Тут псалтирь рифмотворная 24 страница

Молитва в Херувимскую. "Слава Тебе, Господи Иисусе Христе, Боже нашь, едине безсмертный Человеколюбче! Слава Тебе, от Отеческих недр и от небесныя славы пришедшему, от Пресвятыя же Девы вочеловечшемуся и совообразну бывшу плоти нас грешных! И очистив нас от грех наших, сообразны славы Твоея сотвори ны. Слава Тебе, вшедшему славно во Иерусалим, на жребяти осли, и в нем раны и поносное распятие претерпети, и смерть подъяти изволившему нашего ради спасения. Молим Тя, Боже нашь, даждь нам слезы от очию нашею, да омыем скверну беззаконий наших. И яко же сподобил еси Иосифа с Никодимом пречистое Твое Тело, снемши со креста, честно со страхом понести: сице и нас днесь, хотящих видети честные дары преносимыя. Сподоби же нас и Самому Тебе, седящему на престоле славы Твоея, со страхом поклонитися; за вся же смотрения и благотворения94 Твоя достойно благодарити Тя, и с воздыханием исповедатися Тебе, Спасу и Богу нашему. Ты же, Боже нашь многомилостивый, приим от нас сие, кончину жития сего благую коемуждо нас даруй и сподоби нас в день судный одесную Тебе стати и слышати глас Твой благий и всерадостный, еже: приидите, благословеннии Отца Моего, наследуйте уготованное вам царство от сложения мира!"

Читай же сию молитву не борзостно, но со вниманием и богомыслием. И Василиа Великого на литургии сию же молитву читай, и во весь год, кроме преждеосвященных литургий. На преждеосвященных же сие токмо глаголи в себе: "Помяни нас, Господи, егда приидеши во царствии си; помяни нас, Владыко, егда приидеши во царствии си; помяни нас, святый, егда приидеши во царствии си". А аще вышеписанные молитвы во время Херувимския песни проглаголати напамять не можеши, то ты стой со страхом, и стоя исчисляй своя грехи, и Богу о них кайся, и впредь грешить зарекайся. В великий же четверток, егда будут петь: Вечери Твоея тайныя днесь, Сыне Божий, причастника мя приими, то и ты тыи же глаголы с поющими в себе пой, со вниманием умным и богомыслием. В великую же субботу, егда имут пети: Да молчит всякая плоть человеча и да стоит со страхом и трепетом, то и ты тыя же глаголы во уме своем пой, с великим вниманием и с самым богомыслием. И аще со страхом во церкви будеши стояти и вся глаголемая и певаемая внимати с богомыслием, то велми стояние твое во церкви Богу будет приятно и тощь из церкви не изыдеши. Понеже Богу пение и молитва, приносимая с богомыслием, велми приятна есть, суемыслие же человече, во время не токмо церковнаго пения и моления, но и во время келейного правила, велми Богу неприятно есть.

Во время же переноса, егда презвитер или диакон речет: да помянйт Господь Бог во царствии Своем Государя нашего Царя, тыже глаголи: "помяни, Господи, Государя нашего Царя и Великого Князя Петра Алексеевича во царьствии Своем, всегда, ныне и присно, и во веки веков". Такожде и о Царицах, и о Царевичах, и о Царевнах. А буде же всех презвитер помянет, то и ты вкупе же помяни; и поминай их не просто, но с богомыслием; речеши тихо: "помяни, Господи", а мысль свою в то время возведи на небо пред Самого Бога. Егда же будет воспоминати патриарха, то и ты егоже воспоминай; и при томи отца своего духовного воспомяни, глаголя в себе: "и пастыря души моея, имярека, помяни, Господи, во царствии Своем, всегда, ныне и присно, и во веки веков, аминь". Егда же презвитер речет: всех вас, православных христиан, да помянет Господь во царствии Своем, и ты в то время воспомяни, аще живы, отца своего и матерь, и себя, и детей, а потом глаголи: "и всех православных христиан помяни, Господи, во царствии Своем, всегда, ныне и присно, и во веки веков, аминь".

По переносе же читай сию молитву: "Владыко Господи Иисусе Христе, Боже нашь. Твоего ради страдания, и на кресте распятия, и погребения, не остави нас грешных, еже погибнути, зане зело есмы грешны. И сего ради молим Тя, Боже нашь, по множеству щедрот Твоих очисти вся беззакония наша, и покрый нас Твоим милосердием, безнапастно прейти нам житие свое, и радости святых Твоих часть некую удели, яво благ и человеколюбец еси".

Егда же читаема будет ектения, то никоего глагола не пропусти, но вси умом своим следуй, и о чесом ектения молит, о том и ты моли, и о чесом ектения просит, о том и ты проси, и никамо мысли своея не относи; и вся глаголы, во ектениях реченныя, управляй в себе по вышеписанному, яко же ти выше рех, з богомыслием. А аще же читаемых в ектении глаголов, за скоростью служителя или за далкостным стоянием, не урозумееши, о чесом молити или чесого просити, то токмо с поющими пой в себе: "Господи, помилуй", или: "подай, Господи", а ум свой и все свое помышление возведи на небо. И тако моляся, от Бога услышан будеши, и еже диакон или презвитер во ектениях ни глаголал, вся от твоих устен явятся пред Богом: понеже с богомыслием последовал еси поющим, не тще бо моление твое будет.

Егда же начнется глаголати Симвул веры, то и ты з глаголющими глаголи вкупе токмо умом своим, а не голоси языком, и в глаголании мысль свою всю возведи к Богу, и что ни будеши глаголати, вся разумевай такожде, яко явих ти прежде, во утреннем правиле.

Егда же священник речет: Горе имеем сердца, и ты тогда возведи мысдь свою пред Самого Бога и глаголи в себе: "имам к Тебе, Господу Богу моему"; и яко речеши, тако и твори: дабы вся твоя мысль от всего твоего сердца возведена была к Богу. Егда же речется: Достойно и праведно есть покланятися Отцу и Сыну и Святому Духу, Троице единосущней и неразделней, и при том пении сотвори поклон един или три Троице Святей.

18. Егда же возгласит презвитер глагол Господень, иже Он учеником Своим и апостолом на вечери глаголал бяше: Приимите, ядите: сие ест тело Мое, еже за вы ломимое во оставление грехов (Матф. 26, 27. Лув. 22, 19), и ты, рекши "аминь", таковому великому и удивителному милостивому слову, самыми истыми Христовыми усты изглаголанному, за такое Его Божие предражайшее и от века неслыханное дарование, поклонись до земли, или до рукоопертия. Во время же своего поклонения глаголи в себе: "верую, Господи, и исповедую, яко Ты еси воистинну Христос, Сын Бога живого, пришедый в мир грешныя спасти, из них же первый есмь аз". Егда же презвитер возгласит тояжде вечери Христовы вторый глагол, усты Христовыми изглаголанный, нам же всем православным предложенный и в вечное воспоминание узаконенный: Пийте от нея вси: сия есть кров Моя, нового завета, яже за вы и за многия изливаемая во оставление грехов, и ты паки отповеждь, глаголя: "аминь", и таковому Христову слову великому, за такое Его человеколюбие, паки поклон сотвори, равен первому. Во время жь пения и поклонения твоего в мысли своей глаголи: "еще верую, Господи, яко самое есть истинное Твое сие слово, апостолом Твоим и нам изглаголанное". По сем паки поклон сотвори третей, вящши первых двух, глаголя в себе: "и что Ти, Боже нашь, за такое Твое превеликое и дивное слово воздати, не вем, токмо приношу Ти всеусердное поклонение; приими е во благодарение"; и поклонився до земли, и дондеже вышеписанных словес не изглаголеши, на земли простерт буди, и востав, внемли певаемым. И егда в пении приидет глагол: и молим Ти ся, Боже нашь, и ты в то время, возвед мысль свою на небо, сотвори един поклон, или и три, до пояса. Егда же возгласит презвитер: Изрядно о Пресвятей, то аще праздник, или и суббота, то поклонись до рукоопертия; а аще несть праздника, ни неделя, и ни суббота, то поклонись до земли. Певаему же Достойну или задостойнику, то ты вся, тамо глаголанные, умом своим воспевай внутрь себя, с богомыслием; по скончании же того гимна, паки поклонись, якоже и первее, и востав, певаемым внемли. Егда же возгласит презвитер: И да будут милости великаго Бога и Спаса нашего Иисуса Христа со всеми вами, ты же презвитеру тихо отповеждь: "и со духом твоим" и поконись служащему презвитеру до пояса. И аще ты, чадо, будеши и зело богат, или честию каковою либо почтен, обаче поклона не изменяй, но, яко последний от убогих человек, поклон твори, каков образу Божию, таков и презвитеру, да не явишися пред Богом и слугами Его горд: понеже гордым Бог противится, а смиренным дает благодать Свою. Егда же и диакон покадит тебя, не буди яко пень недвижимый, но поклон ему отдай достойный, аще и сановником будеши: поклоном бо не обругаеши, ни умалиши своего сана, но обругаеши и умалиши безумными и непотребными своими делами и неуправлением дел своих. Егда же начнется ектения, то ты во всех глаголех по преждереченному управляй, с богомыслием. Егда же будут читать Богом данную нам молитву: Отче нашь, Иже еси на небесех, и ты всю сию молитву в мысли своей читай, с самым чистым богомыслием и со осмотрением самого себе, яко же напреди явих ти; и аще празднуемый день, то сотвори поклон до рукоопертия, а аще же несть празднества, ни пятдесятница, ни суббота, то при конце тоя молитвы поклон сотвори даже до земли. Егда же речет священник: Мир всем, и ты отповеждь тихим гласом: "и духови твоему", и поклонись ему до пояса. Егда же диакон речет: Главы ваша Господеви приклоните, и в той час ты главу свою преклони и спину принагни, хотя малое число, и тако стой, яко осуженик, и не восклонись до возгласу презвитерскаго. Преклонив же главу, глаголи в себе: "Тебе, истинному Богу, главу свою прикланяю; Ты мя не остави и приими мя ленивого во царство Твое небесное, яко истинного раба Твоего". Егда же диакон, опоясався одарем, станет пред царскими дверми творить повеленные ему три поклоны до пояса, то и ты вкупе с ним с ним сотвори три же поклоны, нижши пояса, даже до рукоопертия; в себе же глаголи "Боже, очисти мя грешного от грех моих и всех нас помилуй". Егда же презвитер возгласит, глаголя: Святая святым, и, той глас слыша, поклонись до земли, мысль же свою возведи на небо и глаголи в себе: "Ты еси един свят, Ты един Господь Иисус Христос, во славу Бога Отца, аминь".

Егда же имут пети кенаник, и ты в то время глаголи в себе молитву сию: "Едине Святе, святых Святейший, едине Царю царей царствующих и Господи господей господствующих, Иисусе Христе, Боже нашь, Тебе сущему в недрех Отчих и в присносущней славе Его, нас ради пострадати изволившему и плоть Свою обещавшему дати нам, во оставление грехов и в жизнь вечную; се бо ныне приспе время того Твоего обещания дело, ибо под видом хлеба и вина, во пречистых сийх тайнах, Тебе истинному Богу и человеку, якоже и на небеси сущему, предстоим, и Тебя славя, Бога и Спаса нашего Иисуса Христа, и молим: призри на ны в час сей и во вся дни живота нашего помилуй нас; в день же разлучения коегождо нас душь наших от телес наших, приими я во пресвятыя Твоя руце и, пощадив, со святыми Твоими упокой, в безконечныя веки веков, аминь".

Приложи же и сие: "И даждь нам, Господи Иисусе Христе, Боже нашь, молим Тя, еже бы всем нам незабвенно памятствовати пречистыя Твоея плоти страдания, иже и в сией Божественней Твоей службе действуемое; и сподоби нас недостойных достойне пресвятаго Твоего Тела и животворящия Твоея Крове причаститися, во оставление грехов и жизнь вечную; и тую Твою Божественную тайну в сердца наша воздрузи и во умех наших утверди, дабы никогда спасителныя Твоя страсти, нас ради подъятыя, и Божественныя Твоея Крове излияние в нас тще и безделно не явилось; но да будет всем нам, яко же и прочиим избранным Твоим, во спасение и в живот вечный, аминь".

19. Егда же отверзутся царския двери, и явлйн будет потир с Телом и Кровию Христовою, и возглбс услышиши реченный: Со страхом Божиим и верою приступите, и та, таковый глас услышав и святым потиром показанное видев, пад поклонися до земли; и аще и многонародно во церкви, всячески потрудись, дабы тебе, пад на землю, честь Божескую святому Телу Христову отдати. Во время же того поклонения глаголи в себе: "верую, Господи, яко сие есть самое пречистое Твое Тело и самая Твоя Кровь животворящая"; и дондеже ве окончйши сего глагола, не воздвизайся от земли. Егда же священник паки той потир из царских дверей явит и речет: Всегда, ныне и присно, и во веки веков, а ты паки святому Телу Христову поклонись до земли и глаголи в себе: "аминь; благодарю Тя, Господи Боже нашь, яко сподобил еси нас причаститися святых Твоих божественных и безсмертных таин; не лиши нас, Боже, и небесных Твоих благ". Востав же от земли, паки сотвори три поклоны в пояс, или до рукоопертия, глаголя в себе: "и сподоби нас, Господи Боже, всех, во православии сущих, при кончинах наших, чистого покаяния и святых Твоих божественных и животворящих сиих таин достойне причаститися, во оставление грехов и жизнь вечную; и отщетившихся от святыя Твоея Церкве обрати, Господи, и соедини во едино Твое избрбнное стадо, и помилуй нас, аминь". Егда же будут петь: Буди имя Господне благословенно отныне и до века, ты же в себе глаголи: "буди имя Твое, Господи, благословенно отныне и до века". И, во конце коегождо глаголания, твори по поклону поясных. Псалом же егда будут читати, и ты всем тамо реченным глаголом последуй, а умом своим с Богом беседуй. По псалме же, егда речет священник: Благословение Господне на вас, Того благодатию и человеколюбием, всегда, ныне и присно, и во веки веков, ты же, отвещав ему "аминь", поклонись ему в пояс. Егда же начнут пети многолетие, то и ты купно с поющими во уме своем пой: они воспоминают Царя, и ты Царя воспоминай; они - Цариц, и ты Цариц; они - Царевичев и Царевен, и ты тоже пой; они о патриархе, и ты о патриархе; егда же дойдет слово: всех православных христиан, ты же в то время умом своим глаголи в себе: "и всех нас, во православии сущих, сохрани, Господи, на многая лета". И сотворив святым иконам три поклоны, или и вящши, прияв от презвитера благословение, изъиди из церкви. А аще презвитер во олтаре, то поклонись ко олтарю и, ту сущим людям поклон сотворив, изъиди. А аще начнут пети молебен, то не худо и молебного пения и моления послушати, и к церковной молитве и свое моление приложити.

Егдй же пойдеши из церкви, а во дверех велми людие тиснутца, и ты помедли, дондеже теснота минет. И, шед из цервви, у дверей церковных стоящим нищим подай пенязей, елико хощеши. А во время церковного пения ходящим по церкви никаковым нищим милостыню подавать ти аз не потакаю; но подавай либо идучи в церковь, или идучи из церкве. А аще в могутстве будеши, то последи вечерняго пения подаждь нищим, при церкви стоящим, три пенязя, а по утреннем пении шесть пенязей, последи же литургии подаждь дванадесять пенязей, или и вящъши, по могуте своей смотря. А аще же могуты твоея толикия не будет, то по вечерне подаждь един пенязь, по утренни же два, а по литургии четыре, или хотя и три. А аще и в самой бедности будеши, а всячески потщись, еже бы ти хотя по литургии пенязь подати, аще и един точию, дабы тебе тщу не изыти из церкви, и пред Богом да не явишися тощь (Сирах. гл. 35, стих 4). И аще что ни подаси, ни пред кем не славься, ни сам пред собою, ниже Богу извествуй, елико подаси. Даждь десницею, а шуйца бы твоя не уведала, то есть, да и в мысли бы своей о подаянии своем не повыситися; и что даси, да не исчисляеши, ни да воспоминаеши, како подаяния, тако и всякого благодеяния; но вся сия остави единому Богу исчисляти.

А аще презвитер нбчнет пети молебен соборной, то ты не изходи из церкви, аще не имаши великия нужды; а аще и нужда, да не царственная, то всячески потщися, еже бы ти послушати молебного пения; и слушай с таковым же вниманием, яко и в литургии. Подобне и на утреннем пении, и на вечерни, и на повечерии, и в прочия во всякия службы, что поют или что читают, вся внемли и ничесого мимо ушес своих не пускай.

Егда же презвитер эчнет читати на литургии, или на утреннем пении, поучение, или и ин кто будет читати от житий святых, или повести какия, или истории, то ты паче молитвы своея внемли читаемым глаголок и тщися, еже бы тебе их памятствовати незабытно, дабы тебе можно было чтомое и людем сказати, понеже чрез чтение писаний Сам Бог к людем вещает. И сего ради всякого чтения со вниманием слушай. И аще вся Божественная Писания ведети добре будеши и памятствовати, к сему же аще и закон христианский добре разумееши, обаче ушес своих и мысли своея от поучения и от всякого чтения не отвращай, но внятно слушай и внимай глаголемым. И аще внимателно будеши слушати, то не без ползы слушание твое будет: ибо из того твоего слушания иногда дасца тебе такое слово полезное, еже и во весь свой век будеши памятствовати и ползоватися им. Такожде, аще что и сам читаеши, не вся глаголы во главе твоей вмещатися будут; но аще и многократно писание кое читал еси, а последи такожде найдеши нечто новое, кое было бутто закрыто от тебя; и зря на тое слово, сам себе будеши дивитися, еже, прежде того читаючи, не мог его разсмотрити. И того ради велми полезно есть, еже и чтомое паки читати, и слышанное паки слышати.

20. На преждеосвященных же литургиях, егда имут пети: Да исправится молитва моя, яко кадило, пред Тобою, и ты в то время стани на колену и стой со умилением; мыслию своею проси у Бога, дабы молитву твою, яко же Он весть, исправил. Егда же приидет глагол: воздеяние руку моею, и ты в то вре(мя), стоя на колену, воззри на образ Спасителев и руце свои воздежи к небеси с богомыслием. Егда же приидет глагол: жертва вечерняя, и ты в то время возложи на ся крестное воображение и, стоя на колену, поклонись до земли; и тако исправив95, востани на нозе свои. Во время же переноса, пад на землю, ниц лежи, глаголя в себе: "Помяни нас, Господи, егда приидеши во царствии си; помяни нас, Владыко, егда приидеши во царствии си; помяни нас, Святый, егда приидеши во царствии си". И егда речеши: "помяни нас, Господи", и при том глаголе богомыслие свое имей к Богу Отцу; егда же речеши: "помяни нас, Владыко", и при том глаголе богомыслие свое имей к Богу Сыну Божию; егда же речеши: "помяни нас, Святый", и при том глаголе богомыслие свое имей к Богу Духу Святому. И прочая своя всякая моления, аще во церкви, аще и в доме, или где ни случится, по вышеписанному ти предъизъявлению разумей, и никаковые молитвы Богу и святей Богородице без богомыслия не твори, понеже Бог не от языка, ни от гортани требует молитвы, но от сокрушенного сердца и от чистого ума, возведенного на небо пред Самого Бога.

К сему же ни на един час Бога из мысли своея не испускай. Аще стоиши или седиши, аще идеши или лежиши, или что либо твориши, яко во дни, тако и в нощи, отнюд из мысли своея Бога не выпускай. И кроме молитвы, Бога в себе имей присно. Аще бо будеши Бога своего в мысли своей присно имети, то и Бог в тебе жилище Себе сотворит, и диаволу овладеть тобою будет невозможно, понеже места ему в тебе уже не будет. И за такое твое боголюбие и при кончине твоей сподобит тя чистаго покаяния и пресвятаго Своего Тела и Крове достойне причаститися, во оставление грехов твоих и в жизнь вечную. И аще в богомыслии житие свое скончиши и душу свою в руце Его Божии с богомыслием же вручиши, то веждь, сыне мой, яко воздушнии демони к души твоей не прикоснутся, но свободно дойдет до царства небесного, и тамо будеши с праведными человецы, иже по воли Его Божией пожиша, в некончаемыя веки веков веселитися.

21. Еще же ти, сыне мой, завещеваю: аще будеши имети святых икон доволно, то ты не все96 в доме своем держи, но отдели некоторые во цервовь. И тамо их не в церкви, ниже в трапезе, но внутрь самого святаго олтаря поставь97; и чтобы их поставить окрест престола Божия, по стенам, и учредить их со всяким украшением приличным. И подавай пред них свещи неоскудные; а аще, за недостаточеством своим, свещь подавати тебе не можно, то и икон во олтаре не поставляй. Понеже от Самого Бога еще издревле повелено олтарь украшати образами херувимскими, и по тому повелению Господню, Соломон царь, во святая святых, олтарь украсил премного от злата соделанными херувимы, и седмь светилников златых98 во олтари, по Божию же повелению, поставлене было, ради Его Божия чести. А по вочеловечении Христове, в новой благодати, явишася во плоти херувимы, то есть святии Божии угодницы, иже пожиша равноанггельски, и ныне уже надлежит, вместо тех древле бывщих херувимских образов, святыя олтари украшати образами Божиими и Пресвятыя Его Богоматере, иже несравненно вышши древле бывших херувимских образов; такожде - и святых угодников Божиих, кии на сем свете херувимски пожили и у Бога заслужили. Понеже новые благодати олтарь несравненно вышши ветхозаконного олтаря: тамо бо приносимы были на жертву99 волы, и овцы, и козлы, а ныне приносится в жертву агнец Божий. И того ради и украшати его подобает паче ветхозаконного. Тамо бо токмо седмь светилников возжигалося, ныне же подобает седмьдесят или и вящши свечь воспалити, дабы во олтари свет во время церковные службы возсиевал паче церковного сияния. И иконы тамо подобает поставляти украшенные сребром, и златом, и жемчугбми.

22. И на всякое церковное украшение, и служителем церковным на пропитание, и нищим, и бедным, подавай неоскудною рукою, без жаления, с самым усердием, дабы тебе превзойти паче древних книжник и фарисей. Понеже о сем Сам Господь ясно нам рек, глаголя: аще не преизбудет правда ваша паче книжник и фарисей, не внидете [рече] во царство небесное (Матф. гл. 5, ст. 20; Лук. гл. 18, ст. 12). А фарисеи давали Богу от прибытку своего десятую долю, и постились100; они же ничего чуждого не похищали, и неправды никакой не чинили, и жили в чистоте телесней. Зри, люторе и учениче люторов: се бо Господь правду фарисейскую похвалил. Что же их правда, точию се: еже постились, и от прибытку своего давали десятую долю Богу101, жили в чистоте телесней; по снитии со женою, не измывшись, из дому своего не исходили. Ты же, сыне, живи не полюторску, но живи по повелению Божию. Зриши ли, яко Господь похвалил правду книжник и фарисей, то есть добрая их дела, в коих они пред Богом не погрешили и цело хранили, как им закон повелевал. И тако Господь о древнем своем узаконении рек, глаголя: не мните, яко приидох разорити закон или пророки; не приидох разорити, но исполнити (Матф. гл. 18, ст. 17) [то есть, еже еще к тому древнему закону приложити и паче слабая заповеди подкрепити]. И, подкрепляя прежняя своя повеления, тако рек: аминь глаголю вам: дондеже прейдет небо и земля, и ота едина, или черта едина не прейдет от закона. А люторы и преемницы их той глагол Господень подкрепителный повергоша, и ногама своима попраша, и ничесого, древле узаконенного, не исправляют. З женами своими переспав, ходят яко безсловесный скот, или яко безкнижная Мордва, не обмывшись, и в той нечистоте и в церковь ходят, и нас таковому же богопротивному делу учбт. Кровь скотия, от Самого Бога заповеданная еже не ясти ея, ядя ядят с великим люблением. Евреи постились, а лютораня и посты отринуша от себя, и живут яко безсловесный скот, и ничего себе в грех не поставляют; но вся им, яко свинье, чиста суть. Ты же, сыне мой, буди словесным человеком, а не скотом: разумей, что добро или что худо, и добрая дела, яко пшеницу, в житницу свою собирай, а худая дела и люторская предания, яко плевы от пшеницы, отбирай и огню предавай.

Ты тако тщися, еже бы тебе книжников и фарисеев своими добродетелми превышшити, чтобы тебе, по Господню словеси, внити во царство небесное. И того ради положи в себе предел, еже на кийждо бы год исчислити прибытки свои все: и аще в год придет тебе, по исчислению твоему, прибытку тысяча рублев, то отдели ты Богу сто рублев, и приложи ты рублев пять, или и болши, или и менши102, по своей любви к Богу, приложи по своему намерению, дабы тебе превышшити фарисеево подаяние. Фарисей двократы в неделе постился: и ты по уставу церковному двократы в неделе постишися, то есть среда и пятница (и в тыя дни не токмо мяса, но и рыбы не яждь, кроме разрешенных дней103; к тому же от святых отец положены в году четыре посты; и аще тыи вси посты будеши поститися, то и в посте превзыдеши фарисеев. Они аще чюжого и не похищали, а за себя стояли; а ты такожде чужого не похищай, а кто твое похитит, не возвращай, - то и в том правда твоя превзыдет фарисейскую правду. Паки: кто тя ударит по ланите, и ты, по еврейскому узаконентю, не бий его супротивно по его ланите во отмщение, но обрати ему и другую свою ланиту, - то и в том правда твоя превзыдет книжник и фарисей; и ни за какую досаду никому не мсти, то не токмо наследником будеши царства небесного, но и сыном Божиим наречешися. К сему же и чистоту телесную храни и, со женою переспав, не омывшися из дому не исходи, дабы тебе Бога тем на гнев не привести и преслушником бы Божиим не быти, но всегда бы тебе быти с Богом.

А аще прибытку твоего будет болши тысячи рублев, или менши, то ты по тому же исчисляй, дабы тебе отделить Богу десятая же доля, с приложением по твоему разсуждению. И аще будеши и в самой последней скудости, и тогда не усумневайся и уставу своего не изменяй. Аще исчислити тебе годового доходу, за скудостью, будет невозможно, то ты, егда выроботаешь десять пенязей, то не отлагай до иного времяни, отдели десятой пенязь и освяти его Богу. И положи его особе, дабы тебе той пенязь не усвоити и ни в какую свою нужду его не издержати; но отдажь его либо в церковь, либо убогим людям требующим, либо презвитеру. И, тако творя и в малом своем подаянии, правда твоя преизбудет книжник и фарисей, и, по Господню неложному словеси, не лишен будеши наследия царства небеснаго. А аще же, от преизлишнего богатства и за умножением многоделия, прибытку годового исчислитй прямо104 не возможеши, то, ничтоже сумняся, применяяся по знатным доходам, десятую долю например, отлучи и освяти Богу, а за тем, в пополнение своего Богу даяния, буди на подаяние убогим не жалетелен, но со усердием давай. А буде кто от убожества своего придет к тебе заяти, то не моги отвратити лица своего: даждь ему и нужду его исправи, писма же в денгах отнюд не бери. А буде хощеши себя от народа укрыти, то ты писмо возми для лица и положи ево при людях в зепь, а последи, изъяв, раздери его, дабы по смерти твоей сродники твои не разорили его, дабы и милость твоя в погибель не обратилась. Сия бо твоя заимодавная милость пред Богом велика будет, паче нищеты, ходящия по улицах: понеже многие нищие по улицам скитаются, а в доме своем не токмо хлеба, но и пенязей имеют доволство; а наипаче безногие и иными уды клосныя.

И на сие мое тебе завещание не вознегодуй на мя: не худа ради какова предложих ти сие, но ради приказания Божия, дабы ты не лишен был царства небесного. То себе, сыне мой, веждь, яко диавол велми сицевого исправления ненавидит и всякими умыслы препинает. Ты же буди тверд: диавол к тебе со скупостью, а ты руку свою паче распростри; не оскудееши бо от подаяния. Бог, видя твое усердие, подаст тебе невидимо. Аще бы аз не отец тебе был, не стал бы тебе тако предлагати. Аминь.

Глава 5

О ГРАЖДАНСКОМ ЖИТИИ

1. Живи ты, чадо мое, в совершенном страсе Божии: никого не обижай и ничего чужого не желай, но буди доволен своим си имением. Аще и весма беден будеши, в том и тщися пребывати, и богатства времяннаго не весма ищи, но паче ищи вечнаго, чем тебе в бесконечныя веки жить. Богатство бо времянное ничто же есть, и аще кто его и получит, не всякому оно на ползу, но вящши бывает105 на погибель. Ибо от богатства приходит гордость, тщеславие, чревообядение, сластолюбие, вещелюбие, всякая роскошность непотребная. От излишняго изобилия и в блуд паче впадают, и блудницы их паче любят, нежели убогих. Богатии же паче и обижают убогих и маломощных; и не токмо они сами, но и люди их многих обидят. И сего ради ты, сыне мой, не весма ищи богатства. Добро богатство бывает тому, кий человек может им владеть Авраамски; а аще кто тако держати его не может, то лучши жить в посредности, или и в самом убожестве. Богатство бо, и кроме вышепомянутых страстей, и прежде получения, пакости наводит на человеки: ибо кии человецы желателно его ищут и хощут вскоре обогатитися, то впадают в великия напасти и погибают. О сем бо и святый апостол Павел, уча нас, глаголет: яко хотящии обогатитися впадают в напасти и сети, и во многия похоти низходят, еже повреждают человеки и низводят в погибель (1 Тимоф. глава 6, стих 9). И тако святый апостол о богатстве сказует, яко корень есть всем злым делам сребролюбие, емуже нецыи желающе, заблудиша от веры и себя пригвоздиша ко многим болезнем. Паки святый Павел Тимофею пишет, дабы богатым запрещал, еже не выситися, ниже уповати на богатство гиблющее, но уповати на Бога жива стих 17). И сего ради святый апостол Павел, оберегая нас, повелевает от богатства бегати, дабы мы в нем напрасно не погибали.

И аз тебе, сыне мой, сказую: аще ты погонишися за богатством, то оно побежит от тебя, ты же, постизая его, всячески поткнешися и разбиешися; богатства не постигнеши, а себя повредиши. А аще же ты желанием желати его не будеши и с притужанием за ним не побегнеши, то оно и само не побежит от тебя, токмо ты умей его содержати: не давайся ему под власть, но ты им господствуй. Таж, сыне мой, живи: аще будет у тебя и доволное богатство, не радуйся ему, а аще и не будет у тебя, не печалуйся. Аще бо желанием желати богатства не будеши, то всегда безпечален будеши и сребролюбие не овладеет тобою, но ты одолееши и царствовати над ним будеши, а не оно тобою. Безжелателный бо человек всегда весел бывает: аще у него много, аще и мало, о всем радуется и Бога благодарит, и живет яко царствует. Ты, чадо мое, пекйся о померном богатстве, а не о преизлишнем, токмо чем бы тебе з домашними своими быти сыту. А и ту свою сытость всю возверзи на Господа Бога своего: Той бо всякую тварь питает, то тебя ли не может пропитати? И сего ради паче от Бога ожидай, а не от своего происку: Он бо весть, колико ти дати. О сем Сам Господь Бог рек, глаголя: не пецытеся, что ясти, или что пити, или чим одеятися [всих бо сих, рече, языцы ищут]: весть бо Отец вашь небесный, яко всих сих требуете; но ищите [рече] прежде царствия Божия и правды его, и сия вся приложатся вам. Не пецытеся убо о утренней, утренняя бо сама о себе печется. И на сия глаголы Христовы зря, ты, чадо мое, не буди малодушен, но буди крепкодушен, и всю свою надежду возверзи на Господа Бога твоего, и Той тя препитает. И в каковом Бог тебя житии устроит, тако и живи, а лучшаго с притужанием не ищи, дабы тебе не впасти в какие напасти: Бог бо ведает, что кому дать и чем кому владеть. И егда будеши ты о малом благодарен, то и великим богатством будеши наполнен. И аще каковых богачей ни узриши, не завидуй им, ниже зазри им в чем, но паче себя зазирай.