Тут псалтирь рифмотворная 54 страница

Се иду, творю волю божества твоего,

и закон твой посредb чрева ест моего.

хор

Прелесть

Возврати, Владимире, возврати бbг спbшний,

негли постой и слиши плач мой неутbшний!

Познай, любезне,

Кто зовет слезне.

Кого любиши?

Камо бbжиши?

В кия идеш страни?

Откуду гнbв на ны?

Плач тя не утолит,

Глас мой не умолит.

Тако еси твердий,

Тако жестосердий!

Любви ми едина!

Кая се измbна!

Помяни, Владимире, дны прежние тие,

когда тя обятие имbяше сие.

Кое тогда пространство, кая радост бяше!

Триста жен лобзание сердце вомbщаше.

Скокы и плясания бяху непрестанно,

сласть всякая течаше в душу невозбранно.

Коих тогда сладостей не бывахом сити!

Поминати сладко ест, что ж дbлом творити!

Вспомни, когда ко сердца охладb

бых с тобою в красном вертоградb,

Естество цвbт являше различний;

аз представлях жены красноличны.

Красно мbсто от цвbтов тbх бяше,

но краснbйше позорище наше;

Стидашеся всюду цвbт червленний,

живих цвbтов лицем побbжденний.

Гдb дни тие? Заидоша в дол подземний,

помрачи их вечер темний,

Померче день свbтозрачний,

найде - лютb! - облак мрачний.

Владимире, возлюбленна главо!

Кто тя сведе так лукаво?

На самаго себе лютий

хощеши гнbв воздвигнути.

О мои люди!

То вам не буди,

путем христовим не идbте!

Жесток ест зbло,

удручит тbло,

тяжкаго ига не носbте!

Кая лютость, о княже!

Благ моих новий враже!

Аще тебе самаго

Что инних тебе ради

жаль мучит без отради!

Триста сердец вздихает,

шестьсот очес ридает.

Се аз умножаю всуе плач безмbрний,

не слишит той каменний, той и зловbрний.

Не от княжа он ест рода,

но от тигров лютих плода,

весь ест звbрний,

Весь каменний, весь желbзний, весь жестокий,

нечувствевний, страховидний, яроокий!

Хулит он наша совbты

и побbди мнить то быти

верх высокий.

Воистинну отмщу тебb, звbре дивий,

отмщу тебb сей наш укор горделивий.

Увbси от мести данной,

како любвы поруганной

жаль гнbвливий.

ДbЙСТВИЕ 5

ЯВЛЕНИЕ ПЕРВОЕ

Курояд, Пиар

Курояд

Ясти мнb хощется, о ясти! Горе! Ясти!

Ясти хочу. Горе мнb! Приходит пропасти.

Пиар

Курояде, гдb ти был? Гдb был еси нынb?

Курояд

Даби тако не жив был князъ наш (наединb

С тобою бесbдую), яко богом жертва

чрез него вся оскудb! О, аще бы мертва

Слышах его, слышах бы вbст радостну, нову

Пиар

Кая вина?

Курояд

Увbрив философа слову,

Запрbти приносити жертву по всbм градом.

Пиар

Мала се еще злоба.

Курояд

Убывати гладом

Малу злобу зовеши? А еще пречестных

жерцов и молебников за вес мир нелестных!

Се аз ходих на село курей куповати.

И когда сие бяше!

Пиар

Горшее слышати,

Вижу, ти не случися? Что глаголют мнозы,

молю тя, кто болий ест - жерци или бозы?

Курояд

Вbм, что вопрошаеши: аки би скорб сию

о мнb имbл. Ни, друже! Мене не жалbю,

Жалbю богов. Ибо аще оскудbет

жертва, аз куплю мяса, но бог не имbет

Пbнязей и не пойдет на село: глад убо

нам - ему смерт готова. И сие сугубо

Печалива мя творит.

Пиар

Еще ти не вbси

злобы его горшия? Како его бbси

На богов возъяриша? Пойелb повсюду

крушити боги. Видbх, како уд от уду

Отторжен валяшеся, многым носи, нозы

урbзание видbх. О благие бозы!

Болbю за вас зbло. Чи не скорб се, друже?

Ладо не может уже плясати, ему же

Сие дbло от богов всbх ест порученно,

но токмо лакти движет всуе недbйственно.

Мошко же отнюд кадил не возможет чути,

а Позвизд (О скорб моя! О жалю мой лютий!)

Пребиту голень имать и храмлет стеняя.

Но слиши множайшия и крайная злая.

Что видbх, окаянний! Зри вещ неподобну:

дbти студнии, кумир разсbкши подробну,

Во главу, аки в сосуд, испраздняют стомах.

Курояд

Что главb творят?

Пиар

Стомах испраздняют.

Курояд

Ах, ах!

Да како их не пожрет земля, се видяще!

Вbсть ли сие Жеривол?

Пиар

Курояде, аще

Увbсть сия Жеривол, предасть духа богу.

Курояд

Но гдb он ест? Не вbси?

Пиар

Впаде во премногу

Болbзнь от скорбей многих и едва возможет

убbжати от смерти. Зbло бо не может

Ясти, ни вкуса чует; третий день минает,

отнель он единаго токмо пожирает

Бика на день.

Курояд

О лютb! Всb мы измрем гладом!

О княже беззаконний! Да бы ти над адом

Царствовал, не над намы, не над руским родом!

Пиар

Молчи! Тbшимся твоим, господи, приходом.

ЯВЛЕНИЕ ВТОРОЕ

Мечислав, вожд Храбрий, Пиар, Курояд

Мечислав

Кое зде дbло, жерцы? Воистинну дивний

упор сей! Вы едины имате противны

Быти волb княжеской? О столпи безумны!

Скоты безсловесния! Старцы дbтоумны!

Курояд

Что толиким, господи, движеши нас страхом?

Мечислав

Ни ли слишаете воли княжей?

Курояд

Не слышахом

Воистину. Кая ест?

Xрабрий

Убо еста глуха?

Трубний глас извbщаше.

Пиар

Но не дойде слуха

Нашего. Ми зде равно прийдохом от пути;

не быхом днесь в Киевb. Но воспомянути

Изволте, господие, кой указ ест княжий.

Мы творим волю его. Воистинну вражий

Дух бы был, аще бы кто противился волb

толикаго владикы.

Мечислав

Убо вам дотолb

Нbсть вbстно, яко всюду крушити кумиры

князь повелb, наставшей християнской вbрb?

Пиар

Се новое слишим мы.

Курояд

Ниже нам чаянно.

Мечислав

Како? Вся вbсть Россия, вам же неслиханно

Доселb ест. Лжете, псы!

Пиар

О господи, буди,

яко же глаголеши; обаче мы люди

Простии, не слишахом.

Курояд

Да не прогнbвится

власт твоя, ваша повbсть отнюд быти мнится Неудоб вbрителна: наш боголюбивий

князь есть.

Мечислав

О горе тебb! Ти ли мнb, псе лживий,

Лгати велиши? Убо от твоего ж дbла

явлю истинну: круши идоли.

Курояд

Сbчила

Не имам со собою.

Мечислав

Воины, дадbте

оружие.

Курояд

Милости прошу, не мучbтеБолнаго. Виждте, яко не могу подъяти.

Мечислав

Уд непослушний мечем достоит отъяти.

Курояд

Лютb мнb!

Мечислав

Достизайте! Ты на мbстце друга

наступи. Ни ли и ти тогожде недуга

Вредом ослаблен еси?

Пиар

Послухай мя мало,

владико! Се Ладо ест бог, а се Купало,

А се Перун великий; с тbмы убо, яко

хощете вы творbте, сего же никако

Не вредbте, молю вас. Ах, с коликим страхом

поминаем, что о нем от древних прияхом.

Прорекоша древние жерцы, яко аще

вредит кто бога сего, тогда, то видяще,

Солнце лучи закриет, Днbпр же воспятится,

Киев, трусом низвержен, во прах обратится.

Молю вас, не дерзайте.

Храбрий

Друзы, дерзнbм сие

увbдати: дbло нам страх сей явственнbе

Покажет. О великий! О боже преславний!

Не прогнbвайся на ны: что велb державний

Князь достоить творити. Аще погибаем,

яко же прещаеши, обаче дерзаем.

Пиар

Не дерзайте, молю вас. О лютb! О горb!

Зрbте: трясется земля, падет град воскорb.

Падет град! Что творите? Не могу стояти

на ногах.

Мечислав

Лживий лестче! Не досит ти лгати?

Пиар

Солнце измbняется.

Мечислав

О колико бяше

лщение! Колико же невbжество наше!

Кая слbпота! Камень и древо бездушно,

аки бога, лживаго, усердно, вседушно

Умилно почитати и тих рабом быти,

их же раб мой, художник, обиче творити.

Христе, свbте истинний! Что тебb имамы

воздати за толику милость, юже с намы

Нынb сотворил еси!

Храбрий

Но не изволися

власти вашей видbти, како князь крестися?

Мечислав

Желал от усердия; воинское дbло

удержа мя, не могох настигнути. Зbло

Жалbю того. Ти же добрия нам вbсти

подажд, видbл бо еси.

Храбрий

Но кто исповbсти

Предивний позор может! Никогда толика

торжества аз не видbх. Два полка велика

Идяху стройно, в едном славеннороссийский,

в другом бяше избранний народ византийский,

Двор свbтлаго деспоты, иже восприяти

князя послан ест царем; на всbх воех златий

Цвbт в одеждах ткан бяше; броня же толикий

свbт испущаху, яко зрящым и страх нbкий

И радость родяшеся. В толиком позорb

прийде князь наш ко храму. Храм низу и горb

Весь иконы украшен; посредb стояше

сосуд сребран великий, яко в нем можаше

Един погрузитися человbк; на десной

странb стояше престол утвары пречестной -

Первому епископу сbдалище, инным -

мало нижайша бяху; ошуюю чинним

Образом вся особно бbлия лежаху

одежди, бbлостию крины побbждаху.

Утвар сию деспота Владимиру, сину

духовному своему, сотвори по чину

Древнему у християн. Вся же та полата,

аки звbзд, полна бяше кованных от злата

Лампад и свbтилников. От восточной страни

сладкая исхождаше воня безпрестани.

Ставшу при дверех князю, се златимы враты

от олтаря идяше клир весь. Аз, объятий

Страхом радостним (вbруй, благородство ваше!),

забых, гдb есм; сердце же во мнb трепеташе.

ЯВЛЕНИЕ ТРЕТОЕ

Вbстник, Мечислав

Вbстник

Великий князь Василий здравие и радость

благородству твоему посилает.

Мечислав

В сладость

Приемлю такую вbсть. Но кое гласиши

имя ново - Василий? Чаю, приходиши

От князя ти нашего.

Вbстник

Наш мя посилает

князь к тебb, Мечиславе, но тебb желает

Здравствовати Василий.

Мечислав

Тайно твое слово.

Вbстник

Владимир в крещении прият имя ново,

Василий нареченний. Хартия извbстно

сия явит.

Мечислав

Храбрий, чти, да все будет вbстно.

Xрабрий

чтет послание Владимирово

Владимир, в святом крещении нареченний Василий, князь киевский и всbх российскых стран повелитель, Мечиславу, вbрному воев нашых вожду, здравствовати.

Не случися доселb ниже мнb писати,

ни тебb чести сие, что от благодати

Божией прияхом; и юже получаю

радость нынb ни в коем прежде нам случаю

Не бысть когда, аще бо и многия гради

во плbнь прияли быхом. Убо аще ради

Побbд нашых должно вам радостнимы быти,

колми паче достоит нынb вам имbти

Торжество с намы. Вbсте, яко по совbту

царску, по милости же божией, ко свbту

От тми прейдох, еже ест, оставлше кумиры

бездушния, восприях истинния вbры

Истинний закон христов. Сие нынb дbло

тогожде помощию крайнb и всецbло

Соверших: приях бbлу, сложих утвар черну,

во Христа облекохся и древнюю скверну,

В ней же и родихомся, омих совершенно

тайною крещения. Се же извbщенно

И от бога чудеснb бысть нам, ибо когда

внийдох в святую купель, абие же тогда

Отпаде ми безбbдно сквернивая тина

от очес, но и по всем тbлb ни едина

Вреда видbх прочее. Божие то бяше

призрbние и милость, яже мя учаше,

Простаго и невbжду, явb и чудеснb,

яко внутр очистихся, очищен тbлеснb.

Сия вbсть да радостна будет вам и честна,

аще в вас ест истинна, вbрна и нелестна

Любов ко нам; се бо мя украшает паче,

неже тисяща вbнцев побbдных. Обаче

Что сам обрbтох, того и инным желаю,

совbтую же токмо, не повелbваю.

Се же повелbние наше ест, да всюди

идоли сокрушатся, и оттоль не буди

На корогвах военних ни громовой стрbли,

ниже вbнцев купалних, ни инних бездbлий;

Знамение крестное да будет прекрасно

изображенно всюди, сие бо ужасно

Всему противству будет: сим вооруженний

Константин он Великий погна безчисленний

Полк Максентиев. При сем полку посилаем

хоругов, тебb же щит крестом знаменаем.

Мечислав

Совbт княжий усердно приемлю, понеже

прежде Христа вседушно возлюбых и еже

Идоли сокрушити дbлом исполнихом,

что творити указом первим должны быхом.

За коругов усердно полк благодарствует,

за щит же тако крbпкий велми долженствует

Мечислав, да сам своя персы вмbсто щита

дасть ему, от всякаго вражия навbта

Защищая власть его. О вои! Се златий

возсия день; достоит всbм торжествовати.

хор

Андрей апостол со ангелы

Се уже день возсия, - о радости многа! -

день прийде, извbщенний мнb прежде от бога!

Се той ест свbт, его же, духом зде водимий,

обbщах ти, Киеве, граде мой любимий!

Дотоль во тмb был еси, и зрак твой, пред миром

свbтел от дbл преславних, но яко кумиром

Темным бяше подчинен, бяше зbло черний.

Се цbло тя просвbти свbт он невечерний!

Но гдb есм? Что се вижду? Кия еще лbта

откриваеш мнb, царю вbков? Свbт от свbта

(Вижду) умножается, - яко бо в началb

мал поток з гор исходит, потом же во малb

Умноженний от инних, стекшихся в едино,

пространнимы лиется струямы. Не инно

Чудо о твоей славb вижду, граде божий!

Се ти мученической кровы растут рожы:

Борис, Глbб, вbтвы святи корене святаго.

Лютb! Уже мещет бbс брата проклятаго,

Уже, вижу, копие и нож поощряет!

Но радуйся, о граде! Зbло украшает

Скорб сия лице твое. Се же что? О странно

чудо! Горы, зрящии на юг, нечаянно

Свbт велий испустиша. Вы же, сbдиною

честнии, о мужие (ибо предо мною

Не криет вас и земля), что творите тамо?

Свbтло вас двоих вижу, и се, един прямо

Другому, в горах себb глубокия ямы

копают изсохшимы от поста рукамы.

Коль же многы приходят к оным от стран многих!

Но и князы славнии - чудо! - у убогых

Старцев богатства ищут. О коль много честных

лиц вижду! Не толикий от кругов небесных,

Коликий свbт изийде от пещер тих темних.

Россие! Се ти небо в пропастех подземних!

Но и вся киевския горы драгоцbнну

утвар приемлют всюди. Всюди благочинну

Красоту вижу; аки во вbнцы драгие

бысеры, по всbх горах зрю храмы святие.

Увы мнb! Укроти гнbв, царю прогнbванний!

Что прещение сие? Что страх нечаянний,

Граде, велик гнbв на тя приять огнепална

мест божия? Велми тя сотворить печална!

Нbкоему Батию меч подасть огненний,

тbм погублен будеши и тbм посbченний

Цвbт людей твоих падет и скоро повянет.

Но не до конца забвен будеши: востанет,

Востанет избран богом, иже тя возставит,

возвратит ти доброту и паки прославит.

Седмий бо вbк отнынb свbтила премнога

на златой колесницы везет ти от бога.

Вижу мужей премудрых, учителных, силных,

к тому и храбрых в брани, к тому ж многодbлних,

Посредb же всbх оных велия свbтила

два сияют. Един власом убbлен до зbла,

Митра же ему злата сbдину пречестну

украшает; в другом же знамени небесну

Вижу утвар: звbзды бо купно со луною

и в небо перущою зрымы суть стрbлою.

О церквы российския! Коль много ти свbта

от сих свbтил прибудет во оние лbта!

Другаго же воинску вижу бронь носяща,

всего пламенна, всего палимим горяща

Гнbвом. И вижу купно, како полкы многы

вражия устрашает и ломит им рогы.

Вижу и се: вражия Махомета грады

трясутся пред ним, падут, не чают отради.

Но нbкий лев ярится и на мужа силна

ногты острить. Но ярост твоя есть бездbлна,

Звbре гордий! Поспbшно, о вожде великий,

поспbшно иди, будет сверbпий и дикий

Хищник раздран от тебе и издше воскорb,

ты же наречешися от всbх Сампсон вторий.

Но он на се от мене оружия просит.

Почто? Твое бо в щитb благородство носит

Крест самаго господа, на вся супостати

страшний. Обаче мнится он мнb глаголати:

"Твоим быти воином велит ми, Андрею,

цар Петр, за помощию ратую твоею".

Ратуй мнb, оружниче! Ратуй, вожде мощний!

Аз, аще в чем возмогу, буду ти помощний.

Се же кий во слbд его позор поспbшает?

Образ вижу аз нbкий, его же являет

Предзрbние божие. Многа и чудесна

вижу на нем зрbния. Зде равнонебесна

Обитель Печерская каменния стbны

подносить, а дbвая исполнь своей сbны

Намет распростирает, намет свbта полний,

намет, ко Мариину жилищу доволний.

Зде инно чудо вижу: аки би забвенний,

акы не бывий еще, давно поверженний

Престол переяславский и лежавший долb

востает уже красно; на том же престолb

Посажен быст муж нbкий честен, добронравен,

древным оным пастирем ревностию равен.

Зде инние многие зрю домы святие.

От всbх же краснbйшое позорище сие:

Зиждется дом учений. О дней тих блаженных,

Россие! Колико бо мужей совершенных

Произведет ти дом сей! Над всbмы же симы

храминамы зиждитель Иоанн славимий

Начертан зрится. Боже дивний и великий,

откривий мнb толику радост и толикий

Свbт на мя излиявий! Дажд крbпост и силу,

дажд многоденствие, дажд ко всякому дbлу

Поспbх благополучний, брань всегда побbдну!

Дажд здравие, державу, тишину безбbдну

Дажд сия царю Петру, от тебе вbнчанну,

и его вbрнbйшему вожду Иоанну!

СТИХОТВОРЕНИЯ

ЕПИНИКИОН

сиест пbснь побbдная о тоейжде

преславной побbдb

Аще когда найпаче нынb нам желати

Достоит многих устен, ибо ниже златый

Орган рифмотворческий воспbти довлbет

Нашей нынb радости, ниже что успbет

Вbтийских устен слово. О боже всесилный,

Еще наш приял еси вопль и плач умилный,

Еще нас не судиши в конец отринути!

Побbдихом! Падеся супостат наш лютый,

И отступник приять казнь, отчества враг велий,

Ко нам же возвращенный грядет мир веселий

И безбbдно здравие ведеть со собою.

Нынb и день лучшею красен добротою,

И солнце множайшая луча испущает,

И лице краснbйшее цвbт полный являет.

Но коим прийде видом побbда нам сия

И погрузи во крови главы проклятыя,

Ты рци, славо гласная! По всей же вселенной

Разсbй велегласие вbсти торжественной!

Уже брань десятое лbто начинаше

(Время брани Троянской), егда уже бяше

Внутр отчества супостат сверbпий и дивый,

Змbнническим полчищем силу умноживый.

Тогда бог всемогущий, с высоты небесной

Призрbв на люди своя и не терпя лестной

Ереси на избранных вию находити,

"Всуе, - рече, - вся сия вражия навbты,

Да и всю лютость и вес изнурит яд звbрный,

Хотя церковь попрати и род благовbрный.

Аще рука змbннича тебb прилучися,

О свbю, моя, яже в силb прославися

И сотре ад, десница со Петром на брани

Будет, и узрим, коей побbда ждет страни".

Сия изрек, абие ожесточи тогда

Сердца супостатския; яко же иногда

Лютаго фараона обять убо дивна

Гордость ум их и мечта, естеству противна.

Помыслиша бо себb от твердой сложенных

Руды и во стикгийской водb измовенных,

И не мощи своему язвитися тbлу:

Таковую безумнb мняху в себb силу.

В полках же православных бог непостижимый,

Хотя им дати крbпость и щит нерушимый,

Всbх сердца осязает и мысли подробну,

И, аще страх и трепет или неудобну

Ярость ко согласию тайнb ощущает,

Изъемлет, и всbх дивнb духи сопрягает

Крbпким любве союзом, и вливает тверду

Дерзость, но не безбожну и не жестосерду,

Дабы ни на смертную силу полка многа,

Ни на лук свой уповал воин, чтущий бога.

Твое найпаче сердце смотрителнb строит,

О Петре, царей славо, и, яже достоит,

Потребныя времени подает совbты

И благополучными веселит обbты.

Тако егда обоим странам бог высокий

Судбы своя устрои, абие жестокий

Марс сию часть и ону начат поощрати;

Скорим бbгом и вbтру подобним до рати

Полки устремишася; сих ревность по вbри

И отчествb раждеже, овbх же без мbри

Распали бbс яростный и жаждущий крови.

Летит свbй, летит купно змbнник неистовый.

Камо духом бbсовским бbжиши носимий,

Студе вbку нашего, вреде нестерпимий?

На отца отчествия мещеши меч дерзкий!

О племя ехиднино! О изверже мерзкий!

Забыв любов отчую и презрbв самаго

Твердий закон естества! Обаче се благо,

Яко скорий ест на казнь, косний сий на дbло.

Бbжbте, скорой мести требb, скорой зbло!

Но и здb непостоян злый змbнник явися,

Змbнив царю и Марсу: егда бо открися

Поле бою страшнаго, не токмо входити

Во ратный огнь, но ниже издалече зрbти

Не дерзну; но сугуб студ приять вмbсто рани,

Непостоян во вbрb, трепетен во брани.

Зрbм же, что и свbй дерзкий силою своею

Успb храброй России, боряся со нею.

Блисну огнем все поле; многия воскорb

Излетbша молния; не таков во морb

Шум слышится, егда вbтр на вbтр ударяет,

Ниже тако гром з темных облаков рыкает,

Яко гримят армати, и гласом и страхом,

и уже день помрачи дым, смbшен со прахом.

Страшное блистание, страшний и великий

Град падает желbзный; обаче толикий

Страх не может России сил храбрих сотерти:

Не боится, не радит о видимой смерти.

Но егда тя, о царю и воине силный,

Узрb посредb огня, объять ю страх зbлный,

Вострепета и крайней убояся страсти,

Да бы в едином лицу всbм не пришло пасти.

Но не попусти прийти бbдству таковому

Бог силный. Абие бо от горняго дому

Низпосла щит (щит, им же во лютое время

Хранит грады, и царства, и людское племя)

И вся на главу твою и на твоя силы

Летущия сотвори бездbлныя стрbлы.

Свbй же, во оружии своем уповая,

Гинет явственнb, егда коей избивая

Смерти, огнем летущой; лиется кровь всюду;

Стелет землю трупие; мало уже люду

Зрится во полках его. И недолго бяше

Сумнительна побbда. О блаженство наше!

Царю богом вbнчанный, ты, силен о бозb,

Сокрушив, повергл еси гордаго под нозb.

О день благополучний! Кий язык и кое

Слово изрещи может блаженство такое!

Укри труп свbйский поле, падеся род лютый,

Наша покусивыйся главы низринути.

Что о воех и вождах речем во плbнь взятых?

О користех, знаменах и бронях богатых?

Аки бы з тым супостат пришел к нам совbтом,

Да бы нас наслbдники благ своих завbтом

Крайним явb сотворил; инных скороногий

Страх изнесе, и уже во силb немногий

Сам лев, иже многия устрашаше грады,

В лbсы, в чащы побbже искати отрады.

С малою ли бbжиши, звbре, срамотою,

Хоботом заглаждая слbд твой за собою?

Кое убо торжество, кий лик будет равный

Сей побbдb? Тебb же, монархо державный,

Что в дар твоя Россия принесет и кия

Воспоет пbсни? Ибо побbдити свbя

Коим либо образом дивно бы всbм дbло

Было, яко в повbстех славимаго зbло.

Что же, егда лютая в отчества предbлы

Внийде брань и ко врагом змbнничия силы

Приставше зваху роди, царствию твоему

От древле враждебныя, ко числу своему;

И молвы великия повсюду восташа,

И аки море земля потрясеся наша. -

Коликия зде врагом возрастоша роги,

Тебb же неудобства и труды премноги!

Требb бяше на много частей раздbляти

Воинство и многия грады укрbпляти,

Укрощевати молвы, предbлы хранити,

Блюсти и познавати двоих врагов сbти.

Обаче в толь тяжкий год (О безсмертной славы

Дbло!) побbдил еси. Позна величавый

Свbй суетну бров быти гордины своея

И, поражен силою десници твоея

Аки с небес молнием, достиже злонравный

В конец Фаетоновой погибели равный.

Тbмже прийми, о храбрий царю, цвbт побbдный

И силы, яже в тебb Марс сей многобbдный

Изнури и сотрясе трудом непрестанным,

Обновляй всерадостнb торжеством избранным.

Совосплещут градове на слух сей веселий,

Пройдет стbны и врата глас торжества велий.

Нынb тебb родися слава, царству равна,

И титла, паче царских титл честна и славна,

О сем преславном дbлb, в пbснех неслыханном:

Пbти будет веселник по морю пространном;

Пbти будет на холмb путник утружденный,

И оповbсть иногда лbты изнуренный

Старец внуком, и, яко своима очима

Видb то, внуци старца нарекут блажима.

Мало се: пройдет скоро глас сей торжественный,

На мир весь сугубому верху подложенныи.

Всяк слышай сумнbнныя мысли в сердце приймет,

И всbх силы твоея страх велий обиймет;

Вси твоей начнут дружбы, вси мира желати

И не дерзнут рускаго Марса раздражати.

Бог же, сие блаженство давый нам тобою,

Тожде твоим здравием и дний долготою

Да укрbпит, желаем, всегда ти побbдну

Дая помощ, да бы и лютую ехидну,

Пиющую кровь святых, твоим же убити

Дал тебb оружием, и вся сокрушити

Темници варварския и ярем безмbрный,

И от долгих узилищ извести род вbрный,

Да же, вся побbдныя совершивше рати,

Крест на стbнах Сионских водрузиши златый.

ЗАПОРОЖЕЦ КАЮЩИЙСЯ

Что мнb дbлать, я не знаю,

А безвbстно погибаю:

Забриол в лbсы непроходны,

В страны гладны и безводны;

Атаманы и гетманы,

Попал я в ваши обманы.

Пропадить вы за пороги,

Лиш бы не збытся з дороги,

Не впасть бы мнb в силны руки,

Не принять бы страшной муки;

Иду же я на путь преждний,

Под кров мнb зbло надежный.

Прогнbвил я самодержца

С малоразсуднаго сердца.

Да мой же в том разум твердый,

Что бог и царь милосердый:

Государь гнbв свой отставит,

И бог мене не оставит.

ЗА МОГИЛОЮ РЯБОЮ

За Могилою Рябою

над рbкою Прутовою

было войско в страшном бою.

В день неделный ополудны

стался нам час велми трудный,

пришол турчин многолюдный.

Пошли навстрbчь козацкия,

пошли полки волоския,

пошли загоны донския.

Легкий воин дbлав много,

да что был числа малого,

не отнял мbста лихаго.

Поял то был город близкий,

врагом добрый, бо был ниский,

дал бы на вас пострbл рbский.