Симеон Полоцкий

Обед душевный. Предисловие к читателю благочестивому¹

Не о хлебе едином жив будет человек, читателю благочестивый, но о всяком глаголе, исходящем из уст божиих, рече превечное правда ко лжи отцу диявола, егда его алчна во пустыни искушавше лукавый камением, глаголя: рцы да камение все хлебы будут. <...> Ахи бы гла-голети ему ко демону: совет твой искушение есть, занеже глаголеши о пище плоти, а не о пище ума. Низшая часть человека хлебом питается, ина словом божием укрепляется, и занеже глаголиши о нижней. Яве есть яко искуситель сей. О вышней части печется с вышних сошедый, и тое пищу духовную быти сказует слово божие: да мы души наши тем питающе духом жывем, духом и да ходим, во еже бы тако духов­ным и словесным быти нам, и во вышних удостоитеся жителства. О плоти яко о враждующей духови Христос Бог Дух Святый по боже­ству: дух бо есть Бог пецитеся не повелевает глаголя: не пецитеся убо глаголеше, что ями, или что пием, или чим одеждемся (всех бо сих языцы ищут), весть бо Отец ваш небесный, яко требуется всех сих. О душе же прилежати увещаете: в терпении вашем стяжите душы ваши.

<...> Свойственная же и прилично полезная душам пища, есть глагол божий, слово божие. Тако глаголит Григорий божественный, ветхаго Рима первопрестолник: брашно ума, глагол божий есть, се же яко такови изводстви действует в душе, какова брашно телесное во плоти. Брашно укрепляет плоть, слово божие душу. Брашно есть нуж-

¹ Памятники философской мысли Белоруссии XVII в. — первой полови­ны XVII в. Мн., 1991. С. 166-167.

Философская мысль Беларуси периода Речи Посполитой

дно в путь житейский, слово божие в путь духовный. Хлеб вой кре­пит вобрани гражданстей. Слово божие на брани духовней. А им же образом алчбу имеяй пищи плотския, здрав быти является телом, не имеяй же алкания брашен, немощен есть плотски. Подобным обычаем алкоту имеяй слова божия знамение показыет здравие си душевнаго, не желаяй паки прияти его востомах разумасти, явствуется болезнуяй духом. Болезнуяй же ко смерти, иже что либо приимет, то скоро из­вергает из сирища памяти и разума. Имать к тому же сия пища духов­ная и силу просвещения очес умных, якоже иногда просвети Иоанафану мед телесныя зеницы. Се бо псалмопевец вопиет: явление словес твоих просвещает и вразумляет младенцы. Тем же толико ду­шеполезную сущу слову божию, тако проповеданному, якоже писан­ному, ибо всяко писание богодухновенно и полезно есть ко учению, ко обличению, ко исправлению, к наказанию еже в правду, да совер­шен будет божий человек на всяко дело благоуготован. Умыслих аз гладным православных душам духовную трапезу обед душевный, от пищ слова божия уготовати, и представити во дни воскресения, на вселетное поприще, в насыщение спасенное: да отвергше брашна не­полезная душетленная, ядят сей обед душецелебный, душекрепитель-ный, и душеспасенный, яко от брашен благих уготованный. Аще же инесть яко иностранными земли хитростми, ветийскими довлеукра-шен. Обаче веема чюжд всякаго вреда, паче же действен здравия ду­шевнаго. Не украсих же ово за скудность ума маего, ово яко удобее простое слово уразумеваемо есть писанию, неже красотами художе­ственными покровенные. Яко удобее ядро снедается излущенное, не­жели в коже си содержимое. К тому, яко прилучимися медоточных уст слово чести, Амфросия святаго о красоте ветийства глаголюща сице: сего проповедания и вера христианская не требует, да не видит­ся быти из хитрости и коварства человеческия мудрости, а не из прав­ды. Что само и великий церкве светилник и учитель, богомудрый Василий мудрствуя, глаголет: не вымышленная речения, но простота лепа ми видится, и прилична исповеданию христианскаго имене. Ему же подобает не во явствование паче писати, нежели во ползу народ­ную. А понеже сице простоту слова толиции столпы церкве ублажи-ша: ты благочестивый читателю прийми любезна обед сей простоуготованный, и яждь здрав во спасение ти душевное, яждь взи­мая руками ума твоего, прежувай зубами разеуждения, и поглощай в стомах памяти твоея, и будет ти во ползу. <...>

Раздел III