Тут псалтирь рифмотворная 25 страница

И аще будеши богат, то не буди скуп. Во святыя церкви подавай на созидание и на украшение106, она бо по вся дни за созидат(ел)ей своих молит; и нищих наделяй, и бедным людям в нуждах их помогай, дабы и тии со святою Церковию за тя Бога молили. И аще ты милостив будеши, то и Бог к тебе паче милостив будет и ни в каких нуждах тебя не оставит. Духовный чин почитай и подаянием своим неоскудным их наделяй. И аще врученное ти от Бога богатство добре управиши, то и во грядущий век воздаяние от Бога приимеши сугубое. И аще ты, чадо мое, будеши жити во страсе Божии и никого ни чем обидети, ни делом ни словом, не будеши; а диавол аще восхощет тя от тоя твоея добродетели отторгнути, наустит на тя какова злаго человека, и той, по наущению диаволю, начнет тебя обидети делом каким, или словесы неподобными озлословит тя: ты же всячески понеси на себе, а того и в мысль свою не влагай, еже бы тебе чем ему отмстити. Но и не жалься на него, не токмо людям, но ниже Богу; но паче всякими образы тщися, еже бы зделати ему каковую ни есть добродетель. И аще тако сотвориши, то Господь Бог твоих грехов не воспомянет, и за такую твою добродетель похвалит тя пред всеми Своими ангелы, и введет тя во царство Свое небесное, и тамо будеши богат неоскудным богатством, и славен будеши паче царей земных. Диавол же, наведый на тя таковаго злодея, посрамлен отидет от тебя.

Аще не токмо богатством в житии своем будеши от Бога наполнен, но аще и честию возвышен, обаче буди кроток и смирен, и ни пред кем не возносйся: буди яко простый мирянин. Обиды не токмо убогим, но и богатым никаковые не чини, но паче буди сам от инех обижен. И дом свой не чрезмерно разширяй, дабы тебе своим излишним разширением обиды какой соседям своим не учинити, и вознесенным своим строением света бы у соседей не отняти, и никому бы тесноты какой не учинити. Буди ко всем людям нисходителен И за собою чужого ничесого не удержуй; а буде кто ти даст свое имение на сохранение, то ты паче своего тое сокровище храни, дабы каковые пакости и погибели тому чуждему имению не учинилось; и аще кто ти что дав забудет, возвращением возврати ему. Так ты себя храни, дабы тебе и к малой какой вещи чуждей не прикоснутися. И аще кто тя чем подарит, тщися воздати ему вящши; а аще вящши воздати не восхощеши, то ты ни малаго подарка не приемли. И аще взаим возмеши денег, или иного чего, и поставиши срок, то не моги ты за срок передержати, но всячески тщися, еже бы за день или за два до сроку принести ти заплату. И тако творя, от всех похвален будеши и добрым человеком прослывеши. А аще же к сроку не исправишися росплатою, то, прежде того дне пришед, испроси сроку.

А аще кто на пути, или на дому, или во церкви поклонится тебе, то не моги ты того сотворити, еже бы ти поклона не отдати: честному человеку по чести его и поклонись, а богатому по богатству, понеже яко честь, тако и богатство от Бога человеку дается. А и убогаго не презри и в поклоне не преобиди его: по елику возможно поклонись и ему, да поклонением своим порадуеши его. О сем же всячески тщися, дабы поклон твой был не гордостен. И аще и младенец каковый тебе поклонится, и тому поклон отдай. А такова безумия отнюд в себе не имей, еже бы ти, не сняв с себя шапку, да в ней и кланятися: не буди шапка твоя пригвождена ко главе твоей. И пред всяким человеком смирение и низость свою показуй безлукавную, и смирение твори не того ради, дабы тебя люди хвалили, но от самыя истинны. В словесех, и в делесех, и во всяких поступках смирение твори без всякаго притвора; и не токмо в явности, но и в тайности, и внутрь себя смирен буди; и того своего смирения не ставь себе в добродетель, но ничтожа себя смирение носи на себе. И Бог, видя твое таковое смирение, во грядущем веце вознесет тя на высоту небесную и прославит тебя.

2. И аще Господь Бог даст тебе остроту разума, то ты паче смиряйся и ни пред кем не возвышайся. И буде вручено ти какое дело государево будет, то ты о доме своем и ни о чесом своем тако не пекйся, яко о врученном ти деле: того и смотри, чтобы тебе чего не истеряти. А аще в том деле будеши какой росход имети, то перве ту дачу запиши в книгу, и егда уже запишеши, тогда отдай. А не записав, никогда никаковому человеку ни малыя дачи не давай, понеже от сего пакость бывает великая: аще что отдаси, не записав, и восхощеши последи записать, а тебе случится иная какая нужда, и час по часу замедляеши, и тако ис памяти твоея выдет, и в безвестии та твоя дача незаписанная пропадет, и что ты без записки потеряеши, вся та на тебе взыщутся. И от таковых незаписных дачь многие люди в конец разоряются. А другая причина от незаписки такая чинитца: егда кой человек, не записав, денги даст, а последи, забывшись, напишет одну дачу дважды; и аще и от забвения тако учиниши, то пред Богом согрешиши и в клятву впадеши, и со взявшим спор наведеши, и сего ради и сам себе неверен явишися. А аще не записав отпускать ничего не будеши, то и от греха, и от убытку избежиши.

А и в доме своем имей две книги записные: едину настолную, в ню же всякия дела записывай повседневно, что, кому и за что даси, или у кого что возмеши, свое или чужое, или что купиши, и что за что даси; а другую книжицу имей при себе памятную, и нужнейшия дела и вещи записывай в ню. Тако, во всяком деле, того и стереги, в чом бы тебе пороку какова не нажить, и в грех бы не войтить, и никакову человеку досады бы не учинить. Так ты опасно себя храни, дабы на тебя никто, не токмо Богу, но и своей братье не пожаловался бы.

И аще у какова дела будеши и болшим командиром, обаче самоумничеством своим ничего не делай, но все чини с общаго совета. Сам бо Господь Бог повелел всякие дела, посоветовав со клевреты, творити. Тако бо Господь рек: аще два или три собрани будете во имя Мое, то тут обещался Он, Господь и Бог, посреде быти (Матф. глава 18, стих 20). А идеже будет Бог, ту и вся благая будут, и кое дело с совету устроиши, то, по Господню словеси, тое дело состоятелно будет. А аще умом своим вознесешися и будеши что делати без совета, то тут Бог тебе ни в чом не послет Своея помощи. Ты аще и болшим камандиром у какова дела будеши, обаче буди яко последний всем, и яко служай им. Сам бо Господь повелел болшому так себя смирити, яко мний всем и слуга (Лук. гл. 22, ст. 26. Сирах. гл. 32, ст. 1, 20-21). Тем ты себя не обезчестипга и чести своея не урониши, еже пред своими клевреты сам себя снизиши. И аще весма себя пред меншими тебя смириши, и, за такое твое смирение и Господню повелению исполнение, Бог тебя вознесет, яко же Сам Он весть. О сем же всяк да весть, яко Бог гордым противится, смиренным же дает благодать Свого (Притч. глава 3, стих 34). Смирение бо не токмо пред Богом добро, но и пред человеки хвально.

3. И лжи во уста своя ни малыя не влагай, понеже лжи началник и отец есть диавол. И сему словеси верь, ибо Сам Господь изъявил нам о сем, яко лжи началник и отец - диавол и во истинне не стоит (Иоан. глава 8, стих 44). И ты, сыне мой, у диавола ничесому не учись, и в малом чесом либо не верь ему, понеже весь он ложь есть и во истинне не стоит: что он кому ни обещевает, все лжот и обманывает. Того ради и ты, сыне мой, велми бойся лжи, дабы тебе в сыновство диаволу не вдатися. А святый цар и пророк Давыд, Духом Святым провидев, вещает, яко Господь погубит глаголющих лжу (Псалом 5, стих 6). Такожде и лстиваго глагола никакова никому не глаголи: той царь и пророк вещает, яко погубит Господь вся усты льстивыя (Псалом 11, стих 4). Наипаче же в сием себя опасно храни: аще кто на тебя пошлетца в каковом свидетелстве, аще тебе и самый враг пошлетца на тя в правде, а в неправде аще и самый твой секретный друг, или ближний своиственник, или тобою и начальствующий, не моги солгати и, вместо правды, неправду сказати. Лучши тебе беда или и смерть подъяти, нежели, солгав, целу быти. Аще правду скажеши и за то от вышних лиц постраждеши, а наипаче, аще смерть себе приимеши, то тебе подобает радоватися: понеже ко святым мученикам причтешися. О, сыне мой, щаслив бы ты был, аще бы ты, за праведное свидетелство, смерть себе приял еси, понеже прямо бы ты возлетел еси на небо и воздушнии демони не могли бы души твоея одержати: тою бо ты своею мученическою кровию все свои грехи очистил! А аще во свидетелстве солжеши, мстя кому недружбу, или дружбы ради, или ради мзды каковыя, или ради страху от лица силнаго, да вместо правды скажеши ложь, а последи аще неправое твое свидетелство обличится, то ты судом царским смертную казнь постраждеши. И та твоя смерть разве токмо един той грех загладится, еже на лжи свидетелствовал, а прочиих грехов едва заслужиши ли. И сего ради всякому человеку велми годствует лжи боятися, дабы диаволу предану не быти. Анания со женою своею Сапфирою святому апостолу Петру солгали, то в том же часе и души свои извергли из себя (Деян. глава 5, стих 3). Господа ради, чадо, бойся лгати, дабы ти век не страдати.

Такожде и пустушных глаголов весма бегай, и глаголи токмо то, еже полезно или потребно; а еже посмешно, или ругателно, отнюд таковых словес не глаголи. Господь тако рек, яко за всякое праздное слово в день судный воздадут ответ (Матф. глава 12, стих 36). И тако Господь кощунства ненавидит, еже и благодать Свою от них отъемлет, ибо аз не видех ни единаго шута, еже бы умер с покаянием. И сего ради велмивелми издеватися над человеки страшно, дабы, за издевки посмешныя, христианския кончины не лишитися. Нам, в мире живущим, то и надежда наша, еже бы при кончине сподобил Бог чисто покаятися и достойне пресвятаго Тела Христова причаститися. И ты, сыне мой, велми бойся пустошных словес глаголати. Паче же бойся великим страхом, еже бы тебе убогого кого, или богатаго не обругати чем и досады не учинити, дабы тебе в день судный ответу Богу о них не давати. Но аще кого ты увидиши и велми глупа, не моги его ни ругати, ниже осудити, понеже то ругание коснется Самого Бога, понеже Бог ево такова сбздал. И аще кого и велми глупа узриши, то ты поболи о нем и, елико можеши, помоги ему, за еже он не своим изволом таков, но Божиею волею. И Бог, видя твою такую любовь к малосмысленным, паче тебя умудрит и не токмо на том свете, но и на сем свете возградит тебе десятерично; а на оном уже и сторично восприимеши, и живот вечный наследиши.

4. Сыне мой, не буди ты горд, яко лютор. Ты не токмо апостольским преданиям, но и отеческим буди послушен, и не презирай их. И егда внидеши во святую церковь, то и ты буди свят, ничего суетнаго не размышляй, но токмо то мысли, како бы ти, стоя во церкви, Богу угодити и не осуждену из нея изити, но милость Божию себе получити. И того ради буди во церкви, яко кроткое овчатко: ни малые гордости не припусти к себе, но всех буди крочшь, ни малыя высокости в себе не являй. Не уподобляйся гордым люторанам: они бо не токмо отеческая предания, но и Христовы заповеди вся опако обращают, токмо хранят с великим тщанием отца своего и предводителя до бездны, Мартина, лютаго губителя душь христианских. И по его Мартинову наставлению, и в кирки свои вшед, в шапках и в шляпах и в паруках, седши в кресла, слушают своея обедни. Нарицают ту свою кирку домом Божиим, а вшед в ню, седят яко на торжищи, или яко в корчемнице, а не в Божием дому. И нам от таковые их превеликия гор(д)ости надлежит бежати, яко от лютаго какова яда. Есть бо нецыи и из нашего праваго христианства, научившеся от них, во время божественныя литургии, во церкви стоят в паруках и в явление пресвятаго Тела Христова не снемлют их со глав своих, и тем они Тело Христово ругают, понеже и архииереи Божии в тое время покрывала своя снемлют с себя. А паручники не хощут пресвятому Телу Христову чести отдати: уничтожа то божественное таинство, стоят в покрывалах, ни что же разсуждая. И ты, сыне мой, таковаго люторскаго безумия отнюд себе не приемли, и не мни того, якобы в паруке во церкви стояти безгрешно было. То себе веж(д)ь, яко аще в паруке стоять безгрешно, то и в шапке, и в шляпе уже безгрешно: вся бо сия едино есть покрывало. Какова бо шапка, такова и шляпа, ничим же разньствует и парук. Но еще парук и горши шапки и шляпы: в шапке бо и в шляпе шерсть, или рещи, волосы, вещь бяше чистая, понеже емлются от чистых овец и от иных зверей дубравных, на коих не токмо греха, но и заповедь никакая не лежит; а в паруках волосы собраны от мертвых жен и девиц, много же и от скверных блудниц. И таковых мертвечинных и нечистых блудниц волосы православным христианом и вне церкви на главы свой возлагати не весма годствует. Люторанам то своиственно есть, еже носити тавокые паруки, понеже они вне суть истиннаго христианства; обаче и им не безгрешно есть, еже в церковь в них ходити, понеже кирки их, аще и еретическаго зловерия суть, обаче под имянем Божиим. А уже где имя Божие назначилось, то уже стало быть свято, и за имя Божие уже надлежит почитати и кирка, а с корчемницами не подобает их ровняти.

Мартин Лютор аще ученикам своим на вся разрешил и от грехов всех свободил, обаче не токмо нам, правоверным, но и им самем надлежало было осмотряся слушать ево повеления. Не менши ево насказал и Махомет, но надобно верить поосмотряся. Возлюбленный ученик Христов не повелевает всякому духу веровати; тако бо рече: возлюбленнии, не всякому духу веруйте, но искушайте их, аще от Бога суть (1 Иоан. глава 4, стих 1). И аще кто не весть, како кого искусити, то посмотри на житие его, каково он живет, чисто ли, или скверно? И аще кто в чистоте пребывает и живет свято, то тому мочно верить; обаче и тут не без сумнителства будет, аще древнему преданию будет противно учити107. А аще кто живет грешно и в скверности пребывает, таковаго человека учению, аще помнится и право глаголет, не подобает верити. И сей секрет не от себя изнесох, но создавый нас Господь и Бог нашь, оберегая нас, изъявил сей секрет, како нам учителей своих лознавати, глаголя: внемлите от лживых пророк, иже приходят к вам во одеждах овчиих, внутрь же суть волцы хшцнии: от плодов их познавайте их108. Не может древо доброе плод зол сотворити, ни древо злое плод добр творити. Всякое убо древо, не творящее плода добра, посекается и во огнь вметается. Тем же убо от плодов их познаете их (Матф. глава 7, стих 15). Зри всякой человек, каково ясно Господь изъяснил, како учителей своих познавати нам. И по сему Господню словеси, никоими делы верить словесем Люторовым не довелось, понеже он житие свое имел самое скверное. И на житие ево зря, не то, чтобы ево слушати и волю его исполняти, но довелся он, по Господню словеси, огню предати, дабы и имя его исчезло. А Немцы толь обезумилйся, яко хуже скота явились; что пьяной блуднак ни соврал, тому и поверили. Люторане глаголют; "каково же Мартин Лютор ни жил, толко де мы ведаем, что он правой нам путь показал"; а Господь нело(ж)ными Своими усты рек, яко злое древо не может плода добра сотворити. А Немцы паче Бога себя поставиша. Господь рек, яко не обьемлют от терния грозды, ни от репия смоквы; а Немцы то слово Господне на землю повергоша, и ногама его попраша, и нудятся от терния обирати грозды виноградны109, а от репия смоквы сладостныя110. Аз же, Господне слово подкрепляя, глаголю вам, яко, ища на тернии виноградных гроздов, не токмо руце или лица Своя, но и душу свою пронзете, а гроздов не обрящете; такожде и на репейнике, что болши будете искать смоквей, то болши в репьи обваляетеся. И от терния все свое тело и душу избодете, а в репейнике вся своя одежды, извну и извне, обваляете и будете щуды ужасновидные; душу и тело и ризы своя оскаредите, а ни гроздов, ни смоквей не обрящете. Явной та рок, что ножом себя в бок. Уже видя в блуде и во всякой скверне человека пребывающа, а возжелали от него ползы искати!

Господь Сам Своими святыми усты рек, глаголя, яко не всяк, глаголяй Ми: Господи, Господи, внидет во царство небесное, но творяй волю Отца Моего, Иже есть на небесех (Матф. гл. 7, ст. 21). И аще Мартин и поминал имя Господне, и тому было верить не довелось, но надлежало было посмотрить жития его: по Божией ли воле он живет, или по диаволей? И, видя его по воле диаволей живуща, отнюд не подобало было его слушати, понеже111 повелел Господь тех слушати, кии по воле Его112 Божией живут. Апостол Павел тако глаголет: подобни мне бывайте, яко же и аз Христу. А Мартин Лютор подобен не Христу, но самому диаволу; а диаволу и самому верити отнюд не подобает, а не то что подобнику его Мартину. Мартин одним словом грехи со всех своих послушников снял; а Иоанн святый Предотеча не тако глаголет, но повелевает сотворити плоды, достойны покаяния (Лук. гл. 3, стих 8). Что же плоды покаяния? Яве есть, яко - пост, молитва, воздержание и от грехов отступление. А Мартин повелел плоды творити своему люторскому покаянию: вместо воздержания - всякая роскошность, а вместо поста - вседневное мясоястия, вместо слезнаго моления - веселостное играние. И по таким плодам гнило люторское покаяние, гнила и надежда на таковаго гнилаго человека. Святый апостол Павел повелел наставников своих слушати тех113, кии глаголаша слово Божие, и повелел114 взирати на скончание их жителства, и вере их подражати (Евр. гл. 13, ст. 7). А люторанам како воззирати на скончание жития115 своего предводителя, иже зле житие свое скончил? Вере его подражают и вся его приказания крепко хранят, а на скончание жития его не взирают отверстыма очима, но сомженныма. Понеже не токмо на кончину жития его, но и на все его житие аще кто отверстыма очима позрит, то развее кто из ума своего изступил, тот токмо словесам его поверит; а кто в целом своем уме и разсуждение имеет здравое, то той, яко от змиа, от учения его пробегнет. Он все свое житие в блудной скверне проводил и тоя своея скверны и в грех не поставил: меня де такова Бог сотворил, и якобы виновен тому ево греху Бог, а не он! И сластолюбивые Немцы тот ево кривой толк от всея своея души возлюбили, и доныне вси преемницы его во грехах своих Бога винуют, а не себя. Токмо нас, во православии сущих, соблюди, Боже, от таковаго люторскаго безумия и от трепроклятыя их святости!

Мы вси вемы, яко Бог безгрешен есть, и плоть человеческую приял на Ся от безгрешныя Девицы, и никаковому греху Спаситель нашь не причастен. А Мартин Лютор, сам от блуднаго лакомства в кале блудном обвалявся и стыд свой прикрывая, безвиннаго Бога винует, и по наученью его, Мартынову, и преемницы его такожде винуют Бога, и вся своя грехопадения причитают к Божией вине, а не к своей, глаголя: таковых де нас Бог сотворил. И аще кто в них блудолюбив, или и иным каковым грехом обложился, то они вси вину ту причитают Богу, а не к себе. А христианский учитель, святый Иоанн Златоустый, единым словом таковых кривотолков возражает, глаголя: аще де такова тебя Бог сотворил, то возжелавый блуд творити не скрывайся в клеть, но на торжищи, или и пред судиями, явно блуд твори; понеже, глаголеши, Бог тебя такова сотворил, то несть тебе в том блуде греха, ниже зазора. А аще сего сотворити не можеши страха ради судеискаго, то како [рече] страх судеиский природную твою страсть прогонит, а Божия страха не боишися, Иже не токмо тело, но и душу может мучити? А вы еще и виновна Его, Создателя своего, творити, якобы от Его Божиея воли грехи содеваете! Пред Богом извиняетеся, то чесо ради и гражданским судием того не глаголете, еже Бог вас таковых сотворил, и чиниши ты то злое дело не по своей воле, но по Божией? Ты себе, кривотолче, по сему разумея, разсуждай: скот, аще и пред царем сходитца, несть ему вины и стыда он не имеет116, понеже он по закону своего естества тако творит, и того ради они безвинны; а ты не то что судии, но и единоравнаго своего клеврета зазираешися. И посему, люторе, явную ложь глаголеши и безвиннаго Бога винуеши напрасно, якобы тя такова грехолюбива Бог сотворил; но вся сия слабость твоя и потачка предводителя вашего Мартина тако творит. Мы же вси ведая вемы, яко не можеши и з законною своею женою явно при народе снитие сотворити: аще бо ясно на тя зрят людие, то всячески похоть свою отложиши. А о сем, чаю, и вы не не весте, еже от Бога никто, никамо укрытися может. Аз не вем, чесо ради судии ваши не по люторскому разуму суд чинят, иже разбойников и иных воров смерти предают? А по вашему люторскому высокоумию ни за каковую вину не токмо смертною казнью казнити, но и наказания чинить не надлежало, понеже Бог их таковых сотворил и, по вашему люторскому глубокоумию, во всех тех винах виновен Бог, а не они. О, превеликаго безумия, о, несказаннаго пред Богом безстрашия! О, Боже нашь человеколюбче, доколе таковым Своим явным ругателем терпиши? Учение Твое древнее и новыя благодати развратиша, и грехи своя вся на Тя, Боже, возвалити хощут, и без труда, широким путем, нужды ни малыя не подемше, царствие небесное похитити хощут!

5. И не токмо благочестивую древнюю веру восточныя и западныя Церкве уставы развратиша, но и творение Божие опако превратиша. Бог сотворил землю тягостную и недвижимую, и от небес всякую тягостную вещь устрои к земли клонитися, а легкости к небеси устрои возноситися; и вещь самую от всех элементов легчайшую, солнце, отдели от земли, сотвори его последи тягостныя земли, в четвертый день, и подъяв его к высоте, и постави на четвертом небеси, еже освещати ему всю вселеную, и на кияждо сутки повеле ему обходити вкруг всея земли. А тыи лютораня то творение Божие опак обращают и глаголют, якобы легкость солнечная стоит недвижима; а тягостная земля на киеждо сутки обходити блядословят неисчислимые милионы верст! И таким своим блядословием не токмо слово Божие, но и дела Его опорочиша. Боговидец Моисей написал явно, от уст Божиих слышав, яко в первый день начала сего света сотворил небо117 и землю, невидиму и неукрашенну; и света не бе тогда, последи же сотвори свет. Небо же сотвори Бог видимое118 во вторый день, то есть твердь. В третий же день украси Бог землю травами и цветами, и всякими древесами. А в четвертый день сотвори Бог солнце, и луну, и звезды, и постави я на тверди небесней, а не в кентре всего света. А проклятый Каперник, Богу суперник, тот творителный глагол Божий спорит, и Моисеово писание, иже от откровения Божия написанная, ничтожит, и тому своему лжесоставному вымыслу никакова от Божественнаго Писания свидетелства не являет, но токмо своим богопротивным умствованием утверждает. И тыи же люторане в такое уже безумие от высокоумия своего внидоша, еже и Самого Бога ничтожити начинают, и глаголют: несть Бога. О, презелнаго люторскаго безумия! Законы вся Божия119 превратиша опако, а потом начаша творение Его обращати опако же! Тягостную землю подъяша на воздух, от кентра земнаго, идеже была от Бога сотворена, вознесоша на высоту небесную, и со звездами ю уравниша, и планетою ю нарекоша; а лехкость солнечную с высоты небесныя, идеже е устроил Бог120, снесоша и поставиша в средине тверди небесныя, идеже, по Божию творению121 и повелению, всякая тяжелость собирашеся. Бог сотворил солнце в послужение и просвещение122 земли и живущим на ней человеком; а люторане солнце в Бога почтоша, устроиша ему недвижиму быти, а земле, и с человеки, повелеша служити солнцу и на кийждо день обхождение окрест его творити. И, по тому безумному умствованию, уже и Господа Бога, во время бытия Его на земли, сотвориша123 на кийждо день со землею солнцу служити! И за такия тяжкия богопротивные вины не хощут тем лжесоставникам124 и словесе воспретительнаго изрещи, а за сотвореные пред человеки винности, и за малые, смерти предают! Ибо за едину токмо гривну украденную смертное иго налагают, а пред Богом творимые вины вся возлагают на невиннаго Бога!

И возложение вин ваших на Бога, по высокомнению вашему, является вам, якобы вы и правы. Позрите же на Господни словеса: тако ли Он, Всевидец, глаголет, како вы мните? Мы же ясно видим, яко Господь не по люторскому лжесловию вещает, но по Своему правосудию глаголет, яко сотворшии благая [а не злая] идут во воскресение живота [то есть, во царство небесное], а сотворшии здая идут в воскресение суда [то есть, на вечное мучение] (Иоан. глава 5, стих 29). И вы, суеумственники, како сей Господень глагол разсудите? Хощет ли противно воли Его творящих ввести в царство небесное? А Павел апостол глаголет, яко всем, противящимся истинне, ярость и гнев [а не милость, яко вы мните]. Господь же рек: приидите ко Мне вси, труждающийся и обремененнии, и Аз [рече] упокою вы (Матф. глава 11, стих 28). А вы не хощете и единым перстом коснутися игу, во царство небесное ведущему, и хощете без труда внити в покой вечный. Посты отринусте, воздержание откинусте, и всякия труды, ради оставления грехов своих издревле у всех православных христиан творимые, далече от себе отвергосте. Мартин, вашь предводитель, от высокия своея гордости забыв Бога, тако возгордился, и от преизлишняго своего лакомства блуднаго и ум свой погубил, и уставлял себе и прочиим лакомцам по прихоти своей, а не по Божией воле.

Господь ясно нам изъявил (Матф. глава 7, стих 13), яко закон и пророцы и Сам Он засвидетелствова, яко узкая врата и тесный путь вводит в живот, а пространная врата и широкий путь вводит в погибель. И аз не вем, где лютораня разум свой подели125, еже хощут, широким путем шествуя, внити во царство небесное? Мартин, обрадовавшися власти своей иже сластолюбивые люди и сквернолюбцы присовокупишася к нему и вождом себе учиниша, начал тако безумно законы своя разполагати, еже древния вся уставы церковныя, восточныя и западныя Церквей, разрушил и издал новые: ибо послушникам своим повелел в роскошах жити, а посты и всякое воздержание весма повелел отринути. И тыи126 послушницы его, по его послабе, начаша жити роскошно и итти широким путем и веселостным; а узкой и прискорбной путь127 заградиша и колодием завалиша. А того во святом Евангелии забыша осмотрити, еже широкой путь лежит во адскую пропасть, а не в царство небесное. В царство же небесное токмо един путь тесный и прискорбны(й) от Бога соделан, а инаго пути ко царству небесному несть. И кроме же сего пути аще кто поблазнится внити, не улучит во царство небесное, но токмо улучит вх погибель вечную. И Господь Бог, от тоя погибели вечныя соблюдая нас128, заповедал нам, еже итти в узкая врата, а не в широкая, еже бы внити нам в живот вечный, а не в погибель129. Обаче Господь шествовати прискорбным путем не принуждает нас, но положил шествование в не130 на произволении нашем. И аще кто не восхощет итти прискорбным путем и пойдет широким и веселостным путем, то в том воля наша, а не Божия: понеже Бог человека сотворил самовластна, и предложил пред нас огнь и воду, и на неже хощем, на то131 руку свою и прострем; такожде положил пред человека живот и смерть, и еже человек изволит, то и дастца ему (Сирах. глава 15, стих 16-17). А лютораня напрасно на Бога вину возлагают, якобы они от Божия изволения грешат, а не своею волею. Господня воля то132, еже оставити дом свой, и сродников своих, и жену, и чад, и всякое богатство мира сего; и аще кто тако сотворит, тому обещал Господь воздати всотеро (Матф. 19, 29. Марк. 10, 29). А Лазарев брат, егда молился Аврааму, да послет Лазаря, еже бы обмочити перст в воде и устудити язык его, и Авраам рек ему: чадо, восприял еси благая в животе твоем, Лазарь же злая; ныне же Лазарь утешается, ты же страждеши (Лук. глава 16, стих 25). Видиши ли, люторе: се бо Бог не по твоему судит, но за прокладное и за утешное здешнее житие повелевает в геене мучитися, страдавшему же на сем свете повелевает тамо133 утешатися. И аще и ты, люторе, пелым умом позриши на Христовы глаголы, а не на Мартиновы, то уразумееши, яко напрасно на Бога клевещеши, яко тако вам повелел Бог веселитися и, скача и играя, внити134 во царство небесное. И по сему изъявлению Божию, всякому человеку не безстрашно на сем свете веселитися, дабы на оном во веки веков не плакати.

Паки, вси высокоумствующии, зря, внемлите: се бо Господь рекл, яко мнозии от восток и запад приидут, и возлягут со Авраамом и Исааком и Иаковом во царствии небесном; сынове же царствия изгнани будут во тму кромечную; тамо будет плачь и срежет зубом. Кто же суть сынове царствия? И яве есть, яко в ветхом завете сынове царствия были евреи; в новой же благодати сынове царствия - вси нарицающийся христиане; а аще кто нарицается христианином, а дела делает не христианские, изгнан будет во тму кромечную. Еще бо и в ветхом законе о пути, лежащем во царство небесное, повелением Божиим святый ангел Господень Ездре изъявил ясно, яко толь узок той путь, еже токмо един степень ножный можаше вместитися, и с едину страну того пути огнь, со другия же страны вода глубока. И подкрепил ангел Господень, глаголя, яко аще кой человек чрез таковое нужное стремление не прейдет, то како [рече] достояние свое приимет? (3 Ездр., глава 7, стих. 7-9). И по сему ангелову словеси, я не могу разумети, какова духа лютораня, иже, не прияв нужды, да хощут внити во царетво небесное?

И хотящим внити во царство небесное не леть есть, главы своея135, стоя во церкви во время божественныя литургии, гордостно паруком покрыв136, стояти. По слову бо святаго апостола Павла, откровенною главою надлежит молитись. Тако бо святый апостол Павел глаголет: яко муж, молитву деяй или пророчествуяй покровенною главою, срамляет Христа (1 Кор. глава 11, стих 4). И паки подтверждая, святый апостол глаголет, яко муж не должен покрывати главы своея, понеже образ и слава Божия сый (стих 7). А люторстии ученицы не токмо молитву деют, но и кланяются не токмо образу Божию, но и само(му) святому и пречистому Телу Христову, покровенными главами. В явление бо Тела Христова и самые крайние архииереи Божии, аще и благословенное и святое покрывало на себе имут, обаче тыи свои покрывалы снемлют с себя и в тое время стоят и покланяются главами откровенными. Тако подобает и всем православным христианам. Аще, ради афицерскаго украшения и ради отмены от простаго народа, по чину своему и надлежит носити, обаче во церкви отнюд не подобает в паруке стояти. Наипаче же в явление пречистаго Тела Христова и животворящия Его Крове надлежит, яко архииерею или иноку, тако и мирянину, покрывало с себя снимати. Ты же, сыне мой, аще будеши в каковом либо афицерстве, или в сигклитстве, и по чину своему не можно ти будет без уборства главу свою имети, то ты свои волосы отрости, каковы тебе Бог дал, теми украшайся, яко же годе ти будет.

6. Буди ты верный раб Христов: иди прямым путем, на шуюю страну не сварачивайся, ниже на мнимое десно. Мнимым бо десном диавол, паче шюия страны, корысть себе диавольскую получает, яко же наших Россииских расколников нынешних, тако и древних раскольников, римлян и люторан. Вси бо сий от высокомнения своего падоша: с истиннаго пути совратився, да стали искать иных путей, ведущих во царство небесное. И диавол, видя их желание, забежал к ним с десные страны и разложил им толки по намерению их, лехкостныя; а Бог, видя их высокомнение и пред древними учителми возгордение, отя от них благодать Свою, и тако, от мнимыя правости, падоша. И за желание их любосластное так их диавол притиснул, еже и доныне обратитися на истинный путь не могут и вси туне погибают.