Господа и утвердетеся

В початку историа, списаная од покорного Афанасиа Филипови­ча, законника чину Святого Василия Великого, о образ Пресвятой Бо-городици, в кресте изображенном, на небе од негож, самого виденом и Михаилу, цару Московскому, на хорогви военные в помножене православной веры, албо против кождому неприателеви Креста Хрис­това даном (року 1638, месяца Марта) — в тые слова:

* Памятники полемической литературы в Западной Руси. Кн.1. Рус­ская историческая библиотека. Т.4. СПб. 1878., С. 49—58. Тескт оригиналь­ный, шрифт современный.Обработка А.А. Козела.

Философская мысль Беларуси периода Речи Посполитой

Ведомо нехай будет величеству твоему, Михаиле, православный цару Московский, иж Господь наш Исус Христос, во всем на свете рядца, — ноневаж (як мудрец мовит): «в руку бо Его и мы и словеса наша, мудрость и художество и каране», — дивным прейзренем своим, з Литвы, з монастыра Купятицкого, миля от Пинска лежачого, послал мя з послушником моим до самого царского величества. Як бы для ялмужнЫ на збудоване церкви Воведениа Пречистой Богородици, в которой то церкви образ малый материею в крестным знаку, але вели­кий в чудах найдуется, о которых чудах не част досконале выписова-ти, толко вкоротце потребнейшие, судбами Бога, в Тройци Святой православно славимаго, примушоный будучи, ознаймую:

Церков тая з початку (як есть ведомость) збудована была право­славных селян радою, за оказанемся на дереви образу Пречистой Бо­городици в крестным знаку. По спаленю оное од Татаров, знову, за оказанемся в огнистых поломенях тогож образу, на том же местцу збудована от правословенством Божиим Ярославови княжати княз-ство на Турови, Пинску и инших местах и местечках злецоно, в той час великими чудами уславил Исус Христос тую церков Матки Своее. Што видячи, князь Ярослав потребами достатними оную и мешкаю-чих при ней опатрил. Федор Ярославович з женою своею Геленою Олелковичовною иж потомства не мел, зачим места и села князства его одошли до державы кролевства Полского, и розделилося князство на воеводства и поветы.

По некотором часе, село Купятицкое з церковью Пречистое Бого­родици кроль Полский даровал вечностю жолнерови своему мужно-му, наимя Григорию Войне. По нем розные владцы того села и церкви были, межи которыми церков тая (як то од многих пестунов) згола до упадку юж се была схилила. Теды, судбами непонятого Бога, року 1628-го, збужоная Духом Святым, пани Полониа Воловичовна Соколовая Войниная, каштелянка Берестейская, з сыном своим паном Василем Коптем, каштеляном Новогродским, старане о церкви учи­нивши, село Купятицкое вечностю зо всеми ее приналежностями ку­пили и зараз при церкви законников чину св. Василиа Великого послушенства всходнего фундовали, и игумена побожного од старшо­го Виленского Иосифа Бобрикевича, наимя Илариона Денисовича на-были, который зобрал братии болш тридцати и с тоею братиею в винници Христовой працует.

Раздел III

Взявши о том ведомость, святобливый муж, его милост господин отец Петр Могила, православный метрополит Киевский, Галицкий и всея России, екзарх святого апостолского орону Константи-нополско-го, полецел му працу духовную и в мести Пинском при церквях сво­их, в тых часех од унитов, за ласкою Божиею, одысканых, бо пред тым в великом преслядованю там были православнии од униатов. Неза­долго потом, в року 1636, тот же святобливый муж кир Петр Могила, метрополит Киевский, лист прислал и росказал ему ялмужны святой жебрати в мести Пинском и повети том на поправу Софии Святой церкви катедралной Киевской. И гды послано гроши упрошоные року 1637 месяца Мая, доведался святобливый метрополит от посланца господина отца Макариа Токаревского, же церков в Купятичах чудот­ворная барзо юж стара, и рекл: «а добре бы тые гроши на церковь там-тую обернута, але жесте их привезли и тут сут потребны; еднак, даю вам лист универсалный, старайтеся през ялмужну святую реставрова-ти оную». И гды привезено лист до монастыре для ялмужны на збудо-ване церкви, игумен побожный Иларион Денисович, учинивши раду зо всею еже о Христе братиею, в той жебранини вложил тяжар послу-шенства на мене смиреннаго Афанасиа Филиповича, наместника сво­его тогож монастыра Купятицкого, з послушником Онисимом Волковицким. О, дивные справы Бозские! Зараз там в трапезе страх барзо великий пал на мене, и власне як бы одрентвелый сиделем у столу; до цельи моей вшедши, зашепилемся и почалем Богу Всемогу­щему офероватися в том послушенстве. По малой хвиле, стоячому мие на молитве, страх мя такий обнял, жем утекати з келий моей поривал-ся, и неякось мою Бозскою задержаный зоставши долго ревливе плака-лем. В том без жадной особы голос вдячный слышати было таковый: «Цар Московский збудует Ми церков, иди до него!». В том мене як ва­ром облито, знову почалем тяжко плакати, мыслячи, што то будет.

Року теды 1637, месяца Новембра, гды ми зближался час отъезду в тую дорогу, з церкви, по утрени, идучи, поведаю о том голоси по-божному игуменови моему, а он, ухилившися на сторону троха з стежки: «брате милый, где тебе Бог Всемогучий и Пречистая Богоро­дица попровадит, там иди. А я тут з братиею буду молитися, абысь ся до нас здорово вернул. А о чом ты мовиш, неведаю, што то будет, гдыж и листу, од короля пана нашего на то даного, немаш». Потом мне вже идучи в дорогу, пожегнавшися з братиею, вступилем в при-

Философская мысль Беларуси периода Речи Посполитой

твор церковный и полецаючися в всем опатрности Бозской, ударилем поклонов килка, потом погледелем оконком на образ чудотворный Пречистой Богородици, али о то шум барзо страшный в церкови быти здался. Оным я престрашоный, хотелем знагла отбегчи, потом осме-лившися, повторе погледелем оконком, мовячи: «о, Пречистая Бого­родице, будь зо мною!». А о то на тых мест од образу чудотворного Пречистой Богородици голос ретельный слышати было таковый: «иду и Я с тобою». А Неемий диакон, на левом крилосе образом малеваным стоячи (который-то диакон в молодых летех своих иноческих побож-не живучи, килка лет пред тым преставился от земных), як бы заика-ючися вымовил: «иду, иду и я при Панин моей!». Здумелемся и почалем ревливе плакати и в боязни быти, мыслячи, що то будет. Вы-ехалем в дорогу з монастыра, болшей жадное речи никому не поведа-ючи, кантур подшитый з головы спал, и по того не вернулемся. Приехавши нам до Слуцка, отец Шицик, архимандрит, розгневался барзо на отца нашего игумена Купятицкого о тое, же ся его, намест­ника метрополитанского, не докладал, высилаючи нас на Белую Русь по ялмужну, листы од нас одобрати казал, и през все свята Рождества Христова в великой нас тревозе держал. Потом престрашоный през сон виденьем якимс (як сам казал), оддал листы, мовячи: «чиню то для Пречистой Богородици, а не для вашого игумена, идете з Богом, где хочете». Одтамтоль до монастыра Кутеенского под Оршу прибы-лисмо. Там постерегли святобливого мужа Иоиля Труцевича, игумена тамошнего, поведилем о послушенстве нашом и прейзреню Бозском. Рекл ми Дамаскина Св. слова: «побеждаются естества уставы о Деве Чистей». Сведоцтва, еднак, до Москвы, которого присилем, порадив-шися з братиею, дати ми не зезволил: и овшеки наместник его Иосиф Сурта рекл: «господине отче Афанасий, трудно без пашпорту кроля пана нашего ити вам на Смоленск и Дорогобуж за границу до Моск­вы, Виленскии чернцы мели и пашпорт кролевский, также для ялмож-ны, а много ся набедили». Слышачи я тое, понехалем юж был тоее дороги до Москвы и, упросивши от игумена Кутеенского карточек сведочных о собе до протопопов и до братств православных, шолем до Копысри, до Шклова, до Могилева и до Головчина, але мне там всю-ды ялмужны недано: выбирано ее пилно епископови своему, госпо­дину отцу Силвестрови Косовови на справу з Селявою, владыкою Полоцким, униятом. А вернувшися я до монастыра Кутеенского, оз-

Раздел 111

наймилем господину отцу игумену повожене наше. И гды юж до дому выбралисмося (власне то справою Бозскою), хути погамовати не могу ити до Москвы. В том часе прешедши отец наместник Сурта и мовит ми: «отче Афанасий, брате милый, жаль ми тебе, же мало што спра­вивши в послушенстве своем отъеждзаеш до дому; ражу тобе: иди на Трубецк до Бранска, ач и там з трудностю будет, еднак, за волею Бозс­кою, в столици Московской будеш». Пало ми тое на сердцу и преста-лем на раде. Ознаймилем о том и господину отцу игумену Кутеенскому, который, благословячи мя, рекл: «нехай будет воля Бо-жая с тобою» и дал ми в своих потребах лист до князя Петра Трубец­кого. А так пустилемся в тую дорогу, о имени Исус Христовом, на Пропойск, на Попову Гору, на Стародуб до Трубецка. И зараз буря повстала, же и света видити не было, и не толко с полудня до вечера, але и всю ночь в заметах кружачи и блудячи, мало — мало в течайне Днепровой (снат, душного неприателя перешкодою) не потонули. За Пропойском, на ночлегу в селе, мнемалем на санех моих же хомут ле­жит, а то был нес: так мя за руку уел! А в том з невчасу огонь спано-вал, же малом од того живота не пострадал. В Поповой Горе, конь в ночи зшол з господы, чили теж хто его был взял з господы; а гдым ся о нем рано пытал и до двору о том удатися хотел, теды мало нас непо-забиано. В Стародуби, на запусты, пяцици много нас турбовали, ед­нак од всего згола Исус Христос и Пречистая Богородица без шкоды нас заховала. В Трубецку, князъ Трубецкий молодый, мянуючися быти стражником, под великим каранем заказал, абым нейшол за гра­ницу до Бранска, мовячи: «што я ведаю под той час погрому козацко-го. Што вы справуете?». Зачим вернулемся вже был назад до дому, толко хотячи быти в монастыру Човску, в полмиле од Трубецка, там ехалем. Приеждзаючи под гору, гдым пешо ишол оподаль пред конем, моличися Господу Богу и Пречистой Богородици, па тых мест страх великий мене опановал, аж заволалем голосом барзо: «о Боже мой и Пречистая Богородице, змилуйся надо мною, што до деется!». В том здало ми ся, як бы послушник мовит: «на што помочи люскои потре-буеш, иди до Москвы, я с тобою!». Гдым ся злучил з послушником, пыталем его, што до мене мовил? А он одповедил: «ничогом до тебе не мовил и, овшем, фрасуюся на вас, же ся дармо волочим». Взыш-лисмо на высокую гору до монастырка того Човска, а привитавшися з братиею, ознаймую, жем ся был запустил прейзренем Бозским до

Философская мысль Беларуси периода Речи Посполитой

Москвы для ялмужны, але ми неспешно одповедил старец еден: «не дойдеш, господине отче, под той час трвожливый погрому козацкого, але если ест с тобою (як мовиш) справа Бозская, то можно дойти, иди еще до Новогородка Сиверского, до воеводы пана Петра Несечинско-го: добра твоя будет, если каже перепустити, бо тепер тут страж всюды великая есть». А так с того монастырка приехалисмо на ночлег до села названого Великая Зноба. Там на господе, гды все спали, в полночи самой прийдет на мене страх барзо великий. Здало ми ся, як бы хто гонит з немалым гуфом, шукаючи мене на страчене, и мовят: «есть, есть, он тут». А гды тое троха утихло, я господара, потиху обудивши, ничого ему о том страху неспоминаючи, просилем, абы нас тогож часу на дорогу Новогородскую навел. И гдысмы ся вже пустили на пущу, бедую, не ведаючи, где и куды еду, зачалем песн спевати Пречистой Богородици акафистовую овую: «аллилуиа, аллилуиа» припеваючи. И гды вже было преде днем, здремалемся. А о то знагла страх мя огор-нул, и туча червоная слонечная, под час всходу солнца. Оттряснувши я сон от очей, обачилем млоденца в мантии, на коне нашом сидячого, в тыл до нас смотрячого и дорогу простуючого. Вырекши тот млоде-нец; «я Неемий диакон, сполмешканец ваш Купятицкий», зникнул. А гды взышло солнце, зараз за солнцем, обачилем на небе крест, и в нем образ Пречистой Богородици з Дитятком, на кшталт Купятицкого, променями слонечными выритый и обточоный. И гдым на него не мало смотрел здумеваючися, хотелем указати тот чуд Божий и по-слушникови моему Онисиму. Он, зо сну порвавшися, почал коня бити, а том образ на небе невидим зостал, о котором я ему на тот час юж не споминал ничого. А приближившися до села пограничного, дивне пред полуднем минули есмо страж воеводы Новогородского: осажчий того села, наимя Феодор Драгомир, стоял над дорогою шапку зиявши; а гдым ся з ним привитал, мовил до мене^ «што то за пани, отче, и где еде с таким оршаком немалым»; я неведаючи што одпове-дити ему, толко реклем: «але, але», и одшолем до сани. Выежджаючи мне з села того, великая тлуща людей вышла так стражи, як и поспо-литого чловека, аж в самый конец села того присмотруючися поездо-ви. И едучи нам поблизу храму Афанасиа Св., который храм в конци села того в полю стоит. Перешолем волею Бозскою за границу до пер-шого села вашего царского величества названого Шепелева. Люде, там будучие, приняли нас ласкаве и дивовалися, як страж минулисмо. Не-

Раздел III

веста една змежи пополитства рекла: «заправды, заправды, Богороди­ца з ними еде, и што за див, же страж минули»! И иншие люди диво-валися в таком нереезде нашом, уважаючи судьбы Божие. А гдысмы ся далей в Москву пустили, поткал нас в дорозе чловек якийсь в белом оденью; тот, мало о што нас спытавши, рекл: «идете вже и рукава спу­стивши (тое есть безпечно), ведаю до царя для ялмужны едете и болше того справовати будете»....