веки веков не отъимет от него. Такожде, кое село, или деревня, или и пустая земля, аще отдана будет архиерею, или иерею, или к церкви, или в монастырь, - и к таковой земле, и ко крестьянам, и ко всяким их служебникам, отнюдь не подобает мирянину прикасатися и какою либо теснотою их теснити, или к себе что от них присвоити. Но яко огня, тако, страха ради Божия, годствует их боятися, наипаче жь, ради самые любве Божия, везде их крестьян и всяких служебников, и не токмо их самех, но и скотину их охраняти; такожде и имения их к своему имению не присовокупляти, и крестьян их никаким вымыслом не присваивати, но во всем их охраняти, паче своих, дабы ни малая обида их не коснулася. И аще кто тако будет творити, то той человек не словом токмо, но и самым явным делом будет имя Божие святити.

"И аще снидешися с неверным, или с неимоверним, иже Божиим чудесем не верит, или власть Его Божию, или силу Его будет кто снижати, то всякому православному христианину подобает всею своею силою святость и силу Божию изьявити. Моисей бо, аще и верен раб Богу был, обаче, егда в пустыни, у воды преревания, имяне Божия пред сыны Израилевыми не посвятил, и аще и верен Богу был, обаче Бог, за непосвящение имяне Его, прогневался и рек ему: не внидеши ты во обетованную землю, за еже у воды пререкания имяне Моего не посвятил еси (4 Моис. глава 20, стих 12). Видите ли, православнии, каков велик и близок в Богу Моисей был, а и на того, за непосвящение Своего Божия имяне299, разгневался Бог и ве допустил ему внити во обетованную землю: то чте нам будет, аще мы не будем имяне Его святаго святити, яко же выше изьявих вам? Всех бо, не святивших имяне Его, не допустит Бог300 внити во обетовбнное нам вечное царство. А аще же, по вышереченному словеси, будет кто имя Его Божие святити, то того введет Господь Бог во обетованную нам землю, то есть, во царство небесное, на вечное веселие, а не на времянцое; но будем во веки веков веселитися.

3. Егда жь речеши: Да приидет царствие Твое, и при сем глаголании подобает, мысль свою вперив к Богу да небо, и молити Его от всего своего усердия, дабы Он един царствовал тобою и, за недостоинство, не изринул бы тебя из Своего Божия царствования, но всегда б быть под Его властию, а не под диаволею.

4. Егда жь дуйдет твой глагол, еже рещи: Да будет воля Твоя, яко на небеси, и на земли, и при том глаголании всем своим намерением подобает отдати себя в Его Божию волю. Буди жь вам, православным христианом, известно, како в волю Божию отдаватися. Не единым токмо словом, но и самым делом подобает в волю Его Божию себя отдавати. Аще кому случится благо или зло, не гневайся на Бога, и вопреки ничесого Богу не глаголи, и не поропщи на Него; но вся с радостию и любезно приемли, и не токмо словом или делом, но ниже мыслию что противно Богу помыслиши. И естьли в злоключении таво сотвориши, то не ложен твой глагол пред Богом будет, а еже рекл еси: "да будет воля Твоя, какова на небеси, такова и на земли". То себе всяк веждь, яко отец никогда чадом своим и малаго зла не хощет; и егда отец рождение свое и наказует, не зла ему хощет, но в предьбудущую ему ползу приуготовляет. А Бог стократно родившаго тя отца лучши любит тя, и несрбвненно Бог милостив в человеку, нежели отец родивый301 к сыну. И того ради вся, яко благая, тако и злая, надлежит с радостию дринимати. Всякой бо христианин из самаго своего начала всыновился Богу святым крещением, а ныне уже и изволением своим нарекл еси Его Отцом себе небесным: то како не любезно приимати вся, от руки Божия посланная на тя всякая наказания? Аще бо и смерть наведет на тя поносную, и тогда благодарен буди, понеже тою поносною смертию хощет тя очистити от грехов твоих. И аще любезно я приимеши, то Он, Отец твой небесный, сопричтет тя ко святым мученикам, за имя Его святое пострадавшим, и даст тебе по Своей Божией воле наследие восприяти во царствии Своем небеснем.

5. Егда же речеши: Хлеб наш насущный даждь наж днесь, и при сем глаголании мысль свою возведи на небо пред Самого жь Бога и проси, дабы напитал тебя не единым токмо хлебом, укрепляющим тело твое, но еже бы и душу твого напитал пищею, присудствующею ей. И о сем ведите, православнии, яко насущный хлеб заключает в себе трегубый хлеб, а не един токмо, иже во чрево проходит. Но и о духовном, то есть, дабы подал тебе Бог полезное слово слышати и еже бы оно вселилося в тя. О сем хлебе Сам Господь рек, глаголя, яко не о хлебе едином жив будет человек, но о всяком глаголе Божии (Лук., гл. 4, стих. 4); и по сему глаголу Божию нужно всякому человеку слышати словеса Божия, во церкви прочитаемая. Третие жь заключение хлеба, тт есть святое и пречистое Тело Христово, о нем же тако Господь пресвятыми Своими усты рек: аще не снесте от сего хлеба, живота не имате в себе (Иоан. глава 6, стих 53). И аще кто при кончине своей сподобится сего хлеба достойне вкусити, то той человек во веки веков не взалчет. Тако бо Господь о теле Своем рек: ядый Мою плоть и пияй Мою кровь во Мне пребывает и Аз в нем. И прирече жидам: отцы ваша ядоша хлеб небесный и вси измроша; сей же хлеб, сошедый с небесе, да аще кто от него снесть, жив будет во веки!

6. Егда жь речеши: И остави нам долги наша, яко же и мы оставляем должником нашим, и при том глаголании мыслию своею всякий человек сам ся осмотри, тако ли ты твориши, яко глаголеши: отпусваеши ли долги какие должником своим? Труден бо есть сей глагол памятующим какое ни есть зло на кого; наипаче же тыим труднши, кии человецы тщатся, еже б досада та отмстити. И таковому человеку вако сия Богом уставленная нам молитва глаголати? Но лучши отставити, понеже сам на себя будеши Богу лгати. Речеши: "остави мне долги мои", и приречеши: "яко же и ты отпускаеши", - и словом пред Богом глаголеши, яко отпускаеши, а самым делом не токмо отпускаеши, но и мстити помышляеши. О, труден сей глагол глаголати тем человекам, кии должникам долгов своих не отпускают! Аще бо кто и пенязми должен кому, а заплатить ему нечем, годствует ему отпустити. А о досадах и помыслить не надлежит, еже бы месть какая учинити досадившему; но всякую досаду подобает мимо ушей пускати, дабы ветер по воздуху развеел ю. И аще кто тако будет творити, той достоин будет молитву сию глаголати; а аще кто людем не прощает, то како той прощен будет от Бога? Тако бо Господь рек: аще вы не отпускаете человеком согрешений их, то ни Отец вашь отпустит вам согрешения ваша (Матф. глава 6, стих 15). И по сему Господню словеси не можно человеку у Бога прощения согрешением своим просити, аще сам никому согрешений не отпущает. Сие бо есть явная и самоизволная вина, еже пред Всевидещим Оком лгати и глаголати: "остави нам долги наша, яко же и мы оставляем должником нашим", а ты не токмо долги пеняжные, но и в досадах своих не прощаеши. Богу бо не для чего лгати, понеже Он и не соделанная наша весть. А ты Всевидящему Оку глаголеши: "отпусти мне такожде", яко бутто и ты, не токмо един, но еще и клевретов своих присовокупляеши, глаголя: "отпусти нам, яко же и мы отпускаем в согрешениях пред нами"; а ты и сам не отпускаеши, а не то что клеврети твои отпускали бъ согрешения людская. Ох, труден сей глагол всякому человеку злопамятливому, и отмстити желающему, и ни малаго долгу не отпускающему!

"И паки Господь, приводя нас к милосердию, рек притчею о должьнике (Матф., глав. 18, стих 26), иже должен бе тмою талант. И егда приведоша его, он же нача кланятися, да даст ему сроку; господь же, видев его не имуща чем отдати, милосердовав о нем, отпусти ему весь долг. Он же, изшед, обрете человека, иже должен ему сто пенязь, то есть, токмо рубль един; и, ем его, давляше, глаголя: отдаждь ми должное. Уведа же господин, отпустивый ему долг великий302, повелел привести его к себе и рече ему: рабе лукавый, весь долг аз отпустих тебе, понеже умолил мя еси; и не подобаше ли и тебе помиловати клеврета своего, яко же и аз тя помиловах? И за такое его немилосердие разгневался на него господь его, и предаде его мучителем. Тако и Отец Мой небесный сотворит вам, аще не отпустите койждо брату своему от серьдец ваших прегрешений их. Видите ли, православнии, яко Господь повелевает прощать людей от всего сердца, чтобы и в серце никаковые злобы ни на кого не было. И сего ради будите милостиви, яко же и Отец вашь небесный милостив есть.

7. Егда же речеши: И не введи нас во искушение, и во время сего глаголания подобает мысль свою возвести303 к Самому Богу и молити Его, дабы не допустил тебя ни до каковыя напасти, от диавола и от человек наносимыя. А аще чаеши каковой быти напасти, или какому грехопадению, то ты, во время моления своего, мыслию своею наводи на тое ти случйние; а аще жь и несть никавова случения бедственнаго или греховнаго, обаче ты прилежно Бога моли, дабы тебя ни до каковыя напасти, от диавола и от человек наносимыя, не допустил и304 соблюл бы тя. А аще, любя тя, Бог попустит на тя какому быть искушению, дабы тебя тем очистити от соделанных тобою грехов, тогда буди уже мужествен, любезно претерпи, яко Иов, дабы ти во оном веце с ним за терпение прияти венец славы. О сем буди вам, православным христианом, известно, что без Божия полущения ни диавол, ни человек, пакости никаковыя нанести не может. Сам бо Господь о сем нам изьявил, глаголя, яко и птичка, коих на денгу две или три купуется, и тая без воли Божией и упасть не может; о нас же тако рек, глаголя: вы же колми лучши есте птиц, - ваши и власы главнии изочтени суть (Матф. глав. 10, стих 31; Лук. глав. 12, стих 6)! И сего ради подобает всеми своими силами держатися Бога. А аще и попустит каковой беде, великой или малой, скорбети о ней не подобает, но всю свою печаль возлагати на Бога: Той бо весть, како тя от того избавити. А аще с радостию кто будет беды терпети, тот великую себе на оном свете приимет почесть.

8. Егда жь речеши: Но избави нас от лукаваго, и в том глаголании мысль свою такожде возведи на небо, пред Самого Бога, Отйа твоего небеснаго, дабы ангелом Своим заповедал о тебе, еже хранити тя от диаволя ловления и от всякаго лукавства его, такожде и от человек лукавых. И не токмо от диаволя лукавства, или от человек лукавых; но моли, дабы ангел твой хранитель сохранил тебя и от твоего в тебе бываемаго лукавства, дабы и самому тебе не быть лукавым.

"И аще, православнии христиане, с таковым богомыслием будете сию святую молитву, от Самого Бога нам заповеданную, глатолати, то велми она будет Богу приятна. А аще кто и многократно будет ю глаголати, а еже глаголет, ум его к Самому Богу на небо возведен не будет, то тща его молитва и прошение его ничтожно будет. Но подобна таковая молитва кимвалному звуку, понеже яко кимвал, что гласит, того сам он не ведает, понеже кимвал вещь есть бездушная, и того ради и не разумеет, что гласит. А человек душу имать, не яко скот, но словесную и Божий образ в себе имущую. И того ради не точию сию великую молитву, но аще токмо "Господи, помилуй" речеши, и то надобно с богомысьлием глаголати, а не просто; и той твой глагол паче многих молитв, изреченных без богомыслия, то есть, без возведения мысли своея на небо, доходнее до Бога будет.

"Боже Отче нашь небесный! Научил еси нас, како нам молитися и что в молитве глаголати. Ты же, Боже наш, научи нас и сему, како нам с богомыслием сию святую Твою и прочия молитвы приносити, и дабы нам, яко на небеси, так и на земли, в воли Твоей Божией жити, и со угодившими Тебе быти, и вечных благ наслаждатися в некончаемые веки веков! Аминь".

Глава 8

О ИНОЧЕСКОМ БЫТИИ

А аще же, сыне мой, бывши во презвитерех, стадо Христово, врученное ти, управиши тако, яко от Самого Бога заповедано и от святых апостол и преемников их узаконено, а потом и моего наказания не отринеши, и управиши вся добре, а Бог не продолжит жития жены твоея, - и егда она скончается, то ты, не весма медля, оставь мирское житие, и врученное ти стадо отдаждь иному пастырю. И отдаждь их не просто, не яко наемник, но буди добрым пастырем. Прежде попроси о том Бога, дабы тебе избрал преемника ти305 добраго. И егда по воли Божией усмотриши презвитера богобоязливаго и о пастве радетелна такова жь, каков ты был, или и лучши себя изыскав, вручи стадо свое имянно и, кто каков был, дай ему знать. И детям своим духовным всем заповеждь, дабы они лучши того пастыря себе не искали. И кии тому твоему повелению послушни будут, те яве, яко прямые овцы суть Христовы; а кии не послушают, тии яве есть, яко хощут по своим прихотям ходити. Обаче ты пред Богом будеши прав, понеже ты им пастыря избрал добраго, а они под таковою паствою быть не восхотели, но пошли по своей воле; и которой человек ис паствы твоея и погибнет, на тебе Бог их не взыщет, но свободен ты погибели их будеши.

И отдав то свое стадо, не медля, мира сего и яже суть в мире - всего отрецыся. Аще и дети ти будут, возложи их на волю Божию и вручи их, аще свойственник ти есть доброй человек, или и не свойственник, его же увеси житием добрым живущаго; наипаче жь избирай из детей своих духовных, понеже ты и совести их веси; и, всю свою надежду возложа на Бога, вручи тому чад своих. И имение свое, каково имаши, ему же отдаждь. А с собою не моги ни детей своих, ни от богатства что с собою в монастырь взяти, но буди совершенный инок, не имущь ни богатства, ни сродства. Един токмо Бог да будет тебе сроднив, Той и богатство твое да будет.

Токмо развее возми с собою книги, кои тебе потребны, да пищей бумаги стопу место, или и болши, да чернил и перье, чем тебе писать. И между правила церковнаго и келейнаго празден не сиди, и времене живота своего напрасно не теряй, и никакими иными забавами не забавляйся. Но всю свою забаву первую имей в богомыслии; вторую - в книжном прочитании, з богомыслием же; третию жь забаву имей утешную: что ти от богомыслия и книжнаго прочитания приидет в разум, из чего может быти полза людем, предавай писанию, дабы от того твоего труда людие Божии ползовалися. И еже напишеши на уединении, вся та, соверша, приноси на собор и объяви святей Церкви, да всем святым собором освидетелствуют, право ль ты написал и нет ли какой святей восточней Цервви противности. А потом и сверхь собора ученым людем обьяви, да и тии освидетелствуют и свидетелство свое подпишут своими руками.

А того себе не моги учинить, еже бы труда своего никому не объявить. Аще и высокаго разума будеши, и богословии коснешися, и на высокая своя учения вознадеешися, и того ради никого в совет себе не приимеши, то, сыне мой, ведая веждь, яко поткнешися. Вси бо прежде бывшии еретицы, якоже Арий, Несторий, Македоний и Ариген, не ученыя ль люди были, а вси от умствования своего погибли. Подобне и Мартин Лютор: не ученой ли же человек был, а погибл бяше такожде, яко и прочии еретицы; и не токмо един погиб, но и многое множество сластолюбиваго и слабаго народа с собою погубил. И сия вся отчего быша? Токмо оттого, еже, издав своя писания, святей Церкви не объявил и никого, страх Божий в себе имущаго, в совет себе не призывал. Но и вси тии еретицы306 вознадеялись на свой высокой разум и воспрещающим им никому не повинулися.

Велми бо сие богопротивно есть, еже на един свой разум надеятися и никого в совет себе не призывати. Сам бо Господь Бог о сем явно изрек, глаголя: идеже аще два или три собрани во имя Мое, тамо есмь посреде их (Матф. глав. 18, стих 20). Видиши ли, сыне мой, яко Бог обещался тамо быти, идеже не един мудрствует, но в совет инех призывает; тамо и Бог пребывает и помогает. А кто на единаго себя вознадеется, тии вси погибают, понеже тамо Бога несть, а идеже Бога несть, тамо диавол есть; а просто место не бывает. Аще кто по воли Божией что творит, то тут Бог пребывает и помощь Свою святую посылает. А аще жь кто станет творити не по воли Божией, но противным обычаем, то тамо противник Божий и водворяется, и учит творити вся дела, воле Божией противная, и на всякие злые дела поущати; и на всякую винность предложит разсудки лехкостныя, дабы ему повинувшагося в вечную погибель низвести. И сего ради ты, сыне мой, велми-велми самоумниченья бойся, дабы тебе Божия благодати от себя не отгнати и диаволу бы ловом не быти. И не токмо в духовном деле, но и в житейских делах велми пакостно, аще кто, вознадеявся на свой разум, и будет что без совета творити. И не токмо в созидании каком, но и в прошении, аще чего восхощеши у Бога просити: и о прошении повелел Господь первее совет положить, да потом уже просить. Тако Господь рек: аще на земли совещаете два о всяком деле, еже просите, будет вам от Отца Моего, Иже на небесех (та же глава 18, стих 19). И по сему Господню словеси отнюд никакова дела без совету делать не возможно, но вся с совету творити.

Совершенное иночество. Еще же ти, сыне мой, завещеваю: егда восприимеши иночество, то ты не токмо мира единаго отрекися, но и самого себя отрекися, и всего себя измени. Аще бо самого себя не сломиши, совершенный инок быти не можеши. Аще был ты в мире богат, тамо жь буди убог, яко самый убогий нищей; аще в мире был славен, тамо жь буди самый безславный человек, яко последний поселянин. Аще в мире был от всех похваляем и возвышаемь, тамо жь буди от всех в похулении и поношении и уничтожен, яко брение непотребное; аще в мире был честен, тамо жь буди безчестен и от всех уничижаемый. Аще в мире был велик, тамо жь буди мал, яко младенец, ничего не смыслящь и никаковые досады не помнящь; аще в мире был господин, тамо жь буди раб всякому человеку: не токмо во обители, но и вне обители сущим буди раб и слуга, и служи всякому человеку, как богатому, так и убогому, и самому последнему; яко обычай рабам, так себя и веди. Аще ты в мире людей бил, тамо жь ты буди от всех биемый, и биющим тя не супротивляйся ни делом, ни словом, но токмо кланяйся, глаголя: "прости мя, господине". Аще в мире был еси разумен, тамо жь, Христа ради, буди буй и ни пред кем умом своим не повысься, но буди яко совершенный простец. И не единым токмо видом, но и всем своим истинным намерением смири себя, и так себя снизь, чтобы никто тебя познать мог, еже есть в тебе умный смысл: буди яко един от самых несмысленных.

И коему ты иноку дан будепга в подначалство, и аще он и весма будет малоумен, или и злонравен, во всем ему угождай и ничего без воли его не твори. И аще повелит тебе дрова сещи, сецы; аще и мотыла повелит ти очищать, очищай; и аще какову ти тягость ни наложит, вся понеси и исправляй, и повеления его не моги преслушати, но буди яко буй пред ним. А аще не тако будеши творити, то совершенным иноком не можешь быти. И тако пред ним себя смири, еже не токмо словом каким понести его, но и в мысли своей никаковые скорбности к себе не моги припустить; но всякое его досаждение приемли с самою любовию и люблением, понеже он не собою будет тя удручати, но тако Божия воля соизволила, ради лучшаго твоего спасения. И аще ты во всех злоключениях благодарен будеши, то ты истинный инок будеши.

А аще же кто и посторонней человек ударит тя по щеке, обрати ему и другую; и аще восхощет ризу твою сняти с тебя, отдаждь ему, ничтоже пререкуя (Матф. глав. 5, стих 39); и аще и тяжко тя ударит, не супротивляйся ни в той час, ниже последи мстиши ему. И никаковым отмщением не мсти ему, и не токмо мсти, но и жалобы ни Богу, ни людем не чини. И аще кто вопросит тя, "за что де тебя бил оный человек?" и ты отповеждь, яко "без вины и скотины не бьют, то человека как без вины бить? вина моя явилась пред ним и по вине моей и наказание мне учинено; а без вины не стали бы меня бить". И аще паки тебя спросят: "да ты де знаешь ли свою вину, за что били?" и ты рцы: "а кто де вину свою видит? всегда де с стороны люди болши видят, а сам в себе вины своея никто совершенно познать не может; и того ради ни за брань, ни за побои гневатися отнюдь не подобает, но лучши рещи: прости мя, господине мой, или отче мой". А пред Богом рцы: "Господи Боже мой, аще сей человек, или сий человецы били мя без вины, молю Тя, Всещедре, прости им грех сей и не мсти им, Боже! Аз грешен есмь пред Тобою, Боже мой, и за грехи свои должен аз и не таких ран!" А аще же кто будет на тя судии бити челом безвинно, и тамо, как можеши, уступай ему и глаголи: "прости мя, господине мой", кланяйся пред ним, яко винный. Никому ни в чем не протився. И аще вся тако будеши творити, то ты будеши совершеннейший инок и истиннейший ученик Христов, и древним святым отцам будеши подобен. И аще вся тако исправляти имаши, яко же предрекох ти, те ты сугубый венец от Бога приимеши, ибо за истинное иночество иноческий и венец получиши, а за благодарное злострадание мученическаго венца сподобишися.

А аще начальный твой монах будет добр и милостив к тебе, то ты не ставь себе в находку, что он добр: понеже ратоборства своего противо диавола не положиши - и мученическаго венца не будет тебе. Велми бо полезно у злаго монаха и у малосмысленнаго в подначалстве быти. Обаче у Бога того не проси, дабы тебе у злаго и малосмысленнаго, или у разумнаго монаха в подначалстве быти; но вся та возвержи на волю Божию, и яко что ни случится ти, вся та любезно и благодарно приемли. Аще и благ будет ти началный инок, не скорби и о том, понеже Бог ведает, что ти полезно. Токмо ты всею своею силою держися Его, Создателя своего, воли, и о всем буди благодарен, и ничесого без повеления началника своего не твори307.

И егда уже по воли Божией, а не по твоему происку, игумен из под начала тебя свободит и даст тебе особую келию, то ты не моги ее ни чим либо украшати, но какову приимеши, такову и поведи. Паче жь храминнаго украшения, в ризах своих ни малаго украшения не твори. И егда риза твоя раздеретца, сам как можеши, плати ее, а швецам, дабы мастерски заплатили, не отдавай. Развее наставник возбранит ти самому платити, то отдаждь; а собою отнюд того не чини. И всячески тщися, дабы тебе при своей братии хужши ризы своя имети.

И всякое свое дело веди от мирскаго весма отменно. Все свои дела поведи иноческие, еже бы тебе ни малым чим к мирскому житию согласну быть. И пищи по мирскому обыкновению не сочиняй, и сладостей никаковых не избирай ни в ядении, ни в питии. Но кии тебе яди не милы, те яждь, а х каковым ядям или к питию мысль твоя приляжет, тех отнюд не вкушай; и не токмо вкусити от таковых, но и во уста своя не влагай. И аще кую ядь или питие, от неведения своего, во уста себе вложишь и сладително тебе будет, то ты отложи оное и не вкушай более, еже во уста вложил. И аще кто речет тебе: "чесо ради не яси, или не пиеши сего?" - и ты того не изьявляй, еже ради воздержания не яси или не пиеши308, но рцы: "и сам не вем, чесо ради претително ми стало быть; боюсь, чтобы мне здравия своего не повредити: и от единаго куска или глотка чуть не зблевал, и того ради и не вкушаю". Или как тебя Бог вразумит, так и скажи. А прямаго своего воздержания собою отнюдь никому не объявляй; развее отец твой велит ти что либо объявити, то и объявляй. А буде без людей во уста своя что сладост(н)ое вложиши, и, буде люди не видят, выплюнь изо рта; и тако творя, уподобишися Савве Освященному, приявшему яблоко и ногами своими309 поправшему. И что ти ни случитца видети сладимо, или лакомо, или зрению миловидно, того весма удаляйся; но что противно зрится, те яждь яди. Такожде и о питии твори. И тако исправляя, никогда не объяшися и не отяготишися, и плотию своею не одебелееши, но велми легок и здрав будеши и век твой продолжится.

И кии яди будеши ясти, не услаждай их. И аще празднуемый день, то ты, ради праздника, разреши на масло, и то толко чин отправь разрешения, а положи в ядь масла самое малое число; а благовоний отнюд никаковых не клади в ню. И аще рыбную похлебку будеши строить, то ни петрушки, ни иных потрав не клади в нее, но вари просто. Токмо аще придет к тебе гость странный, и его ради всячески украшай яди, да не явишися постник; и то аще началник твой поволит тебе тако творити. А собою и того отнюдь ничего не дерзай творити, но весь буди неволником. Возложил ты руку свою на рало - и вспять нимало не озирайся; буди житием своим и всякими поступъками инок, и еже бы тебе нимало мирскому житию непричастну быти. И аще, ради гостя, яди усладиши, а сам не весма их яждь, но токмо лица ради отчасти яждь, дабы тебе гостя своего в зазор не привести. А аще наставник не послабит ти и гостя ради яди учреждати со украшением и услаждением, то ты, без зазору, тем и потчивай гостя, чем сам310 питаешися, и гостю не оговаривайся. Не рцы такова словесе, еже "не осуди", но чествуй его просто, как надлежит по обычаю; и тако не глаголи, яко от неразумения глаголют: "пожалуй, покушай, чем Бог послал", но глаголи: "покушай, что Бог прислал". А того весма стерегись, дабы тебе не рещи тако, еже: "нечем мне побить челом"; но аще и сухой хлеб случится, тем и потчивай, без оговорки311.

И во обители з братиею своею живи, яко с родными братиями, или и паче родных. Буди ко всем любовен и никого ничем не обижай, но лучши сам буди от них обижен. И каков человек ни изобиднт тя, не гневайся на него, но буди всегда ко всем каков к любящим тя, таков и к обидникам; и к ругателем твоим буди, яко ничтоже слышай; и тако творя, истинный раб Христов будеши.

И вещей, кии состроены добрым мастерством, не имей при себе, нижи в келии своей держи ради своего очезрения. И любления твоего ни малаго к ним бы не было.

И из монастыря, в нем же пострижешися, буди неисходен. И аще и свойственники твои, в мире живуще, будут тебя требовати, аще и дети твои востребують тя, отнюдь не ходи к ним, никаковы ради нужды, но буди яко недвижимый камень. Уже бо ты мира и яже суть в мире отреклся еси, то вспять уже не обращайся, яко пес на свою312 блевотину313, и ни зрения, ни ума своего в мирская дела не обращай, да не будеши столп слан, яко Лотова жена (1 Моис. глав. 19, стих 26). Но [буди весь в Бозе, да и в тебе Бог пребудет. Богу ты обещание свое дал, Богу и работай; Той твой сродник, Той твое и богатство, Той твоя утеха и веселие. Но глаголи со избранным сосудом Господним, святым Апостолом Павлом (к Римл. глав. 8, стих 35 и 38-й): кто мя разлучит от любве Божия? но ни скорбь, ни теснота, ни гонение, ни глад, ни нагота, ни беда, ни самая смерть, ни живот, ни ангели, ни начала, ни силы, ни настоящая, ни грядущая, ни высота, ни иная кая тварь может мя разлучити от любве Божия! И аще ты, сыне мой, сицевую к Богу будеши имети любовь, то ни мир сей, ни дети твои, и никакая вещь, в мире сущая, вредити тя может, но вся тебе покажутся тмою и мерзостна ти явятся; ты же, яко орел, возлетиши на высоту небесную и к прочиим святым причтешися. Аще бо в совершенной любви Божией будеши жити, то житие твое будет сладостно паче царскаго жития. Ни о чесом печаловатися не будеши: скорбь тебе будет паче здравия, теснота твоя - паче великаго пространства, нищета твоя - паче великаго богатства, и ни кая тварь или вещь вредити тя может.

Попечение жь свое, паче своего спасения, имей о людском спасении. Иоанн Златоустый тако глаголет: яко аще будеши пещися о своем токмо спасении, то ничим же лучший будеши закопавшаго данный талант в землю (Маргарит, лист); тако бо святый Златоуст толкует о закопании таланта314.