Тут псалтирь рифмотворная 23 страница

Стоя во церкви, и не плюй гордостно, в далкость от себя, но плюй токмо пред собою в близости. И плюновение свое подтирай ногою, дабы и самому тебе поклонитися было не гнюсно и, егда поклон сотворшни до земли, чтобы тебе рук своих, или ризы своея, плюновением не оскаредити. А егда поклонишися и сам себя тем плюновением умараеши, то будеши разуметь, что не добро плевать и не подтирать. Колми же паче худо, аще плюеши в далкость, пред инех человеков, стоящих во церкви. И аще кто поклонится, и твоим плюновением или сморканием руце свои, или чело, или ризу оскаредит, то и греху причастен будеши: понеже оскаредивыйся твоею гнюсностию гнев на тя имети будет. Тебе так надобно себя хранити, дабы и вне церкви никого на гнев не привести.

А и того не моги сотворити, еже бы тебе, ради своего простора, или честь свою отменяя, да кого от себя попхнути гордостно, или и тихо, да потеснити кого; но лучши сам уступи. Аще и самой последней земледелец тебя потеснит, не озлобься на него и не воспротився ему, но уступлением уступи ему. То себе веждь, еже он не собою то учинил, но подущением диаволим; диавол бо, хотя тебя на гнев привести и еже бы молитва твоя повредити. И аще ты хужшему себя уступиши местом, то диавол отъидет от тебя посрамлен, а ангел Господень, хранитель твой, о таковом твоем терпеливом смирении возрадуется. И изшед из церкви, ни перед каковым человеком не высься, но буди всем равен, или всех нижши, понеже у Бога яко богатии, тако и убозии вси суть равны. И истинного ради смирения годствует в церкви всякому человеку во всем уступати. Егда и ко кресту пойдеши, или к евангелию, а учнут людие тиснутися, то ты уступи и премолчи; и егда вси перейдутся, тогда ты, свободнее приступив, крест святый или евангелие поцелуеши. А аще, во церкви стоя, ощутиши позади себя стояща презвитера, или диакона, или монаха, то почтением почти его и, сошед с места своего, стани позади его; и аще и в великом могутстве будеши, а во церкви стой яко самый последний человек. И на стороны отнюд не поглядывай: егда бо, поглядев, узриши жену или девицу доброличну и красотою ея уязвишися, то ты всю свою молитву погубиши и, вместо ползы, пакость себе приобрящеши; и того ради на стороны отнюд не поглядывай.

13. И аще ко церкви свещи принесеши неравные, то большия свещи подай во олтарь. Аще на утренней, то вели поставить у престола Божия, пред ковчегом, идеже Тело Христово хранимо; а аще на литургии, то во олтарь подай две свещи, и едину вели поставить у престола Божия пред ковчегом, вторую жь свещу на жертвенике пред Агньцем Божиим; а аще уже совершися, то - пред самое Тело Христово, ту действуемое. Понеже Тело Христово честнее и святее святаго начертанного образа сторично. Образ бо имеет в себе токмо един вид, а в причастии самое истое Тело Христово; каково было оное Тело Христово свято, иже в воплощении Христове и в страдании и распятии было, таково и тут: ничим же умалено, токмо вид изменен. И того ради ты, чадо мое, аще и в самом убожестве будеши, обаче не моги того учинити, еже бы тебе у литургии быти, а свещи пред Тело Христово не подати. Аще не в могуту тебе, за великое оскудение, копеечные свещи пред Тело Христово подати, то подай денежную, или и полушешную; токмо бы была пред Телом Христовым твоего подаяния свеща, такожде и у престола Божия пред ковчегом. А аще в могутстве неоскудном будеши, то не моги ниже алтынных свещь пред Тнло Христово и к престолу Божию подавати. И не токмо сам един подавай во олтарь, но и клевретов своих поущай, дабы такожде творили, и свещи пред пресвятое Тело Христово, и ко престолу Божию подавали свещи паче, неже пред образы; и сице творя, сугубую себе мзду приимеши.

14. А и образов святых не почитай всех за едино равенство. Но Божиему образу отменную и честь отдавай, и свещу болшую, нежели рабов Его образам, поставляй. И образу Пресвятыя Богородицы постави свещу таковую же, или мало чим и помнее. А образам святых угодников Божиих свещи подавай меншее Спасителевых и Богородичных свещь. И аще кой и празднуемый святый, обаче не моги болши или лучши Спасителевы свещи подати, но, праздника ради, постави развее равную; а того не моги учинити, еже бы тебе пред образ раба Божия поставить свеща вящшая, нежели Спасителеву образу. И егда свещу свою имаши пред кой либо образ поставляти, не тщися, еже бы ти свещу свою в лампаде сопреди поставити79 и, ради поставления своея свещи, прежде твоея свещи поставленные отлепити, аще и мали суть, и еже бы ти на то место своя прилепити. Но аще твоя свеща и болши ту сущих, обаче постави ю на прилучившемся месте, идеже есть место простое, и, тако творя в поставлении свещи своея, досады никому не учиниши. Понеже есть такие человецы, иже, поставив свою свещу, назирают ю; и аще узрит, еже свечку его кто отлепил и на то место прилепил свою, то он во сердце своем будет досаду имети. Ты, чадо мое, о сем себе веждь, яко Бог у убогих приношение приемлет паче, неже у богатых. Некогда бо богатии принесоша во церковь великая сокровища, убогая же вдовица принесла токмо две медницы, и Господь рече: аминь глаголю вам, яко вдовица сия убогая множае всех вметающих вверже в сокровищьное хранилище; вси бо [рече] от избытку своего ввергоша, сия же, елико имеяше, все вверже (Марк. глава 12, стих 43). Подобне и поставивый убогий человек свещу, бывает, еже последнюю свою денежку на нее отдал; к тому же, аще принесл ее бяше от всея своея любви и взирает на ню, дабы она вся згорела пред образом тем, пред него же он поставил ю, а ты аще отлепишь и, погасив, положиши, то пресечеши намерение его и он велми возболезнует на тя. И того ради отнюд не подобает чужих свечь отлепляти и свою на то место поставляти.

А и в поклонех имей разньство же: каков поклон сотвориши образу Спасителеву, или Богородичну, то такова поклона никоего святаго образу отнюд не твори. Того же паче стерегися, дабы тебе при Спасителеве образе коему либо святому нижши поклона не сотворити. Никогда убо в равенство з Богом святых Его угодников не ровняй: Сам бо Господь о сем рек, яко несть раб болий Господа своего (Иоан. глава 13, стих 16). И сего ради Божию образу вящшую и честь твори; образу же раба Божия поклон твори со уятием при Спасителеве или и Богородичным образом. Егда же имаши святия иконы целовати, то ты и тамо имей разньство: Спасителев образ целуй в нозе, прочиих же святых целуй руце, а не нозе. Подобне и во всяком деле: никоего святаго и в равенство с Самем Богом не ровняй. О сем себе веждь, чадо мое, яко никоторой святой собою никакова чудесе сотворити не может. Ибо и апостоли святии никаковых чюдес собою не творили, но имянем Господним и силою Его Божиею, а не своею чудеса творили. Подобне и прочиими святыми Бог чудодействует, а не они сами собою; но вся Бог действует не токмо при животе их, но, и по смерти прославляя, и сухими их костми чудеса творит, дабы людие разумели, еже житие их Богу было угодно, дабы прочие люди, на то смотря, житию их ревновали и такожде бы подвизалися. По чудесем бо всем нам явно, яко житие их было Богу угодно.

15. Зриши ли, сыне мой? Люторы как себя в вере своей выхваляют, еже и примеру себе не сказуют, а Бог их ни малым чудом не прославит: уже бо вящши дву сот лет веру свою люторскую держат, а ни от живого, ни от мертвого, чуда никакова не явилось. И но сему мочно и малосмысленному человеку и Божественного Писания не разумеющему сие разумети, яко вера их Богу неугодна. Ты, сыне мой, буди сын святыя восточныя Церкве, внемли житию древних святых отец, киих Бог прославил, а лютеранскому зловерию не прикасайся. Тии бо возбеснели: во след святых отцев, кии богоугодно жиша, не пойдоша; в начале ум свой самомнением и высокомнением погубиша, потом и веру правую древнего предания всю исказиша и, вместо тесного пути, избраша себе пространной путь. И они по делам своим и воздаяние себе приимут, токмо ты, сыне мой, блюдися слабостного их жития, дабы тебе не погубить себя.

Егда же ты, сыне мой, намерение свое положиши, еже свещу поставити пред которой либо образ, а пред тем образом много свещь до тебя поставлено: и ты тут не тиснися свою свещу ставити, но осмотри, нет ли таковаго же начертания иного образа, стояща без свечь, или и есть, да со оскудением. И ты потщанием потщися пред презренный образ свещу свою поставити: понеже во всех образех, яко в почтенном, тако и в презренном, единаче, за имя того святаго первообразное почитается. Сие бо людие не от великого разума творят, еже единаго изображения, единаго и имянования, един образ нарицают чудотворным, а другой таковаго же изоображения нарицают нечудотворным. Ты же, чадо мое, аще зриши образ добраго мастерства, или недобраго, точию единаго имянования, то ты пред всяким молитву свою возсылай к Богу, и поклон яко тому образу, тако и другому твори равный. Ты не за старость, ни за новость, ниже за мастерство иконописцово, но за первообразное и за имя Божие образ святый почитай: понеже имя Божие свято есть, и за имя Божие и образ начертанный свят есть. Сам бо Господь повелел святое Свое имя святити, и по тому Божию велению вси образы, яко ветхия, тако и новыя, и како добраго мастерства, тако и недобраго, за имя Божие вси они святи суть. Бог ни краски, ни древо, ниже художество прославляет, но прославляет образы за первообразное и за надписание имяне Его святаго.

Нецыи же малосмысленнии мнят быти тем иконам чудотворным, кии писал иконописец добродетелный. И аще бы тако было, еже иконописцовыя ради святости от икон чудеса содевались, то уже не имя бы Божие святило икону, но святило бы добродетелное житие иконописцово. И по таковому разумению, таковым людям не изоображения коего имянования искать, ниже имяни Божия святаго, но токмо изыскивать и свиделствовати, каков был иконописец житием своим, свято ли он жил, или грешно. И буде коя икона не от святаго иконописца написана, то и почитать та икона уже не надлежит; а кии от свято живущих иконописцов написаны, те уже блюсти и почитать ее честию отменною80. И таковые иконы недалече будут от идолов, понеже чудеса будут творить не Божиею силою, но силою иконописцовою. И по таковому безумному и проклятию подлежащему разсуждению, Божие имя и сила Его уже ни во что будет, токмо велико будет имя иконописцово. Есть же нецыи и таковые человецы: аще увидят кую икону украшенну сребром, или златом и бисером, то тую икону вящши и почитают, и свещи пред них болшие подают. И сие уже и весма безместно есть, еже ради богатого украшения святыя иконы паче почитать, неже неукрашенныя. Аз же тебе, чадо мое, о сем крепко завещеваю: да не поползнешися ты на таковыя дела нелепая, но буди ты тверд, яко столп мраморный; стой на недвижимом камени заповедей Божиих, и святыя иконы не за иконописцово доброе житие, ни за украшение, ни за старость писма, ни за новость, ниже за доброе мастерство, но за первообразное их, - ибо честь образа восходит на первообразное, по глаголу святаго Василиа Великого и всего вселенскаго седмого собора, - и за имя Божие их почитай; вси бо образы Божии, и Богородичны, и прочиих святых по имяни их за первообразное почитай. Такожде и презвитеров: аще богат, аще и убог, аще высокия науки, аще и недостаточен во учении, аще разумен, аще и малосмыслен, аще трезв или и пьян благословит тя, у всех за едино равенство приемли. Понеже благодать Святаго Духа, от Господа во святыя апостолы вдохновенная, на них почивает и благословением их действует Дух Святый, како высокоученым, тако и неученым, яко трезвым, тако и пианым, токмо аще кой не под запрещением: того-то бо токмо благословение недействително, на нем же запрещение архииерейское есть. Тако ты разумей и во иконах, яко за надписание имяне Иисус Христова вси иконы святи суть и почитати подобает вси заединоравно.

А аще же на образе коем надписания несть, коего святаго образ написан, того аз не могу разумети, достоит ди таковому образу поклонение видимою плотию творити, или ни? Понеже образ нам ничей неизвестен есть, подобен ли он написан, или и следа подобия его несть, о имяни же Иисусове, и Пресвятыя Богородицы, и прочиих святых, коих Бог прославил, известни есмы; о существенном же подобии образов их совершенного известия не имамы, но токмо по надписанию имен их образы их почитаем. А без надписания имен, не вем, како их почитати, понеже мы видим: кии персоны писаны и с самых лиц, кии между нами живут, и тех персоны нимало не походят на того, с кого они со тщанием великим списаваны: ни мало не походя. И сего ради мы по единому токмо имяни, яко Самого Спасителя нашего, тако и Пресвятыя Богородицы, и прочиих святых, токмо по надписанию имян почитаем образы за первообразное.

1481. Чудеса же от святых икон Бог творит овогда по вере молящаго, овогда же по недоведомым судбам Его Божиим, и о таковых чудесех Он токмо един Бог весть, чесого ради творит. А молящемуся никому, без самыя теплыя веры, ни от какова образа, Бог чуда не сотворит, но вся чудеса по вере молящагося бывают. Всяк сие веждь: егда Бог, воплотився, был на земли, и приходили к Нему людие ради исцеления, и аще Он и не икона бяше, но Сам Бог, сый во плоти, обаче от требующих исцеления верования желал. Яко же, егда возопиша два слепца, глаголя: Иисусе, сыне Давидов, помилуй нас! Иисус же глагола им: веруета ли, яко могу исцелити? И егда рекоша, яко веруют, тогда Господь прикоснуся очесем их, глаголя: по вере ваю буди вама; и абие отверзостася очи ею (Матф. глава 9, стих 27). Паки: егда прииде от архисиногога Иаир князь, и молил Господа, дабы исцелил от болезни смертныя дщерь его, и Господь Бог пойде к нему, и сретоша от архисиногога, глаголюще: не движи Учителя, яко дщи твоя умре, - Господь же Иаиру рек: не бойся, токмо веруй (Марк. глава 5, стих 36). Паки: егда прииде Иисус в Вифанию воскресити друга Своего Лазаря, и егда рекла ему сестра Лазорева, Мареа: Господи, уже смердит, четверодневен бо есть, - и глагола ей Иисус: не рех ли ти, яко, аще веруеши, узриши славу Божию (Иоан. глава 11, стих 40)? И по сему Божию предреченному нам объявлению, всякому человеку мочно разумети, яко без веры ни от какова образа чудес никаких не будет, но вся по вере Бог дает и по прилежному прошению. А кии чудеса бывают от святых икон без прошения, и тыи бывают по недоведомым Его Божиим судбам, яко бысть во граде Вирите от образа Спасителева, в Нове же граде от образа Пресвятыя Богородицы. Несть бо такова образа Спасителева, или Пресвятыя Богоматере, им же бы Бог чудес не мог творити; но токмо от маловерия человеча, паче же от сумнителства, чудес Господь от образа Своего не содевает, понеже несовершенная вера и сумнителство велми чудесам препинание творит, яко же и при Самом Христе бысть. Егда Петр апостол веровал слову Христову, тогда по воде ходил; а егда усумнился, тогда и утопать было стал, и Господь ему рек: маловере, почто усумнился еси (Матф. глава 14, стих 31)? Тако бо и всякой человек, сомнения своего ради, исцеления не приемлет. А аще кто без сумнения, но с самою теплою верою, не токмо ко образу Спасителеву, но аще и святаго коего угодника Божия ко образу притечет, то Бог, прославляя Своих угодников, и чрез их образы чудеса творит многия.

И сего ради ты, сыне мой, не ищи особливого образа чудотворного, но веждь, яко всяким образом силен есть Бог чудеса творити по вере. И, во церкви стоя, не избирай образов особливого, еже бы ти пред ним молитва к Богу возслати, но паче воззирай на образ Спасителев, иже над царскими дверми, или кой при царских дверех стоит. А сие велми безместно есть, аще во церкви стоя, да минув мест(н)ые образы, на правой или на левой стороне стоящим, или из дому своего принесенному поклон будеши творити; сия бо вся безместна суть. Ты же всегда лице свое имей обращено к царским дверем, ум же свой имей на небеси. А аще не во церкви имаши стояти, то не избирай и тамо образа особливого; но каков ни случится пред тобою образ, великого розмера или и самого малого, токмо аще Божий, то и честь ему подобающую твори и, стоя пред ним, призывай Бога без всякого сумнения, и с истинным своим усердием чрез той образ молитву свою возсылай к Богу. А аще несть образа Спасителева особливого, но пред тобою случится образ коего либо святаго, то ты взирай на той образ Спасителев, иже над тем святым во облацех изоображенный. И во всяком деле, не уровняй святаго образа Божия коего либо святаго образу, но всегда тщися образу Божию честь творити вящшую, образу же раба Божия и честь воздавай меншую. Есть бо в простом народе много того, иже образу Божию поклон творят в пояс, Николая же Чудотворца образу, такожде и иных святых образам поклоны творят до земли, и всякое почитание паче Божия образа отдают, и свещи бтлшие, и множае их поставляют; и то бывает, еже пред образом раба Божия свещь полна лампада наставлена свещь, а пред Сласителевым образом и единые несть. И то они творят от самого своего несмыслия, и что творят, того и сами не ведают: какой их разум, еже рабу паче Господни отдают честь82? Сего бо отнюд не подобает творити, ибо и грех на себя велик привлекают почитанием рабия образа паче Господня. Яко бо раб мнее господина своего, тако и образ его мнее есть Господня.

И аще кто зазрит ми в словеси сем и не восхощет сему моему воспящению поверити, то той да помыслит: аще кто приидет пред царя и поклонится ему в пояс, а от него обратясь рабам его поклонится83 в землю; и о сем всяк, зазряй ми, да помыслит: тот, поклонивыйся не по разуму, не приимет ли от царя гнева? Яве есть, яко вместо милости восприимет гнев и наказание, за еже обругал царя и честь его уничтожил. Тако и образ Божий презираяй, рабий же почитаяй паче Господня, разсуди в себе, какую от Бога милость получиши презиранием и снижанием святаго Его образа?

15. Еще же тебе, сыне мой, и о сем завещеваю, да не токмо изображения коего либо святаго, но и Самого Господа начертаннаго образа Богом да не нарицаеши, ниже в равенство з Богом образ Его счисляеши. Но видимому образу, по достоинству, видимую и честь твори, а Самому Богу невидимому - духом, и невидимою своею душею, и всем своим помышлением, от всего своего сердца, молитвы своя возсылай. Дух бо Святый чрез пророка и царя изъяви нам, яко жертва Богу дух сокрушен (Псалом 50, стих 21). То бо есть самая жертва, еже в молитве имети пред Богом дух сокрушенный. Многословием бо и витийством Бога не удивиши, ниже многим подаянием Бога одолжиши; но аще кто всем сердцем и всею душею Бога любит, подобне и единоверного своего, яко сам себя, и нужным людям в нуждах их помогает, и всякому человеку, яко другу, тако и недругу, добра желает, то тем может Бога должна себе сотворити.

И во церкви, чадо мое, стой, яко твердый столп; о стены не опирайся, но сам о себе стой; и ног своих не оттопыривай, и ногу за ногу не закладывай, но стой прямо и кротко; яко лред царем стой, со страхом. И аще и близ стены будеши стояти, отнюд не опирайся о ню, аще не немощен будеши. И стоя, на стороны не поглядывай: несть бо ползы в поглядовании на стороны, токмо пакость и молитве твоей препятие. И никого ни о чесом не вопрашивай, а кто тебя вопросит, не распростирай речей своих с ним, но всячески потщися прекратити их, дабы тебе, оставя молитву, в непотребные беседы не войти и моление бы свое не погубити. Во церкви стой яко на небеси, пред Самем Богом, и ни о чесом суетном и мыслию своею не размышляй, но токмо розмышляй о грехах своих, дабы тебе испросити у Бога прощение им, и подал бы тебе крепость, еже бы тебе впредь от таковых грехов повоздержатися. И еже в церкви читают или поют, то ты вся та во уме своем содержи, а иного, кроме воздыхания о гресех своих, ничего к церковному пению не примешивай. И по особым книжкам, по обы(к)новению Белорусцов и по обыкновению люторскому, особливого правила во церкви не твори, но, вшед в церковь, церковная и исправляй. А особая правила, елика восхощешя, отправляй вне церкви, в доме своем, или где ти ни случится, кроме церковныя общия службы; а вшед в церковь, церковная и твори.

Егда ты приидеши в церковь к литургии, то первее, по вышереченному словеси, отдаждь свещу первую церковнику, еже поставити ее во олтаре на жертвеннике, пред Агнцем Божиим; вторую таковую же свещу подай, еже у престола Божия поставити; презвитерам же подай каковый хощеши пенязь, дабы за тебя, и за жену твою, и за детей ваших, в жертву Богу за ваше здравие и за оставление грехов ваших84, вынял часть заздравную; а не худо, еже бы и за умерших ваших сродников повелел часть же вынять заупокойную. И пред святыя иконы, елико восхощеши, поставя свещи, стой, яво же выше рех ти, на месте своем, и кроме причины стой неподвижно, и слушай часов внимателно, и где приидут надлежащия поклоны, незабвенно все отправляй.

Егда же изыдет из олтаря диакон пред царские двери и начнет поклоны творити, то и ты вкупе с ним поклоны твори и глаголи в себе, в первой своей молитве, во время отправления тех поклонов: "Господи, посли святую Свою служителем Твоим помощь, еже бы им святая литургиа совершити в мире, без пороку". Егда же диакон или презвитер начнет ектению глаголати, то и ты словесем его последуй. Он речет: О свышнем мире и о спасении душ наших Господу помолимся, ты же в себе глаголи: "Господи Боже нашь, спаси нас". Егда же речет: О мире всего мира, благостоянии святых Божиих церквей и о соединении всех Господу помолимся, ты же в себе глаголи: "Господи, святую Твою Церковь во благостоянии утверди и нас всех соедини". Егда же речет: О святем храме сем и входящих в он Господу помолимся, ты же глаголи в себе: "Господи Боже, всех нас, во святый Твой храм сей вшедших, помилуй". Егда же речет о патриархе, ты же глаголи в себе: "спаси, Господи, и помилуй святейшаго патриарха нашего [имярека], или святейших вселенских патріархов"; а аще речет о митрополите, то и ты о митрополите моли. Егда же речет: О благочестивейшем Государе нашем Царе, и о Царицах, и о Царевичах, и о Царевнах, о всей полате и воинстве их Господу помолимся, то и ты в себе глаголи: "Господи, помилуй благочестивого нашего Царя Петра Алексеевича, и Цариц, и Царевичей, и Царевен, и всех присутствующих ему", и поклон. Егда же речет: О пособити и покорити под нозе их всякого врага и супостата, то и ты глаголи в себе: "Господи, даруй Государю нашему Царю85 победу и одоление на вся враги и супостаты его". Подобне и прочии ектении внимателно слушай, и о чесом он молит, о том и ты моли.

Егда же начнут пети трисвятое, и поюще рекут: Святый Боже, и ты глаголи в себе тожде, и мысль свою возведи на небо, и помышляй о Бозе Отце; егда же рекут: Святый Крепкий, тогда ты помышляй о Сыне Божием, Иисусе Христе; егда же рекут: Святый Безсмертный, и в то время в мысли своей держи о Дусе Святом. И тако творя, всю Святую Троицу, на небесех сущую, умом своим узриши. Егда же рекут: помилуй нас, и тем глаголом Трисвятая Троица совокупится во едино Божество.

Егда же имут пети прокимны, то и ты их же в себе пой и певаемая разумей, и мыслию своею воследствуй глаголанным словесам. Егда глагол идет о Господе, то и ты о Нем размышляй; егда же пойдет глагол о Пресвятей Богородице, то и ты о Ней же помышляй; егда же о святых апостолех, или о преподобных, или о мучениках глагол пойдет, то и ты о тыих же святых и в мысли своей держи. И о чесом каковый глагол ни будет, тако и ты во уме своем держи, с самым богомыслием.

16. Егда же будет начинатися чтение Апостола, то ты в начале слушай памятно, коего послания то чтение, и что будет читаемо, всему внемли, и мыслию своею вси глаголы глаголанныя постизай, и инамо мысли своея от читаемых глаголов во Апостоле не относи, дабы тебе слышанные глаголы памятны были86 и инем бы сказати ти мочи, что во Апостоле чтомо слышел еси. Паче же того буди бодр во время чтения святаго Евангелиа, дабы тебе не проронити и единаго глагола, тамо чтомого, понеже во Евангелии читаются глаголы, Самем Христом глаголанныя; и вменяй их тако, яко бы от самых уст Господних слышиши, како воследствующии Христу глаголы Его слушали. А кии человецы тогда Его Христовых словес не слушали и не внимали им, тыих всех Господь отвергл от Себя, и тыи преслушники вси погибоша. Тако и ныне, аще кто не внемлет Господним словесем, во святом Евангелии написанным, той человек от Бога отторгается и во власть диаволю впадает, и тако к вечней погибели низводятся. И сего ради ты, сыне мой, буди велми бодр во время еваягельскаго чтения, дабы тебе и единаго глагола не проронити. И ради лучшаго подтверждения, пришед к себе в дом, приищи тое евангелие, иже во церкви чтент, прочти ево про себя со вниманием, и аще у себя прочтеши не борзяся и со вниманием умным, то и впредь будет тебе оно памятно. Такожде и апостольское чтение, для совершенного памятования, у себя же в доме прочти и, прочет, памятуй чтомое. И тако твори по вся дни, егда во церкви будеши, и что чтомое услышиши, наипаче же аще во церкви далеко стоял еси и невнятно чтомое слышел, то со прилежанием дома прочитай и чтомому внятно внимай.

Егда же нбчнется ектения, то ты такожде всем глаголам, от диакона или от презвитера изреченным, возследуй и внемли, и о чесом он молит, о том и ты моли; и моли не просто, но с самым богомыслием, дабы твое моление касалося колен Божиих. А аще и будеши молитися яко вне ума своего, и о чесом молипшся языком, а ума своего в ту молитву не простреши и мысли евоея на небо к Самому Богу не возведеши, то ты будеши яко бездушный бубен: что гремиши, того и сам не ведаеши. Бог бо ту токмо молитву приемлет, которую человецы от всего своего сердца и от всего помышления на небо возводят с богомыслием. И етда начнется ектения о Царе, то и ты о Царе молитву дей и пред образом Божиим поклон за него по своему намерению твори. Аще бо во уставе и не положено, еже бы на ектениях поклоны творити, обаче от усердия своего, по елику возможно, годствует поклонитися за Царя своего, или и за иного кого, его же любиши и добра ему желаеши, дабы не единым духом, полюторску, поклонение ти Богу творити, но яко умом, тако и плотию совокупно с помышлением своим твори. А егда ектения о патриархе пуйдет, то и ты о патриархе моли; егда же о воинстве, тогда и ты о воинстве моление свое простри; егда же о победе на враги, то и ты о победе моли; егда же о умирении, тогда и ты о умирении. Егда же о усопших, то и ты о усопших молитву свою к Богу возсылай, и коих ближних своих сродников и друзей успших тут поимянно в мысли своей воспоминай, и поклон за них полагай. Егда же речется во ектении: о плодоносящих и добродеющих во святем храме сем, труждающихся, поющих и предстоящих людех, ожидающих от Тебе великия и богатыя милости, тогда ты глаголи в себе: "спаси, Господи, и помилуй раба твоего [сего и сего, его же ты хощеши, воспомяни]; [последи же тех имян глаголи:] спаси же, Господи, и мене грешного, и жену мою, имярек, и чад моих, имяреков87, и всех, во святей Твоей церкви и вне ея стоящих и ожидающих Твоея Божиея богатыя милости". И поклон един или три сотвори. По сему же и в прочия88 ектении вся глаголы глаголанныя, по вышеявленному же положению, исправляй, и ни единые ектении вне своего моления не пропускай.

17. Пришол ты в общественную церковь, с церковию и молись вкупе. И не токмо в собрании церковном, но аще и наедине будеши молитися, то и тамо подобает не о едином себе токмо молитися. Сам бо Господ Бог научает нас, како нам молитися, глаголя (Матф. глава 5, стих 16; Лук, глава 11, стих 4): егда молитеся, глаголите89: "Отче нашь, иже еси на небеси", а не Отче мой. И паки: "хлеб нашь насущный", а не хлеб мой; "даждь нам днесь", а не тако, еже бы рещи: даждь мне днесь; "остави нам долги наша, яко же и мы оставляем должником нашим", а не тако повелел, еже бы: и остави мие долги мои, яко же и аз оставляю должником своим. И паки: "не введи нас в напасть, но избави нас от лукавого", а не тако рек, еже бы: не введи меня в напасть, но избави мя от лукавого. Видиши ли, сыне мой, яко несть Божия повеления такового, еже бы человеку токмо о самом себе едином90 молитися, но повелел общественне молитися. И того ради в новой благодати повелено от Него, Господа, не токмо за друзей, но за врагов своих молитися (Матф. глава 6, стих 44). Того бо ради и повелел Господь общественне молитися, дабы происходила молитва от нас и за творящия нам пакости, всех бо нас Господь во единосугубие совокупил. Такожде бо и брат Господень, святый апостол Иаков, глаголет: молитеся друг за друга, да вси исцелеете (Иаков. глава 5, стих 16). Видиши ли, чадо, яко аще будеши не о себе едином, но и о других молитись, то и себе, и людем ползу содееши и любовь ко всем покажеши. А аще будеши о себе токмо едином молитись, то явишися ты самолюбец и Божию учению противен, и за единственную молитву не тако ползу себе получиши, яко за общественную. Понеже тамо друзи и недрузи и самые враги воспомянутся, того ради и милость Божию вящшую получиши. Прежде бо воплощения Христова, в ветхом законе, молились и глаголали: "помилуй мя, Боже", и паки: "Боже, милостив буди мне грешному". А в новой благодати повелел Господь не токмо за себя единаго молитись, но и за враги, всех бо нас совокупил Господь во едино совокупление. Тогда убо был токмо един род Еврейский, и нарицался един Израиль, и за враги своя тогда молити не повелено было91: ныне же от всех родов различных совокупил Господь во едино Свое усыновление и за врагов своих повелел молитися92. Того бо ради и молитись повелел общественне, такожде и прошение всякое просити общественне же, ибо повелел просити сице: "хлеб нашь насущный даждь нам днесь, и остави нам долги наша", и прочая. И сего ради ты, чадо мое, не буди самолюбив, но аще и наодине имаши молитися, обаче всегда и на всяком месте молись общественне. Вси бо мы удове Христовы, и сего ради аз не вем, како не обще Бога молити? Егда же стоиши во церкви, то и наипаче подобает всю свою молитву творити общественную. Иже во церкви и вне церквы стоят, за всех купно молитись подобает, дабы всем милость Божия получити.

Егда же нбчнется певаема быти Херувимская песнь, ты же во время того пения читай себе втайне в молитвенниках положенную молитву93; обаче читай ю общественне жь, а не на едино свое лицо. И читай ю тайно, и не токмо языком, но и губами не шевели [дабы людие не поставили тя в великого молитвеника]; но токмо умом своим читай, дабы никто ни видел, ни слышал, ниже разумел, что ты во время Херувимския песни твориши.